2019年6月7日 星期五

雪梨盛夏光年@Dorrigo

距離聖誕大節流流還有兩天,已預計商場店舖大部份都閂門休業去度假,當然就唔會去逛街shopping吃無謂閉門羹了,咁去咩地方hea最好呢?



基爾又唔太想全日hea在resort感覺有點浪費了這裏的藍天白雲美好時光,點都要出外走走才不覺蝕了機票錢吧!不如轉轉口味暫時遠離碧海沙灘,駕車個多小時深入內陸試下去行山又如何?上圖沿路會經過某些鎮仔,兩層高的老街建築很有點美國小鎮味道。



越駛進內陸就開始進入迂迴的山路和熱帶森林區包圍,同海邊沿岸的度假區又有很不一樣的感覺。幸好途中沒有太多外來遊客,所以也不會塞車,駕車很快就來到上圖這裏的Dorrigo Rainforest Centre……



中學時上Geography堂時也有讀過Tropical Rainforest,親身走進熱帶叢林又是另一回事,果然是「讀萬卷書不如行萬里路」吧!未入去行山之前當然要先去位於大門口的遊客中心走走,入面除了有例牌果類紀念品賣之外,仲有標本介紹森林內會有乜動物生活。



話明係澳洲,叢林內自然居住了好多當地獨有且唔同品種的有袋類哺乳動物,另外仲有好多羽毛色彩繽紛的雀仔標本,全部都好栩栩如生。值得一提,Dorrigo這裏的澳洲東岸雨林區早在1986年已獲UNESCO列入世界自然遺產,唔來真係唔知原來咁有名堂!



唔好講咁多廢話,立即起行入去這個世遺森林逛逛先!穿過遊客中心出口就已經是National Park的範圍了,澳洲人相當大器完全不收門票,迎面就見有條skywalk木橋一直伸延出去山邊,因為這裏有個觀景台可以一覽附近山林以至遠眺東面太平洋的沿岸靚景。



為環保起見,基爾連地圖也沒有拎,順手影了路旁的地圖作引路就算,沿路指示其實都好清晰不用擔心會在森林中蕩失路。比較失望是見到路邊還豎立了一個「Closure」的告示牌,原來走往Crystal Shower Falls的小徑因附近山洞和懸崖有落石危險而封閉了,看網上別人拍的旅行照片可見那裏原來有個水簾洞可以走進瀑布內,風景幾靚幾特別的。



咪以為熱帶雨林就一定係又悶熱又多蚊又濕立立,走在山林裏的小徑上其實反而比外面涼快(基爾都穿了長袖衫長褲),因為抬頭望向天幾乎都被密密麻麻的樹枝樹葉遮蔽了陽光,清風穿過樹林吹來時還有點涼意。看上圖令基爾醒起,有冇人去過烏蛟騰荔枝窩睇過那些「百花魚藤」?Dorrigo這裏的粗藤比荔枝窩還要壯觀百倍呢!



記得以前地理教科書裏講,雨林內的植物有好多層layers,地面除了恐龍時代已存在的蕨類植物之外,有幾十層樓咁高的大樹仲會長出比人還要高的板狀根,有時在老家行山時都會見過類似的大樹根。



看到不少枯樹頭都長滿了青苔,就知這裏空氣水質都非常潔淨無污染了。之前看遊客中心的簡介說熱帶雨林其實就是植物王國的天堂並沒有誇張,樹林內的生物多樣性完全不用懷疑(幸而在澳洲的樹林裏不用擔心有獅子老虎之類的猛獸出沒,附近也沒有沼澤所以應該不會遇到大鱷魚)。



沿住樹上木橋步道走,間中也會見到一些不知名的大雀散步經過(不太怕人),其中有條叫Satinbird Stroll和Lyrebird Link,好想看看真的琴鳥,可惜路上沒有機會影到。



原本如果行晒全條步道,仲可以睇到Tristania Falls等幾條瀑布,但為免基爾媽走得太勞累,結果只走了大約二分一路程就沿途折返了。最後在接近中午時份回到遊客中心隔籬的picnic area,預早已帶定麵包和吞拿魚罐頭之類,就在這裏先食個簡單lunch吧(食食下仲有隻大雀走過來覓食)。



食飽再駕車走多一段山路,因為這裏仲有處叫Ebor Volcano Landscape可以睇下,資料話這裏的火山地貌是2000萬年前已形成,當然早已不再爆發了,其實最主要係想來看看上圖這個Dangar Falls,離遠看氣勢真不錯,可能因為夏天雨季已到,瀑布水頭也很充足,這天走過雨林看過瀑布算是不枉此行了!

43 則留言:

  1. 回覆
    1. 唔知有冇人去採山草藥....:P

      刪除
    2. 請問山中有無澳洲土姑

      刪除
    3. 是菇菌類那些??
      有都不敢亂採吧:P
      我冇大夫咁學識淵博呢....

      刪除
    4. 這裏明顯不是民族文化村旅遊區.......

      刪除
  2. 澳洲嘅自然保護做得更加好、熱帶雨林好正!

    回覆刪除
  3. 靚靚, 瀑布真係睇到都舒服

    回覆刪除
  4. 地理已經俾番哂先生, 只記得中學時有讀過澳洲
    大樹參天, 遮住陽光, 我行時都要著外套

    回覆刪除
    回覆
    1. 係呀,記得好似中二成本地理書大部份都係講澳洲.....
      我都穿長袖,森林入面明顯較涼

      刪除
  5. 烏蛟騰荔枝窩那些「百花魚藤亅我有睇過。
    不用收門票真係慳好多,我們偉大祖國每個景點都要收昂貴門票。

    回覆刪除
    回覆
    1. 咁有無扮打韆鞦跳繩影張打卡相先wakakaka....
      其實如果係一些比較有歷史價值或者修葺得比較完善的旅遊區景點收入場費亦都無妨,當係幫助當地保育古蹟也是件好事!!!!
      最差係某些本身都無乜野睇普通公園一個,又無端端收人地百幾二百蚊就好鬼掠水feel囉!!!XXXD

      刪除
  6. 以為熱帶雨林就一定係又悶熱又多蚊又濕立立>>>鼻敏感又惹蚊嘅我真係咁諗呀!^^”

    個瀑布景好靚呀,尤其從咁高嘅角度影返落去!

    回覆刪除
    回覆
    1. 咁安全起見真係要搽定多啲蚊怕水先掂,同埋穿長袖衫褲穩陣啲...
      係呀我都係由觀景台望落去咋,如果夠腳骨力和時間也可行落去!!

      刪除
  7. 雪梨,盛夏?又近聖誕節,仔細一想,他們位處南半球,冬夏與我們相反。圖文並茂,👍

    回覆刪除
    回覆
    1. 多謝你,正盡力寫,當作是旅行紀念品吧^^

      刪除
  8. 大器?? 睇多兩次就明左。 英國所有的park都收錢了,泊車又貴。依家去郊外都變成高消費。

    回覆刪除
    回覆
    1. wakakakaka.....即係小器的反義詞吧:P
      噢原來如此,咁希望佢收咗錢就好好改善啲配套facilities啦!
      好彩大英博物館唔收錢^^

      刪除
  9. 有沒有看見那些野生「袋類哺乳動物」?如果我見到,實好開心。

    回覆刪除
    回覆
    1. 動物園有見過袋鼠樹熊果啲,野生就未見過
      這裏最多見係雀,有大雀有細雀....

      刪除
  10. 標本嘅動物有冇親眼見到?

    回覆刪除
    回覆
    1. 見到有雀,但不知是否琴鳥,雄性有長尾但䧳性沒有,似火雞在山邊樹林閒逛遊蕩:P

      刪除
  11. 港人真係好少機會一抬頭就見到密密麻麻的樹枝樹葉…
    雀仔標本有冇一種叫Zebra Finch的小鳥呢??森伯至喜愛的一種澳洲小鳥…

    回覆刪除
    回覆
    1. 見到密密麻麻的樓景多一點......XXXD
      幾靚喎,顏色比一般麻雀靚又夠colourful^^

      刪除
  12. 能夠走進熱帶雨林去遊逛,又看到瀑布,真是不枉此行了!
    可能時常都見到窗外有樹木之故,我變得很宅,像患了自閉症。要努力多出街走走。

    回覆刪除
    回覆
    1. 對,外遊時抽點時間去看看大自然風光也很值得呢....
      咁要多點出外走走,可惜近日天氣好似不太好,等好天時可以到外面逛逛呼吸一下清新空氣,人也精神一些^^

      刪除
    2. 舍下多窗,門外亦多窗,室內常開風扇,空氣很流通。
      當然與高山上的清風亦不能比擬。

      刪除
    3. 那就好,經常有新鮮空氣間屋也清爽醒神一點^^
      到海濱逛逛也讓人身心舒暢....

      刪除
  13. 咦~乜咁岩呀~你又行山呀XXXXXXD
    風景都好靚呀~~~~~
    最後個瀑布好值得睇!

    回覆刪除
    回覆
    1. 可惜近排天氣不太好,已下了好幾日雨,如果好天時又會有點熱,還是等秋高氣爽才去行山好一點...:P
      喱度我都覺得幾靚,去澳洲也是看大自然風光好,無得輸!!
      比日本果啲氣勢勁一點wakakaka....
      你的台灣之旅如何?有冇狂歡到?^^

      刪除
    2. 我係澳門都好耐無行~多數去旅行時先行~
      人家澳洲很大~風光自然比澳門多~
      你講上次一條線哥個下嘛XXXXD
      有呀~~吃吃吃的~

      刪除
    3. 外地行山感覺又完全不一樣呢^^
      澳紐也是地方大人口少,自然風景都比較天然無污染,值得一遊...
      日本果啲一條線係欣賞佢個意境多一點wakakakaka.....
      期待看^^

      刪除
  14. 哈哈,Rainfrost我就唔記得,我只記得Tropicana

    回覆刪除
    回覆
    1. 好甜㗎喎,我唔太like....XXXD

      刪除
    2. 我記得tropical rainforest, temperate forest, savannah果啲都有教過,幾有趣呢^^

      刪除