2019年9月10日 星期二

K11 MUSEA@尖沙嘴

上次行完Art Space,之後某weekend再順腳行埋過去以前新世界果邊,因為那裏有座重建後的新商場最近終於開幕了,唔知會唔會似以前Sogo或者東急果類百貨公司呢?



同樣是行地底隧道過去,感覺上比行地面方便。以前基爾除非是去太空館或藝術館或文化中心,否則都極少會蕩過來這邊,Sogo搬走了之後就更少來了,新商場開幕後這個weekend來逛逛似乎又見重現了「人氣」。



連接basement地下城的原來是個大型food court(另外仲有間高尚惠康),不過可能因為才開業不久,眼見不少攤檔仍未營業。唯獨是上圖遠處見有大群人圍觀,行埋去睇真才知原來是間機械人茶檔,有機械人即席表演沖奶茶都幾有綽頭喎!



基爾從來都不好這類茶檔所以都無幫襯,繼續四圍行陣。經過小酒吧之後赫然發現路有一座爛鐵機器無端擺放在路中心,還以為是附近的裝修工人忘記了沒運走。行近睇才知原來是展品,據告示介紹它原來是Grand Hyatt酒店用過的烘焙焗爐,已經有成三十年歷史。



行返上地面果層,先出去外面星光大道那邊逛逛,由海邊再回望返新商場大廈的外觀就長這樣!感覺都幾前衛而且有很多綠色元素……



唔講唔知,商場的新名字MUSEA,靈感原來是源自海邊的希臘繆斯女神(係咪突然覺得好有詩意)。商場本身除了是購物場所之外,也融合了藝術館風格,定期會展出一系列公共藝術品。



現時這個新休閒區還有個靚靚的新名字叫做Victoria Dockside,令人聯想到唔知係咪要同新加坡的Clarke Quay又或者雪梨的Circular Quay媲美呢?遠處已可見到人氣十足的MoMA Design Store,不過咪心急住都係留待一陣先再行過去吧!



行返入商場一時間忘記將手機調校返室內mode所以影到黑嗎嗎咁,其實這裏是位於Ground Floor中庭的Artisan Lounge,不少人在嘆下午茶感覺幾有五星級酒店的貴氣。



主力一向負責運吉兼巡場的基爾,繼續沿住扶手電梯往上走,很想先去參觀位於二樓的那個Gold Ball大騎樓地標看看,因為這裏是這個新商場內其中一個人氣打卡熱點。



咁喱個玻璃水晶球到底有乜咁特別呢?它除了是垂直懸掛於二樓和三樓的大露台外,也是放映藝術短片的小影院,而且是不收費的公眾空間,聽說將來還會有即場表演之類。



睇完巨型水晶球之後繼續往商場樓上走。扶手電梯口一上去就見到上圖這座怪誕城風格的藝術雕塑,唔通咁快就有聖萬節裝飾?



同場仲見有SpongeBob同佢個好朋友Patrick Star的壁畫,都見有唔少粉絲(不論大人細路都有)同佢地合照。



行下行下又蕩到去一間類似書房的地方,唔通又有藝術品展出?原來唔係……睇真先知原來係搭升降機大堂來喎!係咪有點哈里波特feel先?



最搞鬼係佢個升降機按扭原來就在書架上面這本書上,唔留意可能真係未必即時搵得到佢。參觀完個「書房」之後再出返去行商場,見其中有間專賣酒的店舖陳列出一set浮世繪酒都幾持別。



其他店舖就無咩特別了,除了名店之外好多其他商場亦有的慣見店舖,所以基爾都沒花太多時間去逐一逛。上圖是路經其中一間著名茶檔,門外同樣是有條長長的人龍。



始終對商場展出的玩味式擺設較有興趣,例如上圖的Ronnie Rabbit聽說很出名,基爾大鄉里還是第一次認識佢。再細仔睇這些藝術品原來好多都有價有市,這個雪糕兔仔標價要HKD$2600一個,喜歡前衛藝術的不妨買個返屋企床頭擺。



另一間比較特別的服裝店就是這間National Geographic!在基爾的字典中這名字仍停留在雜誌刊物的層面,原來今時今日已經進軍時裝界成為行山裝備的系列品牌,果然是行街都可以長知識了。



至於上圖這間買手作藝術品的店舖亦都幾多人入去睇,店門前這套美國太空人所穿的太空衣都好多人同佢打卡影相,不過就屬於非賣品;其他精品大多亦明碼實價。



再往上層走,就可以見到人頭湧湧的戲院Art House,聞說是UA的旗艦影院,裏面有12間影廳咁多,將來如果有機會或者真會買張飛入場看看,同外面其他貴價戲院有乜分別呢!



越行上商場的頂層,仍在裝修的吉舖就越多,或許再過多個幾月才可以全面開幕營業吧!而且現時大部份店舖可能才剛開業,似乎不見有什麼Big Sale優惠出現,見遊人大多都只是來視察場地多於購物而已。最後基爾在頂層影多張高角度靚相作總結,就鳴金收兵撤退了。



咪住!幾乎忘了行埋過隔籬果間好有人氣的MoMA Design Store。這間店之所以咁多人去朝聖皆因它來頭不小,據聞是來自美國紐約的Museum of Modern Art,香港這間新店也是亞洲最大的旗艦店云云。基爾來到時門外已有長長人龍輪候入內,咁算吧啦就在門外影張打卡相先,留返下次再入去參觀睇睇係咪好似人地話咁似Loft或者Log-on果類精品潮店!

65 則留言:

  1. 這座是尖沙咀星光大道海旁新起的高級酒店加商場,還未去過啊!

    回覆刪除
  2. 上星期六在尖東食野。。。
    途徑這新K11 Musea ... 才知道有這新地方!
    但無入去看看。。

    回覆刪除
  3. 好似都幾多野睇WOR..搵日肥人都去行下先~

    回覆刪除
  4. 新商場設計真係幾型仔,同平時行開嗰啲感覺好唔同。

    實不相暪,無乜文化氣息嘅我喺NYC經過MoMA都只係過門不入(羞)。

    回覆刪除
    回覆
    1. 叫做有少少玩藝術綽頭嘢睇下^^
      如果有機會去NYC都有興趣去參觀下
      唔知入場貴唔貴?

      刪除
  5. 旺角曾經有茶餐廳使用有路軌的女機械人侍應生,電視也介紹過,不過去年我路過旺角一街角,竟然看見女機械人侍應生被遺棄!
    所以,機械人即席表演沖奶茶,又不知道可以維持幾耐呢?!

    回覆刪除
    回覆
    1. 對!你講開我也有印象電視介紹過
      原來佢已經退咗休XXXD
      不過我估機械人的維修成本都好高
      壞咗都費事修理吧!
      我諗最初都係當作生意綽頭而已...

      刪除
  6. 拍得精彩呀! 自從市面出現亂像, 都成三個月冇去尖沙咀喇!
    好彩來你這裡看到了, 也可止渴吧! 謝謝你的分享!

    回覆刪除
    回覆
    1. 多謝!
      有空不妨去看看應問題不大
      也可等foodcourt開晒再去試試有乜特色嘢食^^

      刪除
  7. 你去時係咪仲係新XX三日香, 好多人呢?

    回覆刪除
    回覆
    1. 好似係剛開幕了個零禮拜
      那天是weekend一定多人啦!

      刪除
  8. 睇完你篇blog好似我親身行咗一次咁.

    回覆刪除
    回覆
    1. 見係同王子咁熟就收你五折機票價當做導遊費...XXD

      刪除
  9. K11開咗間用laser投影機既Imax戲院,遲啲要去睇吓.

    回覆刪除
    回覆
    1. 唔知係咪清晰好多螢幕大D呢?

      刪除
  10. 宜家都無左想行商場既欲望.........

    回覆刪除
  11. NYC MoMA 好多野睇,所以我都有興趣去睇下呢間精品店。

    回覆刪除
    回覆
    1. 阿摩原來有去過NYC!本身个城市應該都多嘢睇^^
      精品店如果閒日去應該不用排隊
      順便去新戲院睇場戲也不錯呢!

      刪除
  12. 我有很多朋友最近都有post K11 ,好似好多野睇。

    回覆刪除
  13. 經你介紹, 內容好豐富, 搵日我都去行下!
    其實這几個月我好少出街,哈!
    預祝您中秋節快樂!

    回覆刪除
    回覆
    1. 你唔嫌悶就ok了😅
      趁天氣再涼D咪出去郊外行下囉!
      祝中秋快樂團圓開心...

      刪除
  14. 之前有朋友介紹過
    呢個商場再重新開業
    藝術裝置似乎係呢個商場嘅賣點
    我都有興趣睇下
    但我最有興趣係隔離嗰間
    瑰麗酒店嘅自助餐
    據聞海邊嘅洲際酒店
    做到11月就結束
    再重新大翻新
    跟住用番原本嘅名稱
    Regent Hotel 麗斯酒店

    回覆刪除
    回覆
    1. 身體好返晒未?祝一切安好^^
      係有少少藝術味但唔太多
      都不妨一遊
      那酒店自助歺好出名?
      原來佢原本個名叫麗斯?!!!

      刪除
  15. 但係個商場好似好黑咁既~
    定係影出黎黑D咋?

    回覆刪除
    回覆
    1. 係咪好似博物館咁黑孖孖....XXD
      現場都黑黑地可能想sell有格調😆

      刪除
    2. 都係~~~~~勁黑~~~~XXXD
      但會令人好眼訓喎~~~~~~~~XXXXXXXD

      刪除
    3. 咁如果失眠就不妨去逛逛啦wakakaka....

      刪除
    4. 咦~又係喎~
      但係商場入面會訓得唔舒服呢~

      刪除
    5. 唔知會唔會有冇啲蛇王位?....XXD

      刪除
  16. 其實係咪都係K11,不過加了MUSEA上去,中文變了「購物藝術館」?

    回覆刪除
    回覆
    1. 我諗係同個老闆係咪?...
      都是宣傳綽頭啦叫做同普通商場多了丁點藝術

      刪除
  17. National Geographic我幾年前係印尼機場都初之看見,買咗件T

    回覆刪除
    回覆
    1. 基爾兄,中秋節快樂~

      刪除
    2. 原來如此....已經有出衫幾年呢!
      中秋快樂^^

      刪除
  18. 應該係全HK最有藝術感的商場,室外好有型
    中秋節快樂

    回覆刪除
    回覆
    1. 外型很有點綠色元素似森林....
      中秋愉快!

      刪除
  19. 你咁快去咗啦,我仲未開始寫🤣🤣

    回覆刪除
    回覆
    1. 咁你都快D寫睇下我有乜睇漏眼都好呀^^

      刪除
    2. 我影既相同你唔同🤣 到我放假, 你要等等我啦🤣🤣

      刪除
    3. 咁有冇去幫襯D食肆呢?^^

      刪除
    4. 食咗個靚靚蛋糕😋😋😋

      刪除
    5. 也不錯有收穫😉👍

      刪除
  20. 好耐無出過尖東,印象仍然是新世界中心的模樣,搵日出去睇下先

    回覆刪除
    回覆
    1. 好似迷宮咁分幾邊,頂層仲有個花園。記得去埋近海濱個邊既design shop. 遅D先去都得,宜家人山人海仲要排隊入場

      刪除
    2. King哥:不妨去巡下,聽說閒日也不多人可去食野睇場戲^^

      刪除
    3. 小月:對!上次去我也沒上去天台花園不知由哪裡上去呢?
      閒日去逛間shop應不用排隊吧?!

      刪除
  21. 自從星光大道改建之後,都好少出去尖沙咀了。
    相信香港藝術館都維修妥當好耐了。如果環境安定的話,出去行吓影吓都幾好。

    回覆刪除
    回覆
    1. 改建後又重開了都幾人來人往!
      藝術館外貌modern咗好多
      都期待看看裏面會唔會靚咗好多^^

      刪除
  22. 裝修得好有格調, 外圍波浪形裝潢都幾拓本, 適合啲潮人去! 我多年沒逛過了 ...

    回覆刪除
    回覆
    1. 你都有留意到,外牆的波浪設計係幾有特色,至少一望就認得出^^
      如果揀上午出去走走應該會比較少人潮呢

      刪除
  23. K11呢個構思幾好,行商場購物之餘仲可以欣賞藝術~~

    回覆刪除
    回覆
    1. 森兄完成了功課後應有多一點閒暇時間,不妨去走走
      好勁喎你,一次過回應晒咁多篇,看累了嗎?XXD

      刪除
    2. 份功課現在才叫啱啱開始咋,K11好耐前都有打算去~~
      都唔算好多,真係累時就點兩點驅風油撐住睇囉...XXXD

      刪除
    3. 唔駛急尖沙咀交通咁方便,將來都一定間唔中會路經,路經先順便去也ok
      依家當然要開足turbo集中精神搞掂份畢業功課先啦係咪^^
      wakakakaka....咁又唔駛咁誇,求其點兩點萬金油都可以XXD

      刪除