2020年2月7日 星期五

雪梨盛夏光年@Boambee Creek

在Coffs Harbour過了聖誕之後,來這裏度假的日子又差不多到了尾聲!話晒外遊一刻值千金,這朝同樣是大清早就醒來(這裏盛夏季節五點多鐘就天光),簡單梳洗後又到度假村外圍走走當作晨運。



度假村的外圍除了有Boambee Creek河流出海口的沙灘外,還有條不錯的Coastal Walk可以逛逛。聽聞沿這條行山徑一直行出去海岸邊的Boambee Headland,望出去的南太平洋無敵海景也非常壯麗。



就在checkout前一天的這個朝早(因為第二朝好早就要出發回程了),一於的起心肝行上海邊這個小山丘走一走。



這條Coastal Walk果然好方便又容易行而且沿途風景都好靚,不用半個鐘就行到上去Headland的觀景台,壯闊的沙灘海岸靚景盡收眼底,鏡頭下係咪即時會想起西貢的大浪西灣?



不過每次去西貢行赤徑大浪西灣浪茄去到萬宜來回至少也要大半天吧,而這裏的Coastal Walk由於好近resort所以即使行到身水身汗也可以火速回去沖個靚涼相當爽呀!



行山徑的盡頭可以看到茫茫的南平太洋,如果再早一點來或許可以看到咸蛋黃由海平線升起都唔定(因為由這裏望出海正好是東方的日出方向),相信幾日後的元旦清晨應會有唔少人專程來到這山崖邊看日出吧!



來早了幾天的基爾總算獨享了這處寧靜的美景,可說也不枉此行了。睇完靚靚海景之後又沿行山徑返到落去河邊沙灘,可能時間尚早,來划獨木舟、釣魚和玩水的遊人也不算多,讓手機可以留下這最塵世美的一刻。



回到resort沖個涼吃過簡單早餐後,又要找緊時間快快趣駕車出去Coffs Central這大商場逛逛,好好把握聖誕假後的shopping良機(順便去睇睇有冇減價貨掃一掃)。



可能始終是度假區關係,見商場內不少店舖都已復市重新開門營業。除了行超市外,也想去看看Kmart那間平民百貨公司。上次去美國有行過Costco但好似沒去過Kmart,原來在澳洲除了Target之外,也有好多Kmart分店(還要抽空去BigW逛逛買手信)……



自我感覺絕對不屬於shopaholic,但行了成個幾鐘當然也不會空手而回,結果買了Everlast背心(AUD$10)、Tee恤(AUD$10)仲有拖鞋(AUD$8),平成咁都唔買係咪有少少對唔住自己?唯有承諾自己回到老家後這個夏天都不用再去逛衫舖入貨了(暫時)!

47 則留言:

  1. 咁有無買手信俾朋友、同事?

    回覆刪除
  2. 外遊遇上好天氣,真係好幸運。 購物係好好的心靈治療呀!

    回覆刪除
    回覆
    1. 都係呀至少出外逛會方便啲啦^^
      買到心頭好也不錯
      回來要勤力啲揾銀wakakaka...

      刪除
  3. 回覆
    1. 這裏海岸風景確係不錯呢
      你來到應可影到更多靚相

      刪除
  4. 我旅遊的焦點不在購物,除了在香港未見有的,否則都願意在港消費。

    回覆刪除
    回覆
    1. 香港其實都幾好全世界好多品牌都可買到
      如本地有售就無謂拎咁遠啦係咪^^

      刪除
  5. 基爾嘅遊記真係超級深度遊,絕對唔會走馬看花,下一站會係邊呢?:)

    回覆刪除
    回覆
    1. 我都係短話長說希望不會悶親你XXD
      依家多留在家應不太多人想外遊吧

      刪除
    2. 之前看有日韓團幾百蚊有交易唔知有冇人去報團呢?

      刪除
  6. 諗到現在嘅雪梨同NSW bushfires and now hailstorms,希望無太大嘅損害。sigh

    回覆刪除
    回覆
    1. 最近看新聞話東岸連續落了幾場大雨
      應該可以撲熄大部份山火吧

      刪除
  7. 澳洲的陽光與海灘的確是無敵

    回覆刪除
  8. 景靚空氣好,渡假旅遊一流!

    回覆刪除
    回覆
    1. 所以也有不少澳洲人愛來這裏度聖誕新年長假吧^^

      刪除
  9. 良辰美景怡人
    價廉物美歡心

    回覆刪除
  10. 上到觀景台個景好靚~
    都唔算買好多JE~而且全部都實用野~幾好呀~

    回覆刪除
    回覆
    1. 上面風景真係幾靚而且又唔多遊人呢
      我都係咁諗呀wakakaka...

      刪除
    2. 我最鐘意景靚又少人~可以大影特影唔使避開D人~~
      所以放心買啦~~

      刪除
    3. 上次你地去蘇格兰高地D景點都似包場咁好正呀!
      如彩果陣有買啦!近排连出街都唔敢也莫講去睇衫呢😷😔

      刪除
  11. 開揚望海山路,超正。

    回覆刪除
  12. 整個旅程給我感到這裡很悠閒,寧靜跟香港不同~~
    集集見GAEL兄話到尾聲,轉過頭又有十幾集等住出...
    不過對我哋啲讀者兼博友來講都係期待嘅!!!

    回覆刪除
    回覆
    1. 係純粹去hea下無特定景點的關係吧^^
      咁又未必有十幾集等住出咁多喎!XXD
      希望唔會悶親森兄啦😅

      刪除
    2. 當然唔悶啦...都知gael兄寫blog近乎文青feel~~
      睇吓海,嘆個tea,已經可以寫幾集...

      刪除
    3. 到了這年紀要扮"文青"確實也不容易呢XXD
      事實上除了hea寫這些陳年旅程之外我也沒什麼好寫了😅
      為免要休blog所以無聊都盡量寫多幾集囉!

      刪除
    4. 森兄個鬍鬚look好似仲未登場喎😆

      刪除
  13. 咁靚既海灘都唔跳落去咁浪費~
    衣物真係好抵買:)

    回覆刪除
    回覆
    1. 又冇落去喎!
      唔知會唔會潮漲時會淹蓋了沙灘呢?
      這間百貨店真係幾抵買的

      刪除
  14. 去旅行我都鍾意行D Local的地方,細D的百貨公司、超市

    回覆刪除
    回覆
    1. 都係㗎!
      盡量想行下香港没有的店舖看看有冇特別東西可買^^

      刪除
    2. 尤其日本D細百貨店或百円店果类几多野睇

      刪除
  15. 睇風景唔洗一定元旦睇,其他時間睇都好靚!
    當然有日出就更加好啦!

    回覆刪除
    回覆
    1. 之前聽好多人特登元旦日去鳳凰山睇日出嘛^^

      刪除
    2. Key今年有冇去看日出?

      刪除