雪梨盛夏光年@回家

這朝大清早就要起床了，因為要搭早班機飛回家去，所以在酒店房簡單吃了麵包做早餐就坐車出機場。

記憶中Sydney機場出境沒有太繁複的安檢，9時前基本上都已經來到登機閘口附近了。見距離上機都仲有成個鐘時間，咁又四圍逛逛看看仲有冇乜特別的手信可買吧！



不過看來看去朱古力薯片零食之類都一早買夠晒唔諗住再買了，而其他磁石貼鎖匙扣原子筆袋鼠樹熊公仔等濕星野又無乜需要買，結果都係window shopping就算了。



幸好閘位附近都有好多座位，逛累了咁又坐低抖抖先，順便又看看手機裏拍下旅途中的照片稍作整理，方便之後寫blog作留念吧！



可能機場的登機橋泊位full晒，這次要坐接駁巴士出去再行樓梯上飛機，好似都好耐無試過，感覺幾有趣。回程航班是2-4-2坐位，咁可以坐窗邊睇下風景舒服自在好多。最後航機只delay了少少，十點半左右就起飛，順手影多張相同Sydney講聲goodbye，希望好快會再來玩玩！



由於是朝早所以完全沒有睡意，咁又係時候搜尋一下有乜心水電影好了。就先求其揀套沒看過的驚慄校園片看看。這套叫Down a Dark Hall的戲不知香港有沒有上映過，故事講有個反叛女孩被家長送去古怪學校寄宿的故事，情節沒什麼特出驚嚇位，女主角之前做過乜戲也沒太深印象，比較出名是Uma Thurman做古怪舍監一角。



之後還有看了不太新的Papillon，男主角是Charlie Hunnam有冇印象他拍過什麼戲？不過基爾向來對逃獄戲也只是一般般，基本上都係半fast forward半看半食下飛機餐又再望兩眼而已，沒太專心又沒有字幕的情況下就無謂再去仔細研究劇情了。睇完戲再看看飛行地圖，原來已差不多飛了一半路程，可喜可賀！



除了睇戲之外，維珍的飛機餐個人覺得也總算不錯（向來要求不太高）。十個鐘機程就只有lunch和dinner，由於基爾不吃牛所以主要就只選雞肉，午餐是烤雞和羅勒奶油醬配香草土豆、豆子和胡蘿蔔；上圖是臨落機前的晚餐（其實只是香港時間下午三四點不算太餓）有甜辣醬梅子雞肉配蛋炒飯，亮點是那個水果盒相當好味道。



傍晚五點幾落機，好快過了關又去等行李，順利坐機場巴回家都只是七點幾，夠晒時間落街食多個靚飯添喎！而寫了超過一年的雪梨盛夏光年旅程亦就此畫上圓滿句號。