廢話小說極短篇@比薩

「覺得好唔好味？」「OK la~~~~」
「可唔可以搵次答得唔好咁『行』呀？！」
「嗯~~~~咁呀，佢酸中帶三分甜，滑溜得來又好有口感，食落仲好有幸福的味道添喎！」
「#%@&………」

樹立在路邊的比薩旅遊地圖，是預示著人生的方向？

「喂，你覺得似唔似台灣果種好多圈好高的軟雪糕？」泰倫凝視著前面這座世界八大奇蹟說，「服左你……」在旁的基爾一面篤住手上的手機一面回應道。泰倫不耐煩的擰著頭，不以為然的說﹕「我服左你就真啦！花幾千蚊捱十幾個鐘飛機，山長水遠飛到黎比薩，都仲係只顧住篤手機check fb message！」


比薩大教堂旁邊的洗禮堂，外貌圓圓的像個cup cake

「係喎！你咪講過上次來意大利有奇遇的，係咪在喱度呀？」「你講遇到好心人果單野？」基爾幾乎忘了這件陳年往事。「係呀係呀！」額上大大隻寫了「八卦」兩個字的泰倫追問﹕「後來點樣？仲有冇聯絡？」「無呀，甚至電郵、facebook都無交換，果陣都未興……或許，真係咁有緣的話，自然會再遇上吧！」


斜塔始建於1173年，然而在工程開始後不久便由於地基不平均和土層鬆軟而傾斜，到了1372年完工時，塔身已傾斜向東南方

「幫我影張先丫喂！」「又係扮托塔果D相呀？好娘喎！」「唔好咩，個個黎到都影架喎！」「無D新意……」「你咁叻咁你黎喇！」基爾火速走埋去擺了個舔雪糕的甫士，泰倫立即以一記「作嘔」狀表情回敬。


告示牌上簡介將比薩斜塔「拗直」的龐大工程

「上嗎？」「上咩？」「上塔呀？！」「人地喱度咪寫住話個塔封左維修囉傻佬！」「……」「行下個廣場花園算啦！」


斜塔的基座，明顯是一邊高一邊低的 / 洗禮堂外牆的柱飾雕花非常精緻 / 在警車旁扮下野 / 廣場旁的紀念品攤檔，有各式木刻、版畫和木雕十字架售賣，不過價錢都幾貴


花園裏擺設了有很多大理石像，底部原來還有飲水用的水喉頭

The Piazza del Duomo
Also known as "Cathedral Square" is a wide, walled area at the heart of the city of Pisa, Tuscany, Italy. It recognized as one of the main centers for medieval art in the world. Partly paved and partly grassed, it is dominated by four great religious edifices: the Duomo (cathedral), the Campanile (the cathedral's free standing bell tower), the Baptistry and the Camposanto. It is also known as "Square of Miracles". This name was created by the Italian writer and poet Gabriele d'Annunzio.


建於1063-1350年的比薩大教堂，呈長方的拉丁十字形設計，外牆有古羅馬的柱飾，屬於中世紀時期意大利非常流行的羅曼式建築風格

在比薩大教堂一帶hea蕩左大半天，基爾似乎真係影極都仲唔想走，「喱度真係幾唔錯吧？！」「係就係，不過好似無乜食野地方……」泰倫左望右望都唔見有咩心水，「不如返出去睇下有咩食啦！」「好呀，不過唔好食pizza喇，食左幾餐已經好鬼悶！想試D新野……」


比薩的古城牆也很有歷史感

「如果每日都可以對住咁靚的日落就好了！」基爾set好晒相機的光圈快門，一定要將這刻燦爛的比薩日落save入腦海的SD卡裏。身旁的泰倫似乎也被迷住了似的，喃喃自語道﹕「如果每日放工都見到佢就好了~~~~~」基爾心想﹕「你就得，我邊有你咁幸福丫，搭正就可以收得工，仲可以去剃埋鬚添……」


日落比薩——Before Sunset in Pisa