2011年12月1日 星期四

TAVA@鯽魚涌

早前收到phone話友人終於搵到新工,仲係在基爾附近返工添!食探雖然都退隱左一排冇再出巡,不過都要復出同佢去巡一巡。


脆麵包一碗,附橄欖油一碟,內有意大利醋

話雖如此,基爾平日多帶飯所以都較少出外覓食,這次去的這間Tava土耳其地中海菜的餐廳其實都無去過,就入去試下,反正不用等位!


香草雞肉薄批

先來的是「前菜」——脆麵包一碗,土耳其人好似話係點橄欖油食的,不過基爾嫌太油膩(雖則話橄欖油不含飽和脂肪),所以最終無點過,但點左其他野。點左乜?容後開估……齋食飽太寡,襯托先來的這個香草雞肉薄批格外好味(可能肚餓關係),批皮不算太脆但肉味ok。


烤雞肉卷配薯條

烤雞肉卷好似之前食KFC定還是BK有食過,這裏的也不太特別好味,但仍算是average水平吧!


地中海烤雞排配白飯 / 土耳其茶,不太苦澀,幾清新

其實本來並不是叫這個main dish,是叫了一味魚的菜式,費事全部叫晒雞肉咁悶。點知,正當傾偈傾到雞啄唔斷之際(因為好耐無見),大家都無為意落錯單,好自然咁就一路傾一路食,到食完先記起好似唔係叫喱樣喎!算啦,好彩都幾好味……


三味醫﹕(左起薄荷醬、辣醬、蒜茸醬)

最後講講桌面這3種醬料,比較愛點左面那樽薄荷醬,佢本來係用來點羊肉羊排為主的,基爾喱次雖然無叫羊扒類菜式,但點雞肉也不錯;中間的辣醫不算太辣,辣椒味屬於慢慢滲出那種;蒜茸醬有很濃蒜香味,用來蘸薯條別具sour cream & onion chips風味。


廳餐裏其中一面牆有一座擺滿土耳其工藝品的飾櫃 / 送土耳其茶的軟糖

值得一提的是上圖這3粒放在一個很精巧的雕花銀碟上的軟糖,由於它是在餐後與土耳其茶一同上台的,大鄉里的基爾最初還以為是用來放進紅茶裏的方糖,正當想用茶匙將其中一粒一分為二之際,才發覺原來佢係軟的,食入口有很濃的牛奶味,也有點碎果仁在裏面,不知為何突然記返起小時候食過的的「結漣」,味道如出一轍!
 
TAVA Turkish & Mediterranean Cuisine
鯽魚涌海光街10號地下

4 則留言: