2013年2月7日 星期四

安迪華荷永恒15分鐘@藝術館

新年前點都係要拿拿林清舊貨替喱次「巡館記」埋尾,探完凱撒之後再過去藝術館會一會Andy Warhol。



其實基爾對Pop Art也不是太認識,不過就好想去睇下毛像和夢露,所以即使要買飛入場都要去睇下。



門口喱幅牆貼滿以往在藝術館舉行過的展覽poster,咁樣砌晒出黎又幾靚喎!



可惜張飛唔係用夢露或毛像做裝飾,如果唔係更值得收藏,不過上去藝術館果條扶手電梯就裝飾得幾靚幾迷幻,未入館已經感受到一陣Warhol味。



地下大堂有喱幅巨型宣傳展板,在這裏影左相之後可以在右邊的長方格顯現,仲會幫你「化埋妝」上埋色,將你變成另一個夢露……好喇轉個頭已經睇完要走了,大家無聽錯已經睇完架啦!因為場內係唔可以影相的,所以今次唔可以在基爾個blog睇過便算,有興趣就真係要親身去睇先得,哈哈……



不過值得一提是,一連4、5幅一組的夢露像比基爾想像中大幅,並排展出來真的好宏偉好有氣勢,齋去睇喱組畫已經值回票價,如果要飛去美國Pittsburgh睇就貴了。



除左睇夢露之外,當然仲去埋睇毛像,聽聞之前新加坡站係冇毛像展出;另外伊利沙伯泰萊和金寶湯那幾幅也是必睇的Warhol代表作;不要走漏眼的仲有正門內果間裝置藝術玻璃房「銀色雲」,吸引到唔少大朋友小朋友入去玩。



由於唔駛花時間影相,可以專心睇野,所以兩個展廳夾埋行左只是個幾鐘而已!之後見仲有時間就行埋過去海港城,因為之前在家中執床下底時赫然發現了一張久遺了Page One coupon,原來大拿拿有成$200,結果買左上面喱兩本書都仲未用晒,還有$32剩,不過都唔知仲可以買乜,唯有留返第時再用啦!



摷床下底時仲發現另一樣野,就係上面喱套秦博士文具盒,其實除左放萬字夾之外都唔知可以放乜。

2 則留言: