菓一道健康餐廳@銅鑼灣

星期六收左工通常都好少再四圍去，不過喱日舊同事相約去飯聚，就拖住疲乏軀殼去赴會吧！

地點選擇在銅鑼灣，舊同事E﹕「諗住食咩？」舊同事T﹕「你地話事啦！」基爾﹕「唔知喎……好少去喱一頭，怕人多！你地決定啦！」（費事渣主意一陣唔好食畀人話……沉默中）舊同事E﹕「我近排想食清淡D，不如去果一道吧！」基爾﹕「即係邊度？！」「食健康餐的……」「好提議，我未食過，唔好諗咁多就去試試！」



上到去利舞台7樓，其實就好似幾間食肆聯營的food court一樣，坐位都是開放式的，難得星期六晚都無咩人，完全唔駛等位，不用考慮就坐低了。除了素食外原來仲有唔少選擇，都係sell糙米飯之類的有機天然營養餐，加$20仲可以變套餐，有埋餐湯麵包（是日南瓜薏米湯+黑芝麻包）和餐茶。Main dish方面基爾揀了「白酒紫蘇蟹拑肉炒墨魚汁麵」（右下圖 $55）；另外舊同事揀了「板煎挪威三文魚扒配三色糙米飯」走糙米飯換薯菜（右上圖 $78），算是食得健康之餘都幾好味的一餐。

 

菓一道健康餐廳 Fruit Stop Health Food Restaurant
銅鑼灣波斯富街99號利舞臺廣場7樓A店