2013年10月22日 星期二

2Q12瀛遊東北@最終章

「醒來時沒想起來身處什麼地方,記憶變成一個窄小、有著四個角落的純粹空箱子,箱子裡放進的是空白。環視著這片空白,可是一看那並不是空白,而是一個微微昏暗的房間,空蕩蕩冷冰冰,沒有一件傢俱。不認識的場所,旁邊的報紙上還有一隻吃剩的蘋果核。頭混亂了,怎麼會在這麼奇怪的地方呢?」



旅程來到最後一天(其實只剩大半天時間在東京),尋日講過話喱朝要一早起身落去酒店樓下的新宿中央公園晨運,所以點都要去行一陣。



可能因為太早(大約7點幾),落到街都唔見附近的辦公大樓有人返工,條街好似禮拜咁靜蠅蠅。酒店同公園其實只有一條「公園通」大馬路之隔,行過去都唔駛10分鐘。



可能尋晚落過一場大雨,今朝的空氣特別清新,朝陽下的公園裏還瀰漫一陣青草氣息,仲唔快D深呼吸多D負離子?!公園遊樂場的滑梯好似幾刺激,可惜濕左唔玩得。



行冇耐見到喱位叔叔來餵貓,可能佢已經來慣來熟,幾隻唔同色的流浪貓一見到佢就飛撲出來開大餐,看似完全唔怕人。



日本的公園也特別有藝術氣息,經常可免費睇到唔少藝術作品,上圖左的雕塑名為「燮」,右上坐著的叫做「瞭」,唔知係咪大師級作品呢?



今次在青森的奧入瀨和十二湖看了那麼多瀧(瀑布)和湖泊溪流,睇靚景都已經睇到有少少麻木,怎知來到東京新宿的公園裏仲有喱個人工的「白絲之瀧」睇。



之前成個禮拜睇慣左天然靚瀧後,再睇新宿喱個人工瀧真係有少少……幸好在和煦的晨光中泛起了閃閃金光,影出來都可以加返少少分吧!



喱隻黃貓剛剛才見佢同伯伯開大餐,喱頭已經來到瀑布邊,食飽後就來躺躺貴妃椅晒太陽,做日本的街貓其實都幾嘆世界架喎!



在「水之廣場」旁邊原來還有個秘密小花園,雖然已經係10月底的深秋季節,依然有唔少花開,仲打理得幾好。



部機雖然咋咋地,但都影得出少少景深!可能落完雨關係,花的顏色都幾鮮艷。估唔到一個東京鬧市裏的公園都有咁多野睇,早點起身來晨運都值得。



見時間尚早一於行返出去新宿站附近的小田急百貨店,盡最後努力掃下貨,由於無乜特別野想買,就去睇下地庫的食品超市吧!順便睇下有咩野食醫肚……



始終都係賣海鮮魚生檔最吸引,真係乜蟹乜魚生乜八爪魚乜海膽都有得賣而且價錢仲幾平,唔知係咪因為D人怕輻射唔敢買所以咁平呢?



行完買完再出去行下街,之前一晚由於落大雨無乜心機行,喱朝早太陽出來了成個感覺唔同晒。一路行見返尋晚食過的大戶屋,仲有坐位好鬼逼的麥記,行行下又見到喱間香港都有的10分鐘齋剪理髮店,不過竟然要成¥1000,香港一般只須$40-$50,平好多!



前一晚基爾太累,食完飯就返酒店沖涼休息睇下電視就訓覺,聽友人講原來佢仲有去上面喱度行一陣,朝早來到其實無乜野睇,夜晚唔知有咩唔同呢?



由於朝早只係食左個包就去晨運,行左咁耐都開始有D肚餓,就去食個early lunch吧!諗來諗去不如就試下去喱間東海苑食韓燒。



由於是樓上舖,初頭都擔心會唔會又係好逼好細,點知上到去都有D驚喜,可能由於只係11點幾仲未到lunch時段,可以有個小偏廳坐下,唔駛再同人背貼背咁辛苦,而且食店採用半自助式設計,沙律前菜和泡菜、餐湯、飯、冷盤和甜品都可以任裝,對於已經餓到暈的基爾來說實在最好不過!



先叫了幾個比較平價的牛肉豬肉雞肉定食,雖然係叫做set lunch但一D都唔算行貨,份量也很充足!仲講咁多,拿拿林去燒啦……



叫了幾個定食之外,仲叫左喱個貴野──雪花和牛,單單睇個樣都知道幾堅料吧!基爾雖然唔太食牛,喱次都要破戒食左小小試下,真係非常得喎!



平時基爾在香港都比較少食韓燒,因為怕食完後件衫一陣味,不過今次喱間通風設備好就唔覺個身有味。最後食埋個豆腐花甜品,韓國人食豆腐花原來興切粒的?埋單計都係¥7960,真係抵過香港食韓燒喎!



食飽都差不多成1點鐘,都要加快腳步返酒店check out。由於酒店有專車直出成田機場(¥2300),所以都費事拖住行李四周圍去搵機場巴士站(若搭機鐵要先去東京站轉車同埋要¥3000)!由於行高速公路(沿途仲可盡覽東京灣靚景,見到東京鐵塔和新的Skytree),未夠3點半已經安抵成田機場機。



Check-in寄埋行李之後仲有大把時間剩,就兩手fingfing四周圍行下用埋剩下的yen。機場入面原來都幾多餐廳,不過剛才的韓燒食得太飽所以就無再去食喇!



成田機場原來都有幾多唔同種類的店舖,幾值得花時間慢慢行下,唔似得香港機場來來去去就只得果幾間名店和連鎖店悶死人!有幾間賣野食手信和紀念品的也不會開天殺價,定價同外面市區店舖其實差不多,要比十個讚。



喱盒巨型高達只係賣¥2500,即時令基爾兩眼放光,應該比香港平好多吧!不過實在太大盒,唔係好方便hand carry上機,都係睇下就算了!



上面深灰色一盒盒包裝到咁典雅,最初仲以為係雪卡或煙,睇真原來係蛋卷,15條要成¥1050,比澳門果D貴好多,唔知係咪超好食架呢?!木村手中的新相機就同香港差不多價錢。



在成田機場hea蕩兩個幾鐘後終於可以上機,回程5個鐘機,都係睇下有乜戲做先……最終揀左睇《吸血鬼獵人﹕林肯》,邊看邊吃花生飲蘋果汁時,突然令基爾回想起在青森吃的美味蘋果;記得去程時飛機餐有Haagen Dazs雪糕,點解回程的甜品只有金莎!



飛機10時多到達,拎完行李過埋關剛好有機場巴士,三步夾埋兩步飛奔落去巴士站果然趕得到,約11:30pm安抵家中,又完成一次很美滿的旅程!

95 則留言:

  1. 回覆
    1. 如果有人請食的話, 我都唔驚嘅XXD

      刪除
  2. 七點幾就出動,好早耶。。。 zzzz....

    回覆刪除
    回覆
    1. 次次都好早,唔知點解,可能生保床通常都訓唔慣

      刪除
  3. 去架國行公園唔係路啦,應該去歌舞伎町見識下先係架嘛!

    回覆刪除
    回覆
    1. 下次靠毛姐帶我去見識見識先得XXD

      刪除
  4. 其實你去咗幾多日,㸃解寫極都未完咁。唔好誤會,你寫得好好睇呀!

    回覆刪除
    回覆
    1. 8日而已,喱篇最終章啦喎 :P

      刪除
  5. 我上次去東京,夜晚都有去 歌舞伎町 見識見識吓...
    btw...不過真喺要小心D錢包,果次同D friend見到垃圾箱旁有個名牌嘅空錢包,內裏D錢緊喺無晒喇!:((

    回覆刪除
    回覆
    1. 嘩,好少聽日本會有打荷包事件喎,通常治安都好好
      不過人多地方始終都係小心跟身財物好一點

      刪除
  6. 每一處地方的早晨,都有不同風貌。我也慣早起去看看,去體驗異地風情!

    回覆刪除
    回覆
    1. 咁阿摩有冇試過有奇遇 / 艷遇先^^

      刪除
  7. 回覆
    1. 我旅行來來去去都係果幾度,好快揭曉^^

      刪除
  8. 周圍去, 真羨慕. 你是否開旅行社?

    回覆刪除
    回覆
    1. 如果開旅行社成日要睇舖未必可以周圍去架喎XXD

      刪除
  9. 喱個係咪上年年尾旅行,睇嚟你仲係好唔捨得,快D plan下一次trip啦

    回覆刪除
    回覆
    1. 係呀上年十月底去,寫網誌係諗住留下一點回憶做紀念吧了
      已經去完返黎啦^0^

      刪除
    2. 靜雞雞咁去完返嚟添,鬼馬啦你⋯!^_^

      刪除
  10. 明年4月左右将前往东京:) 继续查阅你的文章...

    回覆刪除
    回覆
    1. 玩得開心d
      我東京都唔係去左好多地方咋,留返d下次先去 :P

      刪除
  11. 呢個引子好特別啊!為你的瀛遊東北@最終章加添了. . .氣氛

    回覆刪除
    回覆
    1. 多謝你!!!!
      希望你看得開心\(^0^)/

      刪除
  12. 我都覺得遊樂場既滑梯幾正~相信幾好玩咁!
    ~雪花和牛~...正!...
    但海鮮就要小心~輻射,

    回覆刪除
    回覆
    1. 係呀,仲可以用黎玩滑板
      喱間韓燒唔錯,而且仲幾抵食
      我平時都好少食魚生,不過去到日本都食少少啦^^

      刪除
  13. 飛機場多d店舖可以消磨等機時間,唔駛咁悶。

    回覆刪除
    回覆
    1. 最重要係佢地乜店舖都有,唔係只得名店咁悶

      刪除
  14. 一個旅程的終結, 又是另一個旅程的開始~~~

    回覆刪除
    回覆
    1. Bingo~~~~森兄寧舍醒,咁都畀你估到^0^

      刪除
    2. 咁...幾時有新旅遊Blog睇呀??!!

      刪除
    3. 執緊D相, 森兄畀少少時間我 :P

      刪除
    4. 希望今次有景又有人,期待⋯

      刪除
  15. 基仔旅行都咁他條,食得瞓得咪肥左返港囉!哈!

    回覆刪除
    回覆
    1. 唔會啦,去旅行行得好金,消耗晒 XXD

      刪除
  16. 您好,好耐沒有來探您,我的blog已經搬好了,有空過來探我。
    其實您是在日本那裡作起點,去了幾多天,分享下等我第日有得參考,謝謝

    回覆刪除
    回覆
    1. 嘩咁快手0既你,我仲未搬晒,看來要再快手少少了 :P
      喱次係由東京入,再搭JR北上青森秋田岩手和北海道的函館,去了8日而已。
      咁你幾時又出發?諗住去邊玩下?^^

      刪除
    2. btw, 你新網誌的address在哪裏?

      刪除
    3. http://chanking1977.blogspot.hk/

      刪除
    4. 今年應該無時間,明年想去日本

      刪除
    5. 去日本自駕都好方便,而且仲唔駛成日就JR時間表咁煩,正呀
      不過會果駕雪地要小心一點就無問題

      刪除
    6. 都未決定去日本邊度,有無推介呀

      我都試過係北海道雪地揸左兩日車,有D經驗

      刪除
    7. King: 如果你地喜歡睇大自然風景,不妨去中部的立山黑部、白川鄉;不過如果看櫻花和古蹟始終是關西京都奈良有氣氛D!
      你有經驗就OK,去旅行都係求開心,自駕都要安全為上啦^^
      btw, 我剛去了立山黑部回來,正在整理照片,有空就盡快寫返少少網誌留下回憶!

      刪除
    8. 我覺得立山黑部一生人一定要去一次,等您遊記

      刪除
    9. 我諗如果夏天去會行得舒服一點, 今次深秋去山頂已經好大雪

      刪除
  17. 早起的雀仔有蟲食⋯基哥哥有晨早比人睇得多得益更多!!

    回覆刪除
    回覆
    1. 我喱d老人家唔訓得咁多丫嘛XXXD

      刪除
  18. 東海苑個名好HK FEEL
    由7點幾玩到11點幾,真係玩到盡
    原來機場都咁多好多睇~~

    回覆刪除
    回覆
    1. 我都覺幾有親切感^^
      直情累到爆,唯有返工先可以抖下XXD
      對,成田機場0的shop都幾好行的呢

      刪除
  19. 你碟和牛, 見到都流口水....
    我 set 左簡介度 show 追踪網誌, 咁應該會 show 到條link, 你睇下黎唔黎度我度?!

    回覆刪除
    回覆
    1. 魚﹕喱碟真係唔錯,在日本好似好少食到唔好食的和牛似的^^
      好呀,我都試一試bookmark定先,自從yahoo blog鳥獸散後唔係咁容易重新聯系大家><

      刪除
    2. 魚﹕原來你都幾飲得喎!不過正如你所說,西九的空間好似大一點,可以hea坐下草地。酒我麻麻,不過我都幾鍾意ice wine,佢其實似果汁多過酒!
      btw,好似食品吸引過D酒喎^^,雪糕係咪啤酒味雪糕?

      刪除
    3. 飲得 ?! 你被我的文章騙左啦 !
      之前先提到我係唔飲得架, 好少就睡魔 CALL 架啦 ~

      刪除
    4. 魚: 不過正如你所講, 食少少野打底係好D嘅

      刪除
    5. 咁樣野餐都幾正, 不過驚唔驚動物走來搶食^^

      刪除
    6. 魚:連ironman也去盲俠行, 很型^^

      刪除
    7. 哈! 你係呢邊留這咁搞笑的 !?
      你之前有係我度留過架, 又 login 唔番咩 ?!

      野餐附近冇乜動物出没, 都 ok 的...

      刪除
    8. 魚:係呀唔知點解試過幾次都唔得!
      你會唔會考慮也在blogger擺一個節錄版本^^

      都幾驚猛獸聞到香味過來搶食XXD

      刪除

    9. 你試多一次丫, 我睇下會唔會被 SPAM 左.
      唔得, 就要搵朋友跟進一下 ~

      刪除
    10. 成功啦 !! 萬歲 ~~~~~ X)

      刪除
  20. Gael,行程好豐富,下次去日本真係要去東海苑食韓燒.

    回覆刪除
    回覆
    1. Andrew: 喱間在新宿,歌舞伎町再行過少少,是樓上舖但應不太難找

      刪除
  21. 引子的文字很吸引喔, 加分!!!
    日本美食YUMMY......

    回覆刪除
    回覆
    1. Longbell: 係呀,我最近經常看他的作品,覺得他的情景和心理描寫很到家很值得學習,難怪經常被視為諾貝爾文學獎的熱門。你旅行時會唔會睇0下小說?可以打發0下漫長的乘車時間^^
      btw, 日本好似真係好少食到難食的東西0架!

      刪除
    2. 我最近經常看他的作品,覺得他的情景和心理描寫很到家很值得學習,難怪經常被視為諾貝爾文學獎的熱門。>>>可否告知是誰人的大作(書名)???

      試過帶,但時常見都早出晚歸,沒有時間看。所以我現在旅行不帶書籍了。(帶LP已經夠重了~~)

      刪除
    3. Longbell: 是村上春樹!
      以前去旅行若搭長程機, 都會帶小說看。以前年代飛機的娛樂設備較簡單, 如果套戲不好看或已經看過, 就會很悶; 依家當然好好多, 周時有好多不同電影和劇集選擇, 還可打機!

      刪除
    4. 原來是村上春樹! THANK YOU!!
      明天有時間到圖書館看看....

      刪除
    5. N年前看過《挪威的森林》, 年紀大, 內容現在都忘掉了!!

      刪除
    6. Longbell: 村上春樹的小說在圖書館都幾搶手呀, 我現在正在看海邊的卡夫卡, 但只看了上冊, 下冊還未借到呢
      挪威的森林也拍過電影, 不妨在網上找找看^^

      刪除
  22. 雪花和牛睇見都開心 , 雖然我唔食牛的 , 但咁靚我諗都會破例試一口 .

    回覆刪除
    回覆
    1. Ms.AK: 係呀我平時在港都不食牛肉,但通常去到日本就會間中破0下戒^^

      刪除
  23. 去日本當然要食和牛,
    食完包你以後都食牛。 ^_^

    回覆刪除
  24. 我和朋友在歌舞伎町比人查身分證(Passport).....
    可能樣衰! 哈哈哈....

    回覆刪除
    回覆
    1. 異鄉人: 咁遲先來同我相認XXD
      可能差人叔叔以為你地唔夠秤啩 ^0^

      刪除
  25. 海鮮魚生檔同高達都好吸引呀!!

    回覆刪除
  26. 果然位處北方比較有利,十月底便三色堇便開心。我們要十一月才可以開始播種。去年播種失敗,不知今年能否成功!

    回覆刪除
    回覆
    1. Hermit: 種出來的話記得影來看看
      近排有冇去逛花墟?

      刪除
  27. 流浪猫与老人之间因为食物和陪伴建立了信任, 我总很欣赏这简单的爱...

    大户屋前阵子去了这里的 :P

    雪花和牛看起来好好吃!!!!

    回覆刪除
    回覆
    1. Angel:可能老人每天都來, 所以建立了信任和友情吧
      大戶屋好似都幾多分店的
      這間韓燒真的不錯, 平靚正^^

      刪除
  28. 回覆
    1. 未去過輕井澤, 不過天然的我諗一定靚D

      刪除
  29. 我無食牛肉好多年,都敵不過日本的和牛破左戒。

    回覆刪除
    回覆
    1. Choa:哈哈~~~~去旅行食一次半次都無所謂啦,平時我都唔食嘅

      刪除
  30. 男人愛高達
    女人唔明白

    anyway, thanks for your all comment!

    回覆刪除
    回覆
    1. 祖:咁都公平嘅,男人好多時都唔明好多女人嘢,都一樣啫^^
      btw,希望不會太打擾你:P

      刪除