2013年10月18日 星期五

遺忘的唱盤時光@徐小鳳

自從「愚公移山」工程展開後,因為已用晒時間來搬blog,寫新blog只能維持「限定供應」……Anyway,來到這間新店還未寫過老餅CD,既然blog友提起小鳳姐,就一於將佢作為新開始。



在基爾記憶中,有收藏過的小鳳姐cassette或 CD專輯就只有兩隻,其一是1988年寶麗金Polygram推出的翻唱國語老歌經典專輯《別亦難》,小鳳姐資歷深厚唱喱類歌一定駕輕就熟無難度!基爾最喜歡點題歌曲別亦難,歌詞來自中學時一定讀過的唐詩、李商隱的《無題八首‧其一》:「相見時難別亦難,東風無力百花殘。春蠶到死絲方盡,蠟炬成灰淚始乾……」

小鳳姐沉厚的聲線完全演繹出這種老歌的神緒和韻味,除了她之外,蔡琴和梅艷芳也極擅長唱這類老歌,事實上《別亦難》專輯裏的藍與黑、三年、月光小夜曲、不了情、南屏晚鐘和今宵多珍重等等,她們都一樣翻唱過多次,而且水準都非常高!



可惜《別亦難》這盒帶後來因為發霉而掉了!為了方便收藏,基爾其後再買了上面這張雙CD精選碟、2000年由環球發行的「一雙情緣徐小鳳」,這張雙唱片集幾乎網羅了她80年代大部份hit歌,包括風雨同路、一臉紅霞、城市足印、婚紗背後和無奈:「我本想跟你淡然去,無奈此去不易,看著我一臉茫然,與眼中困惑,你不忍轉身去……」

除了熱門hit歌之外,基爾特別欣賞碟中的幾首半冷門歌,包括一縷情絲、依然、誰又欠了誰、夢飛行、變色感情,以及1990年的這首雙城記:「置身於大時代之前,嘗盡每次變幻每每失眠;讓這張印著往事依稀的嘴臉,懷著一眶眼淚傷心串串……」向雪懷和潘源良合寫的詞,確實是歷久常新!



基爾也很喜歡「一雙情緣」這個雙CD專輯名字,除了徐小鳳之外,這個環球系列同年還出過關正傑、譚詠麟、李克勤、黎明、關淑怡、陳慧嫻等等,不過基爾就只買了徐小鳳這張。秋冬季節來臨之際,基爾特別推介碟中的冬和深秋立樓頭:「尚記彷彿早春一片羞怯地默認,深秋立樓頭半淚盈,夜裡忱邊憶過去,猶念及卿一句,無意中下愛念恐怕心碎……」湯正川寫的詞不算多,這首相信是代表作之一。其實歌詞寫得簡簡單單也可做到情景相生且有詩意,太艱澀別扭的修飾反而失去了感染力。

40 則留言:

  1. 我都有一盒小鳳姐的帶,是細時買來送比mum 的。

    回覆刪除
  2. 你同你一樣,都係做緊'愚公移山"這項偉大工程! 加油!

    回覆刪除
  3. 回覆
    1. 把聲好特別好有style,佢一開聲基本上一定認得係佢

      刪除
  4. 小鳯姐經典嘅波波裙....hahaha....

    回覆刪除
  5. 小鳳姐的歌,我的三甲:隨想曲、黃沙萬里、人似浪花

    回覆刪除
    回覆
    1. 阿摩唱k有冇唱過呢~~~~\(^0^)/

      刪除
    2. 渴望是心中富有,名和利不刻意追求.......

      刪除
  6. 多謝你!别亦難一碟的確做得好,配樂有原味,我也喜歡藍屏晚鐘及三年。
    最喜愛sidetrack有深秋立樓頭,雪後有雪風,意境好正。

    回覆刪除
    回覆
    1. 以前d歌手好多時都會做喱「概念碟」,我覺得都幾特別,值得一聽!藍屏晚鐘和三年,蔡琴也唱得不錯,年輕一輩歌手好似唱唔返喱種老歌韻味!
      深秋立樓頭的melody我覺得幾輕快幾好聽,有別一般比較慢板的秋冬歌。

      刪除
    2. 一轉季就諗起小鳳姐嘅風的季節,涼風輕輕吹到悄然進了我衣襟,夏天偷去聽不見聲音⋯
      基爾介紹的都是基仔的心水!

      刪除
  7. 順流逆流既歌詞, 曾經令我開竅^^

    回覆刪除
    回覆
    1. 你受過好多「每顆冷漠眼光」咩XXXD

      刪除
    2. 唔係冷酷眼光,而係不去強求,係你既遲早都會擁有!
      哎,呢d咁有哲理既,你唔曉架啦☝

      刪除
    3. 毛豆有個好靠山,咁梗係無欲無求啦^^完全明白!

      刪除
  8. 回覆
    1. 王子年紀仲咁細,應該未必識0答真歌詞中的味道kakakakakaka~~~~XXD

      刪除
    2. 錯喇. 只係我文盲唔識欣賞d歌詞

      刪除
    3. 邊係呢~~~~~王子住外國咁耐變左翻鬼啫
      (講笑而已, 咪嬲 :P )

      刪除
  9. 我識.......齊鼓掌,歌聲.........哩首^^

    回覆刪除
    回覆
    1. 喜氣洋洋好似以前新年成日會聽到, 近年就少咗

      刪除
  10. 我我我。。。。淨係對波點裙有興趣。 XD

    回覆刪除
  11. 小鳯姐的歌我真係少聽,
    但舊年代的歌詞真係寫得較有意景.

    回覆刪除
    回覆
    1. 感覺上舊歌的歌詞好似比較直接, 好多都言簡意賅一語中的
      依家填詞人通常習慣用好多複雜的比喻借代, 未必咁容易入耳吧

      刪除
  12. 回覆
    1. 尋晚聽收音機重播了她與民歌區生合唱《深秋立樓頭》, 小鳳姐仲係極罕有地唱了「和唱」部份, 我咁大個仔都係第一次聽小鳳姐唱「和唱」, 而且唱得非常好, 成功的歌手確實非僥倖, 一定係實力非凡才能屹立咁耐!

      刪除
  13. 徐小鳳是我偶像,她唱歌好像不用用氣.

    回覆刪除
  14. 估唔到小鳳姐,你都岩喎!
    N年前睇過一次小鳳姐既演唱會!

    回覆刪除
    回覆
    1. 我都睇過一次,不過佢年紀大0左開始唔係太夠氣,如果要唱三個鐘真係會有疲態

      刪除
  15. 回覆
    1. Choa:所以咁多年都屹立不倒^^

      刪除