2014年1月14日 星期二

2Q13秋見信州@松本

「街兩旁全是民房圍牆,不間斷地伸展開去。我生來第一次目睹這麼多花樣翻新的圍牆。黑色的板牆,白色的土牆,花岡巖砌的石牆,石牆上的樹牆。四下一片寂靜,空無人影,車都幾乎不經過……」



走了大半天,終於來到馬籠宿近山頂位的行車道,由這裏駕車可以一直駛到妻籠宿,基爾不是自駕遊所以無法欣賞到這條山路上的靚風景。



雖然如此但也無減基爾的雅興,繼續沿古石板街拾級而上,可以見到指往妻籠宿的行山徑路牌,全長達7.7公里,以基爾邊行邊影相計,相信要走4-5小時左右吧!



古石板街旁還有一座木建的「高札場」,它其實有點似中國古代的「皇榜」,是日本古代至明治初期天皇、幕府和藩主用來公布法令和發佈公告的設施,當時的法令就稱為「高札」。



雖然無法駕車賞景,不過來到馬籠宿山頂的「見晴台」,一樣可以遠眺整個山嶺的紅葉靚景,遠處就是海拔2192米的惠那山。由於看到山雨欲來的烏雲飄至,還是先回程落山為妙。



回程前先在這展望台拍張全景照才走吧!可以想像這條依山而建的迂迴山路沿途風景一定超靚,無怪乎咁多遊人來自駕遊。落山時仲見到可愛貓咪,而且完全不怕陌生人,伸手摸牠俏臉時還會咪細眼睛狀甚enjoy,超萌!



返到山下巴士站旁寄存行李的手信店,提取行李前當然要好好報答老闆娘。手信店的後堂其實是間很闊偌的餐廳,反正要吃午餐唔駛諗就在這裏醫肚吧!



不過由於過了午餐時段顧客不多,老闆娘提供的菜式選擇也不多,友人叫了牛丼set lunch(¥600),基爾不太肚餓就只叫了這裏的「名物」紅豆栗子雪糕(¥480),紅豆雪糕略甜但栗子雪糕就幾好味,不過其實對住餐廳的落地大玻璃,一面食雪糕一面欣賞窗外停車場的紅葉林靚景已值回票價。



在餐廳清清靜靜地食飽兼hea了好一會後,都係時候埋單出發回程了,當然要緊記再三多謝老闆娘給我們免費存放行李篋啦!



由馬籠宿搭巴士回到中津川站月台等火車時,天上的鳥雲已經很密集了,不久還下起大雨來,真慶幸行了一朝的馬籠宿都沒下過雨,否則要忙住擔遮又要影相就有點掃興了!



可能由於已經是下午兩點幾的關係,中津川車站的月台真係人影唔多隻,間中只見一兩個公公婆婆在等車,中津川站也實在細,除了一架自動汽水售賣機之外也沒什麼好看,幸好與友人傾偈也不愁打發時間。最後古老列車終於來到並準時2:49pm出發。



這程火車也不長時間,約過多小時後差不多4:00pm左右就來到松本。基爾2008年初訪日本關西之行也曾到過松本,這次舊地重遊一出車站已認得附近的建築物,上次是住車站附近的酒店,今次就住內街,找了好一會才找到下榻的里士滿松本酒店(Richmond Hotel ¥3750),雖然是慣常超小巧的商務酒店房間,卻有提供浴鹽、lotion和facial mask任取,絕對不孤寒。



去旅行確係快樂不知時日過,與友人在房裏簡單打點好行李後原來已經成六點幾了,都係時候出發搵食去。印象中上次來松本,近酒店隔籬已經有條「食街」,非常多食店選擇,這次老馬識途原本想先去光顧上次食過的抹茶雪糕店,怎知失威竟找不到,而且由下午一直沒停過的雨勢還越落越大,為免友人濕身連原本想順道夜遊松本城也作罷!



最後就近近地去了這間「築地市場食堂」避雨兼吃晚餐好了,點了幾樣魚生、天婦羅和魚骹等幾味菜式其實味道也不錯,但由於坐位異常逼加上店裏人多又沒空調非常焗,最不幸是隔籬台的日本男女長期煲煙,搞到周圍煙霧瀰漫十分難頂,實在無乜心機逐味菜式影相,快快趣趣食飽就拿拿林埋單(¥11000),速速逃離這間似煙窖多過食店的鬼地方。

57 則留言:

  1. 紅豆栗子雪糕,引人地想點先基仔!

    回覆刪除
    回覆
    1. JJ:今次條頸無長到啦係咪XXXD
      唔知香港有無得食栗子雪糕呢?
      有呀,仲未掉,無位擺先掉啦^^

      刪除
    2. 紅豆栗子雪條(6支)盒裝,便利店有時都有賣嘅!等減價就會買。

      刪除
  2. 唔即時租架車遊下.
    果團似豆沙既物體乜係栗子雪糕黎架.好似淋左滷水汁咁.

    回覆刪除
    回覆
    1. 毛:我都無車牌~~~點租唧!!!!!!! 下次我諗如果有機會同H去就可以黐下佢順風車坐XXXD
      棗紅色圓球係紅豆味,奶白色果舊先係栗子味喎

      刪除
  3. 咁快可以看到遊記,份外好看! ^_^
    啲天婦羅同魚生,看來都好好味啊。

    回覆刪除
    回覆
    1. 博樂:^0^咁我都算老懷安慰~~~~原來仲有咁多blog友想睇我寫旅行嘢嘅!!!!!!!
      其實喱間食魚生係幾唔錯的,不過我實在忍受唔到四周圍污煙瘴氣所以印象打了折扣><

      刪除
  4. lotion,facial mask任取係咪你先係咁架咋? 可能佢見你urgent要補一保補先咁闊佬.kakaka

    回覆刪除
    回覆
    1. 王子:我諗實情都係咁,我太dry兼日久失修所以要速速裝修一下先得,否則影唔到靚相XXD

      刪除
    2. 內服重要過外敷哇!係唔係呢基仔?

      刪除
    3. 由諸內形諸外....開始唔知你哋噏乜....

      刪除
    4. 王子:好簡單啫,主要係叫你好成日對住閃神同spongebob,如果唔係對對吓你塊面都會黃晒XXXD

      刪除
    5. 基仔說話只代表佢立場,本人冇對閃神有意見吓!

      刪除
    6. JJ:乜你都係黃咁咁架咩XXXD

      刪除
    7. 你兩個o個相頭就黃喇!幾啱key呀你地!咔咔...

      刪除
  5. 回覆
    1. Samwei:其實慣常係要在中津川站先寄存好行李先上山嘅,不過喱日在火車站的infocentre和手信店都唔肯收留行李篋(連話畀錢佢都唔肯收容),東撲西撲又要趕住搭巴士,最後唯有拎埋行李上山,比較論盡:P

      刪除
  6. 見人可愛...就摸人地...怕唔怕貓仔話你鹹豬手呀!!!!! 哈哈哈

    回覆刪除
    回覆
    1. 森:唔會~~~~你睇佢個樣幾enjoy就知^0^

      刪除
  7. 牛丼set lunch、雪糕球都幾吸引,而且價錢不貴!

    回覆刪除
    回覆
    1. Wan:我都食咗一啖牛丼的飯,味道真係幾唔錯
      雪糕就梗之然係我飛佛啦,在日本印象中一般食雪糕都唔太貴喎,而且一般都幾好食㗎!

      刪除
  8. 天氣、景色、食物超正!
    魚生我麻麻,和食我至like
    下次我都要去:-)

    回覆刪除
    回覆
    1. 霸:円依家平,都幾抵去,一月尾仲有big sale^^
      年廿幾出發?今年歐洲好似唔太冷,反而北美冷一點

      刪除
    2. 好多人咁諗日本團費超高價,貴到萬八(北海道五天),仲爆哂!
      哈!2月2日晚出發。

      刪除
    3. 霸:係呀始終日本近唔駛搭咁耐飛機呢!
      尋晚睇八十後都係去Barcelona,我都好想再去一次呀!
      今次你係咪都會去睇Gaudi?

      刪除
    4. 我有錄咗未睇!啱啱要去,有得睇下幾好呀,
      哩個旅遊節目轉咗新主持!!
      哥迪一定要睇喇!

      刪除
    5. 霸:喱集去聖家教堂
      係呀換咗主持,可能因為之前果兩個年事漸高唔多似八十後啩hahaha
      睇Gaudi是去巴塞的主菜嘛^^

      刪除
  9. 係咪好多長頸鹿呀?我就係個隻在明不在暗嘅!kaka...

    回覆刪除
    回覆
    1. JJ:你直情係首席長頸鹿啦,成日催到我褲都甩咁滯XXD

      刪除
    2. 褲頭鬆就用皮帶朿實啦基仔!

      刪除
    3. JJ:多謝你送我新年禮物XXD

      刪除
    4. JJ:恭喜發財利是逗來

      刪除
    5. 基仔年初一我識同你拜年o架喇!唔駛咁早預演吓哇!

      刪除
  10. 紅豆栗子雪糕,我鍾意!

    回覆刪除
  11. 好寧靜的鄉下FEEL呀~~
    貓咪不知幾想有人摸摸摸.....

    回覆刪除
    回覆
    1. Yan:我鍾意日本啲鄉下地方多過大城市^^
      唔駛同佢講日文都溝通到XXXD

      刪除
  12. 要行7.7公里路,真係毅力過人,不過對住如此美景我相信會疲勞全消~
    好彩落下先下雨,如果係山上就麻煩啦~

    回覆刪除
    回覆
    1. Matthew:所以我也都無行全程去妻籠宿呀,只係上到山頂展望台就落山了!
      對,至少落雨就無咁方便影相啦^^

      刪除
  13. 鐘意睇你的遊記呀基爾,又有靚景又有好嘢食!
    我都好想去日本呀。。。。。。

    回覆刪除
    回覆
    1. Lucamom:多謝你,咁我努力啲寫啦^^
      聽你說以前住庫頁島時也不時會去日本逛逛,真好呢!!!

      刪除
  14. 啊~ 睇黎日本要室內禁煙了~

    回覆刪除
    回覆
    1. Silver:其實我覺得日本都算幾多人食煙,不過佢地就好少在街一路行一路食咁令人討厭,好多時只在家食或者在無禁煙的餐廳食肆食囉!

      刪除
  15. Gael,都係香港好,所有餐廳都禁煙.

    回覆刪除
    回覆
    1. Andrew:其實我覺得咁係啱嘅,始終室內地方禁煙對所有人的健康都係好事吧^^

      刪除
  16. 馬籠宿真係好靜, 人車都少!! 下一篇應該到立山黑部了? 期待期待....

    回覆刪除
    回覆
    1. 蜻:係呀,唔似中國果啲咁逼滿人咁恐怖 ><
      差不多了差不多了^0^

      刪除
  17. 我終於會去日本啦 ! 今回玩 self drive 溫泉之旅, 希望天氣一流啦 ~

    回覆刪除
    回覆
    1. 魚:日本自駕好方便又唔駛就火車班次,正呀^^記得影多D靚相返來睇下^^

      刪除