2014年2月21日 星期五

珍郵庫@英足總成立150周年

睇了咁多篇旅行野似乎都有點悶,又係時候轉換一陣口味,最快手搞掂的一定係睇郵票!



雖然近年集郵的風氣早已大不如前(集郵男星女星反而更hit),不過基爾間中仍會買一些歷史人物或古建築物等懷舊題材的首日封或小全張來留念。除了本地郵票之外,值得一讚是近年郵政署仲間唔中代售外國發行的郵票,基爾喱類「前朝遺老」對米字國出品尤其留意,雖然價錢通常都好貴(英鎊貴)但一樣閃電畀人掃晒(證明集郵人士中好多都係前朝遺老)!



去年底基爾去拎特區護照時路經一間人流唔多的郵局,竟發現喱套「英足總成立150周年」仲有貨,即毫不猶疑豪擲一舊水將它買下!這套由英國皇家郵政發行的紀念套摺選取了150年來英國11位傑出的足球明星作題材,組成了一個跨越時空的「夢幻陣容」。如果熟悉英國足壇名宿的話,大概應會認得當中包括了丹尼士羅、佐治貝斯、卜比查爾頓、卜比摩亞、班尼斯等等,對鍾意睇英國波的老球迷來說絕對是珍藏之選吧!

英足總成立150周年
發行日期:2013年5月9日

72 則留言:

  1. 回覆
    1. 王子:唔知會唔會出大婆二奶呢?

      刪除
    2. 都唔啱我!悶出鳥來!kaka...

      刪除
    3. JJ:咁下次叫王子貼佢張靚仔玉照出來,你一定唔會悶XXXXD

      刪除
    4. 人物郵票,我只有儲英女王咋,或者民族女孩咁啦!

      刪除
    5. 仲有,鍾意旅行點會嫌旅行誌悶呀!!!

      刪除
    6. JJ:女王登基果套一出就畀人掃晒!你成日去旅行一定買唔少收藏啦^^

      刪除
    7. 大婆美國早幾年前出咗啦.
      jj 儲英女王或者民族女孩,性別歧視!!

      刪除
    8. 衣家好少買郵票啦!邊有你兩個咁多收藏呀!

      刪除
    9. 睇吓你今次典幾日!kaka.

      刪除
    10. 王子:我諗同迪士尼一樣間唔中又會再出!

      刪除
    11. JJ:等你又變長頸VSOP鹿先XXD

      刪除
    12. 長頸鹿大典一週年!kakakakakaka..

      刪除
  2. 嘩!你都好好彩執到寶!我細佬上次想買香港郵政出那套巴士郵票都買唔到,香港人好多都係講價值,買來炒的多,真正集郵的人沒有以前多了!

    回覆刪除
    回覆
    1. Lucamom:係呀通常米字國郵票特別好賣,一出基本上好快就售罄了,喱次見到未賣晒就即買啦,雖然咁貴!
      巴士果套都幾靚架!最近出果套恐龍都好靚,遲啲有機會再post出來分享下^^

      刪除
  3. 你真好彩!
    咁都俾你買到:-)

    回覆刪除
  4. 呢班球員,一個都唔識!

    回覆刪除
    回覆
    1. 摩:唔識唔出奇的,喱班都係長者球星XXD

      刪除
  5. 回覆
    1. Yan:咁我又無喎,求其放落床下底咋XXD

      刪除
  6. 英國郵票非常吸引,當年儲唔少!

    回覆刪除
    回覆
    1. Wan:題材元素都幾多,設計都比香港的特別一點

      刪除
  7. 雖然話長者球星...但森伯伯係長者都唔識?!!.......咩年代架?!!

    回覆刪除
    回覆
    1. 森:五十至八十年代都有㗎XXXD

      刪除
    2. 唔怪得唔識啦!!!!!!............XXXXXXD

      刪除
    3. 森:一嘢拆咗森兄的長者牌坊唔好意思XXXXXD

      刪除
  8. 仲以為你休blog , 呢篇完全冇提示=.=
    呢套冇買喎 , 不過恐龍有啦..仲有呢次澳友送左一大袋(係呀 , 係以"袋"計)澳洲郵票, 浸水浸左幾日先甩出黎...好多重覆既都費事整掉鬼哂.自己又買左好多澳洲馬年等正野....

    回覆刪除
    回覆
    1. 毛:都好喎,等我又休下先XXXD
      恐龍我都有買呀,遲下得閒先post!
      嘩,咁第時出晒墨爾本blog不妨又整篇郵票篇來看看!
      澳洲馬年好似香港郵局都有得賣

      刪除
  9. 回覆
    1. 奇:都唔算係好迷,不過以往工作上需要一定知識咁囉

      刪除
  10. 小學時都有集郵習慣,但係大左冇啦

    回覆刪除
  11. 講開郵票之外,我仲有儲以前香港嘅紅色圓形大郵筒,當年97回歸時珍藏

    回覆刪除
  12. 英足總成立150周年郵票 , 幾有歷史價值喎 , 哈哈我諗第日可能好值錢

    回覆刪除
    回覆
    1. ak:咁可能要等百幾年先值錢喎XXXD

      刪除
  13. 記得細個果陣每年都會買生肖小全張~

    回覆刪除
    回覆
    1. 米:依家每年的生肖郵票都仲幾好賣架^^

      刪除
  14. 足球明星...一個都唔識!!
    記得細個果陣...我亞哥都有集郵習慣,一有郵票會比哂佢,
    佢有一本集郵簿,時不時會一齊睇吓!

    回覆刪除
    回覆
    1. Ka:碧咸都唔識?!!!@@
      果然兄妹情深喎會一齊排排坐睇郵票XXXD

      刪除
    2. @@碧咸....喺左下第三個(紅衫者)???
      "兄妹"...大家都喺同一出品嘛,當然要情深喇!XXXD

      刪除
    3. Ka:梗係唔係啦果個係卜比摩亞~~~~~碧咸都唔入流!!!!
      睇你一提起靚仔即刻醒神晒咁XXXXXD

      刪除
    4. 你見我打咗3個問號就知我都覺唔似喇!^^
      就算D球星點靚仔都無興趣睇波架喎!
      從我睇blog 方面來看,就知我唔喺咁膚淺喇! Kakakaka...

      刪除
    5. Ka:咁都係,鍾意睇典的通常都不會膚淺! XXXD

      刪除
    6. 咁都比你入到位買廣告!XD

      刪除
  15. 我又唔識踢波又唔係皇室人員, 但唔知有乜其他好辦法可以等自己個樣俾人攞嚟設計做郵票呢?

    回覆刪除
    回覆
    1. Peter:好似之前有聽過可以用自己張相來做郵票,不過當然不正式發行,只係純粹供個人留念而已,Peter兄不妨揀定張靚仔相來做私人版郵票吧^^

      刪除
  16. 原來你仍堅持玩集郵呀 !? 好勁 Vs 好堅吖 ~

    回覆刪除
    回覆
    1. Sky:預告你知4月又有首日封啦!
      「郵歷香江:從舊郵政總局大樓細味香港郵政歷史(1911-1976)」展覽下月開幕,香港郵政特別發行郵票小型張、珍貴郵票小冊子和首日封誌慶,即日起至3月23日接受預訂。

      刪除
  17. 回覆
    1. Andrew:唔知有冇人高價收購呢hahahaha

      刪除
    2. Andrew:講下笑啫應該要過多百幾二百年先會值錢吧kakakaka

      刪除
  18. 正呀!我當年都諗過買,最鍾意係笠臣!不過竟然無傑斯!

    回覆刪除
  19. 雖然我無集郵,但足球我like~

    回覆刪除
    回覆
    1. Silver:就黎又世界盃,兩位會唔會飛去巴西睇波呢^^

      刪除
    2. 唔會Lu... 當年咁近既日韓世界杯都無去,依家好似遠D~

      刪除
    3. Silver:他朝如果大陸搞,咪可以去趁下熱鬧囉^^

      刪除
  20. 足球都係陪屋企人睇咋,邊個打邊個都未知,佢會講但我入唔到耳,轉頭都唔記得囉。

    回覆刪除
    回覆
    1. Manman:希望下次會出占士邦或電影明星啦,我都想買架

      刪除