2014年2月28日 星期五

2Q13秋見信州@立山美女平

「試著走進森林,裡邊有一條簡單的路。雖然差不多全是利用自然地形踩出來的,但不少地方平整過,鋪有踏腳石樣的扁平石塊,路兩邊樹木高高聳立。色調灰暗的樹幹,縱橫交錯的粗枝,遮天蔽日的葉片。腳下茂密地長著羊齒等雜草,像在拚命吸收微弱的光線。陽光全然照不到的地方,青苔默默覆蓋著岩石……」



經過一整晚的風雪夜,這朝大清早醒來一望窗外,整遍山坡都披了厚厚的積雪,雖然基爾不是第一次見雪景,但仍被這個奇幻的「白色世界」深深吸引。上圖右隱約可見另一處高地上的室堂山莊。



立山室堂有個很有詩意的美譽,叫做「雲上之世界」,它是在5萬年前一次火山爆發後溶岩匯流而形成的高地,直至1萬年前才開始漸趨平靜,現時地獄谷溫泉區和火山口湖一帶仍殘留遠古火山地貌,經常冒出蒸氣和溫泉水。



看看手錶原來才六點幾日出不久,窗外已見到不少人行出去賞雪,不過基爾還是選擇躲在暖笠笠的室內好過。上圖右是凝結在窗前的小冰柱;左上是忙於清理行山徑積雪的旅館職員;左下本來想堆個小雪人,不過堆堆下隻手凍到麻痺而作罷!



19世紀時室堂也是日本阿爾卑斯山脈的登山基地,不少冒險家由這裏出發攀登附近逾3000米的淨土山、大汝山和雄山。一會兒基爾就要沿住上圖右喱條山路行15分鐘返去室堂站,真的有點苦行僧去靈修的味道。事實上,古時立山也是日本佛教靈修的三大神山之一(另兩處分別是富士山和白山)!



早上浸過溫泉吃過早餐後,差不多又要收拾細軟動身出發了。原本諗住問櫃台職員借用鐵爪鞋架以防在積雪山路滑倒,但借完又要還有點麻煩,職員索性教基爾用草繩自製雪地防滑鞋,聽他說這是昔日立山一帶村民教他們的「古法」,千百年流傳下來的古人智慧果然work喎!



一出旅館已經畀漫天撲面而來的風雪嚇了一驚,原來表面看似軟綿綿的雪粒打在面上真的會有點痛(定還是痺)。整條山路幾本上早已被積雪覆蓋了,但仍隱約見到欄杆和樓梯級,真的要打醒萬二分精神才行。



雪也是時大時細,原本四周白茫茫一片乜都睇唔到,遍霧遍雪驟聚驟散後才發現山路下面竟是一大片火山湖,幸好沒有差錯腳碌落去。當時見湖邊只有日文名,翻查資料才知它叫三巡池(又稱御廚池或御庫裹池),是室堂地獄谷一帶最大的火山口湖。聽說自冰河時期一直在室堂繁衍的雷鳥,現時僅存300多隻,大部份棲息於湖區這一帶,被列為瀕危動物。



背住大小行李背囊加上白雪紛飛當然無謂去「踏雪尋鳥」咁有雅興吧!將來如再有機會重遊舊地一定揀夏天,由室堂行去湖邊才不過10分鐘,環湖一周的步道才個多小時,很值得一遊。不過這時基爾與友人都目標一致,就是拿拿林行去車站取暖!由室堂乘高原巴士落山,約半個多小時就下降了500米,來到海拔2000米的彌陀原,第一時間飆入去這間彌陀原酒店大堂(¥16800)check-in兼放低D背囊重野先!



彌陀原雖然無室堂咁凍咁大風雪,不過仍是位於立山雪線之上,由酒店大堂玻璃窗望出去的大草原依然是一片白茫茫雪景。不說不知原來彌陀原一帶就是4-6月間來立山觀賞「雪之大谷」的熱門地,每天冬季來自西伯利亞的寒流帶同日本海的濕暖洋流來到立山所在的阿爾卑斯山脈地區都會形成大雪。



在溫泉酒店安頓好行李後立即又要起行,乘高原巴士到落差逾1000米的美女平。值得一讚是酒店外這間小木屋巴士站設備很齊全,候車室中間的這座大暖爐肯定是必備的。車費方面由於早已買了Mountain Travel Pass(¥23130),整個立山行程都毋須再購票。



這類荒山野嶺的溫泉旅館,由於附近通常都有幾條行山步道畀住客四圍遊逛,所以門口經常有傘子可借用以備不時之需,不過原來連巴士站也有傘子借,服務可真一流。雖然匿在小木屋車站內都無咩好做,不過至少暖笠笠,與外面的冰天雪地是兩個世界!



另一樣值得一讚的是旅館的職員,到時到候就來提基爾出去上車,一來免卻在小屋外等巴士太久會變雪條,二來又毋須擔心巴士飛站。



由彌陀原再搭高原巴士約半小時車程就來到美女平。短短一程車沿途睇住兩邊由雪景變成雨雪再變成下雨,感覺彷似由極地重返人間一樣,真係幾有趣!其實這條高原巴士路線就是4-6月來立山看雪牆的聖地,基爾十月底來積雪不夠深當然看不到雪牆,但單看雨雪奇景都開心。



一般來看雪牆的旅行團大多都由富山出發上山,沿路來到美女平稍休再上彌陀原,基爾則反方向由黑湖部那邊上山,由美女平這邊落山。美女平這裏以行森林散策步道出名,秋天來到也是看紅葉的熱點,上圖右是美女平站外著名的「美女杉」。



這朝大清早在室堂旅館吃過早餐後就無野落過肚,本來諗住來到美女平這個大站先食午飯才起行,點知站內搵極唔見有食肆,問過職員才知這裏沒設餐廳。為免一路行森林一路「打鼓」,將就一點在手信店買個栗子包(¥260)頂住先。另一邊廂仲發現了一座超巨型汽水機,天寒地凍當然不想飲汽水,見機內竟有粟米湯賣,才¥150完全唔駛考慮就買喱杯湯送麵包吧!



食完包後雖然唔係太飽不過都要出發行山。由於天色昏暗加上細雨綿綿不似會很快轉晴的樣子,穩陣起見還是先選最短的「A-B-C-A」約1小時的散策步道吧!



美女平這裏原來是以幾十米高的立山杉和山毛櫸原生林出名,當中唔少更是已有幾百甚至上千歲的古樹。此外如果天氣好時間又充裕的話,行「D-E」那邊就是觀鳥為主的散策步道,據單張介紹那區有多達60種野鳥棲息。



除了來看樹之外,美女平還有個淒美的傳說故事:在很久很久以前的古代,立山下一條村莊有一名美麗的少女搭上了一個來自山上的少年,後來她因為太思念情郎,竟不顧女性不得登神山的禁忌而上山私會情郎,結果觸怒了山神將她變為巨杉,永遠只能在美女平這裡癡望情郎,這棵樹就是現時車站外的「美女杉」。



其實看古杉樹之外,散策步道兩旁仲有好多紅葉看,不過由於雨越落越大,又要擔遮又要拎相機真的不太方便,大多都只是用眼睇過就算,沒有再仔細逐一拍照了。上圖是其中兩幅紅葉相,原來不同的品種也有不同的紅色調,很有層次感!



沿路一直上山方向走,路邊仲有好多林間小徑方便遊人去尋幽探勝,基爾行過其中的一小段,不過為免在雨中踩上泥濘路兼蕩失,加上有「熊出沒」的警告路牌,還是返回大路比較穩陣。不過由於越行越大雨關係,最後基爾匆匆行完最短的1小時步道當見識過就鳴金收兵了,回到美女平站即搭高原巴士返上山去。

50 則留言:

  1. 草繩自製雪地防滑鞋> I have seen that in museum.

    回覆刪除
  2. 日本人嘅服務態度真係很窩心。

    回覆刪除
    回覆
    1. Manman:諗得好周到,門面工夫一定做到足^^

      刪除
  3. 那杉樹,那一忽似美女?世界各地,無論文化有多不同,總有女人為情變山變石變樹變瀑布等等神話,何解?

    回覆刪除
    回覆
    1. Desa:我都唔知呀!我諗係同果個傳說故事有關所以先咁叫吧!
      男人都有嘅,畀巫女望一眼即變石頭好似都有聽過

      刪除
  4. 我寧願落雪都唔要落雨,落雨真係好麻煩。

    回覆刪除
    回覆
    1. Lucamom:不過落雪凍好多喎^^
      我最驚大風兼且又落雨

      刪除
  5. 欣賞雪景最近最好的地方始終係日本!

    回覆刪除
    回覆
    1. Wan:唔同地方我諗有唔同味道啦^^
      韓國,大陸東北,北美,歐洲都各有特色嘅~~~我全部都想去睇下XXXD
      會唔會太貪心

      刪除
  6. 引子就黎俾你成本書抄哂啦
    一起身見咁大雪幾大出去砌個雪人先啦
    綁草繩防滑以前我婆婆都有教過我,呢d咪生活智慧囉!

    回覆刪除
    回覆
    1. 毛:有排都未呀XXXD
      我會想出去打雪戰多啲喎kakakakakaka
      係咩原來上海人都識喱一招?!!!

      刪除
  7. 邊洗自己用手砌堆個小雪人呀,你企耐D咪變現成嘅大雪人囉!XXD

    回覆刪除
  8. 雪景真美!基爾哥哥應該早起出外走走

    回覆刪除
    回覆
    1. 摩:如果有阿摩同行壯下膽應該一定出去kakakakaka

      刪除
    2. 咁……下次記住搵埋我!

      刪除
  9. 唔見美女喎!你跪係個度求咩呀?

    回覆刪除
    回覆
    1. JJ:傳說故事來的,畀多少少想像力吧^^
      一定唔係求婚囉~~~~你放心XXXXD

      刪除
    2. 最唔放心o個個係伯有!好彩你跌落地識拿返咋雪!kaka..
      你學左蘇軾味野呀!心中有X見人如見X喇.

      刪除
    3. JJ:突然咁有文學修養嘅XXD

      刪除
    4. 邊有你咁好文學修養呀!

      刪除
  10. 以為美女平好多美女,原來係地方名,哈哈~
    日本雪景真係唔同啲,望落好似海綿咁柔軟,形狀又圓圓地好有趣,正~
    睇完雪景又有秋景,正正正正正~

    回覆刪除
    回覆
    1. Matthew:來自一個傳說故事而已,話明係日本神山應該有好多喱類神話故事嘅^^
      喱啲都係初雪,加上山頂荒山野嶺無乜人搞佢,所以有咁嘅形狀囉,純大自然的樣子!
      好神奇,山腰還是看紅葉,一到山頂就變成雪景,似玩瞬間轉移XXD

      刪除
  11. 基哥哥草繩可以防滑不過你對波鞋應該唔防水:-D

    回覆刪除
  12. 美女呢?哈哈!不過喺度行山應該好正!

    回覆刪除
    回覆
    1. Lam:傳說故事嚟㗎嘛!^^ 其實如果唔落雨會好好多,唔駛擔遮咁煩

      刪除
  13. 見到第五幅相…gael兄做咩戴頂BB帽?!!
    白雪皚皚好易睇唔到路,尤其山路~~

    回覆刪除
    回覆
    1. 森:紅衫果個? 佢係旅館職員嚟㗎,正在用草繩示範紮鞋防滑的傳統方法嘛!
      基本上都鋪晒雪唔係好睇到梯級,加上又大霧其實有少少危險

      刪除
  14. 雪景好有feel,你有冇瞓响D厚厚嘅雪上面,好正,用草繩防滑有冇效?

    回覆刪除
    回覆
    1. BIM:無呀,當時拎住好多嘢只想盡快行完喱程路咋!
      很有效,可以一直行到返車站都無跣過腳^^

      刪除
  15. 咦!!! 反而山上無雪既?

    回覆刪除
    回覆
    1. Silver:山頂室堂和彌陀原由於above2000米都有雪,但美女平below1000米就無雪,只有雨^^

      刪除
    2. 比點意見,影雪景試吓較高一級暴光補償,就唔會灰蒙蒙啦~

      刪除
    3. Silver:多謝你^^下次如果再去賞雪一定會試下你喱個妙方!

      刪除
  16. 立山美女平 這名字好特別! 相比我住的地方, 這地方的雪不算大了!

    回覆刪除
    回覆
    1. 奇:我去那時才10月底,山上已下雪了,你哪邊一般係咪過了感恩節才有機會下雪呢?

      刪除
  17. 雪牆固然吸引, 但你呢個時份紅葉又令人動心, 究竟咩月份去好呢, 心大心細中 ...

    回覆刪除
    回覆
    1. 魚:去兩次囉! 5月去睇雪牆;10月去睇紅葉^0^

      刪除
  18. 回覆
    1. MD:我都覺得係,尤其我地南方人比較少見雪景,所以見到落雪都會比較興奮呢^^

      刪除
  19. 草繩鞋我又學到嘢啦...XDD

    回覆刪除
    回覆
    1. Momomom:雪地如果融完再結冰真係幾跣架,如果無帶雪地釘鞋,臨時靠喱個「古方」幾好用的^^

      刪除
  20. 我去立山時係 8月尾,紅葉仍未合時,風景區極之靚。冬日景緻同樣吸引哦!

    回覆刪除
  21. Gael,很多旅遊景點都有凄美的愛情故事去吸引遊客.

    回覆刪除
    回覆
    1. Andrew:一定啦咁先可以吸引多啲遊客去嘛^^

      刪除