2014年2月8日 星期六

新年自由蕩:下@山頂

新春期間突然回暖,友人本諗住上山頂行個大運,卻苦無其他朋友和應,基爾當然要拍心口一同上路。



由中環一直行上山頂其實基爾已經行過四、五次之多,幾乎瞌埋眼都識行。在中環街市會合友人後乘中區半山行人自動電梯上到超級豪宅區干德道,再一直往西走,到旭龢道後轉上龍虎山郊遊徑,絕對不怕會蕩失路!上圖右是郊遊徑上的維多利亞城界石碑,有逾百年歷史。



行到上去龍虎山郊野公園燒烤場旁的古蹟叢林廢堡,即表示上山的路段已完成了一半,先到涼亭稍休才再上路吧!叢林廢堡除了有戰前的古老碉堡外,還有幾個荒廢了的大炮台,由於之前已經影過很多相,今次就不影了!



小歇完後再沿龍虎山郊遊徑一直上,無耐即可見到夏力道和盧吉道的分岔路口休憩處。沿盧吉道前行往纜車站方向,可以盡覽維港靚景;若行夏力道則可賞南區日落景。



上幾次朝早來就可以繞圈一周睇晒港島南北兩邊風景,今次晏了就只行盧吉道這邊吧!由盧吉道棧道望落山真係好有香港代表風味呀,基爾覺得與日本北海道的函館相比,不論日夜景都有得fight!



今時今日香港要欣賞這片碧海藍天也不容易,每年趁農曆年期間北面大陸的工廠停工放長假,才有機會來賞沒有霧霾的維港靚景!上圖右是盧吉道上著名的印度橡樹,估計有逾百歲,每次來到都要替它影張美髯靚相。



行到4點幾開始出現黃昏落霞的magic moment,從這角度可影到「香港雙塔」IFC和ICC,所以超多大陸自由行搶位影張「到此一遊」,基爾費事同人逼求其影張收貨就走人。



如果有留意早前新聞報道盧吉道27號大宅有意改建為文物酒店,由於要開放盧吉道行車而引來不少人反對,事實上盧吉道咁鬼窄絕對不宜行車,恐危及行人,基爾一場來到都要簽名反對!



日落前終於來到山頂廣場,即時畀眼前一片大陸自由行「人海」嚇親,基爾以往從未見過喱度原來可以打蛇餅逼滿咁多人,真係咩興致都無晒。不過因為行到有點餓,就即管去麥記醫肚才走吧!入到麥記當然又要好似打仗咁先買到個餐再搵到位坐低食啦……若以窗外的風景論,這間山頂麥記可以一路睇住日落一路食野本來是一絕享受;不過若論全球最污糟邋遢麥記(雖然基爾唔係去過好多外國麥記),喱間都一定位列十大之內。



基爾搵到位坐低時,真係要無奈地「驚嘆」:搞乜D大陸人會食到成張台都係茄汁四周圍都係垃圾成個亂葬咁污糟呢!真係絕無誇張,除了成台茄汁外,仲有台底凳周圍都係薯條,欄杆邊又擺滿未執拾的殘餘物資……基爾不是要責怪清潔嬸嬸,只見她已經好努力執拾了,但始終人客太多加上又無公德搞到烏喱單刀一頭煙。最搞笑係隔籬台一家人仲要在吃泰昌蛋撻,清潔嬸嬸警告話唔可以食店外食物,佢地仲可以厚顏地講「不用理她」若無其事繼續吃,真係咁都得?!



在麥記打完仗後,本來諗住拿拿林走人,點知去到巴士站又要打第二輪仗。其實人多排長龍基爾早已預了,但跟住身後的一家大陸人不知為何總愛身貼身逼埋來(可能佢地大陸排隊興咁),如果基爾係女人就一早大嗌非禮了!連友人也忍唔住鬧後面個山東大漢不要再推可以嗎?基爾也暗中鬆佢幾肘盡量避免同佢有任何親密身體接觸;最後逼到上車又係成車國語嘈到拆天,最後到了灣仔立即落車才可鬆一口氣……總結這次教訓,第時大陸長假真不敢再去旅遊區了。其實有時真係無意歧視大陸人,但有時他們的缺德冇品劣行真的好難不令人「側目」!

48 則留言:

  1. 現在係長假期強國人會到嘅地方都盡量唔去架。

    回覆刪除
    回覆
    1. Manman:我都盡量不去油尖旺的商場,實在太逼太多人,令人無乜mood去買野!

      刪除
  2. D強國人排隊貼身逼埋來習慣來的,男女老幼都一樣,可能怕打尖,我都試過排隊被個女仔逼埋來,雖然有艷福,但其實我唔敢動。

    回覆刪除
    回覆
    1. King:我諗係佢地慣性咁排隊,天時暑熱時尤其難頂,大家舒舒服服排唔得嘅係要爭先恐後,其實我係驚畀人打荷包多人點,畢竟佢成日埃埋來唔知佢想點!!!!
      下次你搵Mimi鬧返佢係咪想博男人戇啦kakakakaka

      刪除
  3. 間公厠對我來講有一段 “不堪” 的回憶(詳情係呢度:http://pandajoice.blogspot.com/2012/10/blog-post_22.html)
    當然,件事或者不過係個個案 or 我唔好彩,但... 無論男女,我都唔鼓勵單獨行動。
    不過,我嘅情况係經常 “被逼” 要自己獨行,所以次次出門都有做好所謂嘅心理準犕,只求唔會有最壞嘅情况發生而已... :P

    回覆刪除
    回覆
    1. Joice:係呀真係唔好單獨行山,即使市區都不太安全,下次搵朋友陪埋同行先去就比較安心,去旅行啫唔係搵命博吧^^

      刪除
  4. 全球最污糟邋遢麥記> 未必係. 我呢度見過有人o係KFC food fight.

    回覆刪除
  5. 你揀咁既日子去咁既地方,根本自己找C!
    D店經理都好廢,有次幾個印傭係麥記食粥油炸鬼,好多客冇位投訴,都冇用,對果班土豪更加唔敢得罪!
    我係呢度都見d大陸人咩都唔排隊,明明見一條人龍,佢都可以一嘢企係最前,但我一定趕佢走! 完全唔需要客氣!

    回覆刪除
    回覆
    1. 毛:估唔到咁多,直情好似返咗大陸咁XXXD
      鬧都無用/無氣,因為實在太多人無規無矩兼無品!
      地鐵一樣係咁,一開門即衝入去霸位,令人側目!
      你直情可以用流利國語/上海話「指導」一下佢地啦^^

      刪除
  6. 山頂盧吉道一帶其實係一個幾好行山地方,但商場那邊太過tourist friendly 同埋金錢堆砌!

    回覆刪除
    回覆
    1. BIM:如果可以我諗揀weekdays上去比較清靜,假日真係仲多人過旺角銅鑼灣~~~~@@
      其實想上埋去山頂公園行下,不過果日太晏就無上去了!!!!

      刪除
    2. 係呀!weekdays去較少人迫,兩個月前上過去坐纜車,仲俾我發現了翠華!

      刪除
    3. BIM:山頂廣場依家都幾多食肆

      刪除
  7. 上山頂行大運 !? 都几好啊^^ Sky 都有這習慣的 ~

    回覆刪除
    回覆
    1. Sky:係呀上山頂條路其實算幾好行,又比較近市區,行個大運幾好XXD

      刪除
  8. 寧願去少少人的地方,太多人見到都怕怕!!人太躋迫…小心身上的財物!!
    好采Gael兄識鬆踭…否則畀人非禮就唔好啦!!XXD

    回覆刪除
    回覆
    1. 森:係呀其實都係驚畀人打荷包多啲,同埋人太逼的地方都比較容易傳染流感,真的不宜久留><
      其實係唔想同啲三九唔識七嘅人咁埃身埃勢「親密」啫XXXXD
      鬆踭都係正常生理和心理反應XXXXXD

      刪除
    2. 乜講到好似會俾hi油抽水咁恐怖!靚仔係麻煩D⋯

      刪除
    3. BIM:我應該唔駛太擔心,反而你要擔心D!
      kakakakaka

      刪除
  9. 唉,買個教訓,下次放假唔好去尖咀,老銅,山頂。。。。。。

    回覆刪除
    回覆
    1. lucamom:咁都唔一定,可能有D人會鍾意人多先夠熱鬧和中國新年氣氛嘅XXD

      刪除
  10. 爭先恐後,印度人也會,但一般只限於草根階層的印度人,但我們祖國的,即使是受過教育的中產階級或年青人,行為都是一般失禮,何解?我有位西人同事,平日沒有種族歧視,但向我投訴對面單位的中國鄰居在公眾範圍擺放垃圾,我有點不服氣問他怎知道那是中國人,難道不可以是日本人?他想都不想便說日本人怎會這樣?你說,我們中國人的面子往哪裡擱?

    PS - 你的「至愛網址」怎麼還是顯示我五週前的update??

    回覆刪除
    回覆
    1. Desa:我們中國人的面子往哪裡擱?===>我都有同感><
      在這情況下我通常只會向老外簡介香港人同中國人有分別kakakakakaka
      係喎,我都發現有喱個問題,顯示其他google blogger和xuite和pixnet的似乎都無喱個問題,奇怪!!!!!

      刪除
  11. 其實, 我都好怕佢地的行徑.
    個日我同班朋友去睇煙花, 一對衣著光鮮的中年男女, 由後邊老遠人過人係咁攝埋黎, 結果去到我地個排, 就連我朋友旁邊半個身位都要迫入去, 結果撞到我朋友之後, 仲若無其事係度扮影相, 我地出埋聲話佢, 叫佢退番後少少, 都可以好厚面皮咁當聽唔到. 超級冇品.

    回覆刪除
    回覆
    1. 魚:都唔知點解遇到的大陸自由行總是愛爭先恐後行李篋碌人腳當無事貼身排隊或索性打尖擠逼地方大聲講野,最初都以為這只是個別冇品人士的個別事件,但越來越覺得這其實是大陸普遍現象,來香港的只是冰山一角而已!

      刪除
    2. 連基本禮貌都欠缺, 我想不只是學識不足的問題, 而是欠缺教養.
      可惜, 以一代傳一代的模式, 似乎未來的自由行也不見得有進步.

      刪除
    3. 魚:品德教育真的比任何東西都更重要~~~~~!

      刪除
  12. 回覆
    1. Samwei:聽聞你那邊有水災,對你應沒太大影響吧!

      刪除
  13. 基仔,最壞的境況都過左喇!今年會轉好運架啦!

    回覆刪除
    回覆
    1. JJ:大家咁話!!否極泰來^^

      刪除
    2. 我本來習慣新年上山頂行大運0架 , 但舊年排隊搭車遭遇同你一樣 , 怕怕了 情願過咗佢地假期才上山頂了 .

      刪除
    3. ak:不過依家一年365日幾乎日日都逼爆山頂,太多人了~~~~~

      刪除
    4. 朝早冇咁多人,下午三、四點前落山都唔會咁逼o架!

      刪除
    5. JJ:晨早去係少人D,不過我又好少咁神心喎:P

      刪除
  14. 人多,真帶來很多問題!

    回覆刪除
  15. 山東大漢可能真的想與你有親密接觸呢...哈哈哈...講笑咋!
    其實要小心自己D財物就真...是關好多自由行扒手!

    回覆刪除
    回覆
    1. 卡:真係好驚打荷包,人多的地方真係要小心啲呀

      刪除
  16. Gael,我曾經在山頂見過一班强國遊客亂拋垃圾而垃圾筒就在他們附近,我走近叫他們將垃圾放回垃圾筒,否則罸款一千五百元,他們才急急將垃圾放回垃圾筒.

    回覆刪除
    回覆
    1. Andrew:可能有時佢地真係無喱個意識,以前在大陸也是周圍掉垃圾,如果人人都無公德,後果只會同果間被蹂躪的麥記一樣慘!

      刪除
  17. 以後中國長假期,要去一些中國沒有免簽證的地方了。

    回覆刪除
    回覆
    1. 樂:最緊要唔好去旅遊區和名店街XXXD

      刪除