2014年9月3日 星期三

珍郵庫@粵劇服飾

以前除了一年一度歡樂滿東華又或者盂蘭戲台之外,平時真的很少會看到大戲演出,最多也只是從電視上看帝女花、紫釵記的電影版,當然對粵劇也不會有太深入認識!



後來中學時讀文學才知不少粵劇是源自古老的唐宋元明小說雜劇和戲曲,角色又有生旦淨丑多個類別,越看就越發覺它其實一點也不老土,且是一門深厚的文化藝術。



突然講咁多粵劇主要並非想悶走大家,而係基爾最近買了這套「粵劇服飾」首日封,粵劇戲服原來除了手工精巧色彩繽紛之外,不同角色也有不同服飾:$1.7是大漢裝(皇后公主及貴妃);$2.2是海青(公子少爺);$2.9是小古裝(未婚閨秀);$3.1是小軍裝(武生士兵);$3.7是蟒袍(帝王侯相);$5是帔風(官宦人家)。細心留意埋個郵戳都設計得很精緻用心,是神來之筆!



另外上面這張$10郵票小型張首日封也有買,大戲開場有時會先演出《六國大封相》介紹演員出場,細個時覺得背插令旗的大戲服威風凜凜很有趣,原來它的正式名稱叫「大靠」,演出的都是大將元帥角色。睇完喱套郵票先知,單單大戲服飾都有咁多學問呢!

粵劇服飾
發行日期:2014年8月21日

66 則留言:

  1. 我諗呢套郵票主要用來儲, 咁靚都唔捨得寄出...

    回覆刪除
    回覆
    1. 森:絕對係啦!!!
      靚到唔係好捨得寄出XXD

      刪除
    2. 祝GAEL兄中秋快樂, 今年有冇賞月??!!

      刪除
    3. 森:咁多雲未必賞到月啦
      我也祝森兄人月兩團圓^0^

      刪除
  2. 回覆
    1. man:同埋都好有香港本土特色呢

      刪除
  3. 真喺唔知原來大戲服飾都有咁多學問。

    回覆刪除
    回覆
    1. kaka:唔同角色著唔同衫架

      刪除
    2. Gael: 中秋佳節快樂!

      刪除
    3. kaka:中秋快樂~~~去邊度賞月呢

      刪除
  4. 這套大戲服飾郵票 @ 相信購買用來珍藏來一点吧^^
    边有人寫得用架 >.<

    回覆刪除
    回覆
    1. sky:係呀我諗印刷成本都好高,唔係咁多人捨得拎來寄信,郵局應該都唔係印太多吧!

      刪除
  5. 回覆
    1. koosan:邊係呢:P
      只係跟首日封背面啲資料抄返來吧了kakakaka

      刪除
  6. 大戲嘅戲服真係好鬼靚, 記得細個時成日同細佬玩扮帝女花, 而家諗起都覺得好好笑.

    回覆刪除
    回覆
    1. hamby:咁會唔會拎埋啲神台杯出來扮帶淚飲砒霜先XXXXD
      那些年童年時生活物資唔多,玩具也不多,但喱類有創意的小玩意和集體遊戲就帶來好多美好回憶^^
      天氣轉涼了,你果邊落雪未呀?仲有冇同白頭sir去行山或者出海釣魚?中秋快到,可以買定個月餅去賞月喎^^

      刪除
    2. 基爾哥,我哋屋企信教所以冇神檯㗎。呢邊天氣仲係熱,遲多兩個星期應該會好啲;我呢度冇唐人街,得一間中國超市咁大把,所以買唔到月餅㗎。不過冇所謂,我由細到大都唔鍾意食月餅,希望到時可以睇到靚靚嘅月亮姐姐喇!預祝你有個平方開心甜蜜嘅中秋節!!記得陪基爾媽食飯呀!

      刪除
    3. hamby:我仲以為你果邊會好快轉凍和落雪:P
      一年中其實天氣最好就係秋天,要好好享受下喱段日子先得^^
      我也祝你地人月兩團圓啦^^

      刪除
  7. 我細時鍾意在盂蘭節在大戲棚睇,好得意架

    回覆刪除
    回覆
    1. samwei:我都記得以前舊公共屋村盂蘭節有竹撘的大戲棚,做大戲都好熱鬧好多人去睇,唔會覺得恐怖!!!!不過如果遇啱打風,戲棚頂D聲鐵片會吹到周圍飛好危險!!!
      不過今時今日都唔係咁多見喱類大戲棚了~~~~~~~

      刪除
  8. 大戲唔鍾意睇但係d戲服我又like喎.

    回覆刪除
    回覆
    1. d戲服又冇你大細奶都like?奇!

      刪除
    2. 王子:唔知你果度D歌劇院有冇試過做中國大戲呢又?!!如果有都好值得去睇下^^

      刪除
    3. JJ:如果大戲衫上有大細奶公仔,又幾正喎XXXD

      刪除
  9. 基仔做大戲,反串做貴妃都幾好玩喎!kaka...

    回覆刪除
    回覆
    1. JJ:有鬚嘅貴妃應該都幾正喎!
      kakakakakaka~~~~~

      刪除
    2. 有鬚嘅貴妃o係奧國興啫!香港未必興呀!你唔剃鬚o架?

      刪除
    3. JJ:如果香港見到都幾驚喎XXD

      刪除
  10. 非常吸引,一向對這類戲曲旦角郵票情有獨鍾!

    回覆刪除
    回覆
    1. wan:D衫真係幾靚,而且印刷好細緻,值得去買^^

      刪除
  11. 今次呢個正丫,認識到歷史又認識到文化 :D

    回覆刪除
    回覆
    1. matthew:今年覺得最靚係喱套,如果大張少少更佳!!!!
      今次你去星馬有冇逛郵局買D郵票留念?!^^

      刪除
    2. 冇買郵票留念丫>.<
      只係去郵局買左幾個郵票寄postcard,都只係通用郵票...

      刪除
    3. matthew:唔緊要啦postcard都一樣啫^^

      刪除
  12. 我細時在澳門, 亞嫲時時帶我睇大戲

    回覆刪除
    回覆
    1. MD:以前無咁多娛樂選擇,我諗睇大戲都係最普遍的大眾娛樂節目吧^^

      刪除
  13. 粵劇服飾真係好漂亮,又有藝術感!

    回覆刪除
    回覆
    1. stella:係呀,真係國粹來的呢

      刪除
  14. 好靚喔!
    香港郵政局都好忙~ 呵呵呵

    回覆刪除
    回覆
    1. joice:依家佢地都幾靠出郵票賺錢架XXD

      刪除
  15. 設計精美,合曬基爾哥哥 "何車"!

    回覆刪除
    回覆
    1. 摩:都啱晒你何車啦kakakaka你都鍾意睇大戲^^

      刪除
  16. 不懂欣賞粵劇,但覺得粵劇戲服好華美。

    回覆刪除
    回覆
    1. 小愚,無法在您處留言,中秋節快樂。
      HK Gael,中秋節快樂。

      刪除
    2. 愚:對呀大戲裝一般都好華麗,台下的觀眾才能感受到戲味吧^^

      刪除
    3. 說:大家都中秋節快樂^^

      刪除
  17. 雖然我無搜集郵票的習慣,這套「粵劇服飾」首日封都好有意思。

    回覆刪除
    回覆
    1. 說:喱套應該都係今年的焦點所在了吧!!~~

      刪除
  18. 有次有幸聽到 Orange 現場演唱一段, 嚇得我呢......

    回覆刪除
    回覆
    1. mo:唔出奇呀Orange始終唔係大戲班紅褲子出身,根底始終同粵劇大老倌那些水平有一段距離吧!
      加上其實她年紀已不輕,仍有魄力演大戲其實已算不錯了

      刪除
  19. 兒時跟著婆婆去看粵劇,看見他們穿著那顏色艷麗,閃金線、耀眼珠片,已把童年的我迷倒!

    回覆刪除
    回覆
    1. 小妹:以前細個睇大戲,真係會以為古時的人係一路唱歌一路講野XXXD

      刪除
  20. 中秋節晚快樂~玩樂開心.

    回覆刪除
    回覆
    1. andy:中秋快樂^^
      有冇同大小姐和大佬去露營賞月?

      刪除
  21. 中秋節快樂 !
    我冇乜耐性睇大戲 , 但就覺得戲服非常靚 , 這些郵票買來收藏 , 得閒攞嚟睇下都值回票價了 .

    回覆刪除
    回覆
    1. ak:我也祝你與相公人月兩團圓^^
      咦,我仲以為你周不時去睇show,都會愛睇大戲添:P
      係呀大戲戲服大多都好靚,手工都是傳統的刺繡工藝,好多已經失傳了,好少人會識造

      刪除
  22. 哩套真係好靚,好少見
    粵劇迷一定要收藏

    回覆刪除
    回覆
    1. 殷:對呀喱套好colourful而且好有東方色彩,粵劇對香港來說也很有代表性!
      近排好似少咗睇你post肉肉植物,有空影D近況來看看^^

      刪除
  23. 呢一套幾靚, 不過我遲左冇訂到.

    回覆刪除
    回覆
    1. 魚:好似後日又有,你不妨留意下!!^^

      刪除
  24. 粵劇係中國的國粹,呢套郵票非常靚!

    回覆刪除
    回覆
    1. kamchoa:好有香港地道色彩呢^^

      刪除
  25. 粵劇其中一個吸引地方是一套套戲服,它反映了傳統手工藝的巧究貴麗,這套票好值得收藏。希望仲有!

    回覆刪除
    回覆
    1. BIM:除了唱念做打的舞台演出外,戲服也是傳統手工藝,很值得欣賞!
      你對大戲也有興趣不妨也去買套^^

      刪除