2015年3月23日 星期一

扶輪園賞櫻:下@大帽山

在川龍飲飽荼hea飽就要起行了,春天依然比較早日落,加上大帽山上霧氣較濃,雖只是下晝3點幾,但隱沒在林中的山路已開始有點昏暗……



行了15分鐘沿路都無乜人(因為川龍通常係上午比較多人行山),本來想返轉頭搭巴士或小巴落山算數,不過既然友人拍心口話無問題就繼續行啦!穿過樹林落到去城門水塘引水道感覺上光猛返,望返落荃灣朗逸峰豪宅一帶景觀都唔錯,似多返一點人氣。



若要繼續沿引水道一路行返去城門水塘小巴站又恐防日落西山都未到,途中見到上面這個「往扶輪亭」的路標就決定由喱條捷徑落山,一來去荃灣會快好多直接好多,二來又唔駛怕要對住引水道旁盤踞果班齊天大勝爺。



喱條落山捷徑其實都幾好行,沿途仲可以欣賞到唔少盛開的靚花!所以今次雖然睇唔到最燦爛的櫻花美景,但漫山開遍的宮粉羊蹄甲加埋各式杜鵑花、茶花、紅絨球仲有米仔蘭等都一樣靚,絕對不會令惜花人失望。



咩係宮粉羊蹄甲?咪就係粉紅色果種洋紫荊,雖然平時在公園間中都會見到洋紫荊開花,不過原來漫山開遍的景象又是另一回事,壯觀程度不會比盛放的櫻花樹遜色。



不過紫荊花可能始終係本土常見樹種,又真係好少聽人話專程來行山賞紫荊花,也不似去看櫻花或紅葉咁有股熱潮……anyway如果有興趣賞紫荊花,沿荃錦公路走會是個不錯的選擇。



見到地鐵車廠就表示這次旅程結束了,這裏距離愉景新城非常近,友人原本諗住去那裏看看有乜好野食……



不過沿行人天橋走到中途轉了入中染大廈先去個廁所,原來喱座活化工廠大廈依家都開了不少食肆,就如一個小食坊,無意間仲發現原來有薩莉亞分店(之前北角薩莉亞店已食過幾次),友人毫不考慮就決定入去開餐。



不過基爾感冒未完全好返(好不容易連續飲了7日中醫苦茶才稍見起色),還是繼續戒口為妙,熱氣野當然要掛晒免戰牌,不過其實齋飲野傾偈都幾悠閒relax,店內環境唔太嘈雜,梳化坐位又幾寬敞舒服(坐坐下有點想訓著),順道又可聽埋友人侃侃而談4月即將展開的賞櫻行程,齋聽佢講planning其實已是一件樂事了。

58 則留言:

  1. 無乜事麻,依家感冒……叉難好番,
    天氣又冷又熱,其實晤舒服仲行山,好危險喎!
    小心為尚,好番哂再活動,
    復活節有無安排出遊?

    回覆刪除
    回覆
    1. 係呀依家又氣時冷時熱,真係要帶定外套穩陣D(雖然係有點煩kakakaka...)
      喱度ok無乜難度,落山路段較多
      復活節無呀,要乖乖留港返工XXXD

      刪除
  2. 紫荊花唔用黎做區旗可能會好多人特登去睇架!哈哈~
    新年流流病真係到依家都未好!?

    回覆刪除
    回覆
    1. 係喎,你有道理kakakakakakaka...
      間中一兩聲咳,我當好咗,無再睇醫生:P

      刪除
    2. 感冒後既咳真係好耐架,我有一次咳左成個月,仲以為肺癆,醫生寫左紙去照肺,咁啱當日瞓醒神奇地無咳,唔係照!

      刪除
    3. 咦,我仲諗住你體質應該幾好架喎,至少炒車都無事復元得好快kakakaka....
      我睇喱個中醫師真係幾得嘅,之前試過睇西醫成個月都唔清尾,睇佢食中藥就ok,所以今次都係睇咗一次西醫之後拿拿林去睇返佢,唔想拖咁耐了!!!!

      刪除
  3. 我真心覺的香港d行山路徑有石屎路好安全,我地呢邊 99.5% 都係原始嘅山泥路,經常都有意外發生呢...
    沿途甘多靚花睇,心情都靚d呢!

    回覆刪除
    回覆
    1. 不過其實好多人又覺得部份修葺得太靚太整齊得滯,會覺得太人工化,欠缺了一點點自然味道^^
      所以有時真係要在天然與人工之間取得平衡了,讓行山人士走得舒服安全之餘也要盡取保留天然原味吧!!!
      春天行山有喱個最大好處,就係有好多花睇@@

      刪除
  4. 行山無乜人我會不習慣,好似冇乜安全感咁!哈哈!

    回覆刪除
    回覆
    1. 通常上午會人多啲,下午好多人行完已經落晒山,所以會靜啲^^

      刪除
  5. 香港真係好方便, 去郊野唔駛個零鐘就到

    回覆刪除
    回覆
    1. 你果邊都好多郊區地方吧
      專員去釣魚未?^^

      刪除
  6. 政府要搞個愛國愛港賞紫荊花活動啦!!!

    回覆刪除
    回覆
    1. 同意!!!!
      咁一定要誠邀香港國王子回巢擔任主禮嘉賓先得啦,一定好有號召力kakakakakaka.....

      刪除
  7. 你有張相影到個花係紅色一支支咁架唔知係咩花~我唔知係咩花~好靚~~~~
    wow~你友人就好~我都未賞過櫻呢~

    回覆刪除
    回覆
    1. 果個品種叫做紅絨球花,也稱作朱纓,華南應該都有唔少野生的紅絨球,你行街時不妨留意下有冇,如果有影張畀我睇下^^
      佢一年走幾轉日本啦~~~~我都未去過日本賞櫻呢

      刪除
    2. 我就...唔係好見澳門有咩靚花睇~~~可能要去郊區先有~~~~下次去路環望下先~~~~~
      我都係呀~~~去過咁多次日本.....都無撞岩過時間睇櫻花添~~~好想睇日本既櫻花~~~因為我鐘意偏白既櫻花~

      刪除
    3. 路環風景也不錯,無市區咁多人
      不過櫻花季節去係超多人,要提早好多book酒店和機票吧

      刪除
    4. 都係既~~~加上有個龍爪角行下山~應該幾多靚花~~~(但一定無香港咁多架喇~)
      咁又係....但又唔一定知櫻期係幾時喎~都一定要年頭先知~~~~真係好難搞~~~~~

      刪除
    5. 對呀,龍爪角真係幾特別,下次來要去行下^^
      依家上網可以check到櫻花期架喎,一般都係由2月初的沖澠一直去到五月中的北海道吧

      刪除
    6. 你成唔成日黎澳門架~~~過黎行下山然後去d檔仔度食串燒啦幾唔錯的~~~~~
      我知呀~~不過都係要年頭先check到~一般我要年尾就要mark定出年既假喇~~~~所以好難定呢~~~~~

      刪除
    7. 近年好少啦怕人多:P
      以前都間中有嘅
      始終有機會嘅~~~~等退休後去hahahaha...

      刪除
  8. 我覺得宮粉羊蹄甲/洋紫荊仲靚過香港個啲櫻花@@
    個日我去完扶輪公園之後行左去元朗,行到腳軟@@
    基爾大大病左>.< Take Care >.<

    回覆刪除
    回覆
    1. 香港主要係台灣品種的山櫻花,我諗如果幾十棵種在一起,種多啲會有睇頭一點,如果得一兩棵始終無blossom盛放的視覺較果吧!!
      咦~~~你也剛去了扶輪公園?!!多唔多人?
      係呀行去元朗會遠啲,是元荃古道的一部份,也有人會行去深井,但如果想短短地hea行就一定係去荃灣或者去城門水城吧!!
      好啲架啦放心^^thx!!
      Easter你有冇去外遊?近排睇東南亞機票好平喎....

      刪除
  9. 香港真係有好多好地方, 唔一定同自由行逼商場。

    回覆刪除
    回覆
    1. 係呀好多好去處,而且公共交通方便,外國就有架車好一點....
      其實我都間中都有去逼商場嘅XXXD
      但近年的大減價越來越無吸引力了

      刪除
  10. 姹紫嫣紅開遍,良辰英景,賞心樂事!

    回覆刪除
  11. 落咁多樓梯好傷膝頭o架!你後生仲未知!

    回覆刪除
    回覆
    1. 無錯,所以更加要加強鍛練一下大脾肌肉先得!!!

      刪除
  12. 感覺你地好似龍友聚餐咁...哈哈
    有不適的時候,唔應該仲去行山...

    回覆刪除
    回覆
    1. 咁又唔係喎,同行中都無乜人影相,我都唔係影好多,因為都唔係第一次去啦^^
      我諗住博見報丫嘛kakakakaka....

      刪除
    2. 諗住博見報丫嘛......gael兄諗法好細路仔~XXXXD
      我未做過龍友, 我諗佢地都係影完相,茶聚吓,傾吓偈,約定下次去邊度影...冇估錯嘛?!!

      刪除
    3. 龍友係咪多數有0靚模隨團㗎kakakaka....

      刪除
  13. 而家呢個時候,公園同街道兩旁都會見到好多粉紅色宮粉羊蹄甲開滿花喇!
    壯觀程度不遜色於漫山開遍的景象架!:P

    回覆刪除
  14. 只要花樹種得多, 然後漫山遍野咁開, 我諗邊種花都靚呀 ^^
    小心身體, 保重

    回覆刪除
    回覆
    1. 山上天然生長果D特別茂盛壯觀有睇頭呢^^
      好返好多架啦!! Thx

      刪除
  15. 最愛看大帽山的霧景和日出景!

    回覆刪除
  16. 我都覺得近幾年, 香港的花都開得好靚好燦爛, 可惜是沒有像日本般一整條街或者整區都種滿花樹咁壯觀.
    依家感冒菌好勁, 好多朋友病了都要睇幾次醫生先好, take care呀.

    回覆刪除
    回覆
    1. 係呀近年政府都係種多咗花樹,依家去好多大型的公園都有花賞!!
      絕對要小心呀,少D去人多地方,勤D洗手囉^^

      刪除
  17. 我喜歡宮粉羊蹄甲, 如果滿街都是粉紅色/(粉色D), 相信一定好靚!!

    回覆刪除
    回覆
    1. 係呀上次去荃錦公路沿途山坡上都有唔少,盛放的景象也不遜於櫻花的

      刪除
  18. 呢條我都行過,沿途風景幾靚架.
    下次有時間可試行去城門水塘影下(百千層).

    回覆刪除
    回覆
    1. 白千層也有影過呀,係咪通常入夏之後會水滿啲靚啲?

      刪除
    2. 有陽光照耀下,白千層會特別靚!

      刪除
  19. 沿途的花真的好靚!
    如果是紫荊花海,都會好吸引架!

    回覆刪除
    回覆
    1. 對呀,真的很美!!
      所以也不一定要去賞櫻

      刪除
  20. 天色開始昏暗有蚊出沒嗎 ? 現在時冷時熱好容易感冒 , 多多保重呀 !

    回覆刪除
    回覆
    1. 我3月頭去,都係around18-20度左右,有涼風所以也沒有蚊,如果真正入夏後就一定要帶定晒啲防蚊裝備先得XXD
      係呀你同相公出去行街都最好帶多件背心或風褸之類穩陣啲,有時茶樓食肆或巴士冷氣都好勁

      刪除
  21. 除咗紫荊花,其實石崗每年三月o既木棉花大道都好靚

    回覆刪除
    回覆
    1. 我家附近都有好多木棉樹呢,早排好多婆婆去執花^^

      刪除