2015年3月30日 星期一

遺忘的唱盤時光@譚詠麟

天氣濕立立都係時候拎返基爾D「陳年」CD出來抹抹以免發霉,抹完當然順手又擺埋落唱盤聽一陣啦!



近排譚校長慶祝入行40周年,其實基爾問心覺得果首《銀河歲月》真係麻麻地,倒不如聽返喱隻精選CD好過啦!這一輯寶麗金88極品音色系列發行於1997年(眨下眼已經有差不多廿年歷史),之前都講過買了好多張,基爾向來不特別愛聽譚校長的歌但原來也有買他這張喎!



碟中一共收錄了18首歌,基本上九成都係當年一睇歌名就會記起的大路hit爆金曲,沒有太大驚喜,當中的幻影、忘不了您、雨絲情愁和半夢半醒今時今日聽返依然覺得是上乘之作,一路聽就越來越懷念他以前的唱腔(唔知點解依家總係嫌佢唱歌變得過份老練陳腔,酒廊歌手味太濃所以唔太like)。另外有點好奇係第15及16兩track,諗了好耐都唔係好記得係咩歌,完全無印象,聽返才發現一個永遠不好的傷口有一點記憶但不算太熱之作,至於幫我欺騙我就完全係「零印象」(老實說也不算是什麼特別好聽的滄海遺珠),能被選入這類「雞精碟」中實在有點令人難以想像,也摸不著頭腦。



順便搭單講埋黃凱芹果隻吧!早排睇李思捷talk show見佢上鏡幾乎唔認得,幸好依然唱得……始終覺得佢短髮好睇過長髮,尤其是年紀大了!Anyway講返喱隻碟,可能近年始終少聽黃凱芹有咩新歌,即使聽返喱16首舊歌仍有一點點新鮮感,依然很喜歡雨中的戀人們、沒結果的一些感情和情深緣淺,勁鍾意彌月醉巴黎,是編曲很特別的遺珠。比較揼心係竟然沒有收錄到焚情,卻反而有首半冷門的逝去的詩篇……吹脹!

70 則留言:

  1. 譚校長的歌, 一向麻麻地...好少收藏佢啲歌....
    至於黃凱芹喜歡 蝶戀花, 傾心, 平常心, 青葱歲月, 晚秋...都幾多~~
    認同!!!我都認為人年紀大了, 反而短髮造型簡單比較好!!

    回覆刪除
    回覆
    1. 或許那就是一個時代的印記吧!!!平心而論都有好聽的歌...
      咁森兄要趁年輕試下留長髮啦^^

      刪除
    2. 譚校長的唱腔愈來愈怪,唔知係唔係被人扮得多。黃凱芹其實都好多好聽的歌, 蝶戀花, 雨中的戀人們, 平常心。但傾心我都係喜歡陳德彰多D

      刪除
    3. 係呀所以依家麻麻地鍾意聽佢唱live~~~~!!!
      hahahaha...可能係先入為主,我都覺得Raidas版本的傾心唔錯^^

      刪除
  2. 回覆
    1. 吓!買隻「豉油碟」呀?kakakaka....

      刪除
    2. 咁煩請你示範用「豉油碟」聽歌啦,想見識一下XXD

      刪除
  3. 我同基爾有相同看法,譚校長首新歌唔係幾得!你講果幾首都係好歌,幻影令我記起小狐仙的結局,其中半夢半醒十分喜歡。

    回覆刪除
    回覆
    1. 本來果首新歌係好激昂果類,想比譚生表演一下唱功,不過聽落感覺上就反而似暴露了他的弱項:P
      幻影和半夢半醒喱一類較柔情娓娓道來的似乎更啱佢演繹吧!!!!
      碟中第15和16果兩首平凡冷門歌,如果換上較早期的代表作品如小珊瑚和天邊一隻雁之類,這張精選碟就夠完美了!!!^^

      刪除
    2. 我記錯了,幻影是陰陽錯的主題曲。小狐仙是倪淑君主演另一部的電影。
      基爾無講錯,譚校長的唱功真係一般,當年佢因為紅,所以所有好歌俾佢攞晒嚟唱,呢首新歌令佢自暴其短。

      刪除
    3. 電視以前好似有播過套戲,但印象不太深!!
      其實所有歌手都有佢本身的風格嘅,可能某程度上會比較擅長唱某一類歌,如果咁啱果陣時又興喱種style就紅硬啦^^
      可能喱類配合big band大樂團或交響樂味較濃的,感覺上會比較適合羅文甄妮葉麗儀等歌星多一點吧!!!

      刪除
  4. 你真係好心機,當然,呢的好歌要好好珍惜!

    回覆刪除
    回覆
    1. 喱啲碟都係好耐以前買落嘅,數數手指都接近廿年架啦^^

      刪除
  5. wow~懷舊金曲夜~~~
    我其實覺得譚校長有d歌幾好聽的~
    霧之戀同埋一生中最愛都幾岩聽~

    回覆刪除
    回覆
    1. 情憑誰來定錯對也很正呢
      韓文原曲其實本身已很好聽

      刪除
    2. 咦~有研究喎~有一次佢入行40周年..無線播佢個特別節目...然後唱左好多首歌...然後我發現我好多首歌都識唱...........................
      下~~~原來原曲係韓文架?真係唔知~以前都幾興改篇歌喎~

      刪除
    3. 其實多改篇歌也不一定不好,最緊要係歌的質素好,又唱得好聽啫^^
      依家應該都唔係好多人再去唱K,好多都執晒kakakakaka....

      刪除
    4. 咁又係~不過我都係覺得以前d歌好聽d...即使依家仲活躍既歌手..我都係覺得舊歌正好多~
      下??你講香港????我都幾鐘意唱k架喎~不過成日唱舊歌~

      刪除
    5. 至少依家啲歌手出碟,已經好少有衝動第一時間走去買碟囉:P
      不過現在多咗好多渠道聽歌就係真嘅,而且好多歌基本上聽兩三次已經聽厭,無乜必要買碟收藏啦,而且又無咁多位擺XXD
      同九十年代成行成市比,依家都少咗人去唱啦

      刪除
    6. 咁又係呀...我連我最愛哥隊band都提唔起勁了~
      你又講得岩喎~~~~~~而且仲可以上網去itunes度買都好方便~又唔使真係有一隻碟係屋企~你呢兩隻真係好好收藏呀~~~~
      咁又係.....我鐘意唱乾淨k(即係齋唱唔飲酒哥隻~)

      刪除
    7. 依家真係好想收藏嘅碟先會去買囉,一般新碟就無乜購買意欲:P
      好彩你有括住(即係齋唱唔飲酒哥隻~),我差啲誤會咗咩係乾淨K
      XXXXXD

      刪除
  6. 其實當年佢位監製識揀歌, 所以勁hit
    居然無我愛你愛到發哂狂? 呢首歌難得之處, 三句歌詞串哂一首歌, 勁!

    回覆刪除
    回覆
    1. 關生畀咗好多正歌畀佢,所以要報恩幫下佢個仔囉hahaha...
      嘩~~~喱首真係好經典,你一講我即刻記得XXXXXD
      填詞的霑叔如果填多幾首喱類歌一定發大達,填十首一定快過人地填一首,林夕Wyman都無得撈kakakaka...

      刪除
  7. 校長呢首碟我都有!88蚊極品音色系列!

    回覆刪除
    回覆
    1. 幾抵聽,以前用cassette易發霉聽唔到,所以買返隻CD就比較易收藏囉!!!
      88原來是個價錢?!!@@我都唔記得,不過記憶中我買果時好似係40幾蚊大減價買......所以一次過買了好幾隻!!!!

      刪除
  8. 回覆
    1. 應該不算是吧,記憶中好似只買了這一千零一張CD而已......

      刪除
    2. 譚校長亦實在有不少好聽的歌。

      刪除
    3. 以前唱K係咪成日唱佢啲歌?^^

      刪除
  9. 我到了這兩年才懂得欣賞校長的歌
    好喜歡愛的根源呀!

    回覆刪除
    回覆
    1. 愛的根源好似都係電影歌,佢以前都唱好多電影歌呢

      刪除
  10. 回覆
    1. 至醒係王子識自動波kakakakaka.....

      刪除
  11. 唱盤時光,幾時轉到去阿邊個呢?長頸鹿搔頸中。。。kaka......

    回覆刪除
    回覆
    1. 轉去阿邊個?咁深奧嘅突然~~~~@@

      刪除
    2. 你冇記性之嘛!講過架喇!

      刪除
  12. alan都係的舊歌好聽好多,經典曲目一大堆!

    回覆刪除
    回覆
    1. 經過時間洗禮,能留下來的應都稱得上是經典了,歷久常新~~~~!!

      刪除
  13. 譚校長的歌我麻麻地, 好似只有一兩首較為喜歡, 不過忘記歌名lu.

    回覆刪除
  14. 懷舊金曲……
    我以前聽喺金曲,而且喺叫懷舊……
    都知人老喇……
    星期日呀姐、秋官個節目

    回覆刪除
    回覆
    1. 依家啲電視節目都係鍾意玩懷舊,返而收視有保證,睇電視漸漸變了懷舊活動kakakakaka....

      刪除
  15. 我好細好細時(baby time XD) ,好鍾意溫拿㗎,哈哈哈!

    回覆刪除
    回覆
    1. Kakakaka.....咁有冇跟住佢地唱L...O...V...E....love~~~~!!!XXXXD

      刪除
  16. 我總覺得現在 d 歌無論作曲填詞都冇以前咁好聽了 .

    回覆刪除
    回覆
    1. 十幾廿年流傳到下來的應該也是經典吧^^

      刪除
  17. 如果當年冇一大堆日本歌俾譚校長改唱, 可能紅唔起呢. 不過佢嘅歌都算經典.

    回覆刪除
    回覆
    1. 80's好興改日本歌,有好多佳作!!!
      相對改英文歌,日文歌的旋律感覺上比較適合填中文詞多一點.....

      刪除
  18. 你提及的兩位歌星中 !? Sky 只是會聽黃凱芹的歌曲咋^^
    因為我是 [ 国榮派 ]的忠心永久 Fans 之一 !!
    Anyway @ 復活節 Vs 清明節 = 假期快樂吖^^

    回覆刪除
    回覆
    1. 尋晚好少可睇亞視,突然發現重播一個十幾廿年前的哥哥訪問(星空下的傾情),我不知不覺睇晒成個節目!!!!
      放假你有冇北上?^^

      刪除
    2. 這几天假期剛好返夜班吖~
      所以沒有北去了 !!

      刪除
    3. 原來如此....咁當然係返工搵錢緊要啲^^

      刪除
  19. 我都係覺得啲歌,越舊就越好聽.......正!

    回覆刪除
    回覆
    1. 可能因為喱啲好歌都受過時間洗禮,唔好聽果啲一早就淘汰咗,不能流傳下來了吧^^

      刪除
  20. 回覆
    1. 好彩唔係咁多Alan迷睇我個blog!!!
      XXXD

      刪除
  21. 可能因為我老餅,我都係鍾意譚詠麟嘅舊歌;好似:相識非偶然,小風波,誰可改變。。。。

    回覆刪除
    回覆
    1. 係呀,有好多回憶搭夠吧^^
      你個鎮回暖未呢?

      刪除
    2. 天氣開始暖啲啦,可以出門四圍行吓。

      刪除
    3. 可以出門行吓賞吓花囉^^

      刪除
    4. 花就未有啦。。。。冷天過後,有部分樹剛剛開始生啲嫩葉出嚟。

      刪除
    5. 無咁凍其實已經好好多,可以出去散下步囉

      刪除
  22. 以前好鍾意校長架,不過近年d歌同以前差好遠,淡咗好多啦!

    回覆刪除
    回覆
    1. 近年佢都好似賺夠上岸,一來出碟又少,二來好聽的歌也不多呢

      刪除
  23. 回覆
    1. 佢周不時會返來開show搵真銀㗎喎~~~有冇去捧下場?!!
      你最鍾意唱佢邊首呢?^^

      刪除