2015年5月5日 星期二

2014古都瀟瀟@音羽之瀧

奧之院外的小徑是拍攝清水寺主殿及懸空舞台的最佳位置,不少清水寺的明信片和海報都是在這裏取景……



由這裏遠眺煙雨濛濛中的清水舞台格外淒美,雲霧飄渺間恍如置身仙境中,所以雖然落大雨令人有點狼狽,卻可欣賞到清水寺另一種美態,所以也是值得一遊的。



上圖右是可步行落去「音羽之瀧」的長長石階……大雨不斷沖擦僅餘的紅葉,基爾回憶記年前在青森奧入瀨無獨有偶也是在雨中看紅葉,由於那裏的河邊小徑步道隱沒在山林中,與清水寺比較又是另一種風情畫。



由於奧之院與三重塔一樣圍上了布幔正在維修不能進入,那就繼續沿這條臨崖的小山徑往前走吧!兩邊山坡仍可見到不少紅葉,小徑盡頭一處小山丘上見到一座「迷你版」的三重塔。



由於正牌的三重塔圍了布幔無法見到盧山真面目,就看這個迷你版的子安塔補數吧!它的建築結構基本上與三重塔如出一轍,只係細了兩個碼。之後當然要行埋落去睇「音羽之瀧」。這道音羽山的清泉其實就是清水寺名字的由來,自古就有黃金之水和延命之水的美譽……



泉水流經亭簷分為3道,分別為學問祈願水(考試要科科A必飲)、戀愛祈願水(Dry爆單身必飲)、延年神仙水(駐顏保健必飲),亭前擺放了小鐵瓢供信眾取水之用,飲飽水就差不多時候離開清水寺了。



沿清水坂一路往下走,路旁兩邊盡是手信店,有唔少試食糕點和綠茶免費飲,之後仲入去幫襯了喱間食了個熱辣辣¥220山椒炸薯餅取暖。



最後搭巴士返去京都驛總站,本來友人諗住去幫襯巴士總站附近的一間燒肉店食晏,不過去到才知原來佢只做夜市(4:30pm才開門營業),時間已差不多成兩點鐘餓到死,見對面街有間帶點住家feel的拉麵小店,唔諗咁多入去取暖避雨吧!



奇喎!午市推介menu只有4款(老闆娘看來也貌似準備去午睡似的),可能準備落場休息,店裏也不見其他客人,認真打搞晒!4款烏冬(好似可另選拉麵)分別是豆乳、海鮮、肉和天婦羅,基爾記憶中好似揀了海鮮(望落材料較豐富),但聽聞京都的豆乳也很出名,一律¥820……唔知係咪喱間麵店的特式煮法?每碗烏冬的湯料都像碗仔翅一樣呈沾稠狀而且偏咸,個人唔太like,中伏味濃!

66 則留言:

  1. 咁你係咪飲咗好多戀愛祈願水呢???

    回覆刪除
    回覆
    1. 喱個係咪你主觀願望先~~~~XXD

      刪除
    2. 佢想你快d有個伴唔好煩佢,哈哈!

      刪除
    3. 唔駛再做孤獨老人囉~~~~~hahahaha...

      刪除
    4. 你扮孤獨老人都冇人信啦!

      刪除
    5. 你係基留香喎!kaka...

      刪除
    6. 個名咁怪雞,乜水嚟㗎?

      刪除
    7. 全名係基爾楚留香二世,kakaka.......

      刪除
    8. 越來越複雜了~~~~似乎充滿想像的空間!!!

      刪除
  2. 飲飽水就差不多時候離開清水寺>>>>gael兄又好嘢喎,唔怕周圍搵洗手間咩??
    紅葉以及舊建築好賞心悅目~~
    豆乳是否我們的軟豆腐呢??!!
    係唔係你阻住老闆娘訓晏覺...佢整鬼你畀你一碗鹹湯呢?!!XXD

    回覆刪除
    回覆
    1. 唔驚喎,周圍都有洗手間㗎kakakaka.....
      可惜那時已經紅葉季尾,加上又落大雨,好多葉落晒㗎啦
      佢地豆乳產品都幾多,除了豆腐之外也有雪糕比較出名!!
      咁我又唔知喎,但佢有打開門做生意架喎:P

      刪除
  3. 見到呢的古樸嘅建築有如重返古代,感覺好正!

    回覆刪除
    回覆
    1. 京都吸引人之處就係喱啲古色古香風情吧

      刪除
  4. 我好鍾意紅葉,有另一種美!

    回覆刪除
    回覆
    1. 如果想去京都睇,我諗11月中至尾應該係最佳季節了

      刪除
  5. 回覆
    1. 咁飲完之後係咪即刻識到阿專員哥呢?!!kakakakaka...

      刪除
  6. 清水寺,上星期被潑油漆,太過份……
    哈……關西味濃,好啱我囗胃,
    豆乳料理好京都著名,素食頂尖之作\(^o^)/

    回覆刪除
    回覆
    1. 係啲咩人做?我無留意喱單新聞添~~~~~
      我只見到有單係講大陸有一塊出表師石碑被刻上「到此一遊」XXD
      風景真係好靚,你鍾意影相一定啱晒你!!!
      無錯,豆乳係當地招牌食品,我覺得都幾唔錯嘅

      刪除
  7. 清水寺的地方實在很美!
    只做夜市?好有實力!

    回覆刪除
    回覆
    1. 每個畫面都可以拍古裝片kakakaka...
      係呀,如果在香港一定不可能吧

      刪除
    2. 對!香港就是少了一點灑脫!我們就是不能有這一點灑脫!

      刪除
    3. 香港食店如果只做夜市,一定唔夠畀貴租啦:P

      刪除
    4. 生活難,難怪被其他人說香港人木口木面!

      刪除
    5. 睇多啲說書人作品一定唔會木口木面啦^0^

      刪除
  8. 在清水寺附近有間吃豆乳料理的,食物的味道很好!

    回覆刪除
    回覆
    1. 那天雨很大沒有仔細在附近找食店
      將來有機會要跟阿摩去試試^^

      刪除
  9. 去旅行落雨雖然係唔方便,但係其實都另有一番美態;空氣被雨水洗滌,寧舍清新。我而家都食唔到太濃味嘅食物,食完會唔舒服。

    回覆刪除
    回覆
    1. 如果想影相就真係有點不方便囉,始終驚沾濕相機會壞.....
      落完雨空氣真係會清新D,如果在香港成日污煙瘴氣就更加覺得!
      日常盡量食清淡D,少鹽少糖少油少添加,盡量食新鮮有益嘅嘢就最好啦^^

      刪除
  10. 清水寺周圍環境優雅美麗.
    最怕食嘢食著太咸, 都唔知好唔好繼續食.

    回覆刪除
    回覆
    1. 所以一年365日基本上都多人去㗎^^
      如果飽的話,通常會放棄,同埋blacklist佢唔會再幫襯

      刪除
  11. 京都計起來竟然一年多前後去了二次。~~
    我飲食較清淡,太濃味嘅食物,我不太喜歡。
    太油膩的食物更加少吃。

    回覆刪除
    回覆
    1. 係咪就係去睇紅葉和櫻花呢~~~?!!^^
      現代城市人一般都攝取過量油鹽糖,食清淡D始終比較健康吧

      刪除
  12. 我在這裡飲過一次泉水,好似在門口。 不過同行友人叫我唔好再飲,說是輻射水,哈哈。

    回覆刪除
    回覆
    1. 其實一般喱類泉水尤其係去大陸旅行時,我都不會直接飲用,始終多多少少會有塵或者微生物之類,人人體質有異,未必受得,大陸果D更可能受地下水污染,表面睇乾淨但裏面溶了幾多化學物質實在不得而知......
      所以我多數只用來洗洗手或面,當作是簡單用過泉水的儀式就算了!!

      刪除
  13. 我今年11月尾會去京都睇紅葉, 但係見到復活節遊客迫爆清水寺, 真係驚驚地....

    回覆刪除
    回覆
    1. 之前睇過網上資料話清水寺應該會有一晚係開夜場,不妨先上網check吓,如果就到時間放假,都值得去睇睇夜晚有燈飾的紅葉吧,記得影多啲靚相畀我睇喎^^

      刪除
    2. 我驚迫到連入場都入唔到, 哈哈!! 我有次櫻花期去清水寺賞夜櫻, 你影第一張相嗰條小徑擠滿晒人, 第一排啲人影完又唔走, 等左好耐先攝到個位影咋, 紅葉期我諗仲誇張!!

      刪除
    3. 太多人唔知會唔會暫停賣飛呢?又或者要預售門券控制人潮?
      其實逼都唔驚,櫻花和紅葉旺季去都預咗逼,最驚係一場去到唔畀入仲慘......我試過去東京那間三鷹美術館諗住睇宮崎駿展覽,點知無得即場買門券(那時好似係剛開幕比較旺場),要在香港先買飛,激死!!!!><

      刪除
  14. 我都想再去清水寺睇紅葉...但,驚咗D輻射問題!

    回覆刪除
    回覆
    1. 我諗一般人都唔駛太擔心嘅,最多咪去三五七日而已吧!
      當然如果係有咗BB嘅準媽咪,我覺得就不要再去日本了,始終有風險,同埋去到如果成日擔驚受怕又唔敢食嘢,咁就不如唔好去啦!!!
      去旅行都係但求玩得開心又放心啫,況且仲有好多其他地方值得去....

      刪除
    2. 哈哈!你...似乎講得幾有道理咁喎!:P

      刪除
  15. 2014古都瀟瀟@音羽之瀧 !?
    這是回憶篇嗎 ? 以前 Post 過出來未架 !?

    回覆刪除
    回覆
    1. 未呀,你有印象咩?
      不過清水寺好多人去過,可能你在其他blog看過也不出奇呢

      刪除
  16. 風景好靚! 薯餅外形好 cute! 好吃嗎?

    回覆刪除
    回覆
    1. 熱辣辣唔錯幾好食但有啲熱氣:P

      刪除
  17. 我記得當年我去哥時都有飲祈願水呀~~~~~~~至於飲邊個......當年咁年少...梗係.........你自己估啦我怕醜呀~~~~~~~~~~~~~~~~~~~~~~~~~
    個炸薯餅我睇完流口水~~

    回覆刪除
    回覆
    1. 飲邊個唔重要,最重要係靈唔靈先?XXD
      冬天凍冰冰時咬一口,特別暖笠笠^^

      刪除
  18. 睇落啲天婦羅應該幾好味道!

    回覆刪除
    回覆
    1. 我冇食呀,因為我無叫果碗呢

      刪除
  19. 回覆
    1. 咁多靚景,最啱你去影靚相啦^^

      刪除
  20. 我鍾意紅葉多過櫻花,可以就係因為佢有種淒美感~

    回覆刪除
    回覆
    1. 而且紅葉好似較易捕捉到,櫻花就快開快謝難預時間D

      刪除
  21. 真係好古色古香呢!祝母親節快樂!

    回覆刪除
    回覆
    1. 也祝奇兄happy mother's day and happy everyday^^

      刪除
  22. Gael, 你飲左邊款水o者? (八卦mode) ^^

    回覆刪除
    回覆
    1. kakakakaka....我無飲,洗洗手而已^^

      刪除
  23. 我上次去清水寺, 真係玩左大半天, 處處都可以到靚景 !
    當然你呢個 Postcard 位我都影左幾張 ~

    回覆刪除
    回覆
    1. 奧之院出面山坡真係最佳角度,所以好多人都愛在那裏影相㗎!!!

      刪除
  24. 你阻住老闆娘午睡,佢梗係是但俾啲嘢你食就算。。。。

    回覆刪除
    回覆
    1. 都有喱個可能,唔夠瞓特別扭計kakakakaka....

      刪除