2015年5月20日 星期三

2014古都瀟瀟@竹林燈影

神戶燈祭是位於鬧市中心的大街和公園,京都嵐山燈祭的主菜則是位於一片叢林中的竹海,雖然同是賞燈,但感覺完全是兩回事……



基爾出發前已上網search過嵐山的竹海夜色到底有幾壯麗,所以縱使當晚凍到傻,仍然期待親身去一看。



離開了靜蠅蠅的河濱公園一走上渡月橋,終於感受到賞燈祭的熱鬧氣氛,初頭本來都驚搵唔到竹林的方向……



但其實沿途一路跟住人潮走根本不用擔心,因為幾乎所有人都是向同一方向進發。



返查資料才知原來喱條「賞竹小徑」足足有成5km咁長,夾道兩旁長滿一排又一排幾十尺的高聳竹樹,大多都照亮了綠燈,部份則夾雜了藍燈。



置身在這條隱閉不見天的小徑中,真有點似穿越竹林隧道一樣,可惜基爾部傻瓜機影出來麻麻地唔係太夠光度。



由大河內山莊走到盡頭的野宮神社,沿路邊見到有唔少七彩的燈籠飾物,驟眼睇有少少似萬聖節的南瓜燈。



來到野宮神社見不少遊人都沿途折返,應是竹林小徑的盡頭了吧?!印象中好似未試過夜晚到訪神社,感覺上好似有點神秘氣氛,神社只開放近門口的小庭園供遊人祈福,簡單參觀一圈就走了,因為肚餓的聲音正在不斷呼喚基爾!

70 則留言:

  1. 呢個竹林我都想去, 但係好似無人咁? 1個人有啲恐怖喎!!

    回覆刪除
    回覆
    1. 燈祭喱晚都幾多人㗎,平時我唔知多唔多人呢!!!!

      刪除
  2. 其實我都幾鐘意竹林~覺得好靚~~~~~~感覺好舒服~~~~

    回覆刪除
    回覆
    1. 如果有你個魚眼鏡應該影得仲宏偉一點...!!!!

      刪除
    2. 無錯無錯~~今次去京都都安排左去竹林呀~~~
      等我等我~~~

      刪除
    3. 你夏天去應該無燈祭,所以你地幾個公子最好係日間去,唔好夜晚去,始終夜晚太靜唔安全!!!

      刪除
    4. 我地都安排左朝早去的~~~放心~~~
      你真細心~多謝~

      刪除
    5. Good~~~~去旅行志在開心,唔駛太博嘅kakakaka....

      刪除
  3. 如果被人留低响度,一個人都幾驚!

    回覆刪除
    回覆
    1. 係呀平日我諗係會比較靜,不過燈祭期間就比較多遊人

      刪除
  4. 點解我會想起四谷怪談嘅

    回覆刪除
  5. 回覆
    1. 唔係一個人呀,^^仲有好多其他遊人

      刪除
  6. 回覆
    1. 很清幽的環境
      正啱阿摩影張甫士相^^

      刪除
  7. 回覆
    1. 凍得來都好熱鬧,人頭湧湧!!

      刪除
  8. 天氣凍,真係好易肚餓
    竹林氣氛好正

    回覆刪除
    回覆
    1. 係呀,熱量散失得快,要多啲補充XXD
      現場睇都好靚,我影得一般而已

      刪除
  9. 竹林好靚;如有機會喺藍天白雲下影竹林,應該仲靚。好好笑,我都好似聽到啲打鼓聲,劃破黑夜嘅寂靜:因為肚餓的聲音正在不斷呼喚基爾! 哈哈!!

    回覆刪除
    回覆
    1. 白天去遊竹海,可能又會有另一番美態
      咩事咁肚餓呀,係咪等緊白頭sir回來一齊食飯呢?!!^^

      刪除
  10. 剛好有另一個blog 友在聖誕節去了夜遊竹林, 差D唔見左團友。 scary !

    回覆刪除
    回覆
    1. 係呀其實竹林果條小徑沿路都幾多人,不過如果走失就自已返酒店囉,反正都係一條路出入,一定唔會怕在森林裏迷路kakakakaka.....

      刪除
  11. 竹海夜色....好似會有鬼出現咁嘅。

    回覆刪除
  12. 回覆
    1. 現場睇真係幾靚幾宏偉震撼!!!!

      刪除
  13. 如果...
    基爾一個人夜睌穿越竹林隧道…
    —個披頭散髮的女子…行喺基爾前面…
    突然...她回過頭來…她的五官正流著....並不斷呼喚基爾...
    —定超刺激!hahahaha... :P

    回覆刪除
    回覆
    1. 你意思係在竹林裏遇到你?你都有興趣去睇燈祭咩?kakakakaka...

      刪除
    2. 遇到我...喺咪有D驚嚇呢??kakakaka....XXXXD
      如果燈祭有D"陰森恐怖的探秘之旅"...會更有噱頭!:P

      刪除
    3. 有冇咁誇呀你....XXXD唔通真係鬼火咁靚kakakakaka.....
      陰森恐怖的探秘之旅=====>你估去荔園鬼屋咩:P

      刪除
    4. "唔通真係鬼火咁靚"
      ...你咁問...我當然要...好有自信咁答:喺!的確喺鬼火咁靚!hahaha....
      荔園鬼屋未去過呀!反而泰國夢幻樂園裏面嘅鬼屋 就去過...
      跟喺後面有班唔識嘅人仲不停製造D恐怖氣氛同聲音,大家一齊V嘩鬼叫,
      幾搞笑!幾好玩!

      刪除
    5. 鬼火其實係點靚法?我未見過kakakaka...
      係咪即係好似海洋公園哈勞喂果啲咁?

      刪除
    6. "鬼火咁靚"...咁易比你見到架咩!:P
      類似喇!咁更喺唔及诲详公園咁激喇!诲详公園喺有好多真人扮鬼怪嚇遊客,同賣D佈景恐怖D!(都試過喺哈勞喂之夜後夜晚去诲详公園玩,見到D哈勞喂未拆嘅佈景,都幾有恐佈氣氛!)

      刪除
    7. 咁我都寧願唔見好過見嘅~~~~XXD
      今年你正日去囉kakaka...

      刪除
  14. 竹林加上燈光好靚...有點像拍武俠片~~
    旁邊的小燈籠,有點似復活蛋...目的用來點綴?!!

    回覆刪除
    回覆
    1. 係咪諗你諗起臥處藏龍呢?!!!
      不過我諗拍臥虎藏龍四川果度應該仲大片竹海,京都喱度就唔算好大片,行一兩個鐘已經行完可以回程了.
      應該係用來點綴,燈會方面好似係有邀請當地人去佈置部份場景

      刪除
    2. 哈哈,我即時都係諗到臥虎藏龍呢齣戲…
      早知gael兄除咗帶備暖包外,仲帶多套古裝衫扮吓大俠穿梭竹林間都好喎…肯定回應爆燈啦~~~~

      刪除
    3. 果一幕場景係好經典,外國番鬼都好喜歡看那一幕的竹林對決^^
      如果我著古裝衫大俠一定好卡通,因為無咁矮的大俠吧kakakakaka......

      刪除
  15. 回覆
    1. 我都覺得好靚呀,打燈效果不錯,不會太花巧,比較典雅

      刪除
  16. Gael,要行完這5km賞竹小徑要一個多小時.

    回覆刪除
    回覆
    1. 我要呀,因為行得慢,又要停下來影相慢慢欣賞個環境,都用唔少時間呢^^

      刪除
  17. 呢處竹林都好茂密喎,若日間拍照又有唔同感覺!

    回覆刪除
    回覆
    1. 如果下次再去京都,都想日間去遊多一次,當係去行山也好^^

      刪除
  18. 其實氣氛幾陰森恐怖呀。。。。。

    回覆刪除
    回覆
    1. 呵呵呵~~~~~係咪好適合拍恐嚇片
      大小豆去到可能反而好鍾意覺得好刺激喎^^

      刪除
  19. 竹海夜色好靚!
    可惜他們的活動過於簡單無深度。

    回覆刪除
    回覆
    1. 燈光效果不錯,不會太俗套的感覺!!!

      刪除
    2. 對,燈光效果十分好!但作為旅遊活動,祇有夜色和燈光效果,便不夠吸引。
      如果加點茶道、花道活動等,便完美的了。

      刪除
    3. Good idea~~~~~!!!!
      不過到時可能要收兩舊水入場費了XXXD

      刪除
  20. 竹林打晒燈又幾靚噃! 不過今晚唔凍咩?

    回覆刪除
    回覆
    1. 比我想像中靚!!!果晚其實幾凍,我諗如果有風只有3-4度
      下次不妨帶銀嫂去浪漫吓^^

      刪除
    2. 可以諗諗,哈哈~
      不過依家都考慮埋機票價錢,如去日本短程貴過歐洲十幾過鐘,我揀遠D⋯ 係咪好怪既諗法?

      刪除
    3. 絕對唔怪,而且都好合情合理,依家你新婚享受二人世界,都係應該去啲遠地方,將來有小朋友才去日韓玩都未遲呢^^

      刪除
  21. 我都有行過竹林,不過係日頭,夜晚個feel驚驚地@@
    野宮神社好似係求姻緣,Gael大大miss左呢個好機會啦>.<

    回覆刪除
    回覆
    1. 唔駛驚㗎Matthew,有好多靚仔靚女陪你齊行㗎嘛^^
      Really~~~~~我都無仔細睇呀,因為神社入面其實都幾暗,我都係好快咁行一圈就返去食飯了:P

      刪除
  22. 回覆
    1. 冇呀,通常都係齋參觀㗎咋:P

      刪除
  23. 竹林咁少人有點恐怖感覺!!

    回覆刪除
    回覆
    1. 其實係好人山人海㗎喎,一點也不恐怖:P

      刪除
  24. 竹林好壯觀但始終係晚上感覺有點鬼魅 , 好彩你話一路跟住人潮 , 咁都冇咁驚 .

    回覆刪除
    回覆
    1. 係呀因為燈祭所以好多人去睇,都幾熱鬧的

      刪除
  25. 嘩!~夜影竹森又幾有氣氛喎!`有念頭.

    回覆刪除
    回覆
    1. 人地用靚機影果D係幾靚㗎^^

      刪除
  26. 我想起竹林深處人家,個竹林真係有D陰森

    回覆刪除
    回覆
    1. 其實係好似行花市咁多人,一啲都冇恐怖感㗎:P

      刪除
  27. 見到你講個嵐山燈祭啦,估唔到竹林都會有light up喎~

    回覆刪除