2015年6月16日 星期二

2014古都瀟瀟@平民和牛

中午過後不久行完金閣寺一圈之後,差不多又係時候離開去下一個幾特別的check-point:有京都廚房之稱的「錦市場」。



旅行在外如果有時間的話,基爾都幾鍾意抽少少時間去逛市集街市超市之類,一來可以睇下當地人到底愛買乜煮飯,二來又可順便食下野!在日本逛過又比較有印象的是金澤的近江町魚市場,還有函館的朝市也很出名。至於今次到訪的這個「京都廚房」則不論遊客或當地人都會來買東西,由街頭到街尾幾乎都人頭湧湧……



整個錦市場基本上就由幾條長街一字形連接而成,各式各樣濕貨乾貨攤檔和食店、零食店、藥妝店、波鞋店應有盡有,齋行一轉都幾粒鐘。比較吸引的除了有即買即燒的章魚八爪魚燒烤檔外,仲有即開即食的生蠔和魚生海鮮檔,還有如上圖這種售賣各種傳統手作米糕和咸甜糕點的餅店……此外仲有唔少賣日本菜用常的醃菜漬物之類,基爾之前在嵐山溫泉旅館食過的醬油醃魚乾仔這裏也有出售,一看才知原來係貴價野,一小盒十數條就要千幾円,但因為實在太好味了,一於照買!



整個下午在錦市場邊行邊食再食埋拉麵之後才離開,在傍晚時份搭巴士返回京都驛附近的弘燒肉店。因為之前一日中午來到才發現原來這間燒肉店只開晚市,深深不忿下今晚要再來食過。網上話喱間店都幾出名,在京都有好幾間分店云云……



緊接著又係飲食環節「和牛時段」,之前在神戶食過走高檔路線的Kobe Plaisir,這晚光顧的弘燒肉店則主要走中價路線,一打開menu望望價目表已經覺得激抵食,看來基爾又要破戒食多幾款唔同的和牛了。



日本這種「燒肉店」,說的當然不是香港那種賣叉燒燒味的燒臘檔,而是比較近似韓式燒烤那種食店。值得讚的是店內抽風設計頗佳,桌面雖然沒設有抽風機但完全唔覺得有油煙……



當然這間明碼實價講到明係中價店,就不會有廚師即席在面前表演烹飪功架了,桌上就只有一個網形的燒烤鍋,想食乜就自己落手燒而已。



比較有驚喜係其實這裏的牛肉味道絕不比神戶食過那間輸蝕,唯一有點緊張係燒烤牛肉的過程中真係要打醒十二分精神,唔好只掛住傾偈,否則唔覺意烤焦了就太暴殄天物!



上圖這碟雪花牛柳粒紋理pattern相當靚,但價錢只是幾百至千多円就有一大碟,感覺上好似仲抵食過香港的牛陣之類,埋單計人均才千幾二千円左右,與神戶店相比更只是1/10多一點價錢,所以之前即使食了閉門羹仍堅持要再來,實在是明智之舉!

70 則留言:

  1. D 和牛好吸引, 流哂口水添

    回覆刪除
    回覆
    1. 喱間雖然係要自己燒不過都幾好食,最重要係價錢平一大截^^

      刪除
  2. 去旅行逛市集是好正的!
    和牛看若真是好好味!

    回覆刪除
    回覆
    1. 個市集都幾企理嘅,而且都幾多野睇呢
      如果再去京都不妨去encore^^

      刪除
  3. 回覆
    1. 通常阿摩會唔會有收穫?

      刪除
    2. 偶然啦,最愛買水果!

      刪除
  4. 回覆
    1. 奇就奇在唔會有太多油煙,唔似韓燒咁食完成身味

      刪除
  5. 我覺得錦市場甚麼都貴,上次行左一陣,當參觀過咩都無買。

    回覆刪除
    回覆
    1. 即食小食檔攤份量少,都試得過嘅^^

      刪除
  6. 其實,,,,,我都係覺得平民和牛 適合我!

    回覆刪除
    回覆
    1. 我本身都係平民嚟㗎嘛hahahaha....

      刪除
  7. 回覆
    1. 喱間抵食,所以之前摸門釘都要再去:P

      刪除
  8. 去左幾次京都都無去過錦市場, 今次要抽啲時間去下先得!!

    回覆刪除
    回覆
    1. 11月尾, 諗住留個幾星期喺京都影紅葉!!

      刪除
    2. 11月中後算是紅葉旺季了~~~~

      刪除
  9. 華~錦市場真係人頭湧湧~~~~~我都諗住去呀~生蠔同埋買醃漬物都係我首選~~~
    我都好想食和牛呀~~~有無地址呀????

    回覆刪除
    回覆
    1. 係呀都好多人,當中唔少係遊客....
      咁你要預多少少時間去行啦,我都行了一個下午!!!
      喱間和牛有個網址:http://www.yakiniku-hiro.com/hiroshoten/
      都有幾間分店的,其中一間近京都驛

      刪除
    2. 多人到好似行唔到咁.....
      !!!!行咁耐!!!!好驚呀~好驚唔夠時間行添~~
      好多謝你呀~~~如果有時間會去下~~

      刪除
    3. 唔駛客氣,玩得開心D
      影多D靚相^^

      刪除
  10. 嘩~~~哩間真係好抵食喎
    下次有時間都要去錦市場走一走

    回覆刪除
    回覆
    1. 平平地試下無妨呀^^
      要啦,好多嘢食賣㗎

      刪除
  11. 錦市場真係感覺好華麗!

    回覆刪除
    回覆
    1. 仲有好多唔同店舖,感覺好行過香港果D千篇一律mallXXXD

      刪除
  12. 又唔介紹貧民和牛?!!...等森伯伯都可以嘗吓廉價和牛的滋味~~> <

    回覆刪除
    回覆
    1. 如果有隱形富豪和牛店我一定介紹畀森兄XXXXXD

      刪除
  13. 和牛喺當地食係咪平好多?

    回覆刪除
    回覆
    1. 其實在香港我好少食和牛,因為我本身係麻麻地牛嘅,不過一場去到日本就姑且一試吧!若以同一level計,價錢應該係比香港平!!

      刪除
  14. 雪花牛柳粒....單睇相都覺得"正"!^^

    回覆刪除
    回覆
    1. 可惜欠了個牛牛公仔XXXD

      刪除
    2. 你咪喺現成嘅牛牛公仔囉!kakakaka....

      刪除
    3. 唔好破壞人哋食慾喇!kakakaka...(我笑到...差點想噴飯!:P)

      刪除
    4. 駛唔駛搞到噴飯咁激呀~~~~~:P

      刪除
    5. 講吓笑咋!唔好嬲呀!Gael 哥!hahahaha...

      刪除
    6. 你不嬲都係搞Gag能手啦

      刪除
    7. 都喺Gael哥好人...俾面啫!
      如果喺某某…就....哈哈哈…

      刪除
    8. ICIC~~~~long time no see~~!!

      刪除
  15. 瑞午節快樂~去游下龍舟水啦!

    回覆刪除
    回覆
    1. 端午節快樂^^今日天氣好好呢!!!!

      刪除
  16. 即開即食的生蠔和魚生很吸引、新鮮!
    雪花牛柳粒望落油脂均勻, 入口即溶, 正!

    回覆刪除
    回覆
    1. 不過都要有小小膽量先得,如果腸胃一向不太好,最好都唔好試喇以免有差池:P
      喱間烤和牛真不錯,可以一試無妨,當地都唔少人去食的,當晚隔籬有圍台就係老闆請員工食飯開大餐^^

      刪除
  17. 回覆
    1. 端午節快樂~~~~奇兄有冇去游龍舟水?

      刪除
  18. 我都有去過錦市場:D
    呢間又真係好似韓燒,而且千幾円就有和牛食超抵~
    不過要自己燒一個唔小心就燒燶啦,哈哈XD

    回覆刪除
    回覆
    1. 你好多地方都去過啦^^地氈式搜索好去處!!!
      喱間抵呀,如果想平平地試下都ok㗎^^
      喱樣就真係要打醒廿二分精神hahahaha....一個唔覺意就暴殄天物罪過罪過:P

      刪除
  19. 真係好抵食!我會prefer自己燒架,試過一次在韓國,個餐廳大媽睇到我地雞手鴨腳忍唔住,走嚟幫我地燒晒,差啲想餵埋我地(可能我地太慢阻住佢做生意吧。。。。)自己慢慢燒慢慢食才過癮呀。。。。

    回覆刪除
    回覆
    1. 係呀自己燒就係可控制想熟D定生D囉,啱自己胃口D~~~!!最緊要大小豆唔好搞搞震累你分神,否則好易燒焦:P
      唔係喎我諗韓國係興咁,我睇旅行節目都係興由阿珠媽親自主理,直情係餵埋入口,好搞笑XXD

      刪除
  20. 回覆
    1. 味道ok~~~可以自己控制火路^^

      刪除
  21. 和牛...好想食!!!!!!!
    去旅行我又係好鍾意行街市同超市...因為個人為食囉...XDDD

    回覆刪除
    回覆
    1. 隨時飛過去囉^^
      日本啲街市多特色嘢食呀,而且一般都ok乾淨!!!!

      刪除
  22. 嘩! 好抵食喎基爾! 舊牛好吸引呀!
    逛市集都係我旅途上必去既景點架~ 有時仲食到平野添!

    回覆刪除
    回覆
    1. 喱間掂呀,值得推一推^^
      係呀好多時都有好多地道野睇@@
      你去柬埔寨D市集都好正呢!!

      刪除
    2. 係咩? 柬埔寨市集已忘記了,哈哈⋯

      刪除
    3. 你一年走幾轉,唔記得都唔出奇嘅^^

      刪除
  23. 市場咁大又多嘢食 " 正呀 "

    回覆刪除
    回覆
    1. 對呀,如果你同相公去到一定可以逛一日呢^^

      刪除
  24. 和牛簡直是我的最愛,可惜現在年紀開始大,上次去沖繩食了一塊大牛扒,晚上就胃痛,所以都係『少吃多知味』

    回覆刪除
    回覆
    1. 咁快就年紀大kakakaka....仲要環遊世界喎^^
      『少吃多知味』=====>喱句我都要學吓先得,好多都係淺嘗就夠:P

      刪除