2015年6月6日 星期六

2014古都瀟瀟@鹿苑金閣

進入Day 4,大清早就醒來了,唔好浪費時間拿拿林再去浸多次溫泉先得。經過尋日落了成日雨之後,這朝就迎來了大藍天,終於唔駛拎住把遮行街咁煩啦!



溫泉旅館有包半自助式早餐,有一個基本的set,另外再自己出去拎各式冷熱飲品或其他幾種冷盤沙律、西式麵包腸仔炒蛋之類,不過果朝唔記得拎相機和手機去食早餐,所以乜相都無影到。上圖是旅館門前一棵勁紅卜卜的紅葉樹,每次出入都忍唔住要同佢影張靚相(不論日與夜)。



食飽飽之後抖一陣,收拾好行裝背囊就準備check-out。由於今晚就要搭火車返回大阪,所以要好好把握留在京都最後大半天的時間,原本諗住去搵巴士也費事了,溫泉旅館門口就有的士,反正想去的北山區不太遠,就坐的士去吧(記憶中好似第2次在日本搭的士)!上圖是進入鹿苑寺的正門「黑門」和長長的碎石步道。



說起「鹿苑寺」可能一時未必會醒起是什麼地方,其實它就是金閣寺原本正式的名字,不過由於寺內的舍利殿「金閣」實在太出名,所以一般人都只會直接叫它做金閣寺。



金閣寺的歷史可追溯至日本鎌倉時代(1192-1333年),原是貴族藤原氏的宅邸,名為「西園寺」;及至1397年(中國明初)幕府將軍足利義滿進一步擴建成北山山莊,並將寺內核心建築「舍利殿」的外牆全鋪上金箔裝飾,作為自己修禪的場所。



在大藍天下影金光閃閃的金閣寺也特別sharp!金閣前面的小池塘名為「鏡湖池」,象徵佛教淨土世界中的蓮池;湖中還有幾個迷你小島,構建成蓬萊仙境。



金閣舍利殿前的簡介告示牌:舍利殿樓高3層,底層保留了最初藤原氏時期的寢殿造風格,稱為「法水院」;2樓是採用武家造風格的「潮音洞」;3樓則用了中國唐朝禪宗風格的「究竟頂」;寺頂有寶塔狀的結構,頂端有隻象徵吉祥的金鳳凰裝飾。



由3種建築風格完美無瑕地合而為一,再加上金箔的外觀裝飾,難怪會成為整個寺苑最重點的建築物。事實上,來訪的遊人大多也集中在湖邊,圍住金閣而行,大大細細的相機、手機係咁影呀影,焦點都只集中在聳立於湖畔的金閣。



不過除了看金閣之外,寺裏的回遊式庭園和池泉造景在京都眾多古建築群中也屬首屈一指的,所以也被譽為日本室町時代最具代表性的名園。比較可惜係1950年一名年輕僧人在金閣放火自焚,連帶舍利殿也付諸一炬,直至1955年才依原貌重修成現今規模。



上圖左是位於金閣後山的「不動堂」,供奉的不動明王象徵慈悲和智慧,是佛教三大明王之尊,據聞不論求財、開運或保平安都十分靈驗。圖右是另一處名勝「銀河泉」,據說當年愛好茶道的足利義滿最愛用銀河泉的泉水來煮茶。



不動堂旁邊這個掛滿了「繪馬掛」的大木架也很特別,也可能是同心鎖欄杆之類的元祖吧!大木架上掛了很多寫上祈願語句的小木板,當中有唔少係D痴男怨女山盟海誓肉麻野呢!

86 則留言:

  1. 基爾哥哥可有寫下祈願﹖

    回覆刪除
    回覆
    1. 冇祈呀阿摩~~~~剩係睇人地祈咋:P

      刪除
    2. 王子咩事成12點幾都幾未呢又XXXD

      刪除
    3. 阿摩係老人家,睡不了這麼多!

      刪除
  2. 金閣寺真係金碧輝煌,耀眼奪目... 甘你又許佐咩願望吖?

    回覆刪除
    回覆
    1. 無許願呀~~~~~心中滿足就唔駛許願架啦^^

      刪除
  3. 日本寺廟同中國的又有些分别

    回覆刪除
    回覆
    1. 大同小異啦,不過日本寺廟好似香火無咁勁,善信一般不一定要上香

      刪除
  4. 如果畀著森伯日浸夜浸溫泉, 真係皮都甩~~XXD
    相信現場睇金閣寺好華麗莊嚴!!!
    在痴男怨女的眼中可能是浪漫...外人眼中就感到肉麻!!

    回覆刪除
    回覆
    1. 森兄乜咁薄皮㗎咋咩XXXXD
      真係幾靚的,名不虛傳;不過依家金閣係封咗,唔畀人入去嘅,只能在外圍和湖邊參觀!!
      咁一支公果D通常都係肉麻居多啦kakakakaka...

      刪除
    2. 薄皮都好過畀人話厚面皮丫...哈哈
      gael兄又去咗外遊...?!!

      刪除
    3. 點請得gael兄起呀!!!
      以森伯的財政…請去大澳、長洲、南丫島都係掹掹緊咋……> <

      刪除
  5. 這個旅程很適意,真想一去!

    回覆刪除
    回覆
    1. 有空不妨去逛逛,或許可以增添你的寫作靈感^^
      三島由紀夫也是去完後寫成了代表作之一《金閣寺》,有沒有看過?

      刪除
    2. 對,四處走走,靈感會多很多。
      還沒有!應該要多看這些作品的,但因為要避免給人指抄別人的作品,這兩年反而沒有真正看過小說!

      刪除
    3. 咁又唔駛特別介意人地話似邊個抄邊個嘅~~~~
      當然故事如果有新點子,就特別容易令人留下深刻印象吧

      刪除
    4. 哈哈哈,您D朋友有品,我認D有品朋友不是太多!

      刪除
    5. 唔緊要啦有意見都係好嘅,證明多人睇過你的作品嘛^^

      刪除
  6. 睇痴男怨女 "山盟海誓"、 "肉麻野" 很開心吧! 笑到熱 ...

    回覆刪除
    回覆
    1. 似乎你好有興趣咁喎XXD

      刪除
    2. Kakakaka~~~~齋睇無用,要寫埋一份丫嘛XXD

      刪除
  7. 我在登別也見過紅卜卜的楓葉樹,可惜趕住上車來不及拍攝!

    回覆刪除
    回覆
    1. 今年尾會唔會再去睇紅葉?^^

      刪除
  8. 真係好紅呀~~好吸引
    我都不習慣許願,寧願把木牌帶回家^^

    回覆刪除
    回覆
    1. 咪就係果棵最紅囉,其他都落晒:P
      係呀睇下人地許願當係參觀下風土人情就算啦

      刪除
  9. 建築物很古色古香呢!

    回覆刪除
    回覆
    1. 金閣寺係世遺都有返咁上下嘅^^

      刪除
  10. 係日本坐的士我怕冇錢比 :D
    金閣寺配上藍天,閃鑠特別靚~
    應該整返個繪馬睇下有冇異國姻緣ma,哈哈~

    回覆刪除
    回覆
    1. 我睇地圖係好近,所以先搭咋,一來慳啲時間,二來唔駛搵巴士....
      果日去到好好陽光,藍天白雲好靚,不過其實都幾大風同幾凍,聽聞第二日已經有烏雲和落雪,可惜看不到雪中金閣寺,一定又有另一番風景!!!!
      繪馬喱家嘢都係留返畀Matthew哥喱啲後生仔做啦,我幾十歲人就無謂啦XXXD

      刪除
  11. 棵樹紅當當好靚 , 可惜得一棵我諗如果多幾棵一定更加壯觀 .
    金閣寺環境好優美 , 但好似冇咩人咁0既 .

    回覆刪除
    回覆
    1. 真係紅到好似假咁XXD
      我諗如果11月中去到京都會多好多,同埋都好多人專程去賞紅葉,是旺季,我12月中才去已是紅葉尾聲,主要係賞燈祭而已!!!
      對呀,可以拍古裝片呢,環境幾靚,尤其係湖邊個景^^
      其實都幾多人呀,我無post出來啫:P

      刪除
  12. 我小時候有一個應該係金閣寺既鎖匙扣架! 依家睇你遊記先諗返起,同埋先知係金閣寺

    回覆刪除
    回覆
    1. 會唔會陪銀嫂去逛逛京都,順便去shopping囉^^

      刪除
    2. 可能架! 日本真係十幾年無去過啦! 我D 日本朋友都來過香港搵過我兩次,我遲D真係要去一次探佢地。

      刪除
    3. 正喎有地膽朋友伴遊^^

      刪除
  13. 藍天下的金閣寺好靚,同給人有寧靜的感覺!

    回覆刪除
    回覆
    1. 但其實湖邊都不知幾多遊人,場面都好墟陷㗎:P

      刪除
  14. 回覆
    1. 日本果D始終貨真價實一點,大陸果啲就唔係太敢浸,好似九成係用化學藥粉開水:P

      刪除
  15. 紅葉好靚,有種特別優雅嘅風味!

    回覆刪除
  16. 當年我只係離遠影, 皆因行程緊密
    我又想起一休添 ^^

    回覆刪除
    回覆
    1. 可惜金閣依家唔開放,無緣入去參觀
      已經唔係好記得一休個故仔啦:P

      刪除
  17. Gael,我到金閣寺已是二十幾年前的事,從相片看完全沒有改變.

    回覆刪除
    回覆
    1. 為了保存古蹟,應該四周環境也不會有太大改變吧

      刪除
  18. 在大藍天下影金光閃閃的金閣寺也特別sharp!<--完全同意, 靚呀!
    旅行真係最怕落雨, 又麻煩, 影相又唔靚

    回覆刪除
    回覆
    1. 如果留多一天仲可以睇雪中金閣寺添呀^^

      刪除
  19. 點呀~哥次搭的士搭左幾錢呀~~~~~
    你有無整繪馬掛先~~~~~~~~
    唉..我都想每天都有大晴天呀~~~~

    回覆刪除
    回覆
    1. 記憶中好似2000幾円,百零蚊港紙左右,有4人所以搭的士都抵嘅!!!!
      梗係無啦,留返你地D後生女掛啦kakakaka....
      近排天氣唔錯丫,澳門應該都係大晴天吧

      刪除
    2. 咁都OK喎~~又唔算貴~~~~同埋日本D的士司機幾好~仲好有禮貌~
      邊關事JE~~~~~~哈哈~~~
      呢兩日我地都無啦啦大晴天但落一陣好大既雨~

      刪除
    3. 係呀通常下晝就落雨了,變了好似新加坡咁^^

      刪除
    4. 係呀~~~~但真係呢兩日堅熱~

      刪除
    5. Weekend同啲公仔去黑沙下水禮囉

      刪除
    6. 哈哈~~~但係咁熱我又好怕曬~~~
      就快到我出發~緊張~

      刪除
    7. 唔駛緊張,去玩一定要輕鬆happy^^
      唯一緊張係唔夠shopping食嘢時間kakakaka.....

      刪除
    8. 係呀~我真係好驚行得買得唔夠盡興~~~~~
      所以一早上網睇哂地圖~期望唔使點搵就可以行到去唔駛浪費時間~

      刪除
    9. 如果真係想慳時間,而場接場距離不太遠的話就搭的士囉^^

      刪除
  20. 今年都有與家人在金閣寺買了爉燭許願……

    回覆刪除
  21. 這金色建築很特別呢!

    回覆刪除
    回覆
    1. 金閣寺真的很美,求其拍出來也是一幅畫

      刪除
  22. 第一棵樹真係紅當當!

    回覆刪除
    回覆
    1. 佢喺正門口所以出入都會見到佢^^

      刪除
  23. 第一張睇到眼紅, 哈哈!! 金閣寺我未去過, 感覺冬天鋪左雪靚啲!!

    回覆刪除
    回覆
    1. 睇雪景就要12月底打後才去,會大機會一點吧

      刪除
  24. 祝你許下的願望實現!

    回覆刪除
    回覆
    1. 果次無許願呀~~~~心中富足已夠啦^^

      刪除
  25. 肉麻野!你都寫過唔少喇!笑百步!!

    回覆刪除
  26. 上次去京都,都好似超過二十年的事。。。。之前睇新聞話,有大6遊客破壞左金閣寺定唔知邊度。。。。

    回覆刪除
    回覆
    1. 你講起我又好似有點印象喎~~~~唔記得係金閣寺定咩寺?

      刪除
  27. 基爾去旅行做足功課,多謝你嘅詳盡資料^^

    回覆刪除
  28. 『鹿苑金閣』好似香港D酒樓名

    回覆刪除