2015年7月27日 星期一

夏日絮語:黑醋+手機鏡頭

旅行野寫得到八八九九,係時候要發掘其他無謂野寫下,以免個blog封塵……寫乜好呢?



早排數字屋又六折又七折搞到大排長龍非常墟陷,基爾覺得如果係有big sale都幾抵,求其行一圈八下有乜野想買先……發現上圖右喱樽黑醋真係幾抵買,最緊要係made in Italy。



另外,基爾某睇報紙仲見到喱盒老虎啤酒的手機鏡頭套裝。喱個比黑醋還要抵因為完全唔駛錢,屬換購性質。



這種衣夾式的手機鏡頭仔其實都出了好耐,確實幾好駛好用,一個夾可以替換廣角、微距和魚眼,去旅行如果懶拎相機的話,單單用手機已經夠玩夠影了吧!

41 則留言:

  1. 哈哈~其實我成個日本旅行都係用緊手提影相架~
    我好耐去旅行未試過攞相機喇~又係靠手機鏡頭~
    我都好鐘意食黑醋~

    回覆刪除
    回覆
    1. 依家有手機真係方便好多,snapshot和selfie可以話影就影啦^^
      不過我除了手機之外,至少都拎多一部DC仔,以防萬一丫嘛!!!
      黑醋有益過沙律醬,無咁肥

      刪除
  2. 數字屋真係好多野好好買,唔去旅行都可以食到各地手信^^
    哩D鏡仔好好玩又夠輕

    回覆刪除
    回覆
    1. 係呀多咗好多日式零食囉,而且價錢係算平嘅(比起以前XX物語果啲),好多以前只在日本先買到,依家數字屋都有得賣,幾好!!!
      我旅行因為通常都行得好金,所以盡量要輕裝上陣囉:P

      刪除
  3. 回覆
    1. 我覺得喱支ok喎,而且不貴,可以一試的

      刪除
  4. 樽黑醋冲水飲 @ Keep Fit 嗎 ?

    回覆刪除
    回覆
    1. 咁我又未試過沖水飲喎(得㗎咩???),通常係用來撈菜食囉

      刪除
  5. 我都越黎越多用手機影相, 細機還有可以水底用下, 單反快要封塵了~

    回覆刪除
    回覆
    1. 行山時我見人地拎單反都覺得好滴汗,不過如果你本身體能係fit嘅應該無大問題,而且單反始終一定係好D,可以玩到好多唔同效果....
      手機喱類微距景深效果只係玩票性質,完全唔可以同大機比啦

      刪除
  6. 我都入左這種鏡頭套裝,在香港買雜誌送架。

    回覆刪除
    回覆
    1. Really~~~~~有冇用過?效果覺得如何?

      刪除
  7. 數字屋又六折我都冇去,知道一定人山人海。

    回覆刪除
    回覆
    1. 係㗎~~~~要有好大毅力先得,因為人龍好長,不過六折又真係幾抵買嘅,如果有嘢啱用都忍耐一陣排隊囉,又或者搵啲人少時段去買....

      刪除
  8. 有時睇得旅行嘢多, 都有些少膩膩地...寫下生活事都唔錯~~
    黑醋有咩好處??同點食??鏡頭仔可以影微距又唔錯喎!!!

    回覆刪除
    回覆
    1. Kakakakakaka~~~~希望無悶親森兄:P
      聽人講係話可以降脂降膽固醇通血管之類,無詳細考究,但卡路里一定比沙律醬低好多吧,我諗!!!!?
      都叫做可以嘅,但你唔好期望太高,只係當玩具而已,效果一定無大機咁好.....

      刪除
  9. 回覆
    1. 勁多人買,第二日想再去買多支,貨架已經空空如也:P

      刪除
  10. Shopping嘅野我好鍾意呀,哈哈哈!

    回覆刪除
  11. 好大收獲喎!我都想試下那樽黑醋。

    回覆刪除
    回覆
    1. 下次再有六折不妨去搵下有冇囉^^

      刪除
  12. 床不底仲有位呀?你張特大床喇!

    回覆刪除
    回覆
    1. 應該無你瞓開果D歐洲king size大床咁大囉我諗^^

      刪除
    2. 我通常瞓細個張床咋!但其中有兩間酒店,俾左兩相連房有四張大床喇。

      刪除
    3. 正呀有相連房,我好耐之前住過一次,走來走去好好玩

      刪除
  13. 數字屋每次超減價都大排長龍 , 聞說要等好耐才入到去喎 , 你真好耐性 .

    回覆刪除
    回覆
    1. 係呀好多人排長龍,要有少少耐性先得:P

      刪除
  14. 依家去旅行前都要去數字屋睇睇,如有嘅話去到當地就費事買,慳番!

    回覆刪除
    回覆
    1. 買唔夠手信可以去數字屋補貨囉kakakakaka.....

      刪除
  15. 乜手機都可以加鏡頭嘅咩?好神奇喎。
    唔慣淨飲醋,黑醋可唔可以煮肉食?它是否酸多過甜?

    回覆刪除
    回覆
    1. 可以,依家都幾多地方有售,似一個大衣夾咁,夾在手機鏡頭位置
      如果係蘋果醋可以加水雪凍飲,超正!
      黑醋我未試過飲,多只用來拌菜,或者食面時加一點,用來點小籠包和餃子也試過:P

      刪除
  16. Gael,而家手機影相都好靚.

    回覆刪除
    回覆
    1. 對呀,可以唔駛買DC仔,因為一般手機影相都已經好多mode玩^^

      刪除
  17. 近排幾多人用手機鏡頭,幾好玩咁喎.

    回覆刪除