2015年7月30日 星期四

迷你兵團@沙田UA

唔係誇張,眨下眼真係好似有成年幾無入過戲院,喱個周末友人話有免費戲飛睇Minions,雖然好怕周六日出新城市,不過都去啦!



舊噴水池位喱度真係日日都咁墟陷,因為有個Minions展覽丫嘛!加上係暑假就特別多小朋友和家人來影呀影……由高空望落去又真係幾熱鬧,唔怪得D電影商越來越鍾意用喱種宣傳手法,好過花錢在電視報紙賣廣告啦!



實在太多人,都係拿拿林上7樓先去搵食,原來喱度都有主角果3隻野,旁邊仲有個姐姐工作人員在看守(唔知係咪要硬企成日呢?慘!搵食艱難),莫非係驚會有人偷走佢地?



下面1樓正門果度又有一堆Minions,仲有英國紅色電話亭和御林軍扮相造型的黃色香蕉仔,唔知會唔會有人來舞龍獅旗?基爾怕人多都係去換飛先。沙田UA真係唔知何年何月才可以完成重建,依家仍然只得兩間院,周六日實爆晒要坐得好前,基爾雖然要坐牆邊位幸好都睇得好清楚那些3D效果。

48 則留言:

  1. 迷你兵團未睇過,聽講幾好笑!

    回覆刪除
    回覆
    1. 附近啲小朋友都笑得好開心^^

      刪除
  2. 真係好多年冇去過新城市嘞...當日都幾多人喎@@~~
    咁gael兄有冇同嗰三隻嘢影吓相呀??

    回覆刪除
    回覆
    1. 多人呀,暑假丫嘛.....
      冇呀~~~~幾廿歲叔叔唔好阻住啲小朋友啦kakakakaka....

      刪除
  3. 迷你兵團幾得意, 好耐沒去過沙田,
    除了一田外, 特色在那?

    回覆刪除
    回覆
    1. 好似話旺角新世紀moko都有但我無出去睇過:P
      7樓個天台花園都靚嘅,好多情侶去談情kakakaka.....

      刪除
  4. 星期六、日新城市廣場實迫爆人呀,有迷你兵團免費票,正呀﹗我都有睇,3D戲票要八,九十元都幾貴﹗

    回覆刪除
    回覆
    1. 近排算係好少少,少咗人拖篋^^
      係呀3D貴,我多數係睇2D算啦:P

      刪除
  5. 新城市廣場...曾幾何時...每個星期都會去逛逛...
    Minions展覽...D公仔個樣幾得意!呢排真喺去邊都見到佢哋...
    麥記個包都唔錯架!

    回覆刪除
    回覆
    1. 每個星期都去咁犀利?@@去拍拖行街街呀?
      我覺得佢幅潛水眼鏡最搞笑....
      無食喎呀,麥記都係少食為妙:P

      刪除
    2. 果時住上水,放工搭火車經過咪去買下嘢食吓嘢囉!
      乜...新城市廣場...是拍拖勝地咩??:P
      你成日去果度拍拖行街街架?kakakaka....
      見新嘢試吓咋!平日間唔中先食一兩次麥記咋!

      刪除
    3. 放工仲可以去行街食嘢真係好幸福^^
      真係唔知喎~~~~~你都冇聽書嘅,我都話好少去怕人多丫嘛....
      食完再去跑返十個圈應該無乜問題嘅kakakaka!!!

      刪除
  6. 工作人員係咪阻止D人踩爛

    回覆刪除
    回覆
    1. 可能驚人肉緊得滯整欄啲公仔XXD

      刪除
  7. 回覆
    1. 唔會丫,依家換咗畫興玩轉腦朋友

      刪除
    2. 我都未睇, 諗住下次搭飛機先睇 ^^

      刪除
    3. 都ok喎~~~~個零鐘實睇得晒

      刪除
  8. 其實佢地咁大粒都好難偷走~~~~~~~
    咁好有免費飛梗係要睇啦~~
    你咁忍得住唔睇戲年幾~~~~~~~~不過依家睇戲真係好貴

    回覆刪除
    回覆
    1. 都唔係架,掟落篋咪拎走囉
      間中都有的^^
      懶去戲院,一個人又無乜意欲去睇:P

      刪除
  9. 又唔係睇3D鹹片坐牆邊位冇所謂啦.

    回覆刪除
    回覆
    1. 話時話又真係未睇過3D咸片,係點架呢王子,要請教下你kakakaka...

      刪除
  10. 我都想知道,沙田UA真係唔知何年何月才可以完成重建?

    回覆刪除
    回覆
    1. 唔知會起到幾時,好多法律問題咁話.........

      刪除
  11. 哩幾條香蕉真係好受歡迎
    好唔好笑?睇預告就好好笑^^

    回覆刪除
    回覆
    1. 都幾得意嘅個樣,喱集係前傳,交代返壞蛋掌門人的出身^^
      我就~~~~~唔係好笑得出,但周圍好多小朋友笑到卡卡聲kakakaka.....

      刪除
  12. 沙田間呢, 真係搞左好耐, 好古怪 ....
    我都好耐冇去沙田睇啦 ~

    回覆刪除
    回覆
    1. 沙田成六十幾萬人(連埋大埔北區我諗過百二萬)都只係得間咁豆潤的戲院,真係好唔成比例囉><
      梗係唔好去啦,佢又一定要預早買飛,即場無可能買到好位,戲的選擇又少(得兩間院),寧願行遠少少出又一城或moko舒舒服服睇無咁嬲....

      刪除
  13. 沙田UA起好又拆,不知何時了。已經7/8 年未去過 沙田UA了。

    回覆刪除
  14. 我都鍾意Minions呀,上個月回香港都在世紀見到 <3 !

    回覆刪除
  15. 新城市真係長期都咁多人,行得好辛苦⋯

    回覆刪除
  16. 這戲的宣傳產品很多!
    我有興趣看另一齣動畫多些。

    回覆刪除
    回覆
    1. 腦朋友應該仲有排未落畫,至少做埋個暑假吧^^

      刪除
  17. 我覺得新城市o係自由行少左後都鬆動番, 尤其平日夜晚, 有時出去食晚飯直情覺得少人, 但自由行興旺時係無時無刻都好多人流

    回覆刪除
    回覆
    1. 咁平日夜晚我又好少去,我剩係覺得個food-court無時無刻都係無位嘅XXD

      刪除
  18. Gael,我好怕去新城市廣場,人太多.

    回覆刪除
    回覆
    1. 係呀尤其係一田大減價時,多人過行花市XXXD

      刪除
  19. 套迷你兵團真係勁好笑,又搞鬼~

    回覆刪除
    回覆
    1. 大佬係咪睇得好開心呢?!!^^

      刪除