2015年11月1日 星期日

珍郵庫@終審法院

港島中區的古蹟能保存下來的已經不多,位於皇后像廣場旁的終審法院大樓肯定是其中最具代表性的法定古蹟,上月底原來還出了紀念首日封,郵票面值只係$10蚊雞當然要買!



這座見證逾百年歷史的古老大樓最早可追溯至19世紀,1898年當時立法局動議決定興建最高法院大樓,並於1900年動工,1903年舉行奠基儀式。然而後來由於缺乏優質的大型花崗石作主要建築材料,工程斷斷續續一直到1912年才竣工,並由港督盧押爵士主持啟用儀式。



這套首日封就是為了紀念終審法院由炮台里重新遷回舊終審法院大樓而發行,郵票小型張以終審法院內部的設計概念圖為依據,左方為屹立於大樓上、手持天秤象徵公義的希臘女神泰美斯雕像。



睇完郵票再重看中環百年前的老照片,這幢終審法院大樓由英聯邦採辦處顧問建築師Aston Webb及E. Ingress Bell設計,採用20世紀初流行的新古典主義建築風格,仿效古羅馬及希臘的設計,大樓四周圍繞了多支17米高的愛奧尼亞式圓柱,中央築有大圓拱頂,外觀雄偉堅固。



大樓內裏則糅合了中式建築風格,例如大樓頂部以雙層中國瓦片鋪砌。為了配合香港的亞熱帶氣候,大樓地下築有拱廊,一樓則有露台,可減少陽光直射內堂,也有利通風,即使盛夏也不會覺得悶熱。上圖可見到當年向海一隅,和平紀念碑外已是維港海旁。



大樓面向皇后像廣場的中央門廊頂上築有三角形楣飾,上刻「Erected AD MDCCCCX」(公元1910年豎立)題字,最高點離地面約40米,是一頂以青銅鑄造的都鐸皇冠,冠頂呈圓形,是英皇愛德華七世於1902年加冕時所用。



1978年中區開始建造地鐵,但工程導致水土大幅流失令大樓石柱出現600多條裂縫,港府動用數百萬元維修,最高法院其後亦於1984年遷往金鐘法院道現址,回歸後的終審法院則選址炮台里的前法國外方傳道會大樓,一直到今年9月才正式回歸,讓這座百年古建築再次獲得「正名」。

終審法院
發行日期:2015年9月30日

50 則留言:

  1. N年前曾有機會到過這裏參觀過...近距離地與屹立於大樓上、
    手持天秤象徵公義的希臘女神泰美斯相遇過... :D

    回覆刪除
    回覆
    1. 係咪有導賞團?可以入去參觀都幾唔錯喎

      刪除
    2. 係呀!有導賞團!
      其實果次喺臨時被人拉夫去做義工,所以先有機會入去參觀下,
      都唔錯嘅.... 當見識見識吓囉!

      刪除
    3. 正喎,果然是次難得的體驗^^

      刪除
  2. 好喜歡睇香港d歷史相片。
    嘩, 600幾條裂縫好得人驚, 好在救得番

    回覆刪除
    回覆
    1. 香港啲老照片其實都幾靚,可惜好多已經拆咗,又或者周邊的樓都唔同晒

      刪除
  3. 呢類郵票認識到很多以前歷史~~
    以前殖民地政府,連建築都好英式...

    回覆刪除
  4. 你有無計過自己有幾多珍藏~

    回覆刪除
    回覆
    1. 冇認真數過呀,我諗一百幾十都有啩咁多年:P

      刪除
    2. 有無得閒攞出黎睇下先~~
      我近呢幾年最大既收藏就係寄俾自己或者人地寄俾我既postcard~~因為好鐘意儲唔同地方郵票同郵戳~~~~

      刪除
    3. 間中啦,例如寫blog咪會拎出來囉^^
      我未試過寄畀自己,但就有寄畀人,同埋收到人地啲postcard都開心嘅!!!

      刪除
    4. 我之前都有諗過如果之後無咩野寫就寫下我d珍藏啦~點知.......可能我太懶..寫黎寫去都仲係幾個月前既野............
      我寄俾人我會唔抵得然後又要寄俾自己架...我試過去一次旅行寄成10張postcard俾自己.............好病態.........................

      刪除
    5. 你啲旅行blog和飲食blog都已經豐富到寫唔切啦^^
      咁今次去冰島格陵蘭有冇寄到?

      刪除
  5. 呢個好有紀念價值, 我本身好鍾意呢橦建築, 看著它 ... 我想起了英國旳生活.
    有點懷念 ~

    回覆刪除
    回覆
    1. 咁幾時會返去探下啲舊同事朋友?^^

      刪除
    2. 我直頭想番去住番一排 !

      刪除
    3. 如果可以兩邊各住半年都幾唔錯丫^^

      刪除
    4. 呢個真係最想, 冬天番黎, 夏天過去 ~

      刪除
    5. 我仲以為你話夏天返黎,可以日日去潛水丫嘛XXD

      刪除
  6. Gael大大訂左下年郵票要丫~
    有啲好靚~

    回覆刪除
    回覆
    1. 梗係訂咗啦仲洗問嘅XXXD
      我覺得鳳凰徑和玩具果兩套都幾靚^^

      刪除
  7. 舊建築,別有一種味道!

    回覆刪除
    回覆
    1. 舊人舊事舊物都好有味道XXXD
      我至like^^

      刪除
  8. Gael,這套郵票相當有收藏價值.

    回覆刪除
  9. 歷史建築,應該好好保存保育,唔係一味拆⋯

    回覆刪除
    回覆
    1. 你去完古巴一定感受最深^^

      刪除
    2. 古巴嘅將來可能無左9成共歷史價值嘅事物,因為每人都向錢看,而且當地人對呢D舊野都對到嫌了⋯
      所以我見香港嘅郵筒又有攪作都好傷心,但這是政治問題,認命!

      刪除
    3. 咁好彩你地都留下不少美好回憶.......
      我覺得郵筒喱單嘢真係好搞笑,不如貼個毛像上去啦索性kakakakakaka.....

      刪除
  10. 郵票面值$10蚊雞,設計原意祇是用來搜集,沒有相應的郵票作日常使用,有點兒可惜。

    回覆刪除
    回覆
    1. 自己搣個郵票出來可以用來寄包裹架......^^不過我諗好少人會咁做!!

      刪除
  11. 舊建築物愈來愈少了 , 買這些郵票收藏 , 閒來無事攞來欣賞下 , 唔錯 .

    回覆刪除
  12. 我買嘅時候有点矛盾,司法公義可會真的章顯無遺

    回覆刪除
    回覆
    1. 希望喱個最核心的價值唔會咁快消失........

      刪除
  13. 其實問題一直都存在,只是近日重温一些新聞有感而發。

    回覆刪除
    回覆
    1. 很多時都係在乎施政者如何珍視這些百年基業核心價值吧

      刪除
  14. 呢輯郵票好靚!如果日後冇咗郵局、郵票、首日封…… 基爾你發達喇!(^_-)

    回覆刪除
    回覆
    1. 都有可能喎,科技日新月異,將來可能都未必要有郵政務服了

      刪除
    2. ICIC~~~~一定係啲劃時代新科技!!!

      刪除