2015年11月30日 星期一

散策郵誌@楓丹白露

聽得陳年CD太多驚悶,咁一於又搵返D郵票出來調劑下!不過今次唔係睇新出的本地首日封郵票,而係回味一些外國存貨和散策老照片。



基爾這本封塵郵票簿裏收藏的外國郵票其實不算多,大部份是以前長輩們放棄集郵後送歸基爾所有,所以很多已有20-30年歷史,有些甚至逾半世紀,平時根本沒餘閒去逐一考究值唔值錢,只當是玩票性質的收藏嗜好。



依家睇返本郵票簿都有點佩服小時候的基爾咁好心機,所有收歸旗下的郵票都逐一分門別類,分開七大洲唔同國家整齊擺好(依家一定無咁神心吧),現在翻查起來也很方便。



上圖是歐洲部份其中一頁的法國郵票,仔細留意看,全部都是昔日法郎面值的郵票,與香港的女皇頭郵票一樣已成為歷史印記。基爾好奇上網查查,原來法國自1999年1月1日開始發行新的歐羅郵票,此後就停售法郎面值的郵票了。



在芸芸法國郵票中,上面喱張都有少少特別,票面上印有較少見的RF字樣,上網查找才知是REPUBLIQUE FRANCAISE的縮寫。另外郵票下面仲有一串法文S'PIERRE ET MIQUELON,這地方並非在法國本土,而是遠在大西洋另一邊的加拿大東岸,稱為聖皮埃爾和密克隆……



這處北美群島也有段歷史故事,話說18世紀英法為爭奪北美殖民地而開戰,最後落敗的法蘭西喪失了大部份領地(有說這間接令法國皇室稅入大減國庫空虛,波旁朝廷為滿足大花筒路易十六與瑪麗王后,於是加重本土徵稅,最終引發1789年的法國大革命),而聖皮埃爾和密克隆就是當年碩果僅存下來的法屬北美領地,主要由紐芬蘭海岸上8個小島組成,總面積只有約五分一個HK咁大,氣候冷濕多霧,wiki話人口只有約6000,多屬法裔天主教徒,以漁業為主。



基爾暫時未有機會到訪這個大西洋小島,咁唯有返去法國本土散策一陣。將時間回撥至2004年的12月初,地點選擇在巴黎東南約1.5小時車程的 Fontainebleau,主要是去走走楓丹白露宮。上圖右華麗的雕花大門上仍保留拿破崙徽號,聞說亨利四世、路易十四、十五、十六和拿破崙都很喜歡住在楓丹白露宮,因為附近有大片森林可供打獵玩樂。皇宮正門的馬蹄型長梯也很有名(上圖左),1814年被迫退位的拿破崙就在這條長梯上向近衛軍團發表了著名的告別演辭。



讀書時代總覺得楓丹白露與翡冷翠這兩處地方的譯名特別有詩意,不知是否同來自徐志摩手筆?大部份同年代人應該都有讀過《翡冷翠山居閒話》,「風息是溫馴的,而且往往因為他是從繁花的山林裏吹度過來他帶來一股幽遠的澹香,連著一息滋潤的水氣,摩挲著你的顏面,輕繞著你的肩腰,就這單純的呼吸已是無窮的愉快;空氣總是明淨的,近谷內不生煙,遠山上不起靄,那美秀風景的全部正像畫片似的展露在你的眼前供你閒暇的鑒賞。」



「楓丹白露」的法文原意是美麗的泉水,單從上圖位於皇宮後園湖邊的冬日景緻,相信與徐志摩筆下的翡冷翠也一樣有詩意吧!可惜當時太凍又大風,無機會仔細在湖邊散策遊逛,就留待將來重遊舊地再影多些selfie。



早在1981年已獲UNESCO列入世界文化遺產名錄的楓丹白露宮,雖然沒梵爾賽宮般出名也沒那麼大,但同時遊客亦相對冇咁多,反而可放鬆心情舒舒服服地仔細欣賞,遊覽興緻也不會因為太人頭湧湧而大減。皇宮內主要景點包括有會議廳、戴安娜壁畫長廊、百盤廊、國王衛隊廳、皇帝皇后寢室、辦公室,以及上圖這個氣派非凡的弗郎索瓦一世長廊等。



歐洲不少皇室都愛收藏中國工藝品,楓丹白露宮內也有間中國館收藏逾千珍品,包括不少明清時代的古畫、金玉首飾、牙雕、玉雕、景泰藍佛塔等,據聞不少是19世紀法軍趁火燒圓明園時掠奪回來獻給拿破崙三世帝后的戰利品。



楓丹白露宮周邊還有逾1.7萬公頃的森林,不過由於天氣太冷加上冬季日落入夜特別快,還是留待將來揀夏天再來逛逛。天寒地凍還是快快返回巴黎,夜晚最佳節目莫過於歎個暖笠笠美味晚餐吧!



清新的沙律,加上熱辣辣的濃湯,還有甜絲絲的蘋果批,連同陪襯的紅白酒,雖然不算是頂上佳餚,卻是旅途中不俗的點綴……

70 則留言:

  1. 停售後這些郵票應該更值錢,更值得紀念吧!
    在詩詞中提到:輕繞著你的肩腰…未知當年gael兄繞著誰的肩腰咁陶醉呢XXXD

    回覆刪除
    回覆
    1. 可能要過多一百年先值錢喎我諗kakakaka...

      刪除
  2. 校長有首歌叫《一首歌一個故事》我覺得其實一枚郵票都有一個故事。所以我近十年都有儲郵票。

    回覆刪除
  3. Fontainebleau, 我呢個鄉下婆都無去過呢 XXD

    回覆刪除
    回覆
    1. 搵個weekend同埋專員和狗哥一齊去逛逛囉^^

      刪除
  4. 真好心機啊!十幾年前我已經賣哂呢的伴我幾十年郵票、首日封、連版郵票了!香港天氣潮濕保存不易。

    回覆刪除
    回覆
    1. 我都覺得係,香港天氣太潮濕,好易發霉.....
      其實都唔太記得食過乜,只係睇返啲相才知:P

      刪除
  5. 歷史有逾半世紀?寶庫黎喎!

    回覆刪除
    回覆
    1. 所以趁依家拎返出來寫下囉^^

      刪除
    2. 郵票加遊誌,這樣的安排,其實很好。
      看得過癮,哈哈哈

      刪除
    3. 多謝你^^
      要諗諗下次寫乜郵誌好呢

      刪除
  6. 嘩, 好睇, 學到野! 謝謝基爾 ^^

    回覆刪除
  7. 華...真係咁好有收藏價值喎!!!仲寫住面值係法郎喎!!!!!!!!!
    好呀好呀你寫郵票我鐘意睇呀我細個都有儲架~~咁岩既~我岩岩開始儲哥時又係人地過檔俾我架~~~wakakakaka~
    仲順便有埋旅遊睇!!正!

    回覆刪除
    回覆
    1. 因為全部都幾十年前,當時都未有歐元呢!!
      希望唔會悶親你:P
      對呀我諗大部份人最初開始貯嘅郵票,都係人地過檔果批kakakaka....
      果啲旅行相都係N年前,好多細節都忘記了,當時都未開始寫blog!!^^

      刪除
    2. 所以我覺得好值得紀念呀d郵票~而且都好有歷史價值喎~~~
      點會呀!!!我鐘意睇呀!!
      wakakakaak無錯~~~我係表哥唔再儲送我的~當時見佢排得幾靚...半推半就:好啦~幫你收容佢地啦~.......我依家都唔知佢地放左係邊~~~~~~~等我都搵下先~~~~~
      我之前d旅行都係未開始寫blog~不過之前大部份都係跟家人去~好懷念以前既時光!

      刪除
    3. 可惜年代久遠我又唔係保存得咁好,所以有部份都開始發黃了...
      咁多謝你捧場啦,近排比較忙所以都無得放假去旅行,又無乜時間寫blog,不過齋睇你個冰島遊都好開心嘅^^
      Kakakaka...可能有好多寶藏喎,你分分鐘發咗達仲未知呢!!XXXD如果賣出去可能夠cover你啲南美機票^^
      同屋企人去旅行真係幾開心㗎,有好多美好回憶~~~~~~不過你實在有太多新嘢都未得閒寫晒,倒數表仲有成排陸續有來,我諗未來一年都不愁無嘢寫blog啦^0^

      刪除
    4. 下!!係呀!!!可唔可以放d防潮珠珠咁呀?
      咁我又要多謝你捧場黎睇我個冰島blog喇~~~咁慘近排無時間!唔緊要一有假就約埋朋友仔一齊去啦~~~~~~~
      下~~真係架~~~我細個其實真係有咁諗過...諗緊會唔會表哥發現左原來佢俾我既郵票中原來有張好值錢既佢黎同我擔番....會唔會係我想太多?
      都唔係...中間我諗我有段時候無旅行去...因為用哂d假去南美~~實在太興奮喇~

      刪除
    5. 書櫃已經有放,不過HK始終係好潮濕,作用不大:P
      冰島好睇,啲大自然景觀好壯麗@@當然仲有你啲model照XXXD
      暫時都放唔到假,至少過咗年先再諗喇><
      咁咪會有郵票爭產案kakakakaka.....不過我估郵票多數係要上百年先稍為值錢吧,個別大陸炒賣果D我諗多數只屬有價無市而已,唔駛太在意!!!!
      去完南美悠長假期先算啦,可能返來之後中六合彩,咪可以unun腳唔駛撈齋遊埠囉XXXD

      刪除
  8. 回覆
    1. 好似都睇得下^^細節食過乜嘢都一早忘記晒kakakaka....

      刪除
  9. 楓丹白露,下次到法國,要一遊!

    回覆刪除
    回覆
    1. 都幾靚,遊人相對較少,應該都啱阿摩^^

      刪除
  10. 雖然不喝酒,見到d美食真係好高級,我想飲可樂.....服務生一定想打我~~哈哈

    回覆刪除
    回覆
    1. 其實我都唔飲㗎,剩係用來擺下影相㗎咋kakakakaka....

      刪除
  11. 回覆
    1. 似啦...似係希臘郵票...

      刪除
    2. 條魚係希臘呀,因為希臘果啲正正係擺在法國郵票隔籬丫嘛

      刪除
  12. 回覆
    1. 依家連旅行都要玩懷舊呢XXXD

      刪除
  13. 楓丹白露宮嘅藝術欣賞價值絕不低於梵爾賽宮!

    回覆刪除
  14. 2004年,已經相機食先喇,咪收藏好多食物相囉。

    回覆刪除
    回覆
    1. 無乜架咋,當時又無寫抵食過乜,好多唔記得啦咁多年前......

      刪除
  15. A good collection of French stamps. I also got some with using Frank currency. Fontainbleu! I recall visiting this beautiful castle long time ago. Not many visitors. Environment quite tanquil.

    回覆刪除
    回覆
    1. 法郎郵票依家睇返都幾有紀念價值,畢竟已經是歷史了吧!!
      我都同意呀,附近環境都幾清靜而且遊人又不算太多(當然係十幾年前,唔知依家係咪仲係咁清幽?)

      刪除
  16. 少時的我亦集郵,仍放在老家裡。
    當年亦有到訪楓丹白露宮,
    喺喇...八國聯軍入侵北京,劫掠得來的財寶,大部份放置於此。

    回覆刪除
    回覆
    1. 得閒拎返出來回味一下這種舊日的玩意其實都唔錯嘅^^
      歐洲啲皇宮以前都好興有個中國館中國廳之類,對喱類東方古國的收藏品特別著迷呢

      刪除
  17. 基爾珍藏價值連城, 是個小富翁啊. 楓丹白露(Fontainebleau)與翡冷翠(Firenze)這兩處地方的譯名真是神來之筆, 尤甚是用義大利文讀。

    回覆刪除
    回覆
    1. 如果等多500年左右應該有可能會值少少錢嘅,依家我諗就無乜人吼喇XXXD
      我諗以前19-20世紀初好多放洋歐美嘅多數係文人雅士有識之士,回來中國後翻譯外國名著又或者地名也特別經過思考斟酌,翻譯出來音意兼備之餘也別具詩意;反而今時今日外地譯名多屬外交官員所譯,一般只求其取近音而沒有特別仔細思考意思,這當然是兩回事了~~~!!

      刪除
  18. 「楓丹白露」的法文原意是美麗的泉水 -- 嘩,好靚嘅描寫 <3

    回覆刪除
    回覆
    1. 會唔會同DD去走一轉?^^

      刪除
    2. N年前去過,一諗到坐咁多個小時飛機就怕啦

      刪除
    3. 星洲飛巴黎係咪都要12個鐘?

      刪除
  19. 寫返D回憶之旅啦! 我之前都係咁,趁有記憶盡量寫返出嚟,令將來可以回味。

    回覆刪除
    回覆
    1. 其實大部份都唔記得了,所以只能寫返少少零碎回憶而已:P

      刪除
  20. 楓丹白露宮好靚好值得去參觀.

    回覆刪除
  21. 郵票中有好靚的宮殿、建築及景物, 香港的郵票實在乏味!
    法國沒法郎面值的郵票被歐羅取代, 實可惜!

    你收藏的郵票價值或許可問集郵的店!

    回覆刪除
    回覆
    1. 香港果D有設計心思的真係唔算多
      無法啦歐洲一體化,郵票都要統一丫嘛^^
      個別有上啲大陸集郵網check過,大部份都唔值錢嘅XXD

      刪除
  22. 咁有歷史價值郵票一定值錢喇 , 香港咁潮濕收藏真係幾麻煩喎 .

    回覆刪除
    回覆
    1. HK3-4月係超級潮濕,發霉好難避免

      刪除
  23. “楓丹白露”(Fontainebleau)由朱自清先生譯得,而徐志摩將它譯為“芳丹薄羅”。
    “翡冷翠”由徐志摩譯名,比另一個譯名“佛羅倫斯”(Florence)來的更富詩意,
    更符合古城的氣質。

    回覆刪除
    回覆
    1. 犀利呀Kaka師太果然係無所不知無所不曉~~~~@@!!
      原來係出自朱自清手筆.....
      我也很期待重遊多次翡冷翠

      刪除
    2. 都喺多得Google 大師啫!:P

      刪除
  24. 去完白露宮再嘆番個浪漫晚餐,一定超好feel!

    回覆刪除
    回覆
    1. 我諗至少暖好多,因為外面太凍了~~!!:P

      刪除
  25. 久久沒有上來,上來還是見到你的招牌題材:舊CD+郵票,真有親切感!無獨有偶,巴黎恐襲後幾天,我就是到了加拿大東岸法裔地區。

    回覆刪除
    回覆
    1. 咦! 即你去左蒙特利爾?

      刪除
    2. Desa:係咪十年如一日呢XXXD咁你要多啲上來感受多D親切感,同埋講下你D近況囉!!
      係咪去Quebec?咁有冇去到喱個小島呢?
      今次有冇去食到D好嘢?

      刪除
    3. 銀哥似乎都很想聽聽你的遊歷,有冇邂逅到類似Olivier Martinez嘅靚仔?XXD

      刪除
    4. 直頭極想聽啦,Quebec,灰過魁北克嘛,哈哈~ 阿Nado出國簡直吸引晒老外目光啦,仲使問!

      刪除
  26. 極品郵票珍藏豐富,請問天氣潮濕怎樣處理呢?

    回覆刪除
    回覆
    1. 我諗一係用密實袋裝,如數量太多就索性擺入防潮箱放返啲防潮吸濕袋之類

      刪除