2015年11月11日 星期三

遺忘的唱盤時光@李蕙敏

聽得西洋歌多又來聽下本地碟吧!這次就找來基爾間唔中會翻聽的這張李蕙敏舊CD《愛恨交纏:新曲+精選17首》。



如果聽過80's女子組合的唱片,應該對夢劇院和Echo這些名字不會感到陌生,認識李蕙敏相信大部份人也是從Echo開始吧!不過老實說對Echo年代的李蕙敏真的沒太深刻印象,感覺上也不覺是唱功特別出色的歌手……


每次看到兩人在MV或台上跳唱時,總覺得這對「高矮」組合比較礙眼,視覺上似乎欠缺了一點協調美(相對夢劇院而言)。在僅餘的記憶中,基爾比較喜歡《他最愛的歌》和《不再糾纏》;至於上面喱首《戰場》,唔知大家又有冇印象呢?



都係講返上面喱張精選碟,查看碟背的資料才知原來是1997年1月推出,霎眼又流過了19年的歲月。比較特別是自從Echo於1992年拆伙後,李蕙敏於94年才開始作獨立發展,卻令人意外地比之前更hit更紅,其幕後班底當然要記一功,Wyman、麥皓輪、葉建華、李敏等全都是響噹噹的名字,碟中收錄的《活得比你好》、《你沒有好結果 》和《我為我生存》都是這時期李蕙敏最hit的「怨婦」系列經典三部曲,配合她那把聲嘶力竭的獨特聲線,現在重聽這張CD也覺得超級入形入格,難怪當年大賣!

73 則留言:

  1. 李蕙敏,唱怨婦歌時真係佢最紅時。。。

    回覆刪除
  2. 只有這三首: 活得比你好,你沒有好結果 ,我為我生存。我比較熟識。

    回覆刪除
  3. 呢隻CD我都有...都一樣保存得好好!!
    基本上她最精的名曲都有, 而且CD封面設計得唔錯,以藍紫色為主...

    回覆刪除
    回覆
    1. 間中拎出來抹下又聽一次囉^^
      也可能佢只係紅咗兩三年,真正大熱的歌又唔似其他一線歌手咁多,所以出一張精選已經包囊晒所有名作了
      藍紫色幾靚,可惜影到反晒光唔係太清楚

      刪除
  4. 李蕙敏紅個幾年d 歌差唔多首首都hit.... 聲勢唔會差過鄭秀文個 d..

    回覆刪除
    回覆
    1. 都係架,至少年尾啲頒獎禮都有力問鼎女歌手獎

      刪除
  5. 對個名有少少印象,但係唔記得係甚麼歌啦

    回覆刪除
  6. Echo唱得好過夢劇院,李敏都係寫散文好d,個時我有追睇佢報紙上著作。

    回覆刪除
    回覆
    1. 以前學生時代梗係睇樣多啲架啦邊識分唱得好唔好XXXD
      咁依家有冇聽佢做電台節目先?

      刪除
    2. 冇收音機,壞左n年。

      刪除
  7. 仲有「橫濱別戀」、「藍色傘下等」……
    她加盟寶記後,出第一張唱片就滑落……時也命也!

    回覆刪除
    回覆
    1. 係呀,所以其實幕後班底都好重要.......要揀啱歌路又要間中有啲新鮮突破,當中的平衡點不容易拿捏準確呢

      刪除
  8. 佢唱d歌都幾好聽~
    但之前y文演唱會佢把聲好沙..可惜

    回覆刪除
    回覆
    1. 我都覺得依家佢把聲沙沙地,好似以前無咁沙啞

      刪除
    2. 個感覺就好似食煙食得太多咁........
      佢以前d歌真係好正!!
      可惜...

      刪除
    3. 做歌手真係要好注重養聲,始終係搵食工具吧.....

      刪除
    4. 唔知佢依家仲有無登台哥d呢~~~~~
      你除左李蕙敏之外仲鐘意咩歌手?

      刪除
    5. 最近佢又好似有個show同林曉培和丁悅唱嘅,仲有首合唱新歌添喎!!
      仲有好多存貨可以慢慢寫,最緊要唔好嫌我悶啫:P

      刪除
  9. 現在聽李蕙敏唱歌把聲好沙,那時除了夢劇院和Echo外,仲有Face To Face

    回覆刪除
    回覆
    1. 我都覺呀,係咪因為太耐無唱就會沙咗?
      女子組合唔知點解好易拆伙,合作時間多不長久,Face To Face則因一場意外而告終,無奈!!

      刪除
  10. 我也有這張唱片,真是首首好歌!

    回覆刪除
    回覆
    1. 對呀,可能因為佢真正大熱的來來去去都係果幾首,所以收錄在一碟也不會有太多取捨困難吧

      刪除
  11. 基爾o既聽音樂興趣好廣泛呢

    回覆刪除
  12. 嘩,儲李蕙敏嘅碟真係算好冷門,佢以前好似係同過區海倫組成二人組合Echo?

    回覆刪除
    回覆
    1. 佢唔算冷門啦~~~~~而且我都無買過echo啲碟,不過好彩依家上網有得睇返^^

      刪除
  13. 基爾大師:仲以你為平時習慣咗清心寡欲、六根清靜,心如止水...
    都唔會睇愛情片,但,原來基爾大師間唔中都會聽D《愛恨交纏》,
    經典「怨婦」系列嘅歌曲嘅!

    回覆刪除
    回覆
    1. 佢宅之嘛,宅宅吓咪聽歌囉。kaka...

      刪除
    2. 宅宅吓...宅響床下底聽歌??hahahaha....

      刪除
  14. 差點已經忘記了李蕙敏添。

    回覆刪除
    回覆
    1. 因為同林曉培和丁悅就來開show,所以合唱返首新歌囉

      刪除
    2. 哦~~~~
      有參加郵票展覽嗎?

      刪除
  15. 真係時也命也,好記得當年在唱片店望住呢張碟好耐好耐,但结果我都係買咗另一隻碟,鄭秀文X空間演唱會

    回覆刪除
    回覆
    1. X空間我都有喎,又係一張超正的碟^0^

      刪除
    2. 聽你咁講,又突然諗返起以前讀書時代逛唱片店,真係張張CD都好有衝動想買,只恨零用錢不多;反而今時今日再逛唱片店,卻多數空手而回,實在沒有太多有興趣而必買的CD......

      刪除
    3. 係呀以前可以一星期巡一兩次唱片舖都好開心,家陣好多都係重新出版舊碟或發燒碟,舊時等新碟出嘅忐忑心情已經好遠。

      刪除
    4. 以前中學lunch time有時間都去巡一巡添架XXXD
      我通常都係慫恿啲有錢仔同學去買,然後問佢借來聽wakakakaka....

      刪除
    5. 叻!
      有錢仔同學通常跟成績好又借功課抄嘅同學投契

      刪除
    6. 咁你係前者定後者XXXD

      刪除
    7. 我會問同學借碟聽或番錄,但我從來唔會慫恿人架XXD

      刪除
  16. 作者已經移除這則留言。

    回覆刪除
    回覆
    1. 打錯字...再留過先~
      以為真係好HIT 架...我都成日聽.....
      真係唔似而家...來來去去都係聽果幾位..但又唔係唱得特別好..

      刪除
    2. 意會到無問題hahaha...
      依家啲人無乜個人風格,好難留下印象,好似個個歌手都差唔多:P

      刪除
  17. 而家我都間唔時都有聽,嗰陣我都好鍾意佢!

    回覆刪除
    回覆
    1. 聽還聽,最緊要唔好太投入喎XXXD

      刪除
  18. 李惠敏我一般,港女應該好熟,佢係本地樂壇尖端

    回覆刪除
    回覆
    1. 咁叫佢唔好聽咁多李蕙敏喎XXXD

      刪除
    2. 唔準做怨婦,連睇戲我都唔想佢睇悲情戲,次次都喊都嘈淵巴閉⋯

      刪除
    3. wakakakaka~~~~咁多啲陪你去旅行一定開心啲嘅^^

      刪除
  19. 最近見佢做宣傳個唱,但把聲完全沙啞...走哂樣,
    夜生活及煙酒過多之故,好可惜。

    回覆刪除
    回覆
    1. 真係唔知係咪因為咁,不過佢把聲真係沙過以前好多

      刪除
    2. 沙左其實時03年把聲開過刀,之后一直無法復完.... 以兩年叫左復完左一半!!! 04, 05 個陣把聲走曬音

      刪除
    3. 咁真係有啲可惜,始終歌手都係要好重視養聲,是搵食工具吧

      刪除
  20. 而家佢把聲太沙,有新歌都唔會聽…… 反而懷念佢D舊歌:藍色傘下等、橫濱别戀、同快歌'秘密',都係以前D飲歌。
    講到聲沙,而家劉雅麗把聲都沙咗咯……可惜……
    N年之前林姗姗係咪有新歌?

    回覆刪除
    回覆
    1. 可能真係要用另一種唱歌風格囉,外國唔少歌手沙聲都紅嘅^^
      劉雅麗不嬲屬於低沉類型,我又無乜留意佢聲沙喎,最近都好少見佢出來唱.....
      林姍姍有新歌?客串玩票性質果種?無留意喎:P

      刪除
    2. 林姗姗如果有新歌,我真係想聽,好似話係上電台玩票性質咁唱,冇出唱片。
      沙聲同低沉…… 不同吧……

      刪除
    3. 係咪上Albert Au果個節目?

      刪除
    4. (^_^;)…… 我就係5G,先喺度留言收風呀…… (^_^;)

      刪除
    5. 可惜我無聽到,答唔到你:P

      刪除