2016年1月2日 星期六

珍郵庫@中國古代科學家

話咁快又來到2016年!新一年隨了忙住回應大家D新年快樂祝福之外(多謝晒),都係時候寫返D野(雖然都係D無謂野而已)!



最快手始終係寫郵票,上月初發行了去年度最後一套首日封,名為「中國古代科學家」,我諗大部份blog友小學時已讀過晒佢地D歷史故事,早就耳熟能詳,所以無謂多費唇舌逐一介紹了,但為免太hea都簡單講下係邊4位:$1.7是東漢天文學家張衡和他發明的地動儀(一直覺得這地震測量儀器實在太神了,8個方位共有8條龍,口中含的珠如果跌下來即能預知該方位將有地震,這種古文明智慧已經失傳)……



$2.9是南北朝時期劉宋的祖沖之和他計算出來的圓周率(祖沖之本身是數學家和天文學家,他推算的圓周率可達到小數點後7個位,在公元5世紀時是領先全球);$3.7是元朝郭守敬和他發明的簡儀(這個歷史人物好似沒有讀過,據首日封背面簡介稱他改良了渾天儀,令觀測黃道赤道天體坐標更準確,訂定一年有365.2425日及24節氣,一直沿用至今,在13世紀時也是全球最精準的天文曆法);$5是明朝李時珍和他編修的《本草綱目》(畢生花了30多年編成這本古代中醫藥百科全書)。

中國古代科學家
發行日期:2015年12月8日

63 則留言:

  1. D歷史故事係就係小學時讀過,但係乜都唔記得lu.

    回覆刪除
    回覆
    1. 咁王子仲記唔記得Sine,Cosine,Tangent點計?

      刪除
    2. 我記得,因為我鍾意三角幾何嘅。

      刪除
    3. 日常生活有冇用過呢?

      刪除
    4. 唔係直接運算咁用,但係當考慮某些事情,基礎原理會幫到手。

      刪除
    5. 考慮某些事情是......

      刪除
  2. 張衡發明的地動儀8條龍口中含的珠能預知某方位將有地震,呢個發明真喺
    好有用!

    回覆刪除
  3. Happy New Year!
    中國另一偉大發明自然是麻將啦

    回覆刪除
  4. 祝2016一切順順利利,開開心心!
    中國古代發明我會諗起煙花,可能因為呢排過年成日見。。。

    回覆刪除
    回覆
    1. 新年快樂^^
      都係喎,火藥都係用來做和平用途好啲....

      刪除
  5. 都不是無謂野,是分享你的珍藏,其實我每次看見你的集郵我都諗番起十五、六年前我賣哂我的郵票。
    祝2016一切順心如意!開開心心!

    回覆刪除
    回覆
    1. 多謝你,希望你唔嫌悶:P
      賣晒啲珍藏一定有可觀的收入啦@@
      祝萬事如意龍馬精神繼續出埠遊世界^^

      刪除
  6. 非常值得收藏的郵品,相信會好受歡迎!

    回覆刪除
    回覆
    1. 喱類紀念郵票其實都幾有意義㗎,至少重新諗返起喱幾個歷史人物吧!!!!

      刪除
  7. 幾套郵票都好值得收藏喎 , 我最鍾意地動儀的設計好神奇又得意.

    回覆刪除
    回覆
    1. 喱類古文明我覺得都幾神秘,啲古人好有智慧,可惜技術失傳了

      刪除
  8. 我把歷史故事交返哂比老師了。我有時會睇下李時珍D中藥資料。

    回覆刪除
    回覆
    1. 好多時都會咁,其實好多小學中學時上堂學嘅嘢好多都唔記得,因為日常生活好少會用到

      刪除
  9. 祝新年快快樂樂!心想事成!

    回覆刪除
  10. 一d都唔無聊~你肯寫我一定睇~~~~
    你係咪個個首日封都有買架?(全年)

    回覆刪除
    回覆
    1. 台灣跨年正唔正?
      唔係全部買呀,揀design特別啲果啲先買,否則買太多無位擺呢:P

      刪除
    2. 我其實無去倒數呀~因為散場時要等好耐先走到~費事媽媽攰~
      咁又係~~~揀靚既先買~~~你會唔會好迷戀咁成日攞出黎望下佢地架~~~(講到你好似變態咁~~WAKAKAAKAKKA)

      刪除
    3. 都啱嘅,人多散場都要等好耐,咁乖帶埋小t媽去^^
      咁就梗係唔會啦XXXD係有時見個blog靜晒無乜嘢好寫,咪拎出來寫下囉:P

      刪除
    4. 係呀帶佢去食下野~~遲d去南美佢一個人等我番黎一定好悶....所以出發之前同佢去一個短程的開心下~
      唔知香港會唔會奧運郵票呢?今年奧運嘛~~
      定係好似澳門咁你一早知哂一年出咩主題郵票?

      刪除
    5. 原來如此,你真係好細心喎^^
      佢又可以同啲friend安排下你去南美期間佢又可以去下短遊無咁悶囉
      香港會出奧運郵票呀,已經訂了,但其實個design都係好一般無乜特別,但四年一次奧運就照買而已.....
      係呀通常舊年尾已經訂晒來年的郵票了!!!
      你冰島果100 difference郵票都好勁喎,係咪真係張張都唔同架呢?

      刪除
  11. 係呀係呀, 讀過呀
    真係唔無聊唔hea, 好睇喎, 次次睇完都覺得學左野 ^.*

    回覆刪除
    回覆
    1. 講歷史人物故事果啲會比較有印象^^
      多謝你鼓勵,咁我繼續揀啲無咁悶嘅嘢寫下囉hahahaha....

      刪除
  12. 想睇d有謂野,收收埋埋做乜,益blog友啦!kaka...

    回覆刪除
    回覆
    1. 咁放埋張藍衣馬騮大頭照吖。有謂野喇。kaka........

      刪除
    2. 我好少去夜蒲架喎,寫D嘢或者會未必啱JJ口味wakakaka...
      藍馬騮咪仲悶親人,我諗就無乜人有興趣睇囉XXXXXD

      刪除
    3. 你本字典邊度出o架?咁嘅註解會誤導人呀。。。

      刪除
    4. 喱度收視率一向唔高,應該無乜人會誤導到啩

      刪除
    5. 你收視率算高喇,有個人地日日出blog,應該係你7倍收視率架,但只係3倍幾咋,勤力過你都唔合比例嘅!嗚呼。

      刪除
    6. 你係咪講緊「夢飛翔」?XXD
      我都成日有睇和留言架喎:P

      刪除
    7. 唔係,你有冇計數o架,發夢個blog唔足你的收視兩倍,你個兄弟呀係你3倍收視率呀sir..

      刪除
    8. 都唔可以咁計嘅,你地咁多精彩生活,日日出blog都唔嫌多啦^^

      刪除
  13. 如果肯繼續用地動儀, 當年唐山大地震可能冇死咁多人.

    回覆刪除
    回覆
    1. 咪玩啦Peter哥,十年文革乜鬼古文明早就砸爛晒拆晒拎去當柴燒,爛銅爛鐵地動儀可能早就拎咗去當痰罐用

      刪除
  14. 有些郵票很有教育意義!!

    回覆刪除
  15. 你唔講我都唔知出左新郵票,得閒去拎先~
    HAPPY NEW YEAR!!!

    回覆刪除
    回覆
    1. 要快啲去拎啦,一陣過咗時又要去好遠地方先拎到了:P

      刪除
  16. 這款郵票的設計,我覺得一般而已。

    回覆刪除
  17. 回覆
    1. 個紅色圖章印我覺得幾靚幾有古典味^^

      刪除
    2. 對!無論設計和用色都有味道。

      刪除
    3. 原來除了說書之外,設計方面你也在行呢^^

      刪除
  18. 新年快樂!放假無外遊?
    除了李時珍,其他的全部沒有聽過,慘嘞!
    預知該方位有地震,好堅!會有幾多時間notice先?已經震緊就無乜用啦......

    回覆刪除
    回覆
    1. 本來上個月聖誕時來你果邊,可惜最後請唔到假:P
      不過聖誕檔期機票都頗貴,去唔成當慳返kakakaka...
      還返晒畀啲老師XXXD
      東漢晚期曾有歷史記載甘肅隴西發生過大地震,地動儀於地震三日前準確預報過云云,唔知係咪真?東漢末年因為戰亂地動儀也失傳,就無再印證其準確性了

      刪除
  19. Gael你好,已經好耐無探blog啦!
    不過你的珍藏仍是我的至愛,謝謝分享啊!

    回覆刪除
    回覆
    1. 你好,最近很忙吧,有空就來巡一巡囉^^
      多謝你

      刪除
  20. 中國科學技術博大精心,但只去到明朝未年,世界前列
    可惜...凊政府統冶四百年就停頓下來,
    世界前進,我地就落後,
    衰弱多年,近廿年才先全速前進...

    回覆刪除
    回覆
    1. 所以歷史已經證明一言堂固步自封係無有㗎,真正嘅百花齊放公平競爭才是進步的最大動力吧!!!
      希望是向正確方向全速前進,之前實在浪費太多無謂鬥爭時間

      刪除
  21. 慚愧! 仲話自己鍾意歷史,第二、三個未聽過!
    元朝於課本上著眼講戰爭,好多人唔知都唔出奇

    回覆刪除
    回覆
    1. haha...唔緊要啦其實我都係好多都畀返晒啲老師:P
      好多時都係靠喱啲溫故知新吧
      元朝最記得係四大汗國和雜劇

      刪除
  22. 當時的人, 眼力一定很好, 看到咁細的星星

    回覆刪除
    回覆
    1. 也可能無咁多光污染,所以睇星好清楚吧^^

      刪除