2016年5月20日 星期五

後現代阿伯生活之夏水禮

一排無寫blog,感覺又似乎有點生疏了,咁又求其搵D野寫下……先將個時鐘回撥到年頭!



話說年頭body check了一次,睇report時醫生話基爾唔算太靚仔喎(指個報告),有幾樣指數接近臨界點,問基爾係咪平時食太多好野(冤枉呀邊有呀)!咁要開始注意多點飲食啦,少鹽少甜少油更嚴格執行,減少出街食自己帶飯,此外醫生仲提意重點要加強多D運動……



平時除了「間中」有落街慢跑半個鐘(約3-5k)又或者放假去踩單車之外,夏天來到最佳運動都莫過於去浸下水吧!不過如果唔計以前中學P.E.堂學過幾下蛙式之外,基爾基本上係唔算識游水,總覺得要學懂自由式先叫識游水吧!



3月時上網book了游水班後,幸運地抽中於5月頭開課。由於要遷就返工時間,唯一選擇就係最早的7:00-8:00am,初頭都有點擔心唔知醒,不過盡量調校生活作息早睡早起習慣之後又ok喎,就當係提早預演老人家去晨運的退休生活吧!



晨咁早去上游水堂,其實一早預了同班同學都多數係退休uncle和auntie了(後生仔女應該都無乜邊個似基爾咁傻咁有恆心),而且好多都已經游得唔錯,游一個塘又在池邊吹水然後再游,落堂後有D就去飲茶,退休生活真愜意啊!



值得一提係頭幾堂基爾怕遲到,咁就搭港鐵或者小巴去上堂啦!不過要花時間等車之餘,又要穿過商場和Central Park先行到去(泳池在公園內),步行都要花十分八分鐘,後來就索性踩單車去,又增加了運動量,今次仲唔fit到爆?

p.s.順帶一提,基爾平時食開果隻Quaker原片大燕麥,之前聽到有外國新聞話畀人告,因為收割時落了除草劑而鬧上法庭云云(份量話係好低仍合乎安全標準)。後來行過價真棧見有喱隻澳洲品牌有貨,之前食過都唔錯,而且價錢又比Quaker平幾蚊,咁一於又買包……食多D希望下次body check可以重回健康正軌,個report可以靚仔返D啦!

54 則留言:

  1. 唔算太靚仔>我相信你個樣都係.

    回覆刪除
    回覆
    1. 王子一定係食咗誠實豆沙包喇!!講嘢突然咁老實嘅?!!XXXD

      刪除
  2. 係咪當堂覺得 fit 左好多呢? ^^

    回覆刪除
  3. 回覆
    1. Quaker果隻原片大燕麥都幾大塊,要煲耐一點,通常會加埋快熟果隻一齊煲.....
      想食甜麥皮就加煉奶綠茶粉之類,如果想食咸麥皮就會加粟米湯或磨菇海鮮湯
      如果想再健康D都可以加黑芝麻藜麥粉奇異籽都試過,好多變化唔會悶^^

      刪除
  4. 咁你咪游水班裡面嘅小鮮肉囉。。。

    回覆刪除
  5. 你咁有恆心醜男都變俊男!加油!

    回覆刪除
    回覆
    1. 咁可能要參加整容班先得喎XXXXD
      美與醜各花入各眼啦.....最重要係身體健康!!!
      be happy everyday

      刪除
  6. 唔太靚仔、太靚仔幾時都應該注重健康嘅!

    回覆刪除
    回覆
    1. 梗係啦,健康係無價寶.....
      除非係要靠樣搵食果D,先要更加注意儀表

      刪除
  7. 可能純粹睇blog,又唔覺你平時食嘢好唔健康!相比好多blog友食嘅嘢仲得人驚啦…
    儘量少食啲動物性的食物,減少醬油調味!再加上你勤練游水,應該個report可以靚仔返~

    回覆刪除
    回覆
    1. 所以咪話冤枉囉XXXD
      不過我諗唔同人係有唔同體質,有好多人日日食好多好嘢都唔算太肥,有D就食少少雪糕都即肥XXXXD
      其實平時都盡量多菜少肉,都仔細諗過到底咩出問題,最終諗到平時係比較怕食乾爭爭嘅飯,都有可能係汁醬出事,咁以後食飯要走汁先夠健康啦

      刪除
    2. 其實餸汁唔太健康,一般都係用生粉開,生粉粒子極細使身體更容易吸收...如果怕飯乾爭爭,不如間中在煮飯時加些切碎的紅甘筍細粒,或者加些粟米粒,飯就冇咁乾,口感豐富啲...

      刪除
    3. 果然有計喎~~~~~~一於試下^^thx!!

      刪除
  8. 少鹽少甜少油. if is difficult to follow if someone like eating. Perhaps to reserve the quota for Saturday and Sunday!!

    回覆刪除
    回覆
    1. 同埋少D食街飯多D食住家飯,自己比較易控制少鹽少甜少油^^

      刪除
  9. 現在去再次檢查看有冇進步XD,多啲運動真係好嘅。

    回覆刪除
    回覆
    1. 無咁快住呀,至少明年先啦^^
      對,唔懶得:P

      刪除
  10. 努力加油,自然有靚報告回報,個隻麥皮要煲?有無即沖?

    回覆刪除
    回覆
    1. 希望啦^^
      喱隻好似無即沖裝,但就有快熟果隻

      刪除
  11. 我都係只識游蛙式...
    我希望這個夏季...可以游多D水!

    回覆刪除
    回覆
    1. 其實都係志在去運動郁下,又唔係要去參加奧運,乜嘢式都無乜所謂啦^^
      你都要記住唔好忙住做嘢,身體健康緊要呀!!

      刪除
  12. 唉, 呢啲嘢, 唔驗猶自可, 10個有9個驗完後都要收歛吓飲食, 但飲食上堅持到嘅唔多, 肯去做埋運動嘅更少, 好欣賞基爾嘅恆心呀, 7點去到游水真係唔簡單呀!
    加油呀, 下年唔止個報告靚仔, 成個人都肯定再靚仔幾倍

    回覆刪除
    回覆
    1. 都係嘅,驗完就警剔下自己囉:P
      如果係冬天一定無可能咁早起到身kakakaka...
      承你貴言^^

      刪除
  13. 「睇report時醫生話基爾唔算太靚仔喎(指個報告)」,快些 keep fit,令自己內外都靚仔。

    回覆刪除
    回覆
    1. 承你貴言^^大家都要身體健康!!

      刪除
    2. 哈哈哈,身體健康和發財一樣難,但兩樣都要。

      刪除
    3. 對呀兩樣都係無價寶.....我相信你兩樣都已兼得好耐啦!!kakakakaka...

      刪除
  14. 回覆
    1. 都啱㗎,自己煮就易控制油鹽糖....仲可以慳D錢XXD

      刪除
  15. GOOD呀!我都開始一段時間,但呢排又懶番,下個月啦……抽到游水二階,希望大家身體好!

    回覆刪除
    回覆
    1. 勁喎,咁你都加油,身體健康最緊要^^
      你6月開課可能好D,5月有幾日其實都幾涼,朝早得廿一廿二度,泳池又空曠,涼風吹來真係有點騰騰震,落咗水反而仲暖D

      刪除
  16. 快啲操大隻啲一定吸引到好多靚仔(指個報告)@@

    回覆刪除
    回覆
    1. 暫時都未會再去驗身住喎,驗一次身其實都好麻煩㗎:P

      刪除
  17. 我都係食呢個澳洲品牌^^
    游水好呀, 夠健康!! 加油!!
    我懶,係咁意做下運動算數!!!

    回覆刪除
    回覆
    1. 之前食過都唔錯,比桂格易煲...
      健康緊要,大家咁話^^
      慢跑半個多鐘有出汗已經夠,不妨發掘下其他興趣,有益身心

      刪除
  18. 做運動,身體好!努力啦!

    回覆刪除
  19. 咁你都算乖~識報游水~游水好丫~~~~
    又唔怕腳痛之類之類~~我唔識呀不過~~
    我都係食Quaker架.....依家到底食d咩先唔怕毒屎?(殘念)

    回覆刪除
    回覆
    1. 幾好㗎唯一唔太出汗的運動XXXD夏天啱晒!!
      如果有時間又去報下班囉^^
      其實睇佢個新聞係話無超標嘅,份量其實好少仍乎合國際衛生標準云云,所以都唔駛太擔心嘅.....

      刪除
  20. 我都係每天早晚食2次麥片, 真係令身體舒服哂.

    回覆刪除
    回覆
    1. 係咪腸胃會好啲?!!^^
      外國係咪多數興早餐食粟米片,我反而唔多慣,好似比較熱氣....

      刪除
  21. 游水可以增強心肺功能,而且出現運動創傷機會極微,
    唔似跑步, 膝蓋有機會容易整傷. (無教練指導下。)

    回覆刪除
    回覆
    1. 係呀依家兩樣都做,所以都幾忙kakakaka...

      刪除
  22. 我第二次整親隻腳後無踢波,連運動都好少,又唔鍾意跑步,感覺身體差左。係3年前的起心肝自學游水,隔日游,由唔識游游到識游蛙式。依家起碼都游1500米,成粒鐘。但今年仲懶緊未下水禮,及仲未肯學自由式⋯

    回覆刪除
    回覆
    1. 自學真係好堅喎,千五米算是奧運級了,中間有冇break?@@
      freestyle對你來說應不太難掌握,學了基本技巧都係要靠自己練......
      其實去旅行都幾花體力,尤其要背住重背囊果陣尤甚:P

      刪除
    2. 奧乜運級呀基爾又玩我⋯ 我游普通蛙式游得慢,又慳氣,所以中間無break。我估自由式應該自學都係唔識⋯
      旅行都幾花體力<-- 所以我成日都咁瘦囉,哈哈~

      刪除
    3. hahahaha....志在係運動下,唔係參賽又真係唔駛游得太快,教練就話初學者最緊要係泳姿要正確,比游得快唔快更重要!!!
      咦,咁睇來旅行減肥法真係行得通,你可以做真人實證XXXD

      刪除
  23. 你平時都有做運動都接近臨界點 , 哈哈可能你真係太多好嘢食了 .

    回覆刪除
    回覆
    1. 可能人人體質不同啦,要加強運動和注意飲食了:P

      刪除