2016年5月30日 星期一

珍郵庫@大運河

去年底預訂2016年郵票時已發現,今年上半年設計吸引的首日封實在不多,除了農曆年那套猴年郵票之外,一直到5月中才訂了這套「中國世界遺產系列之大運河」!



這個世遺系列之前已經出了4款,翻查大典網誌才記得對上一次是紅河哈尼梯田,至於今次這套則是大運河,唔知有冇人記得梁朝偉做虬髯客果套陳年電視劇《大運河》呢?之前好似有重播過……係咪吳啟華做隋煬帝?仲有劉青雲、黃日華、曾華倩和陳玉蓮,80年代卡士都幾強喎!



如果中學有讀過中史的話,講起隋朝一定有讀過咩係大運河,北自北京、南達杭州、西至長安連綿逾千公里共27段河道,是中世紀時代華北地區最重要的內陸運輸及灌溉網絡系統,不說不知原來到2014年才納入聯合國教科文組織的《世界遺產名錄》。



與上次實景拍攝的紅河哈尼梯田郵票設計不同,今次這套大運河採用了甚具中國韻味的水墨畫風格,展現大運河在冬雪中的秀美景致,郵票中的傳統中式三孔石拱橋是位於杭州的拱宸橋。其實早在yahoo年代如果有留意基爾網誌的資深blog友應該記得,幾年前基爾去上海世博時抽了幾日去了一趟杭州,還在烏鎮住宿一宵,流經烏鎮外圍就是其中一段古代的京杭大運河,有興趣不妨click返去睇睇!

中國世界遺產系列第五號︰大運河
發行日期:2016年5月10日

54 則留言:

  1. 回覆
    1. 水墨畫風格,很有國畫feel

      刪除
    2. 對!和常見的不同,別樹一幟。

      刪除
    3. 明年唔知又會用咩主題呢?

      刪除
    4. 我都想知他們有多創意,哈哈哈

      刪除
    5. 咁你要留意我喱本大典啦wakakakaka.....

      刪除
  2. 即係今年先訂第二套?
    咁真係之前哥d好麻麻喎.....

    回覆刪除
    回覆
    1. 係呀今年頭半年果啲麻麻地靚,依家無咁多位擺所以每次都要嚴選啦:P

      刪除
    2. 你有無數過你有幾多套呀~~~~
      咁下半年有無d吸引你?

      刪除
    3. 今年好似六七套左右,下半年應該仲有四五個吧....
      今個月有套係講懷舊玩具都幾得意㗎,另外10月果套鳳凰徑都係必買嘅,睇個sample啲風景就好靚;另外里約奧運果套雖然我覺得個設計係好鬼求其兼核突,但奧運始終四年一次有紀念價值,都要無奈地買!!:P

      刪除
  3. 烏鎮, 有同事去過, 佢話啱老外多D, 你有無同惑?

    回覆刪除
    回覆
    1. 我覺得日間實在太多人太喧鬧了,但就很值得住一晚,因為只有晚上和清晨時份沒有旅行團來,明顯回復了古鎮的原貌,很享受晚上和清晨時份出去逛逛古鎮的寧靜感覺^^

      刪除
  4. 你這樣一說 ! Sky 有些印象 @ 因為在 [ 亚苦卜 ]年代^^
    已是你的粉絲了 ~

    回覆刪除
    回覆
    1. wakakaka....不要說粉絲了否則會臉紅:P
      大家blog friend留言交流一下是常事啊^^

      刪除
  5. 套首日封設計得幾靚
    有睇過大運河呀, 有印象呀, 呢期大家都好懷舊呀^^ 黎明都係90年代, 我哋再back多10年 ^0^
    虬髯 <-好難寫, 基爾咁都識寫, 要讚啦!

    回覆刪除
    回覆
    1. 喱套世遺系列因為之前有買開,咁就繼續買啦^^
      咦,似乎都幾多人睇過喎,同年代人了hahahaha.....
      黎明始終撈咗咁多人,人紅都係有原因,至少公關方面經驗老到!
      中學時應該好多人讀過杜光庭的虬髯客傳,是那時上中文堂學來的,不過依家係咪唔駛再讀喱類古文?

      刪除
    2. 咦, 我中文同文學都冇讀過喎, 古文我個年代要讀, 係我強項添呀, 宜家就唔知喇 ^^
      我成日覺得阿黎生講嘢9唔搭8, 呵呵, 不過個性格好似幾討好
      我check咗大運河原來係87年架, 我當年係小學雞

      刪除
    3. 虬髯客傳當年都係其中很經典的課文啊,原來後來取消了?!實在可惜呢!
      數數手指已是近三十年前的電視劇,時間過得真快,應該唔係咁多人記得也不出奇了!

      刪除
  6. 陳年電視劇《大運河》,當年有睇,但劇情都忘記。
    你套《大運河》就好睇得多了!

    回覆刪除
    回覆
    1. 其實當年歷史太悠久已印象模糊了,上網睇返劇照才有返D印象,吳啟華區瑞偉依家仲有拍無線劇呢^^
      最近還見到黃綺琴復出拍劇也有驚喜,當年佢仲係新人做紅拂女畀人鬧到飛起,話佢未夠班....幾十年後依家變了老戲骨!!!
      梁朝偉同呂方唱果首主題曲依家網上仲聽得到:P

      刪除
  7. 回覆
    1. 佢做過宣傳大使丫嘛^^
      我又諗返我住果間客棧真係見到河景㗎,朝早望出去真係好似回到古代的景像,amazing!!!!孔橋古塔染布坊郵局和茶居小店果啲都有去過,我未去過周莊但覺得烏鎮也不錯呢

      刪除
  8. 套郵票設計很精美~~
    可以從郵票中學歷史...

    回覆刪除
  9. 我們現在很多俗語, 都係跟大運河有關, 其中一個就是, 開閘過水 = 吃裡扒外, 是跟在運河裡拉船的幫會漕幚有關. 以前, 中國最大的幫會不是天地會, 而是漕幚, 他們的總陀主控制整個運河系統和相關地區的經濟活動, 所以做得漕幫幫主, 就差不多係全國黑幫總陀主.

    因為靠水來運輸和耕種, 所以開閘放水, 即是損害自己利益.

    回覆刪除
    回覆
    1. 聽Joesph一席話,又醒起以前讀書年代也聽過漕幫,中國古代陸路交通未必太發達,加上沒有鐵路也沒有空運,漕運是相對方便快捷的大型運輸系統,經濟命脈,煬帝大規模開完運河之後結果就益了唐朝造就了貞觀開元盛世.....仲記得無畀返老師XXXD
      除了漕運有幫會,鹽和煤都有,因為是最關乎社會民生的大生意吧

      刪除
  10. 回覆
    1. 看過一些星洲的老照片,也很有這種chinese style

      刪除
    2. 獨立之後突飛猛進呢

      刪除
  11. 香港出嘅有關中國題材郵票都好靚好吸引!

    回覆刪除
    回覆
    1. 喱個世遺系列都幾唔錯呀,有特色!!

      刪除
  12. 中國其實都好多靚既地方呀!

    回覆刪除
    回覆
    1. 絕對係呀,希望將來軟件配套設施可以追得上日本,咁就perfect了!!

      刪除
  13. 郵票採用水墨畫風格除了帶出中國韻味外,也可避免把杭州拱宸橋周邊
    的現代建築攝入郵票中....

    回覆刪除
    回覆
    1. 對,有時景區外的高樓大廈實在煞風景
      所以西湖附近都嚴格限制建築物高度

      刪除
  14. 小時候我也喜歡集郵,可後來大了就沒再集了.

    回覆刪除
    回覆
    1. 係呀好多人都係貯貯下就畀晒啲後輩玩囉^^

      刪除
  15. 郵局出既世遺系列年年都係咁正~
    不過電視劇大運河我聽都未聽過,哈哈~

    回覆刪除
    回覆
    1. 對呀,喱套買開都會follow落去㗎!!
      你咁細,首播果陣一定無睇過啦,都未來到喱個地球XXXXD
      不過近排好似有重播過嘅.....

      刪除
  16. 我喺揀嚟買喇,
    但我喜歡畫嘅,夠傳神,影相麻麻,
    世遺郵品都無蓄,
    隋、唐歷史都有讀過下...

    回覆刪除
    回覆
    1. 一年出成八九套,真係要揀D自己鍾意嘅先買....
      水墨畫比較有詩意,多了一點中國風味!!
      世遺喱個系列以風景為主,都幾靚
      讀文科多數要讀啦

      刪除
  17. 隋朝咁短時間內起咁多運河,所以咪亡國囉,哈哈~

    回覆刪除
    回覆
    1. 借古鑑今,咁依家HK同時起機場三跑+高鐵+港珠澳大橋,咁咪.........XXXD

      刪除
  18. IFC個觀景台開放時間如何??

    回覆刪除
    回覆
    1. 在這篇講郵票問喱個問題嘅?!!^^
      網上search到資料可供你參考:
      國際金融中心二期
      觀景點:55樓金管局資訊中心
      地址:中環金融街8號國際金融中心二期55樓
      資訊中心開放時間:星期一至星期五10:00-18:00;星期六10:00-13:00;星期日及公眾假期休息。
      查詢:28781111(www.hkma.gov.hk)
      導賞服務時間:星期一至五10:30-11:00及14:30-15:00;星期六10:30-11:00(每次名額15位,先到先得)

      刪除
  19. 郵票好有特色
    講起大運河我都記得套電視劇. 我都唔知有重播過.
    原來IFC有觀景台, 我都唔知.

    回覆刪除
    回覆
    1. 喱套又真係幾靚,所以值得買㗎
      我唔係太記得個詳細故仔,只記得梁朝偉做虬髯客....果陣係畀人話佢唔夠高大唔似!
      有呀,行過不妨去睇下

      刪除