2016年6月26日 星期日

珍郵庫@香港玩具40-60's

如果對懷舊玩具有興趣的話,今次喱套「香港玩具︰1940至1960年代」應該是必買的了,當中會唔會有D你當年都玩過呢?(想像到好多人會即時話:冇!連見都未見過喎)



如果真係未見過咁就要繼續睇下基爾介紹了……據首日封背面的簡介,原來二戰後40-50年代美國玩具商為了降低成本,逐漸將生產線轉移至亞洲,造就了香港玩具業的興起,到了60年代玩具業與電子、紡織及塑膠業已成為香港四大工業支柱。



實不相瞞,今次郵票上喱6樣玩具基爾細個時都有玩過:膠鎚仔($1.70)雙星報喜的經典道具,用來扑人會發出唧唧聲;紙公仔($2.20)雖然係男仔之家但基爾都有玩過幫公仔著衫,另外仲玩過塑膠煮飯仔……



水槍($2.90)夏天至愛的玩具,因為可以玩水,大熱天時特別消暑;膠劍仔($3.10)雖然唔知有乜咁好玩,但一班小朋友圍埋一齊互片贏晒人地D劍仔會好有成就感;黃膠鴨($3.70)好多人的沖涼恩物;鐵皮青蛙($5)除了青蛙之外仲有隻鐵皮雞仔,會一路跳一路啄地。



除了這些之外,基爾印象中細個時仲擁有過幾架Tomica車仔和紅巴士、寶馬遙控車、回力車、積木砌圖、可以組成動物園大巡遊規模的塑膠動物公仔、豆槍、叮噹小露寶和Gundam黃金戰士機械人等等,後期當然還有些遊戲機,不過依家大部份都送晒畀人無再收藏了。講返今次套郵票,原來是採用了亮漆印刷效果,唔怪得咁有立體質感。最喜歡是那個鴨仔特別版郵戳,非常cutie!

香港玩具︰1940至1960年代
發行日期:2016年6月8日

80 則留言:

  1. 那些年童年玩具雖然簡單,但玩的人可以發揮無限創意,樂在其中!

    回覆刪除
    回覆
    1. 我都係鍾意玩D有創意的玩具,好似無咁快玩厭

      刪除
  2. 自幼家貧無咩玩具架, 劍仔好似係阿哥家姐留低

    回覆刪除
    回覆
    1. 以前玩具珍貴,好多都係阿哥家姐玩完傳比細佬妹再玩^^

      刪除
  3. 60年代? 冇奶油喎,我玩過嘅!

    回覆刪除
    回覆
    1. 唔出奇喎我全部都玩過XXXXXD

      刪除
  4. 我細個通常都係玩車仔同膠劍,大個D就踢西瓜波了

    回覆刪除
    回覆
    1. 對呀,以前好多都係成班人一齊玩的玩意,最大好處係唔駛點用錢都可以玩大半日XXXD

      刪除
  5. 我只係玩過膠鎚仔@@
    今次我買左幾版鴨位收藏,哈哈~

    回覆刪除
    回覆
    1. 我都估到你一定去買黃鴨,你係super fans^^

      刪除
    2. 呢個機會咁難得,唔知幾時先再有鴨仔啦>.<

      刪除
    3. 才剛剛出過應該都無咁快再出啦卦:P

      刪除
  6. 呵呵 ~ Sky 原來應是同你一個年代的^^

    回覆刪除
  7. 我比較深印象嘅係跳橡筋繩,椰菜娃娃,呼拉圈,仲有搖搖

    回覆刪除
    回覆
    1. 橡筋繩和跳大繩都有玩,仲有拎支棍打果隻康樂棋
      搖搖成日會fing到自己好痛XXXD
      仲有扭計骰和扭計蛇,好經典,都係汽水廠出品

      刪除
  8. 我諗這些是更加早期的香港玩具,我一樣都未玩過。

    回覆刪除
    回覆
    1. 咁細個時有冇玩煮飯仔?
      我見你廚藝好了得係咪自少訓練有數?^^

      刪除
  9. 黃膠鴨仔果款郵票幾cute!

    回覆刪除
  10. 呢套郵票好似好搶手,想買去到郵局已經冇晒...
    相信有些舊版的玩具,而家在舊攤檔仲可以搵到~~

    回覆刪除
    回覆
    1. 可能因為集體回憶效應,通常喱類玩懷舊的題材都幾搶手,下次要預訂啦^^
      至少水槍一定有啦,不過就現代化好多射擊力強好多XXD

      刪除
  11. 香港以前喺玩具生產世界前列
    哩套郵票見證玩具王國時代的結束紀念,
    我見過哩咐啲玩具,玩過下,無買亦無擁有。

    回覆刪除
    回覆
    1. 對呀,話係四大工業之一,都幾犀㗎
      路霸兄好似都係從事玩具設計有關工作喎,我有冇記錯?

      刪除
  12. 買這款郵票套摺好似有劍仔送!

    回覆刪除
    回覆
    1. 我冇買套摺所以唔知呀,不過好似依家有D老牌士多都仲有得賣劍仔

      刪除
  13. 我係我fb都見有個香港朋友有買左~~真係幾靚~~~~~
    當中你有玩過幾多樣?

    回覆刪除
    回覆
    1. 我地既兒童時代d玩具真係好玩~
      你會羨慕依家d小朋友既玩具嗎?

      刪除
    2. 我又唔會羨慕依家小朋友喎,雖然係物資豐足啲多啲玩具,但佢地都無時間玩,好可憐呀~~~!!

      刪除
  14. 這款郵票,設計幾好!
    小時候,比較少買玩具。但這些玩具都有玩過!

    回覆刪除
    回覆
    1. 阿摩一定係比較早熟唔多玩玩具^^

      刪除
    2. 那時候家裏沒有甚麼多餘錢可以買玩具!

      刪除
    3. 依家自己搵到錢可以補償下囉hahaha...

      刪除
  15. 我見過哂,但係我只鍾意著衫紙公仔,仲係自畫自製添!

    回覆刪除
    回覆
    1. 自畫自製夠晒創意,自己畫乜都得...
      咁細個時寫我的志願有冇寫過做fashion designer?

      刪除
    2. 以前邊識 designer,當畫畫o者,寧願起間石屋仔,呢個願望唔知會唔會實現 lu!

      刪除
    3. Lego 係我賺錢後買俾自己,18歲前未識Lego .

      刪除
    4. JJ果然係有鴻圖大志,細細個已經諗住做業主XXD

      刪除
    5. 記得呀,但好少見到你post啲得意傑作出嚟丫嘛:P

      刪除
    6. lego以前係歐洲貨,好貴,要有錢人家先買得起

      刪除
    7. 有人生目標都唔錯丫XXD

      刪除
  16. 以前d玩意真多,我都好鍾意同紙公仔著衫換衫架! 常跳橡筋繩,少跳大繩。
    後來玩搖搖,甚至“的得球”最刺激! 我玩“扭計骰”就唔多掂啦。
    膠鎚仔打人唔痛又有聲,真係幾好玩!
    到了砌樂高的時代,都可以砌出一隻大輪船。

    回覆刪除
    回覆
    1. 紙衫公仔真係幾hit,勝在夠平又可以千變萬化
      的得球唔知係乜喎@@扭計骰我都唔多掂,通常都扭唔返還原XXD
      細個無錢買lego咁hi-class,通常都係砌啲國產嘢,但砌城堡和宇宙飛船都ok,創作力十足XXD

      刪除
    2. “的得球”係繼“搖搖”之後出的一種玩意,都唔知邊個買番屋企? 搖搖只得一個容易玩啲。但係“的得球”係兩粒大的實心黃波波,要一手擰住相連嘅兩條繩,用力拋出去,使繩尾嘅兩球相撞,發出得得聲! 難度很高,但係我無師自通,玩得好好。
      初時練習嘅時候,打得隻手好痛! 後來用布包住手腕嚟練,就練得好好嘞。我家二佬都話唔好玩! 因為太多人打傷手,所以好快就冇得賣啦! 砌國產積木都幾好玩。打鐵片琴同埋玩小小的玩具琴,真係可以敲到一首短短嘅歌仔架。
      lego 係親戚送嚟的。

      刪除
    3. 你講起又有少少印象,好似係兩球相撞時好鬼嘈嘅XXXD
      玩具琴我都玩過,可以彈到首生日歌^^

      刪除
    4. 哈! 原來基哥細時都玩過玩具琴,重彈到首生日歌,好嘢噃! ^0^
      **
      123 4455 345 3423;123 4455 354 3421。
      這首“快樂家庭”好易彈架咋。^-^

      刪除
    5. kakakakakaka.....好耐無見過喱種數字譜,我仲記得

      刪除
    6. hahahahaha...細個嘅玩具琴係無高低音,只能彈這首。
      到咗小學畢業了,我儲錢在生日那天,買了一個較大的,就有高低音啦! 可以彈多些時代曲。

      刪除
    7. 咁喱個咁有紀念價值嘅玩具琴有冇一值保留至今呢?

      刪除
    8. 因為爸媽搬了幾次家,所有玩具都不知不覺地不見了啦!
      嗚......嗚......想起就傷心!

      刪除
    9. 無辦法啦唯有依家珍惜所有^^

      刪除
    10. 多年前所購的一具梧桐木所造的古箏,已經荒疏了。看來要從新去拜師學藝了。
      過去已不可追! 幾年前曾經送了一具兒童電子琴給一個單親家庭的孩子,希望給人帶來喜樂。

      刪除
    11. 你以前學過有基礎,我諗練多啲好快可以上手返^^
      咁都幾有意義喎,至少個琴可以重新發揮到它的作用

      刪除
    12. 以前我在生日所買的木琴,已經隨著搬家不見了。
      後來我買的兒童電子琴很大型,無暇去玩了,問到有人喜歡,就送了出去。是的,讓它重新發揮到它的作用。

      刪除
    13. 有空練古箏時不妨又拍段片擺上blog^^

      刪除
    14. 已重新報名再學,未上課。不敢獻醜。

      刪除
  17. 這些郵票好值得買喎 , 得閒攞出來看看以前玩過的玩具 , 真賞心樂事 !

    回覆刪除
  18. 喂喂, 睇完好興奮喎, 懷舊有共鳴呀 ^0^
    膠鎚仔、幫公仔著衫、膠劍仔, 鐵皮青蛙印象中好細個時玩過
    積木, lego, barbie呢幾樣嘅印象深刻好多, 係大少少時玩嘅

    回覆刪除
    回覆
    1. 其實揀喱幾樣嘢應該都算幾經典呀,Venus老公應該都一定有玩過^^
      唔知會唔會繼續出埋其他幾個年代的玩具呢?

      刪除
  19. 以前都有儲郵票,好耐無留意啦. 印象最深反而係膠劍仔

    回覆刪除
    回覆
    1. 其實係似前跟本無乜玩具玩,而喱樣又平又襟玩,所以受歡迎囉,以前都係興一大班小朋友一齊玩集體遊戲,依家就多數在家打機

      刪除
    2. wakakakaka....不過依家多咗聯群結隊出街捉精靈^^

      刪除
  20. Gael,以前都有集郵,現在沒有了.

    回覆刪除
    回覆
    1. 細個時有冇玩過喱啲玩具?^^

      刪除