2016年7月2日 星期六

羅馬海軍與龐貝@歷史博物館

今年暑假有兩個最想睇的展覽,之前已經看了文化博物館的莫奈畫展,至於另一個關於龐貝古城的文物展心諗同樣不能錯過。



大熱天時實在無乜地方可以匿,如果行厭了商場的話,去戲院或者博物館都是不錯的消暑選擇,例如歷史博物館今期展出的羅馬海軍及龐貝文物就幾值得一睇。



上圖是展廳正門築起的羅馬輸水道拱橋模型,設計都幾靚幾有心思。入場券上面有展覽的名稱「Mare Nostrum」意思是「我們的海」,是古羅馬人對地中海的稱呼。



展廳外面的免費區有些攤位,上圖喱個好似係教小朋友用橄欖枝織花冠。雖然暑假才剛開始但都幾多學生和小朋友來參觀。



話明係龐貝文物展,咁點都要有座火山模型先似樣,雖然係假左少少但都幾高幾盞鬼,旁邊仲有介紹火山爆發的地理知識。原來在1億年前,香港也是位於火山活躍地帶,西貢大埔一帶都有大量活火山,現存仍有好多花崗石之類的火山岩石。



此外仲有好多介紹羅馬時代社會民生的展板,有些基爾都曾經讀過但早已還返晒畀History老師,睇完又真係有返少少回憶。



如果鍾意影相的話,就要係喱度影多幾張先好正式入場了,上圖喱幅火山口3D畫現場睇完全唔覺有乜咁立體,但原來鏡頭下影出來又真係幾像真度高喎!



影飽之後可以入場睇文物了,展廳裏佔三分二都是羅馬沉船的文物,餘下三分一才是龐貝部份。龐貝那邊的展廳老實說做得有點求其,原本期望多多少少會有些模擬古城的民居街道裝修設計,事實卻只有較常規的展櫃和展板!(記憶中年前那個凱撒大帝展更有趣)另外那段介紹「維蘇火山爆發的一天」的3D動畫短片也著實無聊……幸而仍有很多沉船古物和龐貝古城的馬賽克鑲嵌畫,還有龐貝和赫庫蘭尼姆遺骸模型都非常值得一看,至於導賞員也可記一功,介紹得好生動有趣又聽得清楚,挽回不少分數!



用了兩個幾鐘睇晒所有展品之後就走人,因為下一場要趕返去旺角睇戲,之前收到舊同事送飛睇上面喱套印度片Brother Bajrangi,上映的戲院不多,幸好較就腳的Moko有,咁一定要去睇啦!近年好似唔少人愛上看歌舞連場的印度電影,基爾則無特別偏好,影片雖然長近3個鐘但也算拍得緊湊熱鬧,笑中也有感動位,故事主題離不開大愛無疆不分膚色種族宗教國界,簡單而言是宣揚印巴友好的樣辦戲,不過當中有唔少講到印度的民生習俗起居信仰細節都幾有趣。全片要數最吸引基爾眼球的,莫過於後段主角千辛萬苦帶著小女孩終於重回Kashmir山區的部份,雪山風景真係靚到絕,好有飄零燕的瑞士風味。唔知將來有冇機會親身去喀什米爾欣賞下呢?

「海上雄師:羅馬海軍與龐貝古城」
地點:尖沙嘴香港歷史博物館
展期:8.6.2016 - 29.8.2016

68 則留言:

  1. 去戲院或者博物館的確是不錯的消暑選擇,特別是博物館,聽埋導賞更精采,可以消磨一天了!如果星期三入場免費添。

    回覆刪除
    回覆
    1. 對呀,夏日炎炎又唔想匿係屋企開冷氣嘥電費,咁唯有出去嘆免費冷氣囉,又環保D添呢:P
      今次喱個姐姐導賞我都有拍手掌,因為我通常都係跟下又會自己行開D自己睇下,佢勝在把聲夠晒嘹亮,我企遠D都可以清楚聽到佢講乜,要讚!
      喱類外國運來的專題展要畀錢無得免費㗎^^

      刪除
  2. 龐貝展廳&羅馬沉船的文物那邊不准拍攝咩?
    無相睇嘅...定你留代下一篇介紹呢?:D

    回覆刪除
    回覆
    1. 唔畀影呀,可能係驚影響文物啦!!!
      其實都理解羅馬龐貝出土果D千年文物唔畀影係有佢理由,不過有D基本上只係仿製品的戰船模型,同埋講解星座果個天花板投射黑房都唔可以影就覺得有D奇怪,不過算啦佢有佢地規矩,而且唔畀影有個最大好處係無咁多影相自拍人士阻住睇展覽囉XXXXD
      無下篇㗎啦,你見我喱篇都無寫上集就知......Kaka有興趣睇咪自己去逛逛囉,喱個展覽明顯無莫奈果個咁多人,而且展期長D,一直去到暑假完!!

      刪除
  3. 我同你一樣, D歷史俾番哂先生 XD

    回覆刪除
    回覆
    1. 有少少可能會留返嘅,每當睇返自自然然會記得起:P

      刪除
  4. 我有興趣古羅馬軍隊的步兵武器及大型攻城工具,
    上次喺意大利達文西博物館有睇過模型,可以任影,
    我一向覺得禁影喺無為的,博物館展品應該任由參觀者自由拍照,因為已付子門票,一喺好似俄羅斯咁,要拍照另外俾錢。
    我相信世界三大博物館都有考慮過哂所有利弊,
    羅浮宮、大英博物館、隱士盧博物館都喺任影,
    而所為要禁影的博物館又會俾電視攝制隊拍攝架喎...

    回覆刪除
    回覆
    1. 咁上次凱撒果個展覽應該都好啱你睇呀^^
      之前果個有好多攻城模型都係可以任影,今次唔知係咪比較多文物就禁影囉
      我諗最大問題係香港啲博物館好多時搞展覽都係外借文物,好多時同外地博物館簽咗協議唔可以拍照攝錄,咁就禁影了
      唔影有個最大好處係大家都可以專心睇展品XXXD
      官方媒體通常都有豁免,幫佢地宣傳下有新展覽丫嘛

      刪除
  5. 「海上雄師:羅馬海軍與龐貝古城」 都很值得去。

    回覆刪除
    回覆
    1. 龐貝古城真的很值得親身去一趟走走^^

      刪除
    2. 不過我今個星期還是希望去到莫奈的那一個,哈哈哈

      刪除
    3. 都啱㗎,莫奈果個好似展到下個禮拜一咋,有興趣就要今周趕快去睇睇

      刪除
    4. 好彩今天趕得到去,勁正!

      刪除
  6. 印度北部其他地區(例如我2013年去過既Kuari Pass一帶)都有好靚瑞士式雪山風景,唔一定要去到客什米爾咁危險。早兩個禮拜我嚮法國阿爾卑斯山行山,可惜天氣好差,剩係見到遍地野花,山就完全被大雨同雲霧遮嗮。

    回覆刪除
    回覆
    1. 去外地行山不論什麼地方都是不錯的經歷
      那時會唔會有高山反應?
      6月阿爾卑斯山區係咪都有機會落雪?
      有空擺啲靚相上blog睇下,短短地caption story打英文都照殺XXD

      刪除
    2. 嘩,你咁俾面,我更加要認真D寫來交貨啦!不過我而家尚在南法。高山反應就無,不過今年阿爾卑斯山夏天遲來,徒步路線上依然有及膝積雪,好難行。

      刪除
    3. 如果有wifi方便嘅話就upload一兩張相睇下^^
      oic~~~我還以為你已返老家去....
      及膝積雪@@
      看天氣報告中歐也有廿幾度,原來山區仲咁凍

      刪除
  7. 回覆
    1. 奧匈帝國果啲應該好豐富吧

      刪除
    2. 西方歷史我讀書時都幾好成績,不過而家已經連本帶利還突俾老師啦...XDDD

      刪除
    3. 連本帶利咁勁?!@@wakakakaka...

      刪除
  8. 喀什米爾我去過呀,係幾靚,山景同湖景都好好,不過佢最令我難忘嘅,係夜空嘅繁星同流星,因為地方真係好落後,基本上係成日無電,無光污染,睇星星就最清楚

    回覆刪除
    回覆
    1. 我諗果度睇星都係非常理想的地點
      之前睇啲旅行特輯見湖景山景都好靚呀,不過最大問題係政局似乎有點不穩定,旅遊配套設施應該同大陸差不多吧

      刪除
  9. 印度電影,我最喜歡就是看歌舞!如果外遊坐長途飛機,一定選齣印度電影看,貪其熱鬧,又唔多要用腦!

    回覆刪除
    回覆
    1. 貪其熱鬧,又唔多要用腦===>又係喎,同意XXXD
      有陣時都會揀D笑劇

      刪除
  10. 有埋導賞員就可以更投入看展覽,要一早預約?

    回覆刪除
    回覆
    1. 唔駛㗎,行行下通常都見到有一堆人圍埋,就是導賞團,可隨時企埋去一齊聽

      刪除
  11. 肥人鍾意去旅行時行博物館但好少行香港既博物館, haaaa

    回覆刪除
    回覆
    1. 外國果啲通常好貴,HK果啲平好多㗎喎^^

      刪除

  12. 我上歷史課時多數。。。。Zzzzzz

    回覆刪除
    回覆
    1. wakakakakaka....我反而唔會,可以當聽古仔嘛^^

      刪除
    2. 反正都喺在課室坐,咪聽下老師講乜囉XXD

      刪除
  13. 龐貝古城展~又幾有趣喎~澳門無做過呢d~~~~
    你真係講得好..大熱天時睇展覽真係一流~又有冷氣涼~

    回覆刪除
    回覆
    1. 龐貝喱個好似係亞洲巡迴展,唔知會唔會過埋去澳門呢?
      你果邊仲多選擇啦,又可以行下Garment Park仲消暑^^

      刪除
  14. 感覺唔係太多展品睇!!是否唔畀影相呢?!!
    至於現在睇戲都冇咩要求~~事實上都冇咩戲有衝動想睇!!

    回覆刪除
    回覆
    1. 上面都係免費展區範圍,收費果邊唔可以影....
      通常係邊類戲森兄最有衝動想睇?!^^

      刪除
    2. 冇既定邊類戲,睇完有得思考吓就最好…

      刪除
    3. 都估到係喱類比較啱森兄口味,而唔係愛情動作片果啲XXXD

      刪除
  15. 個展覽好值得去噃~ 我同你一樣,D歷史比返好多老師了⋯
    印度?我都想去,但又唔太強烈⋯

    回覆刪除
  16. 印巴真係有些部份文化和習性, 跟我們中國人有點似.

    回覆刪除
    回覆
    1. 尤其係佛教傳統又或者輪迴轉世的概念吧

      刪除
  17. 回覆
    1. 喱個展覽比較長時間,可以去到暑假尾

      刪除
  18. 基爾好有文化, 我番到嚟莫奈已經冇等我喇 >.<
    呢個博物館比較少去, 所象中咁多年嚟先去過兩三次
    對龐貝有興趣, 不過睇嚟佔嘅比重唔多

    回覆刪除
    回覆
    1. 唔駛擔心,可能第時又會搞另一個畫家畫展,印象派咁多選擇.....又或者你飛過去法國睇都唔錯喎^^
      不過感覺上HK的博物館入場算係平價嘅,如遇有興趣題材又有時間都不妨去逛逛!!
      龐貝廢墟啲出口文物同埋遺骸都值得參觀,第時有機會去南意時都想去睇下佢個真古城

      刪除
    2. 係呀係呀, 對龐貝個真古城好有興趣
      香港啲博物館相對外國係平好多呀, 不過可能展品相對都冇咁有睇頭同咁大數量, 香港啲博物館係屬於小巧型

      刪除
    3. 你去完兩極不妨又plan下去囉^^
      咁又係,香港啲博物館相對來說算是小巫見大巫,同埋藏品不多,好多時係外借

      刪除
  19. 我都有去……睇完真係有點失望!

    回覆刪除
    回覆
    1. 佔大半都係講海軍文物,而且好多只係船艦模型,真正古物唔算太多,本來係期待睇到多一點龐貝的壁畫古物多一點....
      我覺得龐貝果個化石麵包幾得意,保存得好好呢
      反而星座果個黑房就唔知整來做乜???奇哉!!!

      刪除
    2. 係呀個麵包化石好得,其實都仲d金銀首飾……睇睇嘅!

      刪除
    3. 面包確實係amazing,估唔到可以保存得咁完整
      金銀珠寶就比較平凡,可能中國仲多啦^^

      刪除
  20. 回覆
    1. Bollywood戲勝在夠熱鬧夠緊湊,多數都唔會太悶嘅^^

      刪除
  21. 當時唔在港、錯過左啦!

    回覆刪除
    回覆
    1. 希望黎緊會有更多精彩的展覽睇下啦^^

      刪除