2017年1月7日 星期六

書裏人間@多田便利屋

依家睇電視劇好多時都只係得啖笑,試過睇大台兩線劇無獨有偶都係豪門恩怨式的爭產勾心鬧角,睇到人都癲又悶蛋,似乎又係返樸歸真回歸看書的日子……



讀書網誌一般「收視率」不高,基爾也只打算簡介做個記錄就了事。今次看的是近年日本大熱女作家三浦紫苑(曾獲直木賞)的兩本省招牌代表作小說《真幌站前多田便利屋》和《昔年往事》。



基爾之前因為看過其他blog友寫的書介,才去圖書館借這兩本小說來看。相信愛看日本電影的應對三浦紫苑這名有點印象吧!之前上映過的《戀上春樹》和《字裏人間》就是改編自她的名作《哪啊哪啊~神去村》和《啟航吧!編舟計劃》。



三浦的短篇小說《你是北極星》和《月魚》之前也看過,感覺上風格與《神去村》和《編舟》都很一致,寫人情細膩得來又有幾分幽默,與電影版一樣都有不少令人忍俊不禁和會心微笑位。首刊於2006年的《真幌站前多田便利屋》可說是三浦紫苑打響名堂之作,除了小說仲有漫畫版,還曾翻拍成電視劇和電影(由瑛太飾演老闆多田啟介),故事主要圍繞兩個中年失婚男開設的便利屋發生。



日本的「便利屋」有別於香港的便利店,簡單而言可以理解為一種街坊式的雜務店舖,除了慣常的修理水電,還有替顧客打理花園,甚至接送學童、照顧寵物、統計公車班次等,確是很神奇的經營模式。三浦筆下兩個失婚男背後各有不堪回首的人生故事,一次巧合相遇後竟一同生活起來,還一起面對各種古怪客人的古怪委託,看盡人間百態之餘,漸漸成為互相扶持的摯友……突然醒起《深夜食堂》,《便利屋》也很有這類細膩人情色彩,只是主角改成了「雙人版」。



趁放假期間迅速睇埋三浦紫苑另一本作品《昔年往事》,同樣是看了blog友書介再去圖書館借來看。小說的結構甚特別,全書以7個非常經典的日本童話故事作引子(包括有輝夜姬、開花爺爺、仙女羽衣、浦島太郎、頂缽姬、猴女婿以及桃太郎),延伸出7個重新演譯的故事,都是圍繞隕石墜落地球前3個月的「末世風情畫」,世界末日雖然是虛構的,但每篇故事都頗耐人尋味。當中比較長篇又是最後一章的,是由桃太郎延伸的「令人懷念的河邊小鎮故事」,講述叛逆高中生桃子與3位好友(儼如跟桃太郎去鬼島降魔服妖的狗、雉雞與猴子)在這個「最後暑假」中的共同經歷,故事講的友情與人性矛盾還有因果輪迴,也很有點發人深省,而且與首章「無愛」中的黑幫人物竟也有點巧妙的首尾呼應!



另外,基爾覺得由頂缽姬作引子的「抵達為止」講變性人的士司機載著整容女乘客遊走死城街道的故事,很有深沉的末世feel。至於由仙女羽衣引伸寫成的「距離」(講述回憶與叔叔發生不倫戀的故事);由輝夜姬變奏而成的「無愛」(講述紅牌牛郎被追殺的故事);還有與開花爺爺呼應的「火箭的回憶」(講小偷巧遇昔日中學同學,再去幫他爆竊前女友的家以解開失戀心結)……這7個口述故事都會錄製成CD帶到太空去,至於最後這些故事人物能否搭上飛赴火星和木星的大逃亡方舟太空船,似乎已不是重點了,反而令基爾更深徹體會到的是故事背後組成的浮世繪,好明顯沒有浪費了美好的聖誕新年假期吧!

70 則留言:

  1. 書介我搭唔到咀添。下次搵啲有大大幅猛男美女圖片嘅書介紹吓嘛。

    回覆刪除
    回覆
    1. 嘩~~~~~我諗住王子對這方面的日韓歐美雜誌期刊叢書早已有深入的鑽研考究,點敢在專家面前班門弄斧wakakakakaka.....XXXD

      刪除
  2. 有段時間我都愛看日本推理小說,你介紹的我就一本都未看過。

    回覆刪除
    回覆
    1. 近年好hit的吉田修一,之前講過的《怒》就是他寫的呢,有沒有看過?

      刪除
  3. 我家電視壞了,索性不要電視機,因為都無節目啱睇……日本女作家,有位寫愛情的,寫得非常好,但忘了她的名字><

    回覆刪除
    回覆
    1. Hello~~~!!
      都係架,如果要求不高,依家只要一部手機,或者一部平板又或者電腦都可以睇到電視,而且好多時都係睇下新聞,依家啲大台劇集無乜追看性,好多時只係睇啲旅遊或資訊節目而已....
      hahahaha....可能我早已過了看愛情小說的年齡,這方面反而沒有留意呢:P

      刪除
    2. 搭咀啫...
      唔好話喲劇集唔得,就抹殺電視節目
      TVB J2,J5,明珠台
      外購旅遊,健康醟學,人民風景,飲食...
      好值得睇,真喺見多識廣

      刪除
    3. 介紹..醟學.懐胎9月,正在熱播中,
      人體胚胎成長知幾多呢
      人民風景.野性伊比利亞半島,
      西班牙四季生物的變遷,
      我去10次西葡都未必見到,
      所以話政府宜傳片啱架,節目選擇多,睇你點揀。

      刪除
    4. 可能大台依家啲劇唔係我杯茶啦,不論劇本或演員對我而言也無甚吸引力:P
      依家多數只看旅遊節目資訊紀錄片之類,新近播的世界零距離也有看^^

      刪除
    5. 搵返你個留言,可能都係同你之前所講咁,google好多時將太長的留言誤認為垃圾留言,如果你發現留言消失咗就麻煩你提下我去摷啦,thx^^
      伊比利亞半島我都有睇,原來西班牙也有熊呢,我還以為只有北美和亞洲先有......
      一般人去旅行我諗都唔會長時間(一年半載)留在森林或曠野去看動物,我諗佢隊攝製隊係長年花了好多時間去拍攝野生動植物的變遷,所以都好佩服佢地,觀眾才有機會睇到這些迷人大自然景緻吧!!

      刪除
    6. 哈...留言睇到喇,又去咗垃圾箱,可能太長
      我話自己口水多多啫,唔喺話...方東昇。

      刪除
    7. 係呀喱個情況成日出現,如果下次再有留言消失就提下我去摷垃圾桶^^謝謝!!
      又或者好似你上次咁講,分段留幾個短留言也可!!

      刪除
  4. 現在很少睇書,因為睇書不到半小時已入睡。

    回覆刪除
    回覆
    1. 每天可以看半小時也不錯呢,可以揀啲自己喜歡的就會有興趣吧^^

      刪除
  5. 多田便利屋,書名都夠晒特別,應該係雜貨店的故事吧...

    回覆刪除
    回覆
    1. 同HK那類雜貨店有冇些分別,因為主要唔係賣貨物,而係賣服務,例如幫人打理家居,維修,整水電甚室修理衣櫃,同埋花園剪草,仲有帶孩子添,所以可叫做雜務店

      刪除
  6. 呢排都係睇劇, 無點睇書

    回覆刪除
    回覆
    1. 睇左 Westworld 未? 未睇, 值得一看
      我而家睇緊 Channel Zero, 都OK架

      刪除
    2. 冇呀我通常好少在網上摷來看,將來如果電視會播就會留意下^^thx

      刪除
  7. 看過《真幌站前多田便利屋》電影, 好看的!
    《昔年往事》這書幾吸引, 睇下有無機會看到... :)

    回覆刪除
    回覆
    1. Really~~~~果然有blog友看過電影,反而我錯過了,聽別人說也是拍得不錯的,希望將來電視會播!!
      我覺得都幾有奇情feel,幾個故仔都幾特別,同埋串連到日本古典民間故事,幾有心思!!!

      刪除
  8. 真係好耐冇拿起本書來讀囉。

    回覆刪除
  9. 我宜家只上網睇電視,真係好彩有網絡!

    回覆刪除
    回覆
    1. 上網睇最大好處係唔駛限時限刻睇,依家連錄影機都唔駛買^^

      刪除
  10. 自己的日記,理收視率做乜,我d遊記都係我行我素,寫我自己想寫的野,唔去討好觀眾的,所以成日都有痾C唔出的情節,wakakaka~~~
    閱讀,我都好喜歡,不過近排忙左d無乜時間。我喜歡放假時在家中,沖杯茶或咖啡,開著柔和音樂來睇書架~

    回覆刪除
    回覆
    1. 同意呀,我行我素先有個人風格,寫返啲生活小記錄畀自己!!
      btw,我最鍾意就係睇果啲痾C唔出的情節wakakaka~~~
      銀哥銀嫂都係好懂得享受生活的couple,難怪咁啱key^^

      刪除
  11. 我近排都少睇書~我淨係買左本最近出既哈波作者寫既哈波續集..但係講阿波個仔既~~~但都未睇哂~~~
    因為有時好攰...寫完blog就訓~~~~~
    我真係要努力d先得~

    回覆刪除
    回覆
    1. 只要揀自己喜歡的看,持之以恆自然就可以養成閱讀習慣吧,相信看任何書都會有所得著的^^
      對呀寫blog真係幾花費心力,尤其係你啲旅行經歷呢.....
      所以今時今日都好少人再寫blog啦,一來無時間寫,二來也無時間睇:P
      你有時間盡量寫多啲啦wakakakaka......

      刪除
    2. 我係晚上臨訓前睇幾頁~~睇到攰就訓覺....是良好習慣嗎XD
      係呀....因為好多資料要搵番出黎.....攰....
      我會啦~~~不過我都好驚太攰想放棄(其實已想過10000次).....

      刪除
    3. 咁又幾好喎,包無失眠wakakakakaka.....
      有D旅行細節都驚會忘記咗,有時好彩靠啲相又會記返起,所以有時去旅行亂影成千幾張相都有好處,因為咩細節雞毛蒜皮都紀錄下來不會忘記了!!
      你的旅行網誌咁多捧場blog友,希望可以成為你的動力啦^^

      刪除
  12. 謝謝介紹。
    昨天剛看完「字裏人間」,欣賞日本人竭而不捨的精神!

    回覆刪除
    回覆
    1. 字裏人間的電影我沒看,但小說感覺節奏有點慢(或者悶),要中後段加入了一些新人物角色就好看生動了一點....
      之前好似聽你講過有看戀上春樹(有冇記錯?)

      刪除
    2. 字裏人間的節奏是比較慢,但我覺得拍得也不錯。
      沒記錯,是看過戀上春樹。

      刪除
    3. 咁希望新年果D深宵時段大台會重播,到時會留意下....
      春樹的電影版應該會拍得不錯,有笑位

      刪除
  13. 真幌站前多田便利屋我聽過,因為我睇過電影介紹,不過仲未有機會睇,唔知值唔值得睇。。。

    回覆刪除
    回覆
    1. 相信會係典型小品式的日本電影,我諗同深夜食堂sell人情味果隻差不多吧!當然不會有荷里活大製作大場面3D特技之類,我也期待電視有機會播喱套戲呢!

      刪除
  14. 依家D電視節目唔睇得架,我都回歸睇書懷抱。

    回覆刪除
    回覆
    1. 我依家都好少睇大台啲劇啦,好似無乜追看性,也無乜邊個演員想睇
      通常都係睇旅遊飲食節目,或者資訊性documentary之類

      刪除
    2. 突然醒起這周末看了電視重播花樣年華和西遊記月光寶盒,依然覺得很好看!!!

      刪除
  15. 近年的電視戲真係比較差。
    我只係喜歡睇食譜,其餘的都不入腦,我估我有閲讀困難証🤣

    回覆刪除
    回覆
    1. 無乜特別題材,好多時來來去去都係果啲,無乜新意
      最緊要係自己有興趣看,反正不用考試,輕輕鬆鬆閱讀享受樂趣就ok了^^

      刪除
  16. 您的讀書網誌都很好看很有趣味。

    回覆刪除
  17. 我依家都係睇韓劇多呢~!!

    回覆刪除
  18. 我睇左幾次喇,唔識寫字呀!你講得咁..精簡...
    我睇旅遊書多d,kaka...

    回覆刪除
    回覆
    1. 精簡啲好,太詳細你咪無興趣睇囉XXXD
      我都鍾意睇旅遊書

      刪除
  19. 現在大台傾銷新人,劇集題材又了無新意。一套講電視台內幕的劇集本來幾吸引,可是現在已經冇乜新料了。可以轉看其他的節目。
    今日看南韓兩個男人在海邊一間石屋裡住,要過著自給自足的生活,吃自種的瓜菜,到海邊下吊籠誘魚。看台灣用機車收割紅蘿蔔,都幾好睇。

    回覆刪除
    回覆
    1. 新人其實我都會留意下,但有時演技好一般的話,不如去訓練班學下野先囉,又或者做下配角先都得,若是一來就做主角,戲份好多,如果沒天份就幾難頂,觀眾無必要去看稚嫩演技吧XXXD
      如果真係揭電視台內幕就會好精彩嘅,但我諗佢地一定唔會爆真料啦,點會自揭瘡疤呢.....
      對呀,我都鍾意睇這類旅遊資訊節目,科學醫學新知果啲都會睇,大自然動物亦有時會看看的!!!

      刪除
    2. 係咁新人一般不會一來就做主角,不過點都唔似得歷練多年的藝員那麼吸引。
      偶然深夜看到周潤發在民間傳奇做家丁、衙差;在新紥師兄續集做受害人,很有懷舊感,也很有趣。
      在電視接觸到新事物,就是一個很好的消遣。

      刪除
    3. 都唔係㗎,好多聲稱有潛質的一來就係主角了!
      不過演戲都係藝術,努力之餘也要講天份和運氣....
      係喎以前我間中都有睇民間傳奇,好多明星wakakaka....
      睇資訊節目好多時有得著,不會浪費了時間吧

      刪除
  20. 唔見咗我的留言,可能太大段。

    回覆刪除
    回覆
    1. 不用擔心,我已經摷返出來,下次如果再消失麻煩你提一提我去摷就沒問題,一定找得到^^

      刪除
    2. 果然見到了!有勞,有勞! 希望第二段留言不會消失。

      刪除
    3. 上面一則我第二次的留言又不見了!麻煩基哥去摷摷吧。

      刪除
    4. 對,已經重新找出來了,不用擔心一定找到hahahaha....

      刪除
  21. 日本嘅書籍我都係比較鍾意太宰治,另外,最近睇完街角遇見貓之後對本書都有少少興趣。

    回覆刪除
    回覆
    1. 有機會都想看看他的人間失格,忘了之前有沒有看過他的作品,以前讀書年代,三島和川端的反而看了幾本,近年就比較多看較近代的日本作家作品!
      街角遇見貓,也想一看,看來要加快看書步伐了:P

      刪除
  22. 回覆
    1. 對,現在真的很少必定追看的節目了

      刪除