2017年1月17日 星期二

珍郵庫@江啟明素描作品

寫郵票已變成基爾大典的主力,希望無悶親人。Anyway講返上年度郵政署最後推出的一套首日封,就係下面這套以素描作主題的郵票。



單看名字可能一時間未必能想起誰是江啟明,看過首日封背面的簡介才知原來他是香港本土第一代藝術家,在50-60年代畫過唔少香港的古老街景,到了今時今日就成了珍貴的藝術文物。



他除了是畫家之外,本身也是位美術老師,特別擅長鋼筆及鉛筆素描速寫,對水彩畫、油畫和版畫也有很深的造詣。今次郵票上選取的7幅素描,就是他於上世紀80-90年代的創作,目前收藏於尖沙嘴的香港藝術館,待展館重修工程竣工後要去看看了。



暫時未有得睇真蹟,咁就先zoom近少少睇下這套郵票吧!今次輯錄的作品包括有:$1.7「紅磡機場隧道」;$2.2 「旺角亞皆老街」;$2.9「觀塘地鐵站」;$3.1「灣仔電車總廠」;$3.7 「廣東道」;$5「銅鑼灣白頭教堂」(基爾好奇心發作,唔知「白頭教堂」在哪裏?上網翻查原來是在禮頓道,是來自古波斯拜火教的教堂,依家已拆卸重建新大廈了)。



$10郵票小型張畫的是「香港仔」,基爾好少去這港島南區重鎮,唔係好認得D風景。上網再找找江先生的其他作品,原來仲有尖沙嘴火車站(即是鐘樓和文化中心一帶)、半島酒店、中環郵政總局(即現在的置地廣場),還有昔日的利舞台、雷生春和山頂老襯亭等,好多早已拆卸重建,不過今次都無收錄在這套首日封裏,實在有點可惜。



訂這套郵票首日封原來仲有上面喱個設計頗精美的行李牌送,有D唔捨得用驚會唔見。江先生其實仲有好多描繪昔日香港街頭巷尾大排檔市集的寫生畫作,每幅都好有舊香港的民生情味,好有歷史價值,唔知將來仲會唔會出第二輯素描首日封呢?

香港館藏選粹:江啟明素描作品
發行日期:2016年12月6日

50 則留言:

  1. 俾我, 我唔會用個行李牌

    回覆刪除
    回覆
    1. wakakakaka....雖然唔係咩貴價嘢,但都驚會唔見咗:P

      刪除
  2. 回覆
    1. 驚post得多你會食滯丫嘛,出啲郵票間一間場休息下囉wakakakaka.....

      刪除
  3. 回覆
    1. 充滿線條美,雖然沒有色彩但很美

      刪除
  4. 這套郵票設計很有親切感,大師手筆的確讚賞。

    回覆刪除
    回覆
    1. 係喎你都係喱方面有很深造詣呢^^

      刪除
  5. 回覆
    1. 如果有去過喱幾處地方就一定認得啦^^

      刪除
  6. 回覆
    1. 手繪風景畫作郵票最具地方特色,唔知遊客會唔會買呢?

      刪除
  7. 回覆
    1. 佢仲有好多其他作品,等第時有機會再去博物館欣賞下

      刪除
  8. $1.7「紅磡機場隧道」;
    $2.2 「旺角亞皆老街」;
    $2.9「觀塘地鐵站」;
    $3.1「灣仔電車總廠」;
    $3.7 「廣東道」;
    $5「銅鑼灣白頭教堂」
    $10郵票小型張畫的是「香港仔」

    回覆刪除
  9. 見到黃頭火車,好懷念...
    行李牌已然用左兩次,掛係背囊上好靚~

    回覆刪除
    回覆
    1. 呵呵~~~~有冇拎過去旅行呀?

      刪除
    2. 有丫,而家個牌都唔係香港,哈哈~

      刪除
    3. 送咗畀外地朋友?定係跌咗?

      刪除
  10. 你咪睇左網友講個篇拜火教blog囉,

    回覆刪除
  11. 無悶親,我小學時都有集郵習慣,係家中撕下寄信來的郵票,可能有幾十年前莫三比克郵票都未定呢~ 可惜小時候搬屋唔見晒,集郵都放棄了。
    去完伊朗,了解更多拜火教,原來舊時有好多波斯人貢獻過香港架,如律敦治醫院等等。

    回覆刪除
    回覆
    1. 係呀我都有70年代的莫三比克郵票,仲寫住係葡萄牙郵政,可能仲未獨立吧!!!
      原來律敦治也與波斯有關,好期待看你的伊朗行程,一定影咗好多靚相,有冇租車?

      刪除
    2. 我都好期待伊朗blog呀~~~用銀仔角度黎睇~

      刪除
    3. 呵呵.....咁我地一齊給力銀哥等佢勤力寫快啲wakakakaka....

      刪除
    4. 無租車呀基爾,因為是封閉國度,都係剛剛先比外國人自駕咋,下次再去一定要租。
      你地兩個一唱一和,哈哈~ 不過之前仲有美國未寫。。。。
      小T,以我的角度,一定有個人立場,不過你睇開應該無問題嘅,哈哈~

      刪除
    5. 原來如此~~~~~不過如果搭當地交通工具就更加貼地更加睇到多啲當地民生啦^^
      咁襯住農曆年假就一於加快速度寫多幾篇wakakaka....
      btw,最鍾意睇個人立場,識睇要睇喱啲!!!

      刪除
    6. 其實又真係各有各好咋,好似我的非洲自駕,如果搭當地交通一定只去城市,就無得遊覽或住宿荒山野嶺啦,所以最個平衡,或思考吓自己想要睇乜囉。
      好! 希望可以加快速度,哈哈~
      咦! 基爾又講埋我D心聲,我原來都喜歡睇個人立場,先大家追看大家遊記咋。有時看到面書分享一些達人文章,內裡好似雜誌咁純粹介紹景點、歷史及開放時間,呢D Google都搵到啦,使鬼睇咩,哈哈~

      刪除
    7. 咁又係,始終都係自駕會free啲,可以去埋好多冷門非旅遊點地方,不過我見你前半part同當地人一齊逼van仔又幾過癮,當然睇你寫就輕鬆好多,實質要逼又係另一回事XXD
      所以我覺得你今次跨越非洲之旅好正呀,兩種玩法都可以玩晒,犀利!!!
      Gogogogogogogo加速加速^0^
      梗係啦睇blog一定係睇個人立場,否則同一般旅行網頁和雜誌資訊就分別不大,遇到的獨特人與事都好盞鬼

      刪除
  12. 行李牌,一眼睇落仲以為係「姨媽傢俬」嗰種砧板......

    回覆刪除
    回覆
    1. 你講白色果啲膠砧板呀?!@@望落都有啲似喎XXXXXD
      其實係close-up而已,本身係普遍行李牌size:P

      刪除
  13. 咦!呢套掃描又幾靚喎!!我覺得掃描係最難畫的~~~
    係呢~2017有咩新郵品呀~~你又訂左幾多套先~

    回覆刪除
    回覆
    1. 因為沒有色彩,單靠線條表現吧!
      其實已經買了雞年郵票,不過仲未有時間去拎呢:P

      刪除
  14. 作品簡潔,線條俐落,好靚!

    回覆刪除
    回覆
    1. 等藝術館重開後希望會再展出他的作品.....

      刪除
  15. 江啟明未曾聽聞此人,但他素描作品竟可出郵票,也真不簡單了!

    回覆刪除
    回覆
    1. 據首日封背面的簡介,他是香港本土第一代藝術家,本身也是美術老師,地位甚高

      刪除
  16. 睇番哩啲郵票..好多舊日建築,諗番細個啲嘢,美好時光,
    最深刻喺觀塘地鐵站...喺附近工作+多年,觀塘線通車首日就到訪,
    咁就三十幾年,好老餅呀
    灣仔電車廠..

    回覆刪除
    回覆
    1. 對,舊建築特別有味道,可惜好多都拆咗,只留在畫中和老照片中....
      wakakakaka....其實出世得早都有著數嘅,至少睇到好多舊日的風景線^^

      刪除
  17. 灣仔電車廠..最記得波斯富街喺街市,好污糟邋遢,
    依家...時代廣場

    回覆刪除
    回覆
    1. oic~~~~~原來灣仔電車廠是在那裏,我真的沒印象,以前很少過港島區:P

      刪除
  18. 行李牌好正,但我一定會用囉...嘻

    回覆刪除
    回覆
    1. 其實都可以用嘅,不過要先做好固鞏設施先好D,因為就咁睇似乎就好易爛的樣子.....XXD

      刪除
  19. 素描真係好靚, 肥人好鍾意~

    回覆刪除
    回覆
    1. 估唔到原來喱套郵票都幾多人鍾意喎^^

      刪除