2017年3月23日 星期四

海邊尋訪驛動的心@沙田

估唔到過了農曆年仍有寒流,2月尾這個weekend堅凍,朝早看氣溫竟below攝氏10度(香港來說算冷),有乜活動好過去踩單車吹吹風!



其實都好耐無去踩過單車(因為懶同怕凍),依家單車公園也搬了位置,八卦去問下價原來租單車也貴了很多,聽老闆娘講舖租也貴很多呢!



本來都想踩遠少少過去CU科學園那邊,不過這天實在太凍了(寒風太勁),而且基爾個鼻準過溫度計,低過10度即鼻水長流。



途中路經見到喱棵樹,原來除了櫻花和桃花之外,初春也是賞紅千層的季節,成日覺得佢似洗奶樽的刷子,原來它又叫紅瓶刷子樹、串錢柳,原生於澳洲,一般高度及樹冠闊度只有2米。



天色也不是太藍,有點灰濛濛,冬春換季天氣通常是這樣,雖然凍但仍有人在海邊石堤上釣魚,唔知有冇收穫呢?



來到烏溪沙,好多人都愛去影海之心,基爾記得以前是在海灘左邊,但唔知幾時開始慢慢移了去右邊近碼頭那裏,果然是兩顆驛動的心!

51 則留言:

  1. 踩單車冇陰影咩?係喎,隻手有冇後遺症?

    回覆刪除
    回覆
    1. 都ok嘅,又唔係去比賽,而且路途不長.....
      touch wood,都無乜嘅:P

      刪除
  2. 2月份基本上是全年最凍的月份喇...
    一般近水都較凍,踩去市區應該會暖啲~~
    未聽過原來有海之心,有機會問吓啲沙田友佢地知唔知!!

    回覆刪除
    回覆
    1. 不過其實今個冬天好似都好少低過十度,記憶中返工好似都無乜穿過厚褸,同以前好唔同....
      踩去市區?!!@@無咁堅喎.....而且市區都無單車徑,我無膽又無技術去踩馬路㗎!!
      近烏溪沙果個馬頭仔,不妨去睇下,不過假日都幾多人

      刪除
    2. 緊係唔係叫gael兄踩出市區馬路喇~~咁危險…
      沙田咁大應該有啲近市區公園的單車徑卦?!

      刪除
    3. 都有嘅,不過近市中心果邊空氣就差啲,車多,又近馬路.....

      刪除
  3. 我個👃🏼平時無野,一天氣凍都同你一樣👃🏼水長流,算唔算👃🏼敏感一種呢?

    回覆刪除
    回覆
    1. 其實以前細個時都唔覺,不過後來第一次去旅行去北京交流果次就開始覺得個鼻長流不息,好誇張,可能一來北京冬天凍二來又好乾,令個鼻更辛苦,南方人唔習慣又凍又乾天氣!

      刪除
  4. 天氣咁凍仲去踩單車..肥人話最好留係被入面...哈哈!

    回覆刪除
    回覆
    1. 夏天天氣勁熱勁曬又係唔多想踩喎.....XXXD

      刪除
  5. I also like cycling from Sha Tin to Tai Po.

    回覆刪除
    回覆
    1. 以前都喜歡,可以一直踩去大壩,不過近年假日實在太多人,唔係好想同人逼所以唔再踩咁遠了!

      刪除
  6. 越整越多心!我都係中意以前果顆心!

    回覆刪除
    回覆
    1. 我都覺啲人越砌越多,依家好似係剷走咗啲字,剩返兩個心!

      刪除
  7. 基爾個鼻準過溫度計,低過10度即鼻水長流。

    回覆刪除
  8. 哈哈哈,「男神」出動,低溫都唔怕!

    回覆刪除
    回覆
    1. 你係咪指神神地嘅意思.....XXXXD

      刪除
    2. 我一定不會這樣說,您的粉絲多到可以用手指尾「卒」死我,哈哈哈

      刪除
    3. 包括說書人在內也是我的好blog友,不是粉絲呢:P

      刪除
  9. 華~哥日咁好興致呀~~~~
    我都好耐好耐好耐...唔記得耐到點...總之好耐無踩過單車..我諗有好幾年~
    哥棵野真係好似洗奶樽d刷呀XD~~~~~

    回覆刪除
    回覆
    1. 係呀耐無郁要郁下的老骨頭丫嘛XXXXD
      澳門會唔會有單車徑?記憶中好似唔太覺眼.....但好似見有人在路環那邊踩過!!
      耐無踩就要揀啲合適路段先得!
      係呀真係幾似,以前一直唔知佢叫乜名:P

      刪除
    2. 咁你踩完哥日有無肌肉痛呀XD
      都有架~不過唔多囉~好似得兩條~係氹仔~
      要揀d平d個囉~~~~~
      依家都係照叫佢洗奶樽刷算喇~

      刪除
    3. 咁又無喎你估我係破風果隻咩....我多數只係hea踩,兜風就有份XXXD
      icic!好似見有人踩過!
      踩健身單車都ok嘅wakakaka
      喱個名最易記丫嘛

      刪除
  10. 踏單車,沒彈此調久已。
    這個冬天真的不太冷!

    回覆刪除
    回覆
    1. 阿摩果然係好溫文爾雅....^^
      就黎唔駛買冬天衫,厚衫全部留返旅行先有機會穿wakakaka...

      刪除
  11. 我哋天氣好好呀,又暖和又有大太陽,我呢幾日成日去踩單車添

    回覆刪除
    回覆
    1. 正喎,有冇帶埋三色貓去郊遊?

      刪除
    2. 貓通常唔可以離開生活範圍太遠,會驚慌,但係我呢幾日有同佢散步,佢超開心

      刪除
    3. 有得出外活動一下一定開心啦^^

      刪除
  12. 天氣涷郁動下暖好多,從來發出來既熱正過開暖氣,人又建康.

    回覆刪除
    回覆
    1. 對呀,唔郁仲凍呢!!喱個周末又話會稍涼,要多穿衣以免忽冷忽熱會冷親,近排多人感冒......

      刪除
  13. 踩去烏溪沙,風景好過去科學園吧!

    回覆刪除
    回覆
    1. 其實兩邊都ok嘅,科學園那邊個view都係望吐露港

      刪除
  14. 踏單車...依家好多人自備架,去租唔喺咁多??
    生意難做呀,租舖好貴,
    去到馬鞍山都好遠,好耐力呀,叻
    鳥溪沙仲有渡假村,最後一次到訪已經喺廿多年前,
    海之心喺乜東東?

    回覆刪除
    回覆
    1. 喺喎..悉尼唔講.都唔記得咗你發生過單車意外!

      刪除
    2. 如果係一年只踩一兩次,咁就租抵啲,買咗又唔知擺邊度,HK地方淺窄:P
      已經搬來搬去搬咗好多唔同地方,租就話貴咗....
      都ok嘅,無大埔咁遠!
      仲有渡假村,見間中有學生來宿營!
      用石頭砌出來的心形石堆,都幾多人來影的打卡位!!
      眨下眼都成兩年啦好似

      刪除
  15. 在海提踏單車真正!

    瓶子刷花在風中飄搖, 附近村也看到, 美也!

    回覆刪除
    回覆
    1. 沿海踩係幾舒服,空氣又好
      應該都幾多公園有種,都幾靚嘅

      刪除
  16. 都3月尾啦!~天氣凍凍地又涼涼地~一啲熱既感覺都無!
    好想去游泳呀!

    回覆刪除
    回覆
    1. 好快又回暖,你地又可以去露營下水禮啦^^

      刪除
  17. 烏溪沙, 那些年去宿營的日子

    回覆刪除
    回覆
    1. 我都入過去一次.....仲記得係去睇At 17的戶外show^^

      刪除
  18. 我上次去淨得一顆心... 但原來,經過時間,連個海灘都可以變得“三心两意”噶

    回覆刪除
    回覆
    1. 係呀之前仲有人砌字,越砌越多,後來好似有人清咁啲走,經常會有變化的XXD

      刪除
  19. 已經好耐冇去沙田踩單車,更加未踩過入烏溪沙,烏溪沙除左小學去過camp同轉車去西貢之外都冇咩印象@@

    回覆刪除
    回覆
    1. 下次如果去開大金鐘行山,都不妨順路去行下XXD
      依家完全唔同晒,變咗豪宅區.....

      刪除
  20. 香港濕度高更覺寒冷,熱起來又濕又熱,熱得幾辛苦架!

    回覆刪除
    回覆
    1. 所以乍暖還寒的日子都係帶定件風褸穩陣啲....

      刪除
  21. 以前聽聞有環保人仕批评那些人在岸邊堆砌心形是破壞環境多過浪漫~~~

    回覆刪除
    回覆
    1. 如果只係砌一兩個我覺得ok囉,但後來越來越多人砌就破壞了環境.......

      刪除