2017年4月30日 星期日

珍郵庫@丹霞山

記得2月果陣寫過開平碉樓的世遺系列郵票,那時有blog友話想睇返這個系列出過邊處世遺景點的首日封,其實之前基爾都已經寫過了,唯獨係摷來摷去都唔見系列三果套丹霞山(可能當時多旅行野寫,都唔得閒寫郵票吧),咁依家趁得閒又補寫返。



丹霞山就在粵北與江西接壤一帶,基爾N年前曾與幾個同學去過一次,當時還沒升格世遺,遊人也不太多,近年應該幾多人去過。



看看首日封的簡介才知丹霞山在2010年才列入世遺名錄,以獨特的紅色砂礫岩聞名於世,億年以前本來一直位處海底,直至幾千萬年前經火山和地殼變動,才開始升上海面成為高山!



小型張上印的是典型丹霞峰林,基爾當年在山上俯覽河谷的風景確實幾靚,當地仲有得遊船河但基爾就無坐過。$10郵票本身也頗美,唔知會唔會有人捨得搣出來寄信呢?

中國世界遺產系列第三號︰中國丹霞
發行日期:2014年12月4日

83 則留言:

  1. 地殼的移動真不可思異,海底變動成為高山!

    回覆刪除
    回覆
    1. 對呀,真的很神奇,只有大自然有這力量吧

      刪除
  2. 郵票幾靚,該捨不得用!

    回覆刪除
  3. 曾經諗過寄返比自己,怕寄完之後唔靚都無做到

    回覆刪除
    回覆
    1. 寄返比自己都係good idea喎,可以試下寄postcard啦

      刪除
  4. 丹霞山是名山,郵票都靚

    回覆刪除
    回覆
    1. 入咗世遺之後我諗多人去好多,以前去果陣唔算太多遊客

      刪除
  5. 世遺系列仲有幾多未出呢?

    回覆刪除
    回覆
    1. 真係唔知出幾耐喎~~~~~
      查過維基中國有50個世遺,咁應該都有排出啦

      刪除
  6. 丹霞山就在粵北與江西接壤一帶

    回覆刪除
  7. 整個風景區好美,值得一看再看

    回覆刪除
    回覆
    1. 大陸啲大自然風景區係幾靚,如果配套交通做好啲應該吸引到更多人去

      刪除
  8. 郵票的圖案都已經咁靚,相信真實的景象會更靚~有時返國內都係欣賞佢的湖光山色比較好,而且大自然風景,城市冇乜機會睇到…
    呢類郵票收藏居多,應該冇人會搣出嚟寄……

    回覆刪除
    回覆
    1. 咁真係要等森兄親身去體驗下係咪實景更美,到時記得寫blog話我知^^
      這類自然遺產幾值得一去,尤其係趁仲未係太商業化時要先去走走!!
      真係唔知會唔會有人捨得搣出來用??如果買多兩三張應該都會用吧!

      刪除
  9. 港郵就應該多出一些中國名山、香港名山,應該好受歡迎!

    回覆刪除
    回覆
    1. 風景和古蹟或風俗文化類一般好似都幾好賣,發行量會多一啲

      刪除
  10. 回覆
    1. 係呀實景都幾靚,而且都好有特色

      刪除
  11. 華~原來呢套郵票已經係3年之前~~~~
    梗係難搵啦~你有咁多套郵票~

    回覆刪除
    回覆
    1. 原來已經3年,感覺上好似唔係好耐咁:P
      仲有好多30幾年前嘅仲未有時間上blog....XXXXD

      刪除
    2. 哈哈~~3年喎~~~~睇怕你呢呢3年都買左好多套啦~~~難搵係一d都唔奇~~waakkaaka~
      咁呀~~30幾年前哥d係咪都係同一個床下底呀XDXDXD使唔使叫埋其他BLOG友一齊幫你搵下~~~~

      刪除
    3. 事實係真係會擺得好埋,我就唔會成日拎返出來欣賞啦,如果擺上blog就容易啲睇得返,這就是寫blog最大好處和最方便之處囉!!
      30幾年果啲全部擺到最入最入基本上無乜機會拎到,要花好多功夫大掃除果陣先會掂到佢地XXXXD

      刪除
    4. 無錯~我同意~就好似我旅行d相...我都唔會無啦啦搵番個hard disk出黎睇~~寫左blog又唔同~隨時睇~同埋下次再去同一地方就有資料可以睇番~
      華~放到咁入仲會大掃除~~~~~~我唔信~

      刪除
    5. 係呀有時去同一地方,都會預先睇返自己寫乜溫習下wakakakaka....
      因為果本陳年首日封簿其實都幾大本(同埋重),如果無乜事都唔係好想去抬佢出來揭囉XXD

      刪除
    6. 無錯~同埋睇番有咩自己寫明要注意既~~哈哈~~你知我幾無記性架啦~
      原來係咁~咁唔迫你喇~~waaakakakka~我都有d野放左入櫃根本一次都無攞番出黎~~~

      刪除
    7. 都啱嘅,有時中伏果啲食肆都唔想再幫襯啦:P
      所以好多嘢都係避免花錢買,正如你句名言「放下,就是擁有!」XXXD

      刪除
    8. 無錯無錯~~~~同埋有d地方唔記得叫咩名又可以睇番~
      咦~~~~後生仔學到野喎~~~~~~~~放下..就是擁有真係好好用架~~~~~~~~XDXDXDXD

      刪除
    9. 如果再去多幾次你一定成為冰島美人專家XXD
      事實上又係㗎,有時買嘢真係只是一時衝動而已,依家有得手機影相就最好,先影下當買咗,之後如果有真正需要先再去買wakakaka....

      刪除
  12. 丹霞峰林好壯觀好值得一遊。

    回覆刪除
  13. 世遺之後去都冇咩人,同其他名山比始中係差啲@@
    我次次都拎呢啲靚郵票寄信架,收到既人會開心好多~

    回覆刪除
    回覆
    1. 無人就最好啦,可以保留返啲自然風貌丫嘛.....我有時會見到五一十一長假果啲,成個山頭繞住全部係人果啲相,真係好得人驚!!!!
      我都覺,收到朋友旅行時寄來的postcard真的會很開心^^

      刪除
    2. 無乜人...?
      但好多團去喎....

      刪除
    3. 十一五一長假真係幾多團去,我諗閒日會少人啲吧

      刪除
    4. 我係2011年7月1號去~
      去到人影都唔多個,巴士得另外兩個人落車,間間民宿任揀~
      見最多人就係山頂睇日出,應該唔夠五十人,好鬆動可以四圍行~
      我估個時交通冇咁方便唔多人去~
      而且七月熱到出煙係唔適合去>.<

      刪除
    5. 咁我諗我應該早過你去.....
      係喎我都記得係在韶關市區要搭多一程車先去到山腳,交通係唔太方便,我諗依家應該多咗好多巴士去吧,入咗世遺照計係交通應該改善好多先可以應付到啲遊客量!!
      七月真係熱到出煙喎,我記得我應該係12月尾左右去吧,太耐唔記得了!!

      刪除
  14. 睇嚟丹霞山都好美麗。通常小全張都是用來留紀念的,相信都冇乜人會找它出來貼在信封上去寄吧? 我都有很多的小全張和郵票,沒有貼出來。
    看來都是找機會去丹霞山去走一趟。^-^

    回覆刪除
    回覆
    1. 有空post啲珍藏來看看^^
      對呀,依家有高鐵去韶關,我諗去丹霞山會方便好多又快好多

      刪除
    2. 幾本郵票簿都朿之於高閣了,只是有些小全張比較易找。
      因為現在有些續篇都未貼出,郵票有排都未出爐呀,看你的郵票會容易些。

      刪除
    3. 對於寫博我是很懶的哩!唔好催我啦。^0^

      刪除
    4. 我都係呀,睇人地寫多wakakaka....

      刪除
    5. 我周不時放低十天八天,甚至十多廿天也試過。再拿起來好似好艱難似的。好陌生呀!不過,見丟低得太耐,咁咪又繼續一下咯。等陣趕緊出青松觀花展第二輯啦。
      哎呀,我的台北遊仲未埋尾呀!天呀!

      刪除
    6. 你文筆好我諗丟低幾耐都唔難重拾寫blog嘅^^
      咁要快啲寫啦,有時有些旅行有趣的細節東西,會隨時間淡忘了......

      刪除
    7. 又催我囉!我唔催得gar,一催就亂啦。
      網上高手如雲,唔好讚我啦!慚愧呀!有時不寫太久,真係有不知從何說起之感。
      我沒有你們去的旅行那麼多,點會話唔記得吖? 哎。

      刪除
    8. 豈敢豈敢,你想寫自然寫得到,不用擔心也不用有壓力:P
      我都好少去旅行呀,羨慕好多blog人驛馬星動一trip接一trip呢^^

      刪除
    9. 謝謝基哥的鼓勵!不寫太久自然有些不慣,不過又慶幸寫得到。
      近日你少去旅行啫,往時你都去過好多啦。點都比我多好多。呵呵......^0^

      刪除
    10. 如果你有空閒時間咪寫啲畀blog友分享下囉^^

      刪除
  15. 丹霞山景靚絕,可惜我未有親身睇過丹霞地貌,世遺之後人流更多,但保護做得幾好,你哩套丹霞郵票香港設計得唔錯,唔見有首日封?

    回覆刪除
    回覆
    1. 始終個山頭係幾大,又可以行山又可以遊船河,可以拉散啲遊人,唔似有時有啲景點太擠逼:P
      第一張相果個就係首日封了

      刪除
  16. 當時還沒升格世遺,遊人也不太多<-- 所以我就係無理會是否世界遺產囉,想去就去。
    而大陸當局有籍口話入左世遺會多d資源去保育,即係無入就當佢地底泥?

    回覆刪除
    回覆
    1. 大陸始終係人多,而且依家多咗有錢人又會有趁假期有錢有閒心周圍去旅行,所以長假期著名景點多人都係意料之內啦,唔想同人逼可以揀閒日,又或者行深入啲偏遠啲,我諗團就多數係留在招牌風景區到一到打卡影張相就走,好少會有足夠時間成個山頭行晒,山頂位我諗多數無咁多人行上去吧!!
      我諗大陸勝在地大,秘景真係多的是(靠銀哥銀嫂去發掘下寫blog話我知^^),無入世遺果啲一般無咁商業化,至於選擇去著名景點定係想感受一下貼地文化,咁就因人而異各取所需啦...

      刪除
  17. 我好耐前去過一次丹霞山....不知現在變成點呢?

    回覆刪除
    回覆
    1. 我都係好耐好耐之前去,我諗風景變化應不太大吧

      刪除
  18. 有無見到呢套
    http://jcduckhome.blogspot.hk/2017/05/blog-post.html?m=1

    回覆刪除
    回覆
    1. 有買呀,不過喱排工作忙啲未得閒寫blog住:P

      刪除
  19. 回覆
    1. 我諗勝在夠近,啱短線兩三日遊都ok

      刪除