2017年5月27日 星期六

珍郵庫@活化香港歷史建築II

聽完CD再睇郵票!郵票最簡單就手易寫,4月時基爾買了這套「活化香港歷史建築Ⅱ」,翻查資料系列一果套於2013年5月發行(如有興趣可翻看:珍郵庫@活化香港歷史建築),今次出系列二當然要繼續買吧!



郵政署近年都好興出系列郵票首日封,繼熱門的生肖和文化遺產系列之後,又再食髓知味推出香港歷史建築,證明這些題材最具吸金魅力。



上推次出系列一時已出過6處活化歷史建築,包括石峽尾美荷樓、馬灣芳園書室荔枝角饒宗頤文化館大角嘴雷生春堂大澳文物酒店和北九龍裁判法院,除了美荷樓和北九法院之外,其餘幾處基爾都有去過兼寫過在blog中(可click入link看看)。



今次系列二同樣有6處活化古蹟,包括有$1.7灣仔藍屋、$2.2北角油街皇家遊艇會、$2.9大埔警署綠匯學苑、$3.1九龍城石屋家園、$3.7中環元創方警察宿舍、$5茂蘿街動漫基地,藍屋油街基爾有去過仲寫過blog(可click入link看看),大埔警署活化的綠匯學苑剛剛4月也去了一趟但暫時未有時間寫blog(不日盡快刊出),其餘3處都好期待去走一轉!

活化香港歷史建築Ⅱ
發行日期:2017年4月25日

59 則留言:

  1. 回覆
    1. 用簡約版的clipart形式設計,都幾靚

      刪除
  2. 6處活化古蹟:
    $1.7灣仔藍屋、
    $2.2北角油街皇家遊艇會、
    $2.9大埔警署綠匯學苑、
    $3.1九龍城石屋家園、
    $3.7中環元創方警察宿舍、
    $5茂蘿街動漫基地....

    回覆刪除
  3. 對愛好者是紀念、藝術品,收集、珍藏、欣賞都是生活的樂趣。
    對我是消費品。

    回覆刪除
    回覆
    1. 有些設計精美的都值得收藏,有時旅行買些郵票可作紀念品呢^^

      刪除
  4. 我覺得如果係相片做郵票更有真實感.

    回覆刪除
    回覆
    1. 可能之後會出實景都唔定....
      我記得有套80年代出的古蹟首日封係油畫,都好特別的呢!!

      刪除
  5. 通過郵票學習歷史之餘,我又識多幾個新景點

    回覆刪除
  6. 荔枝角饒宗頤文化館,
    今個月尾新開咗間太平洋咖啡店。

    回覆刪除
    回覆
    1. 係咪即係以前銀杏館果度?
      上面果層開左之後我都未去過了.....

      刪除
  7. 我姑姐當年正正就係住美荷樓

    回覆刪除
    回覆
    1. 有冇去回味一下童年回憶呢?^^

      刪除
    2. 當年范建強區議員亦住嗰度,佢捐咗當年居所家具作展覽用!

      刪除
    3. 有埋原裝家具更有實感!!

      刪除
  8. 回覆
    1. 我覺得這幾處古蹟都值得一遊啊^^

      刪除
  9. 前年去過灣仔茂羅街,只見翻新得很古典優雅的“白屋”,樓上樓下都有活化的商業活動。但是不見藍屋,或者綠屋。不知是否三即二,抑或二即一?
    基哥如果再去茂羅街,請拍些回來看看吧。

    回覆刪除
    回覆
    1. 係呀我都見過好多blog友有去過架啦!大約都知入面有乜嘢睇.....藍屋係近舊灣仔街市,如路過果邊不妨去睇下;上網查過綠屋就係茂羅街動漫基地,以前仲係舊唐樓時外牆係髹上綠色油漆所以叫綠屋囉!
      如果去一定會影少少啦,不過唔知幾時post上blog喎!!XXD

      刪除
    2. 我我仲以為“白屋”即係藍屋改裝而成,原來是不同的。
      看網上圖片還有一間綠屋,可能是另外的一間了。

      刪除
    3. 我都係上網search咋,佢話茂羅街動漫基地以前係綠色唐樓所以一般人叫佢做綠屋喎!

      刪除
  10. 咦!你知我香港都唔係點周圍去架啦,反而美荷樓就去過幾次食野,間餐廳坐得幾舒服,不過就未認真參觀過,下次參加導賞團先~

    回覆刪除
    回覆
    1. 美荷樓其實我係有路經過一次但當時夜晚就無入去:P
      如有機會再去,咁要留意下你講果間餐廳先得!

      刪除
  11. 小時侯在那深水埗區長大,大角嘴雷生春堂、石峽尾美荷樓、北九龍裁判法院,都曾經留下了腳毛.大澳文物酒店也去過.
    小學時代都有興趣習郵, 人大了興趣改變了.^^

    回覆刪除
    回覆
    1. 以前細個時行過雷生春其實有啲驚,因為好有古老大屋feel,又好荒廢:P
      北九果度都想去,但活化之後好似唔係成日會開放畀公眾參觀,有點可惜!大澳酒店頂樓果間餐廳好值得去tea一tea,環境幾靚的呢!
      可以集其他嘢啦,例如旅行靚相^^

      刪除
  12. 買首日封,有冇買埋套摺呢?!

    回覆刪除
    回覆
    1. 無呀通常依家盡量都買少啲,有首日封郵票就算了:P

      刪除
  13. 哩套真係好靚喔,設計真實得嚟又QQ地

    回覆刪除
  14. 日前去過“石屋家園”食下午茶,
    地方不大,但坐在戶外嘆茶是不錯的,
    食物也幾好食的^^

    回覆刪除
  15. 如果套郵票係實景照會更有價值…
    講開活化,咁啱我早前去過綠屋動漫基地,遲些少post出來講下…

    回覆刪除
    回覆
    1. 睇實景咁要等睇森blog先得,快手寫快手寫快手寫....XXD

      刪除
  16. 六處活化古蹟,只去過中環元創方警察宿舍。

    回覆刪除
    回覆
    1. 反而我係佢仲未活化之前去過一次,活化了反而沒去過呢!
      《三更》中黎明那段戲就在這警察宿舍拍攝的,係咪?

      刪除
    2. 我沒看過這電影!
      活化前,我也曾一遊!😄😄

      刪除
    3. 係喎阿摩唔太like驚慄片:P
      以前荒廢又靜,好啱用來拍片wakakaka...

      刪除
  17. 謝謝分享!我好少來探你呀!唔好意思,
    現多數活動在FB; 這裡只是做多一層保障,
    希望唔好似Y!BLOG咁就好了.
    晚安, 祝日日好心情.

    回覆刪除
    回覆
    1. 你好,有空就來逛逛沒所謂的XXD
      咁FB又真係無咁快執嘅,除非有其他更好用的吧!
      祝生活愉快~~!!

      刪除
  18. 呢套郵票靚,設計靚之外又有香港特色~
    好過上次套戶外活動好多@@

    回覆刪除
    回覆
    1. 戶外活動果套我都無買了,依家我都係揀啲特別的才買,因為每年發行實在太多:P

      刪除
  19. 歷史建築郵票'有一定既定吸引收藏愛好者.

    回覆刪除
  20. 回覆
    1. 係呀唔錯啊....有冇啲圓咕碌都有去影下相呢?

      刪除
  21. 見到你呢篇, 提醒我要訂下回出個颱風紀念票呀 !!

    回覆刪除