2017年10月3日 星期二

珍郵庫@香港主題購物街

十月頭長假期係咪去晒逍遙外遊嘆世界?好期待看blog友們的旅行見聞,快D寫快D寫快D寫畀基爾睇……至於基爾有乜回禮先,當然係寫之不盡的郵票,而且同本地遊都少少關係!



上月除了補返發行饒宗頤首日封之外,仲有出了上面喱套「香港主題購物街」。香港其實話細唔細,話大當然也不大,不過都有好多地方基爾未去過呢!順帶一讚,小全張頂上面果條手繪街景畫得超靚……



自從商場興起之後,似乎這類主題街道已日漸沒落了,唔知除了遊客外仲會唔會有人間中去行行摩囉街波鞋街玩具街喜帖街,甚至花園街女人街廟街海味街呢又?



講返套郵票,基爾今次都只係買一套小全張咁大把,貪佢有齊6張郵票買齊6條街(玩大富翁的感覺)!先講最左邊兩張先:$1.7金魚街,之前基爾仲有養魚果陣都經常有去行下,不過依家無養就極少去了,費事又挑起條癮;$3.1廚具街,位於油麻地上海街,基爾基本上未認真去行過,好多時都係去BC時路過而已。



中間兩張是$2.2 藥材街和 $3.7花墟,對前者沒什麼印象,據首日封的簡介是位於上環德輔道西高陞街附近,係咪即係賣海味果邊,海味街果邊就有去過;至於花墟,算是6條街當中基爾仲會時不時逛逛的老地方,當然好多時只志在賞花,真正幫襯的不多!



最右面兩張分別是$2.9玉器市場和$5油麻地果欄,咦!無獨有偶曾幾何時基爾經常去BC睇戲果段歲月裏,都時不時會路經這兩處地方。玉器市場其實好像沒有真正入去逛過,因為沒太大興趣,印象中多數是遊客或長者的蒲點;至於果欄也絕少光顧,因為屋企距離這裏實在太遠了,不可能抽大袋生果長途跋涉回家咁大陣仗吧!

香港主題購物街
發行日期:2017年9月19日

72 則留言:

  1. 未聽過有人叫藥材街,廚具街。我當然知係西環同油麻地。

    回覆刪除
    回覆
    1. 廚具街我見好多愛煮食blog友都經常有去逛,不過好少叫佢做廚具街,係咪通常直接話去上海街新填地街?
      藥材街都好少聽,海味街出名啲.....

      刪除
  2. 應該出波鞋街,囍帖街呢d消失咗嘅。

    回覆刪除
    回覆
    1. 仲出喱啲?!!唔驚畀人鬧唔夠咩....XXD

      刪除
  3. 玉器街,係唔係依家好旺好多酒店嘅廣東道?
    再,藥材街就真係未聽過…
    至於果欄都應該唔算係水果街,因為嗰度有個名叫油麻地,賣油賣麻的地方就真?嘻嘻…

    回覆刪除
    回覆
    1. 近榕樹頭果邊,下次回來去逛下^^
      可能如果係藥材舖買手可能會熟啲啲....
      哦~~~~我真係唔知喎,原來以前係賣油賣麻㗎咩??!!@@我仲以為係賣麻油....XXXD

      刪除
  4. 買齊6條街真係好有玩大富翁的感覺!係好爽YY!
    果欄我未到過,電視介紹,在電影都見過,睇嚟我揾日要見識吓!
    我都很喜歡香港近排的生活、藝術化的郵品。

    回覆刪除
    回覆
    1. 你都覺呢~~~~~XXXD
      係呀之前電視都有介紹,好似話係即將要搬走云云,你鍾意影相,不妨去攞下景囉^^

      刪除
  5. 第五都唔錯。
    玉器市場我去過一次,特別去幫爸爸搵只玉戒指,哈哈哈。

    回覆刪除
    回覆
    1. 你講花墟呀?花墟都算幾多人去行㗎,尤其係周六周日超多人....
      玉器一定有知音人,最後買唔買到心頭好呢?

      刪除
    2. 中秋節快樂!
      講玉器市場, 跟地圖先搵到。

      刪除
    3. 中秋節快樂^^星洲多唔多節慶活動?
      應該都唔太難搵嘅,不過夏天去可能會熱啲:P

      刪除
    4. oic~~~~日本韓國都聽聞有假期,我以為你地都有:P

      刪除
    5. 但你有好多印度馬拉假期喎....XXD
      thx giving會唔會又有假期呢?

      刪除
  6. 我都仲會去購物街的,有時商場啲貨品太大路.

    回覆刪除
    回覆
    1. 不過夏天去就比較熱死辣辣啲,行到大汗疊細汗....XXD

      刪除
  7. 呢啲特色購物街係香港旅發局網頁Discovery Hong Kong有介紹,相信係佢地希望香港郵政發行。

    可惜香港郵政冇發行郵資明信片/原圖咭。

    回覆刪除
    回覆
    1. icic~~~~~~咁相信都係有助催谷下啲本地遊嘅,話晒黃金周丫嘛^^
      不過遊客未必會去買金魚,可能純粹去遊逛下!!
      係喎,今期又無出明信片喎,通常年頭出生肖郵票果啲就會出明信片,可能因為銷量高啲!!

      刪除
  8. 好期待看blog友們的旅行見聞

    回覆刪除
    回覆
    1. 我也期待看大夫的強調六經的實質.....

      刪除
  9. 肥人幫不到你啦今次, 肥人在港呢~

    回覆刪除
  10. 而家嘅街道人又特別多,而且路又窄,完全唔好行!買嘢的渠道又多,唔需要專程去主題街同人迫,可能係沒落的原因……

    回覆刪除
    回覆
    1. 我都覺得依家無事都唔好行街,因為空氣污染實在太嚴重....:P

      刪除
    2. 套郵票唔錯,將街景融入畫中嘛…
      你張新banner好靚喎!!

      刪除
    3. 森兄是內行人一眼睇出佢畫功掂唔掂啦^^
      風景都幾靚,海之心果個海灘囉!

      刪除
  11. 呢個主題唔錯喎!
    我都好鐘意佢係手繪公仔~
    最鐘意係小妹妹攞住金魚哥張~好可愛~~~~
    藥材街一睇我都諗緊係咪講緊上環d海味街~

    回覆刪除
    回覆
    1. 咦咦咦....返來囉磨?!!
      係喎係喎,金魚妹妹係畫得幾可愛喎!
      你都話海味街出名啲呢~~~~~

      刪除
    2. 咦咦咦~~口音都同我一致個磨~~~
      對對~上星期就回來了~去左幾日之嘛~~~
      但係咪真係有條藥材街呀??定還是真係講緊海味街?

      刪除
    3. 鄉里口音...XXXD
      見你無update以為未返:P
      真係唔知喎,對果邊唔係太熟㗎咋!

      刪除
  12. 都是老街道,我最熟悉是花墟,我在那邊長大,現在間中也會行下。

    回覆刪除
    回覆
    1. 花墟近年好似賣野貴咗,不過齋睇行下都開心嘅......唔駛成日行商場囉^^

      刪除
  13. 我又真係無去過玉器市場

    回覆刪除
    回覆
    1. 專員會唔會有興趣行喱啲,我諗通常老外會對這些景點有興趣吧^^

      刪除
  14. 回覆
    1. 小全張有齊晒方便啲,以前如果唔係預訂,要自己逐張黐都幾煩:P

      刪除
  15. 見到有花墟呀,花墟都算係一個代表性既地方~~

    回覆刪除
  16. 有冇訂定明年郵票呀?有套金庸小說人物郵票好正架!

    回覆刪除
    回覆
    1. 咦,未喎未喎,都未得閒去拎表,有金庸人物咁正啊@@

      刪除
  17. 好有特色的郵票!祝你中秋快樂!

    回覆刪除
    回覆
    1. 中秋節快樂.....長假有冇去外遊呢?

      刪除
  18. 旺角的旅遊景點: 女人街初出來社會工作就近會行! 花墟愛種盆栽/賞花時會行! 好多品種, 買過蘭花 ... 色彩又靚! 現在少去了! 提起來或許找日去逛逛!

    回覆刪除
    回覆
    1. 女人街真係好耐無去過@@
      花墟假期都幾多人,揀閒日去行得舒服輕鬆好多.....

      刪除
  19. 6個購物點都少去,藥材街略有所聞,
    喺咪上環?

    回覆刪除
    回覆
    1. 其實我都好少去,係多數去睇花和睇金魚...:P
      藥材街佢個簡介係上環高陞街,不過其實中上西環我都好少去XXD

      刪除
    2. 開咗地鐵交通算係方便咗.....

      刪除
  20. 節日前忙於工作,補祝中秋節愉快!
    我確得這一小全張可以設計得好一些,應該是一條街六個角度。

    回覆刪除
    回覆
    1. 忙完工作記得寫返啲精彩小說喎^^....期待中!!
      一條街六個角度???@@咁咪可以出好多套XXD

      刪除
  21. 以前久不久都會到海味街行下買下嘢 , 但近年甚少去 , 現在周街都有很多海味店已不用專程去嗰處了 .
    女人街擠迫又熱更加唔想去 .

    回覆刪除
    回覆
    1. 都係架,費事山長水遠去上環啦:P
      女人街無乜野行,反而周圍啲食肆可以一試

      刪除
  22. 我都鍾意手繪。 廚具街無聽過。 薬材街我有去過一間買藥,N年無去,宜家唔知仲有無。 玉器市場係外国朋友话要去我先識呢个地方。 果欄就只係坐車經過,未见過開門😏 假期我又係飲飲食食😋

    回覆刪除
    回覆
    1. 畫得幾靚,風格都統一,我諗係出自同一畫家手筆吧!!
      上海街果度有幾間專賣廚具的老店可能因而得名....
      假期如果唔係外遊,都多數係飲飲食食啦^^

      刪除
  23. 以上六條街當中,女人街都有逛過,但,每次逛遊都
    會提高驚覺…提防扒手
    中上環的藥材街通常都是路過。

    回覆刪除
    回覆
    1. 成日要提高警覺都幾辛苦,所以人多地方都係少去為妙.....

      刪除
  24. 油麻地果欄就經常會去,因為啲生果又靚又平!

    回覆刪除
  25. 六個地方都去過~
    今次既郵票好靚,仲好有特色~

    回覆刪除
    回覆
    1. 咦,原來你除了周遊列國之外,HK都去過好多地方喎^^

      刪除
  26. 你咁鬼孤寒,唔寫旅遊blog比人睇,又想睇人地o既,邊可以咁賴貓o架!

    回覆刪除
    回覆
    1. 我都係比較鍾意睇人地寫旅行野多啲喎.....尤其係夢飛翔果啲XXD

      刪除
  27. 噢, 我都有好多地方未去過
    我都同意手繪街景畫得超靚!

    回覆刪除
    回覆
    1. 通常返工日子無乜時間行街,放假你又外遊去了^^
      係㗎畫得幾靚,比用實景相片美得多.......

      刪除