2017年11月22日 星期三

東來順@尖沙嘴

係咪好耐無睇過基爾寫為食blog!其實近排都好少出街食飯,即使去食都無乜影相,咁趁住喱次記得影又重操故業扮食探寫下為食網誌吧!



活於貧窮線的基爾本身就好少有機會去喱類high卡酒店開飯,喱日頂頭老細話大粒老細請食飯,咁就帶埋small potato去食一餐……



大鄉里基爾其實都唔太exactly知道帝苑係邊度?之前去尖東都只係多數直接去逛果兩間博物館,好少遊蕩過去喱邊的high卡酒店區。這次來的東來順位於帝苑地庫,主要食京滬淮揚菜。電梯落到地庫仲有個噴水池,門面係咪都幾靚幾grand!



門口reception果張桌面擺滿了好多威水獎狀,基爾當時都無去逐一細睇求其影張相就算,後來寫blog時翻查資料才知佢在2013年已摘得車胎人一粒星(同期仲有國金軒福臨門利苑阿鴻阿一添好運新斗記果一大堆食肆)。



大粒老細的紅酒聽聞係靚野,不過基爾唔識飲酒就無緣品嘗啦!趁人地摸住酒杯底咁基爾都係欣賞下D前菜先,上圖喱個龍井煙燻蛋check過係喱度的名菜之一。



前菜仲有好多,不過基爾怕醜就無謂逐樣去影,記憶中仲有水晶羊肉、黃金蔥油餅、金陵鹽水鴨幾款菜式,其實當時無menu睇當然不會知邊樣打邊樣,都係後來上網睇返先知。至於全晚最吸睛的主菜,咪就係上面喱味期間限定的鶴湖蟹影(年尾大閘蟹上市先有得食)!



咁食得京菜又點少得片皮鴨,望見這隻擁有完美健康膚色又脹卜卜皮脆肉鮮的烤鴨已知師傅非常有水準,個人覺得好味過龍門客棧和泰豊廔果D(其實基爾都唔係食過好多間咋)!另一味必食係羊肉串,傳菜上桌前離遠已經聞到陣陣孜然味飄香。喱間話係用內蒙黑頭山羊以傳統北京風味烤製,保留一點點羊羶味,基爾接受到!



除了烤羊肉串之外,這食店仲以涮羊肉出名,不過基爾都係第一次食食下飯下半場玩「變陣」,侍應突然收起晒桌上的玻璃轉盤和餐具,改為端上打邊爐的銅鍋……這種一席菜兩食方式係咪好盞鬼!



其實食完上半場時基爾已經有78.89%full(係咪細食了DD),但見下半場開波打邊爐時佢又有靚牛靚羊肉,仲有蝦串、餃子、各式肉丸和大白菜茼蒿、手打麵……最後仲有帝苑蝴蝶酥做甜品!好耐未試過110.99%full,行返出尖東見噴水池四周圍的聖誕燈飾已經亮燈,點都要行一陣當散步兼提早影下X'Mas燈飾吧!

東來順 Dong Lai Shun
尖沙嘴麼地道69號帝苑酒店B2層

54 則留言:

  1. 回覆
    1. O Christmas tree, O Christmas tree. Your leaves are so unchanging......

      刪除
  2. 細個時聖誕一定去尖東睇燈飾。

    回覆刪除
  3. 記得有一次(可能都係唯一一次),公司有個客戶請吃春茗,也是在尖東某著名食肆,那感覺就如基爾一樣,吃得十分滿意之餘,吃完後還捨不得(因為已喝到有些迷糊糊了)要欣賞那裡的聖誕燈飾呢…

    回覆刪除
    回覆
    1. 咁依家酒量係咪好咗好多^^
      尖東遊客多我諗啲車胎人星星食肆主要集中在那裏吧!
      你果邊啲中餐廳水準如何?依家多咗好多華人廚師過去搵食,我諗啲酒樓食肆水準應該提升咗好多....

      刪除
    2. 我的酒量,都係嗰一句:酒逢知己千杯少!
      至於這邊的中餐水平,大致上是一般般,當然會有些高水準,但我卻發覺越高水準的會執得最快,原因是好食品來貨一定很貴,而這裡的人一般還是比較節儉的!

      刪除
    3. 咦,咁即係都幾勁喎,係咪XXD
      OIC~~~~~原來高水準仲會執快啲咁慘:P
      當地人係咪都係多數大節日或者weekend先出街食,平時就多數在家煮呢?

      刪除
  4. 我其實好怕呢d飯局, 唔請我好過
    另一間出名係鹿鳴春, 最後一次食, 見到大大隻小強行過

    回覆刪除
    回覆
    1. wakakakaka......其實都唔多機會有這類飯局,因為我係小薯而已:P
      係喎~~~~!!之前我都見過,勁大隻@@

      刪除
  5. 有人請,我都會有大食大,食到飽為止。

    回覆刪除
    回覆
    1. kakakaka.....年尾你都應該有老細排隊請食飯或者開party啦係咪^^

      刪除
  6. 為食網誌的確很受歡迎,呢餐好豐富,我都很歡迎!

    回覆刪除
    回覆
    1. 乜都寫下囉,如果唔係都唔知寫乜好kakakaka.....

      刪除
  7. 呢間我都去過,幾有特色但係都幾貴.

    回覆刪除
    回覆
    1. 我估都係啦,因為佢其實枱數都唔係好多,同埋啲菜式係幾特別嘅^^

      刪除
  8. 真係有D細食,不過9唔9食一次10成FULL就會頂住頂住
    食飽真係要逛下....

    回覆刪除
    回覆
    1. 都啱嘅,為健康著想盡量唔好食十成飽,最盡七八成夠啦^^
      如果唔係太夜仲可以去行多幾圈:P

      刪除
  9. 呢一餐望落真係好得吓!
    特別羊肉串睇落好野味呀!~正.

    回覆刪除
    回覆
    1. 唔錯啊,仲打埋邊爐喎^^
      平時真係好少食羊,通常都係出街先食,羊肉串唔錯,孜然味十足香濃

      刪除
  10. 你呢餐好有聖誕氣氛,gael兄咁捧場,食到full晒…
    年尾老細必定對gael兄重重有賞~~

    回覆刪除
    回覆
    1. 無乜㗎咋,係出面啲燈飾先有聖誕氣氛....
      咁一場去到都唔會齋坐嘅!!XXD
      森兄如果做我老細一定都會重賞我吧wakakakaka....

      刪除
    2. 寧願掉返轉…gael兄做我老細,重重打賞我仲好啦~~~~~XXXXD

      刪除
    3. 森兄咁能幹精明畫插畫又叻,我諗係老細都會重重有賞,遲啲升你入去坐新玻璃房^^

      刪除
  11. 大老闆算唔錯喎!!!!起碼食番餐好既~~
    呢餐真係唔錯~~我流哂口水喇~~~蟹哥個前菜好想試~~~
    想讚下你~呢個禮拜好勤力~~~~

    回覆刪除
    回覆
    1. 你寫果啲high卡酒店食肆我成日睇到都係流哂口水...XXXD
      蟹哥個都係佢地幾出名㗎,上菜時個侍應姐姐都教埋你個steps係要點樣食,唔教真係唔識食喎:P
      近排得閒啲同埋都有少少野寫下嘛....wakakaka!!

      刪除
  12. 老細咁大手筆請食飯真係開心~
    我未入過啲咁高級既地方@@

    回覆刪除
    回覆
    1. 咦,Matthew哥好耐無現身喎,係咪去了外遊?

      刪除
  13. 又真係幾high卡喎,呢餐埋單唔少嘢!

    回覆刪除
    回覆
    1. 唔知啊我剩係負責食同飲㗎咋...XXXD

      刪除
  14. 月入數萬,又唔使養妻活兒,咁都叫貧窮線以下以下😰

    回覆刪除
    回覆
    1. 最衰你唔係我老細,係就一早發咗...XXXD

      刪除
  15. 食完呢餐就當放大假呀?口褔大過天的香港老闆.

    回覆刪除
  16. 脹卜卜的炸鴨看到我口水直流

    回覆刪除
    回覆
    1. 係咪滴濕晒個keyboard呢....wakakakakaXXD

      刪除
  17. 龍井煙燻蛋一望好吸引! 冬天涮羊肉保暖好合時!

    回覆刪除
    回覆
    1. 唔錯啊都幾有特色!!!
      羊肉真係冬天夠凍先嘅食^^

      刪除
  18. 食食下「小菜」變打邊爐,我又真係未試過。

    回覆刪除
  19. 我都知呢間有邊爐但我呢d 平民覺得好貴呢, hahaaa

    回覆刪除
    回覆
    1. 其實我都唔係好知價錢,我剩係負責食而已XXXD
      大約係咩價錢呢?

      刪除
  20. 這店的茶葉燻蛋,很好吃。

    回覆刪除
    回覆
    1. 我第一次吃,也覺不錯呢....平時我比較少食蛋黃,這次也吃了:P

      刪除