2018年3月23日 星期五

舊金山居閑話@Pier 39

過了成個禮拜,個捕夢網有冇撈到三幾個好夢?如果無都唔緊要,繼續有基爾陪住去碼頭邊漫步閒遊,係咪仲正過中六合彩先?



好喇……廢話唔多講(好彩仍然知道這是廢話,看來都未傻得晒)!行完幾檔紀念品店,齋睇冇買運完一輪吉當係參觀博物館之後,咁繼續行埋過去Pier 39果邊,睇睇D街頭表演吧!



成個漁人碼頭其實沿海邊行除了多食肆和紀念品店之外,都有幾多唔同類型的博物館,好似之前經過大門口但沒有入去的Musee Mecanique,裏面其實係展出唔少古董桌面式那種遊戲機和彈珠機;另外有些碼頭也活化成為海事博物館或潛艇博物館之類,仲有D蠟像館等等,不過基爾當天去到時間不太夠,也沒有逐一去參觀了,留待下次吧!



至於近Pier 39喱邊除了有個碼頭改建的兩層大商場之外,仲有間Aquarium of the Bay(都係無入去睇);至於上圖喱間起在碼頭邊的屋仔叫做Blue & Gold Fleet,是搞day tour的遊船公司……



就係坐喱種藍白黃船仔出海去遊船河,望落係咪有少少似由馬料水坐船出去吐露港塔門吉澳東平洲果類街渡仔!喱度D遊船通常係遊出去金門橋底峽灣果邊走一轉,又或者出去Alcatraz Island(好似譯做惡魔島)睇舊監獄改建的博物館,也有去Angel Island State Park行下咁!



如果好似基爾咁唔去坐船,齋留在碼頭無聊四圍行下都多野睇不愁悶,唔怕人頭湧湧的可以一直行出去碼頭外邊,仲可以睇到好多超級肥大肉厚的加州海獅攤晒係度曬太陽,全部天然野生不經人工訓練。



如果想睇水族館就由喱度入去啦!喱度同樣係唔少旅行團聚集和街頭藝人賣藝表演的集中地……突然醒起美國大城市喱類人群聚集旅遊區似乎都係不太適宜久留,反正時間也不早就返去取車返屋企了。



駕車離開漁人碼頭時,沿路還會途經穿過三藩市的CBD,來這裏咁耐已經好少再見到喱類玻璃幕牆高樓大廈密集的金融商業區鬧市,真係有點似返去了中環金鐘灣仔區,有種似曾相識的感覺。



p.s.回家後,到了翌日夜晚無意間看新聞時,看到有個電視台記者在Pier 39前訪問D唔知路人定係遊客,基爾最初都無集中精神去聽佢講乜(要好似考listening咁留心先聽得明),後來睇睇佢下面D字幕先知話碼頭果邊收到恐襲警報,問D人驚唔驚擔唔擔心之類,好彩之前已經出去行了一轉,如果依家先話去基爾媽就一定反對了。

42 則留言:

  1. 美國人多嘅地方感覺危險。

    回覆刪除
  2. 而家好似唔係恐襲, 就係槍擊 😥

    回覆刪除
  3. 講開都幾好笑,我去三藩市差唔多有三個月,但真正出去市區就唔係好多次....

    回覆刪除
    回覆
    1. 旅遊區其實去一兩次都夠,反正都係睇果啲野囉....:P

      刪除
  4. 而家很多個恐襲,有時驚又驚唔黎既,不過有危機意識是絶對正確。

    回覆刪除
  5. 哈...咁細張相,我以為海獅喺銅像,
    悠閒又一天,四圍逛下好寫意,
    但人多真喺不宜久留
    依家美國最出名恐襲,冷血槍擊...

    回覆刪除
    回覆
    1. 都唔細㗎啦,果張係銅像,睇真果啲要再行出碼頭少少先會見到...:P
      旅行都係求開心,一切以安全為上啦^^

      刪除
    2. 哈...原來我無老眼分花睇錯...真喺銅像(^o^)丿

      刪除
    3. 你絕對不用擔心啦,還有很多美景等住你慢慢細賞^^

      刪除
  6. 外國地方就算冇恐襲都可能有槍擊事件,每次外出都要碰碰彩數…不過我諗當地人又會習慣了,意識上知道那些地方較安全…而且你係華人應該冇咁易成為目標~~總之gael兄萬事小心啲…

    回覆刪除
    回覆
    1. 森兄講得啱,人多聚集地方都係比較適合短暫停留啦,反正我對人多地方一般都興趣不太大吧:P

      刪除
    2. 我喺美國都曾目睹過一單槍擊事件,被擊斃的人仲企喺我身邊冇幾遠添!

      刪除
    3. 嘩嘩嘩.....真係好驚險喎,係咪抺一把汗?有冇嚇到心肝卜卜跳?!!

      刪除
  7. 睇碼頭係好正,不過中六合彩正啲囉 :P

    回覆刪除
  8. 恐襲警報聽到都唔自在, 好彩你避過!

    回覆刪除
  9. 海獅就睇唔到,但就見到滾水淥腳囉 !

    回覆刪除
  10. 加州陽光真係無敵,美國辣起太多火頭,真係冇計。

    回覆刪除
    回覆
    1. 係啊天氣都不錯呢,這個時節不太冷也不會太熱.....
      佢地自然有佢地自己對策啦,可能早已慣了吧^^

      刪除
  11. 有野生加洲海獅睇,呢點吸引我呀。

    回覆刪除
  12. 去笫度玩最好就係參觀下果度嘅博物館,比逛街更有意思!

    回覆刪除
    回覆
    1. 行博物館會認識多一點當地的歷史文化吧.....
      當然逛街也很重要wakakaka!!

      刪除
  13. 世界紛亂,隨遇而安。

    回覆刪除
  14. 好彩你都有d危機意識!!!!!
    係喎...真係小心d好.......

    回覆刪除
  15. 呢度唔去果度唔入船又唔上人又太多
    What the hell do you want 🙄

    回覆刪除
    回覆
    1. 咪就係去影靚女囉仲問?!!XXXXD

      刪除
    2. 無非就想發一場"情迷路邊女"的綺夢🤤😴

      刪除
    3. 好彩你係話路邊女唔係其他......嚇得我!!

      刪除