2018年4月26日 星期四

武漢迎花潮@花海樂園:上

暫時又擺一擺低座金山,要加快少少速度寫埋花潮喱邊先,希望唔會因為隔得太耐才寫而忘記有趣細節吧!



剛踏出機場才不過下午兩點幾,不過天色好似有點灰濛濛,是霧霾還是因為天陰多雲呢?希望對這趟花見旅程不會有太大影響。上圖中遠處圓拱形的建築就是舊客運大樓,依家聽聞是空置的,將來唔知會否翻新再用?



新航廈喱邊就人來人往得多,可能由於花期關係都幾多外地遊客到訪。真希望旅程中的這幾天武漢不會有大雨,否則櫻花可能會被雨打落一大半,賞花的雅興難免也要打個折扣了。



發完牢騷立馬出發!幸好沿途沒塞車,車程不用一粒鐘就來到武漢市郊的這個賞花新熱點(其實機場也是在武漢北面的市郊)。聞說武漢人每逢weekend都幾喜歡一家大細來這個新景點郊遊玩一天,一來因為近,交通較方便,二來原來當地人係免費入場的呢!



未入場先被這停車場嚇一嚇,因為實在太大了(如在老家一定又會用來起居屋吧),同埋內地人真係富起來啦!中外名車齊備簡直就像個車展。另外基爾還學懂了車牌的分別,大部份的鄂A字頭一定是來自省會武漢的車,另外仲有些是豫和皖字頭,看來是遠道由河南和安徽開過來的私家車,證明武漢櫻花都幾吸引四方八面遊客到訪,是一門很大的旅遊生意!幾乎忘了說遠處那間尖頂屋其實是廁所,不過實在太遠就費事行過去了(反正在機場才剛去過不太急)。



忘了影張入場券,印象中好似係60-70蚊人仔左右吧!這天來到正好是周末,所以都幾多當地人去遊玩。園區門口就有喱幅大地圖,重點當然係佢號稱有逾1500畝咁大的花海梯田!之前在網上睇過係好似日本北海道花海果類咁宏偉,不過心理上為免大失所望,還是先理智地安慰自己打個五折也收貨了,不抱太大期望是常識吧!



最吸晴的仲有喱一排「長版勞斯萊斯」晒冷車陣,站在車旁邊戴黑超的司機叔叔猛咁招手叫基爾過去坐,雖然都幾想行近少少睇下係咪高仿老翻,但最後還是壓抑了好奇心,離遠影張相就算了!坐這些電動遊園車要另收費(門票不包),應是樂園外判畀黑超叔叔經營吧!印象中坐車遊園一圈其實也不算太掠水,好似都係三幾十塊人仔左右,不過基爾想慢慢一路行一路影下花所以無諗過要坐車喎!眼見都係長者或者有小朋友或手抱BB的家庭會選擇坐車居多。



反正口水多過茶的習慣改不了,咁就睇埋喱個大路牌先入去睇花啦!咁路牌又有咩好睇呀?自從興起了姑高translate之後,基爾就會特別留意下這類有中英文對照的路牌,因為有時都會幾有娛樂性(當睇笑話都幾開心)!「田園拖拉機」就係必去果處花海梯田所在地,譯做Pastoral tractor都正常;「親子抓魚」係臨走前有去果度睇人在魚池捉魚,譯做Parent-child catch fish感覺有趣;「兒童樂園」Children paradise和「花木蘭馬戲表演」Mulan horse war show都明白知道係乜;最後兩行「旅遊商店」Tour Shop和「婚紗攝影基地」Wedding photography base開始聞到少少姑高味了!Anyway……路牌上除了英文外仲有韓文添喎(但沒有日文),唔通都有好多韓國遊客來這裏遊園?



心急賞花立馬起行吧!咦,好似有D唔係好對路,唔係得上面喱D呀嘛……當堂背脊都涼一涼!雖則話事前已經做足心理準備會有落差,但額角不期然也冒出一大滴汗(還有幾條藍間)!

46 則留言:

  1. 武漢花海樂園
    1500畝花海梯田
    迎櫻花潮

    回覆刪除
  2. 哈哈!可能先驚後喜罷!

    回覆刪除
  3. 唔會既,應該仲有好多花 :P

    回覆刪除
  4. 睇地圖個園區地方應該好大,一日都未必行得晒喎.....

    回覆刪除
    回覆
    1. 佢入面其實係有幾場表演可以睇嘅,又有少量機動遊戲如摩天輪和海盜船,仲有得玩高卡車、滑草和滑索果啲,又有燒烤場,咁應該一日係夠玩嘅^^

      刪除
  5. 花雨好浪漫仲唔係咁易見添,上次係高遠城址見過🌸

    回覆刪除
    回覆
    1. 櫻吹雪超美.....但見到有人去搖樹就有啲驚驚XXXXD

      刪除
    2. 梗係天然風吹花雨啦.

      刪除
    3. 有冇扮文青執返幾片花瓣先....

      刪除
  6. 回覆
    1. 喱度大部份櫻花樹我諗都係種咗兩三年左右,是BB樹佔多數!

      刪除
  7. 佢地好似無得用姑高架喎

    回覆刪除
    回覆
    1. 無呀,乜鬼都唔用得,超唔方便:P
      但佢地可以翻牆XXD

      刪除
  8. 回覆
    1. 返大陸都係要有心理準備好啲....:P

      刪除
  9. 賣關子!上下集倒轉寫都得啦你!

    回覆刪除
    回覆
    1. 當然可以......如果加多碗龍蝦湯更佳:P

      刪除
  10. 你好壞呀~~~隔住隔住兩個旅行咁寫~~~

    回覆刪除
  11. 旺季嘅大陸真係好恐怖架!

    回覆刪除
    回覆
    1. 我見過武夷山繞住成個山腰全部係人,遠看就像蟻....:P

      刪除
  12. 仲以為黑超叔叔係你添。

    回覆刪除
    回覆
    1. 無可能啦....我邊有王子咁型仔!!!XXD

      刪除
  13. "長版勞斯萊斯"觀光車好有型!
    景區摸索都幾緊張!

    回覆刪除
    回覆
    1. 如果可以自己揸,我或者會坐嘅wakakaka....
      點解咁緊張嘅?

      刪除
    2. 我試過在九寨溝影相隨後發現團友巳遠去,
      前面是分叉路, 我只得選了一方快跑,
      幸好選對了, 不然又要回頭跑了!

      刪除
    3. 如果景點太多人又係會幾煩,走失咗要搵返唔容易,唯有靠個電話啦:P

      刪除
    4. 那是多年前了! 沒手機可用 ...

      刪除
    5. 咁就比較麻煩,通常為免走失,要預先約定一個時間地點再會合:P

      刪除
  14. where had the flowers gone???
    花呢???

    回覆刪除
  15. 花海樂園--->咁海都有大有小的=P不過,我估你下篇先係戲肉^_^

    回覆刪除
    回覆
    1. 如果真係種滿晒花我諗喱度都算大嘅XXXD
      咁你意留意下係咪到戲肉了:P

      刪除
    2. 未至於好反高潮LOR=P

      刪除
    3. 咁要製造多啲戲劇效果先得....wakakakaka

      刪除
  16. 今個旅程都算畀gael兄增廣唔少見聞…
    活在當下覺得開心就得喇~~

    回覆刪除
    回覆
    1. 森兄終於做完功課拿...:P
      都唔算增廣好多,叫做見識下咁囉!

      刪除