2018年7月17日 星期二

跟住雷神過大海@盛記白粥

坐酒店shuttle出去外港碼頭果然係精明之選,免費之餘更重要係快好多,慳好多時間!



咁快出碼頭?未咁快返屋企住喎!由外港碼頭先行返去議事亭果邊食下野先啦!今次有熟人帶路,行地下停車場的「秘道」可以好方便咁直達葡京那邊,唔駛行地面要過咁多條馬路咁煩。



來到議事亭前地依舊係超級多遊人,基爾選擇轉往上行去民政總署隔籬果條小小的天通街,即時好似靜了50%。行橫街主要咪就係去食碗靚粥囉!



幾喜歡店裏這幅大大的懷舊素描壁畫,隱約感受到昔日街邊檔老字號的風情。以前無發泡膠碗的年代,有冇人記得係拎乜野去買粥呢?



店裏提供的粥類選擇其實不多,就只有白粥和皮蛋瘦肉粥,售價也不貴,介乎6至14蚊,視乎大碗還是細碗,反而配搭粥的食品選擇頗多,有腸粉炸兩炒麵蘿蔔糕芋頭糕咸肉粽魚蓉燒賣油炸鬼牛脷酥煎堆等,連笑口棗馬仔都有,上圖的一磚蘿蔔糕只售7蚊雞實惠抵食。



食飽飽之後的「指定動作」,當然又係四圍行陣街街消化下先啦!粥店喱邊附近又係有好多舊唐樓小街的老區風貌,唔知陋街窄巷之間會唔會仲有隱世食肆有待發掘呢?

盛記白粥 Sam Un Loja de Canja
澳門新馬路天通街14號雅緻大廈地下

55 則留言:

  1. 以前就係攞個工廠妹飯壺去買粥&糖水

    回覆刪除
  2. 我以為那幅素描係特效。香港已經少有這種傳統店舖,難得澳門仲有。

    回覆刪除
    回覆
    1. 是素描壁畫,係咪畫得幾靚^^
      HK舖貴剩買粥我諗支持唔住,依家D連鎖粥店都係乜野粥粉面飯小菜邊爐甜品都賣齊先搞得掂.....

      刪除
  3. 碼頭來回酒店梗係搭酒店車啦,就算唔係去酒店....啱路都係搭酒店車 :P

    回覆刪除
  4. 旅遊時識得行捷徑,真係慳唔少時間…

    回覆刪除
    回覆
    1. 香港都仍有唔少粥店,不過應該冇咁平…

      刪除
    2. 自駕都可以wakakaka....
      多連鎖店,有特色的不多,可能要去舊區才找到

      刪除
  5. 去澳門一日會唔會肥幾磅返來哩?

    回覆刪除
    回覆
    1. kakakakaka......所以要加強跑步游水減脂:P

      刪除
  6. 後巷情況好似時光倒流咁!
    市區好難見到 ...

    回覆刪除
    回覆
    1. 澳門啲土地壓力無咁大,唔駛經常拆舊迎新XXXD
      去過大海通常都係去舊區貢下囉^^

      刪除
  7. 真喺舖租平,就可以成本平好多。
    香港有質素粥店做唔咁平,唔喺佢唔想,但到無可能做到!
    鴨寮街個間以平靚正的豬腸粉粥店,合益泰小食,近月都要加價

    回覆刪除
    回覆
    1. 我諗大部份澳門老店都仲係自己舖,所以唔駛畀租,先可以經營下去,否則似HK咁,齋畀舖租都唔夠畀啦!!
      鴨記都有好多小食店,可惜我不熟路:P

      刪除
  8. 白粥油炸鬼好耐無食啦,買粥要帶溫暖壺去買?

    回覆刪除
    回覆
    1. 依家好食的白粥油炸鬼炸兩不易找:P
      係呀,要自己帶保暖壺去裝,夠晒環保!!^^

      刪除
  9. 白粥,清清地最啱炎炎夏日。

    回覆刪除
  10. 回覆
    1. 也不錯的,蒸蘿蔔糕無煎咁熱氣^^

      刪除
  11. 下次有機會再去澳門,實要带多幾個胃去裝美食!

    回覆刪除
    回覆
    1. 你應該絕對不成問題啦wakakakaka......
      會唔會帶埋個好姐妹去^^

      刪除
    2. 带香港的一群好姐妹 LOL

      刪除
  12. 現在香港好少見舊的粥品店了 , 腸粉好似好滑好想食件呀 !

    回覆刪除
    回覆
    1. 元朗會唔會都有啲心水選擇?

      刪除
  13. 吃完夜粥,再吃早粥,應該心滿意「粥」。

    回覆刪除
    回覆
    1. 阿摩果然出口成文wakakaka....

      刪除
  14. 我都勁耐無食過盛記...
    睇你咁講d價錢同我以前讀中學時差唔多~
    以前中學無錢時就成日同毛寶去食~~哈哈~放學下午茶~

    回覆刪除
    回覆
    1. 喱間價錢算係正常價了......
      咁會唔會搵日收工又約埋佢一齊去回味下啲青蔥歲月^0^

      刪除
  15. 說到粥,我都係BUY生滾粥多些,特別是魚片粥、豬肝粥D味落到去粥度。

    回覆刪除
    回覆
    1. 反而我有啲怕生滾粥,因為成日驚佢會唔夠熱唔衛生,尤其係及第豬雜粥果啲:P

      刪除
  16. 好抵食喎~鋪頭又有懷舊風味,有機會去澳門一定要試下!

    回覆刪除
    回覆
    1. 澳門仲有這些老牌小店,HK應該難以經營了:P

      刪除
  17. tum 仔d野貴咗好多, 仲有抵食好難得

    回覆刪除
    回覆
    1. 會唔會吸引到你過大海走一圈呢?^^

      刪除
    2. 有朋友來香港, 久不久都會去, 不過好少過夜, 有時去睇musical, 比香港平d

      刪除
    3. 你講開又覺近年多咗人係即日來回食下野咁可以慳返D酒店住宿錢,同埋都多咗騷在那邊開可能場租比紅館平好多,好似小鳳姐係咪就開騷?

      刪除
    4. 因為第二日令住個袋唔想行,又唔想轉來轉去返酒店令,覺得第二日有點浪費,所以即日來回

      我睇 musical 会選下午場,夜晚我试过睇 show, 半夜返到香港太夜了。我無留意小鳳姐😄

      刪除
    5. 係呀唔想寄存酒店唯有自己孭住背囊啦!又或者擺在碼頭locker!
      Icic....有日場我都揀,我其實都怕夜:P

      刪除
  18. 咁平咁抵食~
    叫多啲野食都唔心痛~

    回覆刪除
    回覆
    1. Wakakakaka.....咁又唔会喎因為佢個menu其實唔太多种类揀^^

      刪除
  19. 有人帶路果然不同🤣
    地道美食才是每個地方的精髓

    回覆刪除
    回覆
    1. 因為我剩係afford得起地道美食而已XXD

      刪除
  20. 睇完你卜先知原來澳門都咁多我唔知既一面, 下次真係要好好探索下!

    回覆刪除
    回覆
    1. 如果你有新發現記得寫篇blog話我知喎wakakaka....

      刪除