2018年7月25日 星期三

書展速遊運吉@灣仔會展

記憶中近幾年暑假都無去書展了,一來無乜書要買,二來其實折扣也不多,三來怕了人潮汗味,即使有少少意慾逛逛但最終多數偷懶放棄!今年的書展weekend剛巧要返工,就順道過去八一八。



諗住一朝早就去,因為入場平D,也希望人潮無咁勁!但事與願違,一走上灣仔行人天橋已開始成條臭汗人龍打蛇餅(頓時頭痛),未到中環廣場其實已經想棄權走人……(上圖是入場後有浙江越劇表演,好似唱類似梁祝黃梅調之類!)



最可恨係想半途「速撇」都不可能,因為全條路擺滿晒鐵馬只能順人潮龜速向前蠕行別無他法。千辛萬苦終於捱到去售票處,幸好甚有效率(要讚)不用再大排長龍買飛,順利入場後稍稍嘆陣冷氣即上Hall 5,主力去睇新的運動消閒博覽。見到有得打機和教玩攀石的攤位都幾有趣,齋睇人玩左一陣(小朋友為主)!其餘就有超多日本旅遊展攤位,還有賣攝影器材、運動醫療和行山用品檔口。



齋睇無幫襯,好快出返去第二個大展廳……嘩!乜原來改裝變了個大餐廳真係好犀利,很有點一望無際feel,基爾食飽野來就無去八卦有乜野食,所以價錢也不太知平定貴,只借用了restroom之後就快閃。



去完廁所再穿返入去消閒博覽果邊,無意間見到間賣迷你模型的店舖,喱間甜品店又真係做得幾真幾靚喎(櫃入面仲有幾款蛋糕甜品!)



睇多陣其他模型,由於時間不多就要火速轉場,途中例必會路經這個大玻璃幕牆,每次來會展好像例必要在這裏影張維港靚相先走,今次天朗氣清當然也不會錯過機會吧!



轉場落返去Hall 1果個書展主場館,始終沒太大驚喜同以前來時基本上都一樣,來來去去都係逛那幾間慣見的出版社和書店檔攤。由於寒舍淺窄近年已絕少買書,來書展主要都係看看有乜新野出當係趁趁墟而已!



其中最想去八卦睇下村上春樹的新作《刺殺騎士團長》會唔會有折?網上書店見佢索價逾三百大元都幾貴,之前睇新聞已知佢被列為「18禁」要包膠裝云云,但點知原來書展竟全場禁售咁犀利,村上生如果知道會唔會傻眼?

57 則留言:

  1. 佢本書要包膠, 話因為有人投訴當中有性愛場面描寫, 咁好多西洋及言情小說都應該要包哂膠
    啲好位都俾左三中商, 自睇左鏗鏘集, 我諗我寧願會幫襯樓上店

    回覆刪除
    回覆
    1. 佢以前D舊作有啲都咸咸地一樣照有得賣,唔明新作點解唔賣得囉:P
      同埋最搞笑係同場都有寫真集賣㗎喎XXXD
      樓上店係咪通常折扣多啲抵買啲?

      刪除
    2. 係樓上店會搵到啲三中商唔會賣嘅書

      刪除
  2. 書展年年都好多人,吾想同人迫無去﹗

    回覆刪除
    回覆
    1. 太熱啦,提議不如改聖誕假搞多次書展:P

      刪除
  3. 點解我見唔到這個“一望無涯”的餐廳??
    難道我無入運動消閒博覽那邊。。就見唔到??

    回覆刪除
    回覆
    1. 在運動博覽那個Hall隔籬咋喎,在5樓上面㗎^^

      刪除
  4. 總係覺得愛書之人唔會等到書展先去掃平書.想睇既書等佢出都已經急不及待啦,仲等減價?

    回覆刪除
    回覆
    1. 都唔係㗎wakakakaka......我活於貧窮線嘛XXD

      刪除
  5. 嘩咁多人㗎,不過我都聽說好多家長帶孩子來買書與文具,平好多?

    回覆刪除
  6. 越劇紹興話關安徽黃梅戲乜事🤨
    大陸村上書都無遮無掩,香港班豬雜垃圾不如!

    回覆刪除
    回覆
    1. 好明顯我係唔識扮識亂嗡㗎啦wakakakaka.....
      不過我覺得啲唱腔都幾似喎(其實係唔識分):P
      我都有聽過有路邊社傳聞係話騎土團喱本新作主要唔係因為太咸濕,而係因為當中有講到南京大屠殺,所謂的政治敏感議題先至係書展禁售主因云云,孰真孰假不得而知了......
      唔講唔講見你講開又講,村上作品我之前都曾經有試過睇大陸版譯本,但唔知點解完全不是味兒,始終要搵返台譯本(賴明珠)來睇,先覺得對路....

      刪除
  7. 村上係大作家見慣世面,我諗唔會咁就傻眼…哈哈

    回覆刪除
    回覆
    1. 唔好話去書展…就算去書店都好少買書,地方矜貴過本書~~~~

      刪除
    2. 年年都大熱落空諾貝爾文學獎,我諗已足夠令他習慣了傻眼啦wakakakaka....
      咁森兄會唔會睇電子書?我有試過用手機睇書,會頭暈XXXXD
      老一輩長者人士始終都係慣拎住本實體書睇多一點吧:P

      刪除
    3. 用手機睇片都還可以,要長時間睇文字實眼花,電子書多數用桌面電腦睇…
      咁平時gael兄會揀咩書睇?…

      刪除
    4. 我都試過用手機睇新聞,真係要好短先得,睇太長會頭暈XXXD
      可能年輕一輩會比較習慣用手機睇書吧!
      電腦太長时間望住mon都會不太好,有藍光!
      平時都係多數睇小說,也會看看旅行書,當然森兄小品文式的健康資訊和生活小智慧分享我也很喜歡^^

      刪除
  8. 我起被去書展是因為帶家中小朋友去,近十年八年是因為有幾位出色博友出書才去書展捧場,人多擠迫的地方,我少到為妙。

    回覆刪除
    回覆
    1. 原來D博友真係有好多卧虎藏龍喎!

      刪除
  9. 村上春樹本書搞到變18禁包膠,我諗香港又有一單「衝出國際」的新聞了。

    回覆刪除
    回覆
    1. 可能其實人地都見怪不怪不再是新聞了吧!XXXXD

      刪除
  10. 香港嗰啲道德判官完全同世界脫軌,點可以話自己係亞洲國際都會。。。。

    回覆刪除
    回覆
    1. 港府處事越來越低B。

      刪除
    2. 王子:自從被王子離棄咗之後,其實一早無做乜乜國際都會好耐啦,王子唔係唔知呀嘛wakaka...

      刪除
    3. EE:這是新常態,你會慢慢習慣的.......XXD

      刪除
  11. 好好年冇去書展,人太多啦,要買書也無需去書展,似散貨場多啲。

    回覆刪除
    回覆
    1. 實在沒什麼特別想要買的東西,純粹去趁趁墟吧了!
      就像聖誕去看燈飾,新年去行花市,暑假就去看書展囉^^

      刪除
  12. 英國唔會有書展,但愛看書的人一樣會快到心頭好。新出有折,之後賣原價,過左熱潮又會再減價。我哋又會買電子書,所以出版商仍然有生存空間。

    回覆刪除
    回覆
    1. oic......我還以為會定期有搞book fair呢!
      不過依家人們已習慣不逛門市書店,有想買的就上網click!
      雜誌一類即日鮮更毋須要實體書,反正睇完都無用,電子書更環保

      刪除
  13. 我都好久沒去書展了,實在太多人。反為平時在商場見到臨時書場會忍不住買一兩本。
    幸好基哥順路,被人潮湧了入去,才使我分享到今年書展的盛況。

    回覆刪除
    回覆
    1. 我都係好久沒去,今年見剛好順路又有點時間就再去趁熱鬧囉,其實也沒有收穫:P
      係喎有時商場擺檔果啲,我都會八卦走去睇有冇啱買....
      同埋近年好似都興起漂書!

      刪除
  14. 聽新聞講宜家既人唔中意睇書,但次次書展又見到好多人排隊去,好似有D矛盾.

    回覆刪除
    回覆
    1. 咪係囉,但又好多人排隊入場喎,咩原因呢?
      係咪啲人當去行花市花展咁XXXD

      刪除
  15. 年年肥人都有去架, 係得今年太忙...無時間去~

    回覆刪除
    回覆
    1. 其實果啲書自己去書店買都一樣有七折八折㗎啦.....仲可以慳返唔駛畀入場費呢XXD

      刪除
  16. 仲想問你有無見到HOCC添~不過見你無去HALL3應該見唔到~~~~~~
    我上年第一次去書展...真係勁驚囉.........
    勁多人....見到哥條鐵馬路我都好驚呀............
    多人到癲左囉.........如果唔係為左陪毛寶去見下HOCC我唔會去~

    回覆刪除
    回覆
    1. 無見到呀,Hall3我見大部份賣小朋友書或者暑假作業果類,行入去望下就即撇啦:P
      Weekend係多人啲,提議佢應該中途開啲出口,有些人可能想中途走人都可以走得,唔駛夾硬行埋落去囉XXXD
      最後見到偶像都算補返數啦^^

      刪除
  17. 我第二日去,11點多入場,五分鐘行到售票處入到場,選時間入場會快好多架!

    回覆刪除
    回覆
    1. Weekdays上午應該無咁多人嘅,weekend一般多人好多墟陷啲:P

      刪除
  18. 口水多o既人求其運吉篇又有人傾計,邊會做功課咁悶丫...

    回覆刪除
    回覆
    1. 咁都要有人來傾先得嘅......\(^0^)/

      刪除
  19. "輸錢"已好耐都冇去,
    真係冇乜啱我書賣,
    我想買製作電影道具
    同埋電影making of嘅書
    以前有啲過氣嘅書 好平
    而家買英文書都少啦

    回覆刪除
    回覆
    1. 係呀我都好几年無去!
      路覇兄喱類專業技能的工具書可能真係要去Page One,辰衝又或者百老匯BC戲院果几間書店才有不妨找找!

      刪除
  20. 書展太多人啦,不過年年就算唔買野都會去迫下~

    回覆刪除
    回覆
    1. 今年你有冇去買几本山系漫畫?

      刪除
    2. 冇丫,我都冇睇開漫畫XD

      刪除
    3. 我諗住你去追下啲動漫^^

      刪除
  21. 我都是逛了一圈,空手而回。

    回覆刪除
    回覆
    1. 我都係純粹去逛逛,沒買到什麼:P

      刪除