港珠澳閃遊36小時:中

會唔會唔多慣基爾的速寫風格？定還是感覺更爽更加愛上這種快閃遊記味道？有空就留言畀少少feedback意見來！

4:05pm │ Anyway繼續上回行程講到去餅廠運了一輪吉（基爾強項），等齊人馬畀晒錢去晒廁之後再去下一個景點，叫做叱石觀音寺



4:38pm │ 車程約半個鐘，來到觀音寺門口有個大牌坊，例必又要影張團體大合照先，之後再由導遊對錶解散



4:45pm │ 散隊後是自由參觀時間，觀音寺的規模真係幾大，依著叱石山而建，歷史可追溯到明末，至今有近400年歷史



4:50pm │ 入寺的小徑路邊有古色古香的路燈，上面寫有禪宗六祖惠能著名佛偈：菩提本無樹，明鏡亦非台；本來無一物，何處惹塵埃



5:00pm │ 觀音寺集儒、釋、道為一體，已列為嶺南百景之一（其餘99景到底是什麼不要問基爾，有空就自己上網找找）



5:10pm │ 寺院內有很多亭台樓閣，仲有雅緻的園林流水佈局，登上大雄寶殿前還要先走上百級石階，有點似登上大嶼山的天壇大佛一樣



5:17pm │ 上到來大雄寶殿外的廣場掛滿旌旗飄揚。據聞文革時期寺院甚為破落，直至近年才大規模修葺，大雄寶殿和碑廊石刻列為文物保護單位



5:22pm │ 繞過大殿後繼續沿山徑攀山去，好快就來到三面觀音金像



5:30pm │ 大部份團友來到金觀音像就回程，基爾見仲有時間就繼續登山去，半山上仲有幾處景點，包括上圖的叱石羊群雕塑



5:45pm │ 一鼓作氣拿拿聲再往山上走，本來想一直登上纜車站才回程，但來到半山的叱石寺時見身邊已經無乜同團遊人，為免趕唔切返去大門口集合，只好決定沿路回程



6:25pm │ 幸好及時回到集合地點上車，冇畀團友怒睥（團遊總有這種顧慮）；六點後入黑又係時候dinner time，今餐團餐去光顧上圖這間大茶樓（樓下竟有藥妝店，對面就是碧桂園）



7:30pm │ 團餐八餸一湯白飯任裝，有魚有蝦有菜仲有咕嚕骨（因為根本都無乜肉），味道算係幾唔錯勝在夠飽，值得畀個68.733分



8:22pm │ 食飽飽後就返酒店check-in，第一次跟團要自己排隊check-in有點煩，搞掂上房放低行李再落街，酒店隔籬有個商場可逛逛（齋睇無乜嘢好買），可惜不見有基爾至愛逛的超市