2019年6月18日 星期二

雪梨盛夏光年@Nambucca Heads

是日看來天氣確實不錯,那就無謂浪費了南半球這美好的藍天白雲與碧海時光,上午去逛過雨林看過瀑布之後,下午又駕車去看看海吧!



Nambucca Heads這裏面向一望無際的南太平洋海岸線,不少當地人夏天都愛來觀潮又或者在內湖區一帶釣魚嬉水划艇之類,享受各適其適的水上活動,不過外國旅行團似乎就較少會來到這種偏遠地方(又或者閃令令旅行書都很少介紹到)……



姑勿論這處濱海勝地是否所謂的地道「秘景」,對基爾而言最大好處咪就係可以優哉悠哉唔駛同人逼,而且搵位泊車(無料駐車場)也非常方便,是個好好享受「靜靜雞」旅行的理想地。



來到這裏除了可以好chill咁沿住著名的地標海濱長堤邊遊逛之外(當然先決條件係唔怕烈日當空曝晒),基本上就沒有什麼東西好做了,因為這裏四周好像也不見有什麼大型shopping mall或者熱鬧的食街,正好是讓心靈好好放空的清淨地(咪講到懶係好spiritual咁啦)!



基爾眼見目測河流出海口這一帶湧浪水流都頗急,而且也有告示牌警告遊人不可落水啊!雖然晒係晒D,但留在岸邊享受來自太平洋的海風送爽,已夠晒愜意了(要幾hea有幾hea)



睇了幾張基爾影的岸邊靚相(事先聲明本身這裏的海濱風景就是美,不關基爾水皮攝影技術事)之後,可能已經有眼利的人想問:做乜喱度有咁多五顏六色的大石塗鴉呢?



卯錯!來Nambucca Heads除了是迤逛海濱長堤看看海景之外,最主要就是來參觀這些防波堤大石塗鴉,沿長堤走見到不少乜水乜水邊年到此一遊的彩繪,有些甚至已有十幾廿年歷史。基爾覺得上圖這幅用不同藍色瓷磚拼湊出來的海浪馬賽克也頗具特色呢!



另外,上面這幅「小孩與海龜」(純粹自己無聊作個題畀佢)睇落也是甚有水準之作,不知是否出自大師手筆定還是某位隱世名家的傑作呢?總之感覺就是與四周的海岸風景融為一體襯到絕呀!



在芸芸眾多靚石畫之中,仲見有舊藍得來又相當搶眼的澳洲國旗石添喎!其實這處塗鴉長堤有個名堂叫作「V-Wall」,上網search看看原來都有唔少人去過影相打卡,唔知有冇西營盤樓梯街那些壁畫咁hit呢?



沿住全長500米的防洪堤壩一直走到盡頭會有處小沙丘,不知這些海沙是否由太平洋遠處吹過來?唔知係咪同日本的鳥取沙丘屬同一類大自然奇觀呢?要注意這裏也有樹立危險告示牌,警告遊人不可在這裏跳水或游水!



沙丘隔籬仲畀基爾發現了一條貌似行山小徑的「秘道」叫做Nyambaga Walking Trail,睇佢樹立果幅小地圖應該是行入去裏面的內湖區,見唔多蚊咁又入去八卦下先!



唔入去由自可,一入去就發現原來風景完全不一樣,這邊明顯風平浪靜波平如鏡得多,同外面長堤那邊凜凜海風幾乎吹甩髻彷彿是兩個世界。見湖邊仲有一排屋仔,唔知係咪有錢人的度假別墅定係resort之類?



總之成個畫面感覺都幾有隱世桃園feel,只見三兩小孩手拿小魚網在湖邊涉水而過,聽他們好像在談論去找什麼石罅泥洞之類,看看會否捉到蝦仔蟹仔……如果唔係怕濕腳基爾都想去玩下喎!



在世外桃園遊走似乎時間過得特別快,轉眼間日落西山又係時候要講bye bye!之後又坐車返到去住處附近那個大型商場看看仲有乜食店會開。睇睇手錶雖然才不過傍晚六七點鐘,但果然大部份店舖都閂晒門,四處都水靜河飛,只得返間Woolworths超市有開!



人地話明係大節流流聖誕前夕,大部份店舖原來晏晝三四點已陸續close了!(如果換轉係海港城在23、24號靜成咁會唔會有D驚?)莫講話食肆food court,連上圖這間無記錯似係蛋糕麵包甜品店都全部清倉無野賣。



好彩住處已預早入定足夠糧餉,再去超市買多少少新鮮蔬菜同埋少少冰鮮肉和生果、麵包先返去煮飯都未遲。不過唯一仲有開的這間大超市都係好靜蠅蠅,不論顧客和店員都唔多見,唔知點解總有少少明日之後feel!

91 則留言:

  1. 用不同藍色瓷磚拼湊出來的海浪馬賽克的確頗具特色。

    回覆刪除
  2. 在海邊有D畫畫既的石頭,又多了一道風景。

    回覆刪除
  3. 聖誕要同家人一齊過, 早收返屋企嘛
    我睇相覺得好曬...

    回覆刪除
    回覆
    1. 係呀聖誕是一家團聚吃個靚飯的好日子^^
      係超級晒,幸好不似HK果種濕熱,佢地有海風算係乾爽舒服,但要記得戴定太陽帽XXD

      刪除
  4. 風景好靚
    外國人都回家慶祝聖誕節,香港人就走曬出街

    回覆刪除
    回覆
    1. 這個海濱長堤本身個view已經好靚,可欣賞無盡的太平洋海岸線,聽聞係好多人來看日出日落的.....
      所以各處鄉村各處例!!^^

      刪除
    2. 其實HK人放假通常都走晒出街,因為屋企細XXXD

      刪除
  5. d石頭居然噴上颜色畫,又幾特别哦...

    回覆刪除
    回覆
    1. 同埋都好佩服啲遊人在烈日當空之下畫畫...XXD

      刪除
  6. 石頭畫好有特色,好過比人寫『到此一遊』

    回覆刪除
    回覆
    1. 寫到此一遊無乜特色和誠意,如果作返首中國詩並以書法字體寫出來就更正了^^

      刪除
  7. 聖誕節前夕係咁架。好兩極。D商店一係水靜河飛。一係排長龍比錢。

    回覆刪除
    回覆
    1. 對,當係體驗下,HK習慣聖誕商場都係好熱鬧,農曆年就稍靜啲啲:P

      刪除
  8. 真係好怕太迫人,行都行唔到,寧願辛苦啲都去僻啲 :P

    回覆刪除
    回覆
    1. 平時在HK實在太多人,所以外遊都盡量揀啲無咁多人的地方好啲:P

      刪除
  9. 呢度嘅Walmart早幾年前開始喺聖誕前延長營業時間,結果,員工嗰個月,咪個個都初四咁嘅樣咯,哈哈!

    回覆刪除
    回覆
    1. 延長營業時間<===咁如果有三工四工加班補水的話,都開心嘅!!!
      wakakaka....

      刪除
    2. 邊有咁爽吖,工時不變,係早咗開工或遲咗放工咋!;P

      刪除
    3. 我仲以為好似HK農曆年啲茶樓有三四工兼賺茶客大利是添..XXD

      刪除
  10. 咁gael兄有冇買些顏料畫張區旗,代表有港人到過此一遊呢?!
    外國的大型超市冇乜人幫襯又生存到,好嘢…

    回覆刪除
    回覆
    1. 梗係無啦我都無森兄那種美術觸覺^^
      同埋當天實在太晒wakakaka...
      可能舖租平好多啦,所以無問題

      刪除
    2. 大時大節,舖頭會收早...咁平時收到幾夜呢?!!

      刪除
    3. 超市可能收十點,其他店舖我諗多數七八啦:P

      刪除
    4. 睇嚟gael兄仲沉醉在石頭畫中
      仲諗住有新BLOG睇...

      刪除
    5. 驚阻住森兄做功課所以唔update住啦XXXD

      刪除
    6. 難得gael 兄咁為森伯嘅學習著想…聽你講.我完成晒個course先再嚟探你…

      刪除
    7. 近排冇更新網誌仲諗住gael 兄去咗遊行, 靜坐, 抗議嗰類…

      刪除
    8. 先恭喜森兄畢業,希望這個course在工在私都幫到你發展事業^^
      拿....咁之後你要寫blog寫返密少少啦係咪?wakakaka...
      純粹想放個暑假啫,夏天太熱了...XXD

      刪除
  11. 係喎,澳洲有水的地方,有冇諗過見到鱷魚?

    回覆刪除
    回覆
    1. 咁又無喎,直覺上通常係北澳那類沼澤區才會有鱷魚吧:P

      刪除
  12. 你講閃令令書即刻有哂畫面XXXXD
    我都覺得你行入去之後係人地個RESORT~
    所以我聖誕節都盡量唔去有聖誕節假放既國家XXD實無野食

    回覆刪除
    回覆
    1. 閃令令書好出名,日韓果啲好多人買本傍身XXXD
      應該都係度假村之類,這一區好多Sydney或Brisbane駕車來度長假!!
      都啱嘅,正如聖誕食中餐,團年食西餐抵啲wakakaka...

      刪除
    2. 我以前都會買架...但依家上網搵資料就算~100蚊都慳埋XXD
      華~真係識享受生活~~~~~我都想得閒係澳門渡下假..但澳門無地方俾我渡假@@
      無錯無錯!!!!情人節最岩打邊爐同食麥當當~~~~~

      刪除
    3. 咁都係,而且上網找係咪update啲?
      都有嘅,好多HK人都愛去澳門度下假wakakakaka.....
      澳門食店你最熟,旅遊局應簽你做代言人^^

      刪除
    4. 係啦..如果唔係問人借書睇又怕間餐廳原來已經執左之類...以前試唔少~
      澳門得賭場...乜都無~
      我平時食老粗野咋XXXD

      刪除
    5. 去到才發現執咗最掃興,同埋浪費咗交通時間:P
      都多野食嘅....以前就抵食啲,依家貴XXD
      完全唔覺喎wakakaka....

      刪除
    6. 我明...因為我試過幾次@@
      依家D野食係又貴又差...有時唔介意貴...但唔好煮到垃圾咁俾人食啦
      我個個周末都食茶記架XXXXD

      刪除
    7. 都係上網check咗先去會穩陣少少:P
      通常如果水準跌晒watt果啲就唔會再去了....
      放假去食下好嘢,可以當獎勵下自己辛勤返工囉XXXD

      刪除
    8. 哈哈~以前唔興上網查嘛~~
      係呀..永不錄用~~~
      話時話...我今個禮拜勁攰..我聽日要好好獎勵下自己~~
      你做咩懶左兩個禮拜呀XD

      刪除
    9. 時代真係唔同咗.....^^
      依家食肆實在有好多選擇,唔好食或服務態度欠佳一定扣晒分:P
      一定要好好獎勵,就加操跑多5K啦....wakakakaka!!!
      想放陣暑假呀嘛XXXD

      刪除
    10. 就好似依家都無咩人寫BLOG一樣~
      梗係...仲唔會再去添...
      近排無操...太多野煩...加上之前一跑就痛...驚左...但又唔可以唔獎自己喎XXD
      好喇喎~~~放夠喇喎頑童XXXD

      刪除
    11. 寫得好睇的不多呢:P
      期待看你發掘到更多好嘢^^
      咁希望你快點搞掂啲煩野啦.....腳痛?咁要小心啲喎!
      wakakakaka.....放暑假梗係留返啲暑期作業到最尾果個禮拜先做啦XXXD

      刪除
    12. 我覺得肯寫已經好不得了...肯睇既又更加難得~所以我好多謝你成日來探我~XXD
      我都係鐘意睇下附近朋友有無推介先~~~~~我好少自己去試超新餐廳XXXD行先屎先丫嘛~~~~~~
      呀~~~唔係腳痛~~係頭痛~~~~應該煩減一半架喇~
      妖~~~~~~~~~~~~~~~~咪有排放~~~~~~~~~~~~~~~

      刪除
    13. 唔駛咁客氣,有時follow開你啲旅行故仔,都想追看埋個大結局嘛wakakaka...
      澳門真係勝在食肆選擇多,唔似HK多連鎖店而已...同埋我其實都好少出街食,好多時都係睇人地推介而自己又就腳的話,都會去試下嘅:P
      咁希望你啲煩嘢搞掂晒可以開心出發^^
      其實話時話唔寫開就真係會無咗動力去寫...或者暫時都係巡下blog欣賞下blog友啲有趣生活點滴先,可能夏天太熱想慵懶多一陣XXXD

      刪除
    14. 我又何嘗唔係追緊基爾哥哥既故仔~~但家陣基爾哥哥放暑假呀~~~~~
      多無用丫~唔好食丫嘛~又搶錢~~~~~~我都慣左五六日出街食囉~俾媽媽休息下順便帶佢出去食下野嘛~
      我都希望順順利利~~~~快D搞掂~~~~
      都係架~~~~不過唔準你再懶咁耐喇~~~~~~

      刪除
    15. 夏日炎炎正好眠原來確實是對的....我覺得除了學生之外,返工的人其實也好需要有個小小的暑假XXXD
      不嬲都知你係孝順女,要讚^^
      非常同意,尤其炎炎夏日在廚房煮飯極熱,要好好休息一下!!
      我都好懷念以前澳門又抵食又有特色的食店和街邊檔:P
      最緊要唔好阻住你的旅行大計囉wakakaka....
      咁等我睇睇有乜有趣而又簡單快手嘢可以寫下先,之前寫落少少草稿但懶執,有時間再執執然後upload更新下都好^0^

      刪除
    16. 我都超想放暑假~太熱了~
      野~又無啦啦讚人既~
      係呀...我入去斟水飲都覺得勁焗...何況佢要煮飯
      我中學以前好多小食檔...我同毛寶有去周圍食~~~好開心~
      好彩今年PLAN哥D都唔算阻住既~~~
      唔使急最緊要快~~~等你~

      刪除
    17. 唔見左人既~去左玩呀~

      刪除
    18. 其實人人都想放下暑假,可以hea生活是福氣XXD
      你成日同小t媽去食下好嘢同去旅行,唔係無啦啦讚你0架^^
      咦,咁依家在暫居地可唔可以煮下飯?定還是要出街食呢?
      我記得以前有街邊炒面和粥和糖水果啲,也有涼茶檔.....
      最緊要順順利利玩得開心,之後倒數緊果幾個行程係澳門飛定HK飛?要留意機場情況喎!
      無去玩呀,都係無事忙咁囉:P

      刪除
  13. 遊海之濱看太平洋海岸線,還有石頭畫可欣賞,真是寫意極了 !

    回覆刪除
  14. 澳洲的聖誔前夕,原來有種大逃亡的feel, 人同食物都消失晒.咁都好似以前香港的年初一, 街上舖頭真係休息。現今的香港, 是進步了還是退步了??

    回覆刪除
    回覆
    1. 又未至於大逃亡咁誇張,遊客區應該也還算熱鬧吧!!也可能平時在HK人多逼慣咗,所以商場超市稍為清靜少少就特別覺眼...XXXD
      依家HK舖租好貴,老闆一定係想年初一開到年三十晚賺到盡先掂:P

      刪除
  15. PandaJoice:
    d 人好有心機在 d 石頭度做畵...
    其實,去旅行真係唔需要下下去市區/shopping,一時去下 d 郊區望下海、行下山都好正

    回覆刪除
    回覆
    1. 係呀,色彩都幾靚,有些也很有心思....重點係唔怕烈日曝曬XXXD
      都啱,因為HK乜商場都有,無必要去外地也行商場吧:P
      難得外遊我通常首選去看看當地古蹟或者市集,又或者自然風光^^

      刪除
  16. 回覆
    1. 紐西蘭的也很美,希望有機會多看一些\^^/

      刪除
  17. 有些景點無人問津,反而有一種塵世美,我都好鍾意
    你講閃令令書,是大部份香港人至愛

    回覆刪除
    回覆
    1. 可能外國遊客比較少來這裏,多數見係本地人來度周末之類....
      都係,日韓台玩食買的天書,一定有market^^

      刪除
    2. 基爾突然又懶惰咗,是否被香港一片灰矇矇所影響呀?

      刪除
    3. 順便放個暑假囉^^
      但我也有去銀哥的blog看你的婚禮遊記,等陣就去留言wakakaka....

      刪除
    4. 邊個人地先?!🤔😆

      刪除
  18. 我試過聖誕節係澳洲,搵唔到食🤣

    回覆刪除
    回覆
    1. 唔出奇呀啲人去晒度假了:P
      不過依家部份中餐或food court裏有印度泰式檔口仍會開門做生意

      刪除
  19. 石上塗鴉為海岸添色彩, 畫功見水準!

    woolworths 在紐蘭西蘭見到, 澳紐英都很普遍吧!?

    回覆刪除
    回覆
    1. 有些確實係幾有水準,不似求其畫果隻^^
      oic....原來紐西蘭和英國也有這間超市!!

      刪除
    2. 英国店多年前己倒閉,南非德国都有,但不是同一集團

      刪除
    3. 原來如此.....原來是跨國公司超市品牌!!

      刪除
  20. 小月,

    以前呀姨從英國買東西回來有 woolworths 袋, 現在變了吧! 謝告知 ...

    回覆刪除
  21. 呢篇真係可以用目不暇給去形容!

    回覆刪除
    回覆
    1. 係咪咁誇張呀?!!想知係邊方便先....XXD

      刪除
  22. 嘩...啲石頭畫得好靚,我見有啲畫真喺好心機,由其喺游水中人一幅,
    間中見有人喺香港橫街畫,好多都喺亂畫一通,喺港島西區就見一啲好正,本地人、遊客都好like,成為景點有原因。

    回覆刪除
    回覆
    1. 係呀我見部份都幾有水準,似乎係專業級數唔係求其玩玩下果隻...
      幸好沒有廣告...XXD
      近年西營盤果邊好多樓梯街都有壁畫比人打卡去影下相,都算叫做旅遊熱點吧!!

      刪除
  23. 呢幾日都落雨, 睇返你第一張相就醒晒.

    回覆刪除
    回覆
    1. HK夏天如果好天氣陽光普照通常都一定好熱!!^^

      刪除
  24. 原來你剛來過!你响袋鼠國玩得仲詳細過我囉...... 近年我都係玩歐洲多,但已封筆無寫卜。

    回覆刪除
    回覆
    1. 嘩.....真的很久沒見你來留言了,有空記得來坐坐^^
      聖誕左右來的,天氣也幾熱呢
      有空就Po下相囉,會否在blogger這裏開返個檔口??

      刪除