2019年10月22日 星期二

遺忘的唱盤時光@Enya

之前講開New Age,有冇人即刻有興趣走去唱片舖買返幾隻夜晚play來聽聽幫助入睡減少失眠呢?(不過話時話家陣要搵間唱片舖逛逛都幾難)……Anyway,今次再摷來Enya這隻精選碟重溫一下!



上次聽開Secret Garden都有提過一提Enya同埋Enigma,基爾印象中都有買過他們的CD,但因為實在太耐無聽所以一時間只找到Paint the Sky with Stars這張1997年推出的Enya精選碟;至於Enigma可能是記錯了只買過群星雜錦那類CD,最後火速去圖書館借了張精選碟充數!



咁就先來聽聽Enya(單單看上圖這張以星空概念設計的CD已經靚到驚為天人吧)!基爾也不知New Age音樂是否來自愛爾蘭,但無獨有偶Secret Garden和Enya與這英倫島國都有很深厚淵源。來自愛爾蘭音樂世家的Enya早在八十年代初已經出道,當年基爾也不懂什麼是New Age,認識Enya純粹源自當年電視台一個非常熱播的旅遊節目而已……



基爾blog友名單中大多都係旅遊達人,對電視台播的旅遊節目應該都會有興趣收看吧!之前有冇追看過Michael Portillo的Railway Journeys系列?好喜歡看他跟隨十九世紀那些古董旅行書重踏的「古蹟旅程」;仲有Jonathan Legg的踏破鐵鞋無地圖同埋台灣的冒險王都係基爾杯茶……


如果仲記得八九十年代的王牌旅遊節目寰宇風情的話,證明你都算幾資深了!(咪傻!記得都扮失憶……)寰宇風情的主題曲正正就用了Enya的這首Orinoco Flow;與此同時周末任你點仲有播過Orinoco Flow的MV(彩繪佈景設計相當美),那時才知唱的就是Enya。


那些年,寰宇風情拍攝地點主要都是歐美日之類的外國地方,小基爾那時第一次看到Big Ben仲有巴黎鐵塔和多瑙河,也應是靠這個節目了!順帶一提同期仲有個以大陸風光作主題的旅遊節目叫大江南北,應該也是電視送飯年代的集體回憶之一,有冇人仲記得小鳳姐唱的這首主題曲呢?


講講下Enya的精選碟離晒題講了去旅遊節目……咁再補充返少少她的威水史吧!基爾原本想再翻看短片網站試試搜尋Enya近年的Live演出片段,但發現近十年都甚少她的公開演出,可能已是半退隱狀態。特別找來她於2001年度第74屆奧斯卡的片段,當年她憑魔戒的May It Be問鼎最佳電影原創歌曲獎。

p.s.當屆奧斯卡競逐該獎項的可謂粒粒巨星,除了Enya之外仲包括有:Kate & Leopold(隔世俏佳人:由狼人Hugh Jackman和90年代愛情片天后Meg Ryan主演)Sting主唱的Until;Vanilla Sky(魂離情外天:由Tom Cruise和Penelope Cruz主演)Paul McCartney主唱的Vanilla Sky;仲有珍珠港大熱之作由Faith Hill主唱的There You'll Be;不過最後全部都輸了給怪獸公司那首If I Didn't Have You算唔算有點半爆冷?基爾個人就最喜歡Sting那首Until,或許下次有機會介紹Sting的舊碟時,再聽聽喱首好歌吧!

48 則留言:

  1. 想認細都唔得,一講起呢兩套旅遊節目,前奏就喺腦內響起。:)

    回覆刪除
  2. 我都有兩張enya CD,好似你以前都有介紹過。

    回覆刪除
  3. 乜CD封底有個背心男嘅??

    回覆刪除
  4. 上世紀的舊歌是我的至愛。

    回覆刪除
  5. when i was young i'd listen to the radio

    回覆刪除
    回覆
    1. 以前沒有網絡的世界裏,這是主要娛樂吧!

      刪除
  6. 小鳳姐這首不變的伴侶以前經常聽的!

    回覆刪除
    回覆
    1. 有冇即時重溫下?
      依家就唔多常聽到了....

      刪除
    2. 一聽到個前奏已經記起了當年的大江南北,太經典了....

      刪除
  7. 前排我先同某人講起佢, 因為電視播緊佢首 Only Time

    回覆刪除
  8. 寰宇風情及大江南北,我都有睇過,但往事如煙,內容已經忘了。
    May It Be好聽,小鳳姐呢隻都聽過。

    回覆刪除
    回覆
    1. 都是早期的旅遊節目,以前唔係咁多人有機會出遊,就是靠這類節目看看外國的風景吧^^
      好聽呀,同套戲好夾,可惜最後都沒拿到奧斯卡....
      這首歌在小鳳姐眾多hit歌中不算太常唱,演唱會也不太多唱這首:P

      刪除
  9. 我都有隻被遺忘的時光CD,係蔡琴的 :P

    回覆刪除
    回覆
    1. 有冇拎返出來聽下?
      蔡琴間中聽下都幾唔錯.....

      刪除
    2. 她的歌聲比較特別,很有點懷舊味

      刪除
  10. 大江南北唔係扮失憶呀,係真係無印象呀。

    回覆刪除
    回覆
    1. 都是主要介紹大陸旅遊的節目吧!
      以前多拍攝自然風光景區之類,同依家旅遊節目多拍飲飲食食和shopping的方向不盡相同....
      網上仲找到部份片段可看,但你可能會覺得節奏慢或者悶吧XXD

      刪除
    2. 我記得當年都有好多明星拍過這類旅行特輯
      仲有好多歌星去外地拍音樂特輯之類....

      刪除
  11. 看到你的標題,想起蔡琴的那首歌:是誰在敲打我窗......

    回覆刪除
    回覆
    1. 蔡琴唱了好多這類懷舊味濃厚的經典歌...

      刪除
    2. 有沒有收藏她的黑膠或CD?

      刪除
    3. 蔡琴喜歡聽她的最後一夜和你的眼神....

      刪除
  12. 回覆
    1. 間中重溫一下也不錯,當作洗滌心靈^^
      阿摩都幾早起身喎

      刪除
    2. 早起1.是因爲要返工
      2.是因爲老人家瞓唔到咁多

      刪除
    3. oicic.....早睡早起身體好不分老幼wakakaka^^

      刪除
  13. 我係咪可以扮細個呀今次..真係唔識添^^

    回覆刪除
  14. 外國歌手CD我得一隻BEE GEE,係買比老豆聽,我都係鍾意聽廣東話歌多D

    回覆刪除
    回覆
    1. Bee Gees是很有風格特色的樂團,我也有他們的精選碟呢^^

      刪除
  15. Railway Journeys,依家港台又播了~
    寰宇風情,我當年仲係學生哥,乜都唔識,仲有日本風情畫~

    回覆刪除
    回覆
    1. Railway Journeys原來港台又有播?
      我最近是看85台播的一輯,剛剛周一那集由Genoa去五漁村再搭到去北部奧國邊境風景真的好靚....
      我中學時代都係乜地方都無去過...無依家果啲咁幸福可以K1都去環遊世界遊學XXD
      勁喎銀哥我都記得日本風情畫,但通常大台只買到三四年前的舊片回來播當係新資訊wakakakakaka.....

      刪除
    2. 依家唔知日本的電視台仲有冇製作日本風情畫?
      可能本地電視台應再買來播下

      刪除
  16. 真正天籟歌后,我都有佢一張精選唱片,寰宇風情嗰段音樂妈經典。

    回覆刪除
    回覆
    1. 好彩你冇話冇睇過寰宇風情....wakakaka!!!
      Orinoco Flow是經典,唔知當年邊個幕後人咁有taste揀了這歌做開場曲?

      刪除
  17. 環宇風情,你不說幾乎忘記這個節目,這節目應該有療愈作用,現在旅遊節目的氣氛不同!

    回覆刪除