2019年10月15日 星期二

雪梨盛夏光年@Muttonbird Island

逛完個尤加利樹林雖然沒見到野生樹熊,但都算叫做吸滿了負離子不算空手而回。中午過後再駕車返去海邊地區,看看漁人碼頭那邊在聖誕前夕會否熱鬧一點……



似乎每個海邊城市都總會有個漁人碼頭,Coffs Harbour這裏也有個Fishermen's Co-op,而Christmas Eve這天佢竟然仲有開門做生意(可能算是遊客區),咁一於去逛逛順便買些新鮮魚作平安夜晚餐吧!



在魚檔逛了一圈,見這天魚獲不算多(或許當地漁船大多都是等聖誕節過後才再出海吧),大部份是魚柳魚塊之類,而且價錢偏貴啊!反正不用急住買,就先出去逛逛碼頭再算。



漁人碼頭外有條長堤風景頗靚,那裏的Solitary Islands Marine Park據聞是新南威爾士州第三大海洋保護區,面積達到7.1萬公頃咁大(香港的維園面積約只有19公頃而已)。



由長堤木橋外望,覺唔覺有點似深灣或者西貢白沙灣那類的遊艇會碼頭?可能因為天氣極好的關係,水天一色的風景特別令人神往。



聽說這裏還有遊船公司經營出海觀鯨和潛水的day tour,基爾不懂潛水所以沒想過去報團,至於觀鯨則要等每年5月至11月當地才是旺季,聖誕前後應該都較少團會出海吧!



唔出海其實都仲有好多活動,例如去登島行山。長堤的盡頭有個島叫做Muttonbird Island,也是Marine Park範圍內的自然保護區。



按告示牌所講如果有帶望遠鏡的話,近岸岬灣有時會見到海豚或其他小型鯨豚類游戈,基爾沒帶備望遠鏡隨身,能看到海豚的機會就不太大了(反而在岸邊看了一會有小朋友在跟教練學習浮潛,都幾有趣)。



家人怕行得太累決定留在岸邊看風景,那就只有基爾獨個兒沿小徑登上這小島吧!其實這個Muttonbird Island比塔門還要小得多,如果快跑來回應該大約也只需要半粒鐘多一點,而且全條行山徑都鋪得好企理,除了烈日當空會曬一點之外,也算行得輕鬆。



基爾也不太清楚muttonbird係乜野鳥類,上網翻查才知是比燕鷗大隻的海鳥,學名又叫做短尾水薙鳥,每年都會由北半球飛來這小島挖洞生蛋和孵蛋,不過可能季節未到所以沒見到有鳥爸鳥媽或者小鳥出沒。



唔講唔知原來這種候鳥棲息範圍都幾大,北至太平洋北面的白令海,南至澳洲東南部海岸,以至東南亞、台灣和中國大陸東南沿海也會見到牠們的蹤跡,咁塔門東坪洲都有可能係佢地棲息地都未定喎!



小島的頂峰修築了個觀景台,這裏可以360度睇晒成個海岸公園的風景,雖然由南太平洋吹來的海風極強勁,但藍天碧海的風景確實唔錯,即使烈日曝曬(沒有任何大樹可遮蔭)都企多一陣影多幾張靚相留念啦!



由山頂觀景台行落少少海邊的懸崖上,仲有處木建的望海露台,開始發現澳洲人唔太喜歡在這類海岸公園建造涼亭之類的休憩建築物,可能係驚會破壞了咁natural的無敵天然景觀吧!



除了望海之外,在這處「天涯海角世界之盡頭」仲可以不時見到有綠海龜、魔鬼魚同埋大墨魚之類的海洋生物,也由於這處是溫帶和熱帶海流的交匯處,海底下的大型珊瑚礁也棲息了大量不同品種的魚類云云。



來自南太平洋的浩瀚海浪,來到這處岬灣即時捲起了千重浪花,鏡頭下係咪有少少似赤柱鶴咀之類的海岸公園?食夠強勁海風之後,基爾就沿山路折返會合家人,駕車返歸了。



咪住!走之前幾乎忘了去魚檔買魚作平安夜晚餐,記憶中價錢算貴,但幸好也夠新鮮,忘記了影相所以也不記得是什麼魚了。返抵resort小屋後,先快手叮返個pizza來醫肚。



因為老家沒有焗爐和叮叮爐,所以從來沒試過超市這類快叮即食pizza,於是也特登買個來試試,味道當然不能與pizza店即叫即製那種新鮮出爐貨式媲美,但價錢明顯平得多而且很方便即叮即食,未試過的也不妨一試。



未試過的還包括上圖這款薑啤和BBQ味餅乾,基爾平時極少飲汽水因為怕甜,但這款薑啤又不算太甜還可接受。八卦上網check原來藍色超市也有售,約港紙十四個幾一支,當地就一pack四支賣AUD$4.4計落平一半有多;另外基爾依家先知原來鸚鵡牌果隻餅乾是來自澳洲,BBQ味餅乾一盒特價只賣兩蚊澳紙(仲有盒面寫住Made in Australia),回來才發現原來藍色超市也有這款雅樂思餅乾,但生產於印尼,售價要廿幾蚊盒都幾貴;至於碗米粉是平安夜晚餐之一,慳返唔洗煮飯。



飯後果仲有這款長蜜瓜,好似老家也不見有這品種,切開其實同一般黃肉蜜瓜差不多,幸好不算太甜,售價AUD$3.9(約HKD$22)這價錢在老家應可買到半個普通蜜瓜吧!反而牛油果賣AUD$4兩個就同老家差不多了。

38 則留言:

  1. 回覆
    1. 無特別原因,求其簡單就手又夠飽肚就好了...XXD

      刪除
  2. 香港真係好多嘢都可以買到。

    回覆刪除
  3. 這個薑啤我覺得好甜呀,買左4支,一年下來都仲有一支未飲。
    去到海邊,天海一色,好靚呀。 在海邊買魚,一定貴啦。而且聖誕節前後左到新年都唔會有人出海,唔會有新鮮野賣架,好彩你無買。

    回覆刪除
    回覆
    1. 初頭飲不太甜,但越飲會覺得越甜:P
      可以試下一路飲一路加水調和一樽分二人飲都不錯....
      來這海濱吹海風看風景也不錯,但先決條件要戴定闊邊帽!!
      有買咗一舊魚肉,無成條果啲比人買晒啦!
      聖誕新年他們放長假,都去度假不出海了......

      刪除
  4. 旅行去行山都幾正,可惜我同老婆去應該冇乜機會 :P

    回覆刪除
    回覆
    1. 可以叫她在山下坐低歇腳等你影相回來^^

      刪除
  5. 漁人碼頭長堤風景很靚,其他景區都唔錯。

    回覆刪除
    回覆
    1. 這裏風景幾靚,是悠閒hea蕩的好地方^^

      刪除
  6. Solitary Islands Marine Park
    是新南威爾士州第三大海洋保護區
    面積7.1萬公頃

    回覆刪除
  7. 這款薑啤在澳我也嘗過一口, "E生仔"推荐.....

    回覆刪除
  8. 澳洲就嚟轉入夏季喇! 香港的冬天正是澳洲的盛夏, 到時去避暑就啱哂喇!

    回覆刪除
    回覆
    1. 這一帶郊區天氣不錯,而且又不算太熱,相對HK來是也很清涼乾爽似秋天^^

      刪除
  9. 回覆
    1. 對啊!
      所以出外真係多數要戴定帽和太陽眼鏡先得
      唔係扮明星...XXD

      刪除
  10. 藍天白雲配遊艇,一幅美美的畫,香港好耐無見過咁好天﹗

    回覆刪除
    回覆
    1. 天確實是很藍,可能無乜染污,都是南太平洋吹來的清新空氣吧!
      HK冬季多吹北風PM2.5都較高總是灰蒙蒙,如果吹東風視野會較佳

      刪除
  11. 個海好藍..特別藍
    米粉有炸菜喎,一定好好味

    回覆刪除
    回覆
    1. 之前睇過電視節目話海天一色是正確的
      如果天夠藍,海水也會份外顯得藍,是光學折射的原理云云....
      有炸菜調味不錯,又不用加任何味精了

      刪除
  12. 呢度岸邊唔同美國,冇海獅睇。

    回覆刪除
    回覆
    1. 你又留意到喎犀利^^
      可能這裏不熟於海獅棲息地吧!海獅海豹都唔見有....

      刪除
  13. 獨自行開一陣都唔錯!
    我之前係留尼旺,岸邊都可以睇到鯨魚跳出水面呀~

    回覆刪除
    回覆
    1. 之前去旅行也會有些獨行環節,其實也不錯!!
      有些地方同行友人不太想花時間去,咁有個小空檔可以各自出動,發掘到新鮮有趣東西又可以再會合互相share都幾開心的^^
      幾犀利喎,通常看電視紀錄片才會看到野生鯨魚躍出海面...
      我只看過海洋公園表演果啲而已:P

      刪除
  14. Sonny Dearest 好鍾意這款薑啤, 當然這裡貴好多,但係至少有.

    回覆刪除
    回覆
    1. 味道有點特別得來又不似一般汽水得个甜字^^
      咦!咁坡紙賣幾錢?
      HK都賣十几蚊支

      刪除
  15. 回覆
    1. 無咁多高樓大廈確是影自然風光的理想地吧^^

      刪除
  16. 終於出番澳洲篇呀懶蟲?XXXD
    我都好鐘意係岸邊睇大浪~感覺好爽~又唔怕暈船~XXXXD
    正呀~聖誕食家鄉米粉~食左咁多日西餐我會好想食番D家鄉野~
    隻薑啤我都有係澳洲飲過XXXD

    回覆刪除
    回覆
    1. 你返來拿?^^
      Hea住先可以寫足一年架嘛XXXD
      係咪有啲去去睇萬座毛果類?
      我都驚暈船浪,我試過坐雙魚星頭暈:P
      同老人家去通常唔太慣食太多西餐,自家煮就食這些了....
      原來這品牌都幾多人飲過喎wakakaka....

      刪除
  17. 天連海,海連天⋯⋯
    藍天白雲風光好,
    獨行,且自逍遙,愜意!

    回覆刪除
    回覆
    1. 阿摩形容得特別有詩意,應也感受過這南半球島國的風光^^

      刪除
  18. 我未飲過薑啤呢,其實我本身對“酒”都唔太懂,總覺得好難入口就是了。^^”

    又係喎,好似逢親沿海城市都有漁人碼頭,亦例必會視作景點之一。:)

    回覆刪除
    回覆
    1. 其實這支也不能算是啤酒,只是有薑味的炭酸有氣飲品,不過方便稱呼就叫做薑啤吧....XXD
      可能係做生意的手法之一啦^^

      刪除
  19. (長蜜瓜幸好不算太甜)你似乎唔太愛甜食.

    回覆刪除