珍郵庫@麥理浩徑

深秋冬季又是行山的好時節，到郊外去呼吸一下清新空氣也是賞心樂事，趁住2020年第一blog就寫下這套行山郵票吧！事實上本地不少行山徑都好出名，秋高氣爽時份有時有些行山熱點更會出現人山人海情況。趁住今個weekend會唔會plan返個快閃行山路線呢？

不說不知，原來早在2016年郵政署已率先發行了第一套行山徑首日封，當時是取材自大嶼山的鳳凰徑（有興趣可click返去重溫）。事隔3年再出系列第二號，這次則選了同樣聞名中外的麥理浩徑。



今次的小全張一套共有十款郵票，幸好面額全部都只是$2（幫基爾銀包慳返唔少）。看封背的簡介說，這套郵票最大特色是用了漁護署平時維護和清理麥理浩徑時收集的泥土作為原料製作，郵票上還有鐳射切割的箭頭花紋（係有點特色，但覺得有少少破壞了郵票上的靚風景），郵戳則以等高線和一對腳印展現行山元素。



估計唔少blog友應該多多少少都有行過麥理浩徑或聽過它的大名，原來它早於1979年落成啟用，並以當時港督命名。由西貢一直伸延至屯門的行山徑全長達100公里，當中穿越了8個郊野公園。基爾雖然沒參與過毅行者，但也試過分段行麥理浩徑，例如郵票上見到的西貢萬宜水庫、大浪灣海岸，以及獅子山和大帽山的風光，還有大欖楓香林秋日紅葉等，基爾都留抵過唔少汗水。睇完這輯郵票會唔會即時興起，近近地去一趟城門水塘逛個圈呢？

香港行山徑系列第二號：麥理浩徑
發行日期：2019年10月24日