雪梨盛夏光年@Botanic Garden:上

話咁快又來到年廿七唔知大家行過花市辦晒年貨未呢？……數數手指，基爾的澳洲網誌亦都差不多hea寫了超過一年有多，如意猶未盡又有耐性的話，就跟著基爾的旅途筆記，完成餘下行程吧！

聖誕翌日的Boxing Day依然陽光普照，大清早吃過早餐游過早水之後，又悠悠閒閒準備出發到resort外面去走走。不過這天搞點新意，不是去行山也不是去shopping，主要去行一陣公園。



應該唔係咁多人外遊時會願意花大半天時間去行公園，不過基爾卻甚like去享受這種閒情。事實上這個規模都幾大的North Coast Regional Botanic Garden也好值得一逛，比想像中多野睇！



仔細看看公園的地圖，入面原來分成好多唔同區域，整個公園面積約有20公頃大（維園有19公頃），話說20世紀初這裏本來是個垃圾棄置場，直至70年代才開始籌建植物園，最後於1988年正成落成開幕（地圖下面原來有告示話園內的玻璃溫室已拆卸）。



記憶中入場不收費，有充裕時間的話也可跟隨公園的導賞團。老人家如果不想慢慢行，也可預早book定一輛園內提供的電動golf cart慳返腳骨力。另外場內不少地方也可預約舉行婚禮或其他私人聚會之類，都幾唔錯喎！



當然好似基爾咁自己齋行入去逛逛也無任歡迎，公園入面有好多footpath和natural trail指示路牌都非常清晰絕對唔駛驚會蕩失路……上圖是其中一條小徑上鋪了幾塊畫了公仔圖案的地磚，按介紹是由本地一些土著學生繪畫當地的植物和動物圖案，非常有地道特色。



又到行公園學英文的時間，知唔知咩係Blackbutt？一開始已經被考起，即刻上網同朕check一check先，原來學名是Eucalyptus pilularis，中文叫做桉樹，佢有個更多人熟悉的名字叫尤加利樹。



據說澳洲東南部原生的桉樹可生長到50米咁高，一般的也有20-40米，有些樹幹直徑甚至有4米闊咁巨大。



除了看高大的尤加利樹之外，公園入面仲有個Rainforest區域，不熟悉的植物更是多不勝利，如果要逐一去查英文字典真係會查到頭暈吧！



行完雨林區不妨再去走走上圖這個Sensory Garden，因為入面好似陽光比較充足，也看來會多少少花睇下。



除了視覺外，原來也可以用嗅覺和聽覺、觸覺等感觀去賞花。可能花季不同的關係吧！園內聲稱有好多唔同品種的玫瑰和其他澳洲特有品種的花，但基爾只見比較多百合花盛放。



有時間的話可以逐一按地圖去尋花覓草，除了Rose之外，園中好多其他花的品種名稱基爾都唔太識也沒見過，或許查查字典會知原來是什麼品種薰衣草之類的herbs！



上圖右這種像吊在樹上一串雀仔的花，印象中之前好似都有見過，會唔會是在香港公園或動植物公園之類？左邊還見到一些盛放的薑花，行近少少確實會聞到一點花香味。



再看這棵紅卜卜的植物也非常搶眼，原來佢叫做Blood leaf，學名叫Iresine，原生於南美洲、非洲和大洋洲等南半球地區，葉面上還有細緻的絨毛，不說不知原來它與莧菜是同科近親呢！



見時間尚早再去逛逛南美洲植物園區。上圖右這棵樹非常圓潤肥大，可能係麵包樹的遠親？另外還見到好多菊花和多肉植物的品種，原來它們的原產地都是在南美。



仲有這些像海膽的矮樹，樹頂卻會長出非常高的一串花，不知會否是椰棗類的植物呢？單單睇這些奇花異卉已經令人目不暇給，但同時園內的瀑布小溪佈置也相當令人心曠神怡，似乎是名副其實的無憂花園……（待續）