2010年9月20日 星期一

隱世迪欣湖走一回@欣澳

相信好多人都會去過大嶼山那個迪士尼了吧!張飛咁貴通常都係晨早去玩足成日先願走的,甚至在裏面酒店住一晚第二朝先走,反而旁邊喱個迪欣湖就未必人人會花時間去走一趟。事實上喱個湖距離迪士尼站都唔算近,直路行過去都要20分鐘左右,而且真係人影唔多個,確實係個隱世勝景!


從迪士尼站往右沿路一直走20分鐘,就可去到僻處一方的迪欣湖

迪欣湖其實與香港迪士尼都是在2005年開幕,當年迪欣湖於8月中開放,比迪士尼還要早半個月。翻查資料原來這個面積達12公頃的人工淡水湖,是由港府耗資4億元建造,目前同樣由迪士尼公司管理。人工湖除了本身是一個公眾水上康樂中心之外,也是迪士尼園區一帶食水及灌溉系統的水源。


偌大的湖區最矚目的是巨型噴泉,還有植物園內各種奇花異卉,如上圖這棵像大花瓶的奇樹

整個園區除了人工湖外,還有環湖的緩跑徑、遊樂場、服務中心和植物園,佔地總面積達30公頃,有近兩個維園般大。園區內最主要的當然是迪欣湖,湖邊遍植了荷花、大紅花等植物,而湖中心還有一個大噴泉,噴出的水柱高達18米,還有12種噴水效果,在香港確實是絕無僅有的。


由於湖區一帶大部分地方都是無遮無掩,烈日下行一陣就要匿入去涼亭稍稍歇息

值得一提的還有湖邊的一個植物園,面積也有4公頃大,種了逾千棵植物,當中不少還是香港鮮見的品種,部分湖邊涼亭旁還種了一整列垂楊,驟眼睇似西湖得來又有少少歐洲feel,而且最正就係四周圍幾乎「零遊客」的隱逸清幽環境,即使係大字形攤在湖邊的草地上,也不會有人理!


服務中心和湖畔碼頭的幾座小木屋,於華燈初上時份更顯歐美小鎮風情

環湖走一圈也差不多日落西山,黃昏呈現湛藍色的湖面更覺寧靜舒泰。沿緩跑徑一直走返去服務中心那邊,「人氣」才回升返少許,還見到有幾對新人來拍婚紗照。服務中心的小屋其實與迪士尼一樣有點美國古老小鎮色彩,裏面除了辦理租用遊湖的水上單車和小艇登記手續外,也有零星紀念品售賣,服務中心旁邊則有間七仔,帶唔夠水的話可以在那裏補給。離開時終於在公園外找到穿梭巴士站,而且可直出青嶼收費廣場,不用半小時就可由這個「隱世桃園」重返「俗世凡塵」,只能用一個字來形容﹕「正」!

4 則留言:

  1. 回覆
    1. Mei:勁喎,我諗應該都幾好玩&浪漫吧^^

      刪除
  2. 之前去迪士尼 (Well,N年前) 時都唔知有呢個迪欣湖呢,睇相見到個環境都幾靚,下次到港又多佐個地方可以消磨 :D

    回覆刪除
    回覆
    1. Joice:係呀,係迪士尼另一邊,要專登行過去先會見到個湖㗎^^

      刪除