2011年8月16日 星期二

德福閣@旺角

Part time食探收左山一排,又係時候現一現身,喱次巡左去旺角,試試這間酒店的平價「蠔」情lunch buffet。


仕福德酒店二樓的福德閣

夏日炎炎其實出到旺角都幾身水身汗,沿火車路行左幾個街口先到,其實就在「咖喱大王」那條街(又即係舊底金聲戲院依家變左新寶戲院那條街),不太難找!酒店門面也幾新,可能剛裝修過,但大堂就幾舊!上到二樓福德閣,由於尚有10分鐘才開始(11:30am),人也不多,由於已先訂台(仲心諗咁拍烏蠅駛唔駛訂位呀),就先坐下傾偈吧!


擺食物的只有中間一張長長的bar台

無耐全廳陸續坐滿晒,唔怪得要訂位!不過台數不多,坐位也偏逼,但也是可接受的程度。時間一到即出動去拎野食!簡單巡一圈後,離不開都是一些中式點心、壽司、幾味冷盤(八爪魚仔和綠色一絲絲那種海哲皮),還有燒雞、排骨、炸魚頭、炒西蘭花雜菜、即切牛扒等幾味熱葷,不算有什麼驚喜。


食物種類不太多,比較特別是上圖那個小袋子,其實裏面係炸蝦

值得一讚係除了有中西湯之外仲有粥選擇,粥料任配,也剔了一碗皮蛋鹹瘦肉粥捧下場吧!細細一碗食左都唔見飽,正!此外,基爾重點「喉住」的甜品也不俗,有日本芝士餅、chocolate mousse、芒果布甸、幾款果撻仔、?喱、生果沙律等等,張台最尾尾仲有人煎pan cake同有個朱古力塔,好彩唔太多細路搞搞震!


無辣不歡的友人竟帶私伙辣椒油上陣 / 甜品是中上水準

結果坐下食下傾下,到2:30pm就收工,整體評價是正面的,食物補充亦算快,不會有缺貨等食情況,以埋單$110 per head(友人有coupon)計算,都算係抵食之選。至於為何明明係「蠔」情lunch buffet(個名其實有少少似鹹片),點解講完一大餐都無講蠔架呢?答案係因為基爾要戒口所以無食到,不過見蠔的size不大,友人食過評語係average,不過以喱個價竟然都有蠔提供,都算係咁架啦!
 
德福閣 Stanford Cafe
旺角豉油街118號仕德福酒店閣樓

沒有留言:

張貼留言